كيف أحفظ القرآن كاملا ؟

السلام عليكم ورحمة الله وبركاته

أنا نويت إني أبدأ أحفظ القرآن

وليكن هذا المنتى هو الباية

م تقولش أصلي ضعيف في الحفظ

أو مش فاضي

لقد من الله عليا بذاكرة يجب أن استغلها لحفظ كتابه الكريم

أما عن الخطوات العملية

أولا انا ناوي إن شاء الله أتابع الناس اللي هتحفظ أولا بأول مهما كان

ولن أمل بإذن الله

ثانيا لن يكون هناك أي فخر من أحد بأنه يحفظ أكثر

وإنما هى منافسة عظيمة



أنا بأكد تاني إن شاء الله أنا هتابع الموضوع يوميا

ثالثا ياريت نبدأ بجد من دلوقتي

كل user ناوي إنه يحفظ

يكتب بالتفصيل هو فين دلوقتي وكان حافظ قد إيه ولو بيحفظ بيحفظ فين وناوي يبدأ منين

كل شئ يا ريت أنا لن أهمل أحد

وعايز أشوف همتكوا بقى

وتذكروا الموضوع ملزم لكل اللي ناوي بجد

ومش هاتقل على أحد بالكتير وجه في اليوم

مراعاة للظروف اللي كلنا عايشنها في الكلية والأهل وحياتنا بصفة عامة

وياريت م حدش يزعل مني من كلامي اللي كتبته قبل كده

السلام عليكم ورحمة الله وبركاته

وانا ان شاء الله اول المشاركين واريد ان ارى الهمم المرتفعة مستنيين ايه كل منكم يكتب بسرعه انه سيشترك وانا تشجيعا منى لذلك سوف اخصص هدية لكل من يحفظ جزء فوق حفظه والسلام عليكم ورحمة الله وبركاته وجزاك الله خيرا يا حسن

السلام عليكم ورحمة الله وبركاته

يا ريت تقول حياتك مع القرآن بالتفصيل

واللا إنت خاتم القرآن واللا إيه

السلام عليكم ورحمة الله وبركاته

إيه يا جماعة محدش ناوي واللا انتوا لسة زعلانين

انا اعتذرت خلاص لكل اللي غلط في حقه

عموما انا مش هيأس

السلام عليكم ورحمة الله وبركاته

السلام عليكم ورحمة الله وبركاته

ياللا يا جماعة وروني همتكوا

جربوا وإن شاء الله مش هاتندموا

وأنا برضه مش هيأس قال تعالى "واصبر نفسك مع الذين يدعون ربهم بالغداة والعشي يريدون وجهه...." صدق الله العظيم

السلام عليكم ورحمة الله وبركاته

السلام عليكم


ربنا يكرمك يا حسن


جزاك الله كل خير عن الموضوع ده

ربنا يجعله في ميزان حسناتك


انا عن نفسي بحفظ بقالي فترة


غير اني كنت حافظ قبل كده


علي فكرة انا كنت هأنزل موضوع زي ده بقالي فترة


بس المشكلة ان عايزحد يساعدني فيه علشان مشغول جدا


انا هأقولك زي ما طلبت


انا حفظت وانا صغير جزء عم ونص جزء تبارك

بس نسيت نص تبارك

ومحتاج مراجعة علي عم


وبالنسبة للحاجات التانية

فانا ساعات كنت بمسك المصحف وابدأ احفظ شوية في اي سورة

مثلا شوية في سورة البقرة


ومرة قعدت حفظت علي مرتين سورة الرحمن

وحفظتها تمام ، بس ما راجعتش فنسيتها

وانا جربت طريقة حلوة اوي

خليتني حفظت سورة يوسف في فترة قليلة

ولما عجبتني خليتني حفظت سورة الكهف بعدها

وان شاء الله انا شغال دلوقتي في سورة يس وسورة الواقعة


المهم ان الطريقة دي هي اني بشغل السورة علي الموبايل وانا سايق

مرة في اتنين ، بلاقي نفسي بأردد بعض الايات


ومن هنا بأوصل الي اني حفظت السور كاملة


وكنت جربت الحكاية دي وانا في الثانوية العامة

كنت بأقطع جزء من السورة عالكمبيوتر وافضل مشغلها

وفي وقت قليل بألاقيني حفظتها الحمد لله وانا بذاكر وبدون جهد


مجرد انها شغالة جنب ودني ، فمخي لقط الكلام


وزي ما قولتلك بقيت اشغل السور كلها دلوقتي وانا سايق العربية

فبرضه مخي بيلقط الكلام



فممكن لو نحدد سور ونقطع أجزاء كده وكل فترة جزء


فايه رأيك يا جميل

وربنا يكرمك عالموضوع ده

السلام عليكم ورحمة الله وبركاته

قال تعالى "عفا الله عما سلف......الآية" المائدة

والله أنا فرحان إن في حد استجاب أخيرا

عموما أنا مش هاطول

معلش ياريت تكتبلي الأوقات اللي إنت فاضي فيها للحفظ بجد

حتى تكون ملزم بكلامك

وربنا يبارك فيك ويتم عليك القرآن. آمين

السلام عليكم ورحمة الله وبركاته

السلام عليكم هذا اول المشمرين بالخير شكرا لاستجابتك يا admin انا فرحان بذلك وارجو ان يشارك باقى اعضاء الفريق وانا فرحان بروح الاخوة العظيمة هذة وارجو الله ان يديمها علينا والسلام عليكم ورحمة الله وبركاته

السلام عليكم ورحمة الله وبركاته

ربنا يكرمك يا حسن على فعلك للخير
وإن شاء الله أكون معاكم ... وزي م قلتلك إني هحاول أخليها كل جمعة إن شاء الله
وربنا يقدرني لأني مش عايز أوعد بكم كبير ومقدرش أوفي بيه
أنا الحمد لله كنت حافظ برضه زماااااااااااان أوي جزء عم و تقريباً كنت قربت أخلص تبارك كان فاضلي سورتين .... دلوقتي مش فاكر منهم الحمد لله غير الفاتحة
إيه ده الفاتحة في الأول
لأ فاكر حاجات كتير لكن محتاجة مراجعة وفيه حاجات عايزة حفظ تاني وأنا كبير طعم الكلام بيختلف ومعانيه بتحلو غير زمان واحنا لسة صغيرين وبنحفظ وخلاص
ربنا يقدر الجميع إن شاء الله وربنا يكرمك

انا النهاردة خلصت كورس من اللي باخدهم


وان شاء الله اقدر احفظ مرتين في الاسبوع

السلام عليكم ورحمة الله وبركاته admin

إن شاء الله تراجع بداية من سورة النبأ حتى سورة التكوير

(النبأ النازعات عبس التكوير)

وبالنسبة للجديد أول ربع في سورة البقرة إنشاء الله

يبقى كدة مرتين

توكل على الله وانوي بجد واسأل الله العون

بما إنك مش محدد الميعاد فليكن الرد إن شاء الله السبت القدم بإذن الله

السلام عليكم ورحمة الله وبركاته

السلام عليكم ورحمة الله وبركاته hanzala

إن شاء الله آخر حزب في القرآن

(الاعلى الغاشية ................الناس)

توكل على الله

ولا تنسى الرد يوم الجمعة إان شاء الله

يا ريت تسمع أول ربع في سورة البقرة من مشاري "عشان إنت بتحبه" من هنا حتى يوم الجمعة

عشان نبدأ الجديد إن شاء الله من يوم الجمعة

لا تقلق مفيش أي تعب إن شاء الله

فهذه تجارة لن تبور بإذن الله

السلام عليكم ورخمة الله وبركاته

بس معلش يا حسن


ان شاء الله بتتكتب كده

مش انشاء

كده غلط

sorrry

السلام عليكم ورحمة الله وبركاته محمود

ابعت ياحبيبي تفاصيلك عشان تبدأبسرعة

السلام عليكم ورحمة الله وبركاته

عُلم وجاري التنفيذ إن شاء الله
أنا طبعاً بتكلم على موضوع جزء من سورة البقرة .. لكن جزء عم ده مما لا شك فيه إن شاء الله
وربنا يقدر الجميع

السلام عليكم انا حافظ عم وتبارك ومحناج اراجعهم ومقدرش اسمع غير قبل او بعد الحاضرات (يعني الاتنين اوالخميس بعد او السبت والثلاثاء قبل المحاضرة ) وجزاك الله خيرا

السلام عليكم ورحمة الله وبركاته مجدي

إن شاء الله تحاول من ها حتى الأسبوع القادم

مراجعة جزء عم بالكامل

وأرجو سماع أول ربع من البقرة

وأتمنى الرد يكون يروم اليبت القادم إن شاء الله

ربنا يبارك فيك ويرزقك الهمة العالية

السلام عليكم ورحمة الله وبركاته

السلام عليكم
معلش هوا موضوع ده للولاد بس ولا ايه ؟؟
عشان لو كده نعمل موضوع ده في ساحه بنات ؟؟

وربنا يكمركو ويقدر علي حفظ كتابه يارب

لا للجميع ان شاء الله

طبعا بعد اذن صاحب الموضوع


بس طبعا البنات حد منهم يتطوع في انه يمسك الموضوع زي حسن


وربنا يكرمنا

السلام عليكم ورحمة الله وبركاته مجدي

إن شاء الله نحفظ آخر حزب من المصحف

(الأعلى الغاشية ........................الناس)

وأتمنى سماع أول ربع من البقرة

(أقصد بالربع ربع الحزب )

متزعلش إني تقلت عليك

السلام عليكم ورحمة الله وبركاته

السلام عليكم ورحمة الله وبركاته all

أرجوا ممن شعر أني مثقل عليه أن يخبرني حتى أخفف

وأسأل الله أن يهديني وإياكم

السلام عليكم ورحمة الله وبركاته

جزاك الله كل خير يا حسن على هذا الموضوع و أرجو مساعدتك لى فى حفظ القران و أسألك الدعاء

لسلام عليكم ورحمة الله وبركاته

اكتب حياتك مع القرآن

معلش يا خلوووووووووووووود

أنا نسيت يا حبيبي متأسف

السلام عليكم ورحمة الله وبركاته

ياللا يا جماعة حاولو ومش هاتندموا إن شاء الله

صدقوني مفيش أي تعب خالص