اتعلمت ايه النهاردة ؟؟

السلم عليكم حلوة موت الفكرة دي يا ندا بجد وان هبدا وقول ان لية واحدة صحبتى لما بتيجى تاكل اي حاجة حتى ولو حاجة كدة صغيرة انا مديهلها بسكوتية بتقول بسم اللة الرحمن الرحيم وانا قبل كدة مكنش بقول كدة الا لما تكون اكلة يعنى سا عات بنسى وانا بدوق اي حاجة من المطبخ

انا اتعلمت النهاردة انى لازم ما اصدقش كلام الدكاترة عن الامتحان

و اتعلمت انى لما الاقى اربعتاشر ميسد كول من نمرة غريبه و بعدهم رساله كلمنى من واحدة صاحبتى مش لازم تكون هى اللى رنت كل دة ههههه



ها اللى بعدى اتعلمت ايه ؟؟؟؟؟

جميل يا بسبوسه اللى اتعلمتيه و فعلا عندك حق الواحد ساعات بينسى لما تكون حاجة صغنتوته

بسم الله الرحمن الرحيم فى اول كل شىء و اخره

جميله اوى الفكره دى يا ندى لاننا فعلا طول ماحنا عايشيين بنتعلم من بعض ونعلم كمان بعض
انا كان فى شخص فعلا علمنى حاجه جميله انه لما بيكون حزين او زعلان كان بيحاول يضحك فى وش الناس وكمان كان بيضحكهم وما يحبش ينكد عليهم
علمنى معنى جميل اوى فى الحياه(ان اكتر الناس بتضحك هى اكتر الناس جواها احزان )ومن ساعتها وانا بقيت اعمل زيوا وهو مايعرفش انى اتعلمت منه او حتى انى خدت بالى من المعنى ده وربنا يكرمه ويكرمكم كلكم

فعلا يا هدهد كتير تكون الناس حزينه بس بتضحك
بس تعرفيهم لما تلاقيهم سكتوا شويه بيبان فى عنيهم الحزن حتى لو كانوا بيضحكوا

انا بقي اتعلم ان لازم

اخد بالي من حاجات ما كنتش باخد بالي منها

طبعا اتعلمتو من الكلام بتاعي صح

قصدك على اللى كنت بقوله قبلك و لا ايه ؟؟

انا النهاردة اتعلمت انى مش لازم اتبسط اوى اوى اوى من حاجة غير لما اشوف نتايجهها

وانا اتعلمت حاجه جديده جدا

الا وهيا
اني اتوقع اي شيئ من اي شخص عزيز عليا

يلا الحمد الله
وعلي فوق لا انا كنت بتكلم علي حاجه عندي

انا اتعلمت انى لما اكون زعلانه لازم ما تكلمش خاااااالص

و اسكت

و لازم ما اتناقشش

عشان محدش يزعل منى

كان فى حاجه اتعلمتها زمان من الزعيم (مصطفى كامل )وده من اكتر الشخصيات اللى عجبتنى وهى ان قوة الروح اهم من قوه الجسد والانسان القوى هو اللى روحه قويه مش جسده لانه كان جسمه ضعيف جدا وكان مريض ومعذلك قدر يعمل اللى ماعملوش ابطال فى الملاكمه وكان دايما يقول (الحمد لله الذى جعل قوه روحى اكبر من قوه جسدى )

جميل اوى يا دودو

انا برضه اتعلمت منه عدم الاستسلام للياس
اد ايه هو كان فى وقت كل الناس اللى حواليه وحشين و اللى معاه اتخلوا عنه و هو قال لا ياس مع الحياةو لا حياة مع الياس و فضل يقاوم

الله يرحمه و يرحم كل المسلمين

و انا اتعلمت امبارح
ان قد ايه شىء جميل ان يبقى اصحابك متدينين

تبقوا على المسنجر قبل الفجر و فجاة تقرروا تقوموا تقروا قران
تبقوا خارجين و وقت الصلاة تروحوا تصلوا فى اى مكان كنتوا فيه
تتصل بيكى يوم الجمعه تقولك متنسيش سورة الكهف
تتفقوا على الصيام مع بعض
واحدة تلاقى التانيه اتصرفت غلط فى حاجة \ لابسه لبس مش نافع اوى \ قصرت فى اى حاجة \ غلطت فى حد

تروح التانيه تقولها لا و تنصحها


بجد احلى حاجة

اتعلمت النهاردة انى ممكن احفظ القرآن كله في زمن قياسي

وربنا يعينى على فعل هذا

و انا اتعلمت خلال الكام يوم اللى فاتوا

ان الناس مختلفه تماما على النت عن عالحقيقه

و ان الانسان لازم يبذل كل جهده عشان يتعلم

و ان اجمل شىء انك تشوف الفرحه فى عيون الناس و انت السبب فيها

و ان مش شرط الناس اللى انت معتبرهم شىء مهم و كبير اوى فى حياتك تكون انت كمان شىء مهم و كبير اوى فى حياتهم

فعلا معاكى حق فى الكلام ده


والحمد لله انا اتعلمت برضه من خلال الناس اللى عرفتها عالنت


انه رغم ان التمثيل ممكن يكون هو كل التعامل عالنت بين اغلب الناس


لكن فيه ناس لا يمكن تمثل ابدا

وفيه ناس عرفتها بالصدفة ، ولا عمرى شوفتها ، بس لو كنت طلبت منها ايه ، كانت بتعملهولى ، وكل اللى اعرفه في الناس دى ، هو اسمها ، ودايما كمان بنساه ، رغم انه ممكن يكون مصمم لى حاجة حاططها عالموبايل وبشوفها على طول ، او حاجة عالكمبيوتر


والناس دى حسستنى بمدى اد ايه هما ناس كريمة وصادقة


وفيه ناس تانية ، ما بتقعدش عالنت الا لما اكون انا موجود ، وبينا مشاعر اكتر من الاخوة ، ودول ناس بالنسبة ليا اكتر من نفسي وبعتبرهم توأمى وتوأم روحى ، مع ان ظروف التعارف ممكن تكون غريبة جدا ، وكل واحد كان في بلد ولا عمرنا شوفنا بعض


وفيه ناس ما تعرفكش غير علشان تاخد منك حاجة


فيه وفيه

بس مصمم ان الكلام اللى بيطلع من القلب ، بيدخل القلب على طول ، الا قليلا مما يتقنون التمثيل

انا بصراحة اتعلمت انهارده ان الحظر لا يمنع قدر بجد
لدرجت ان وانا واقف مع احد اقاربى اتسرق موبيله (اتنشل) باسلوب جهنمى (ينفع فليم اجنبى)

طيب لو ينفع تقول الطريقة ، علشان نتعلم ناخد بالنا منها

انا بقي اتعلمت نفس الحكاية


بس بطريقة تانية


يعنى لازم كنت أأمن نفسي ، علشان ما يحصليش حاجة وحشة زي اللى حصلتلى امبارح



يللا الحمد لله


تانى مرة الكل يقدر البلاء قبل وقوعه ، علشان لما يقع ، يكون محتاط له


لأحسن هيشوف يوم زي اللى شوفته امبارح كده

الحمد لله على كل شء

الطريقه مضحكه جدا لدرجه ان الحرامى لما اخد الموبيل من جيبه حط مكانه موبيل لعبه وكان فى احداث شد وجذب تانيه

هههههههههههه


لا جامدة


وربنا يكرمك عالتنبيه

انا اتعلمت انهرده اننا شعب بجد لو حبينا حاجه بنتعب وبنضحى عشان نحققها بجد

لو قدرنا اننا نوحد هدفنا ورغبتنا فعلا فالتغيير انا واثقه اننا هنقدر بتوفيق من ربنا
ان شاء الله

انا خايفه اتعلم من الظروف اللى بتواجهنى حاجات غلط

يعنى افهم غلط

تفتكروا اعمل ايه

طوول عمرك كلامك جميل يا هدهد ربنا يكرمك

عامله ايه يا حبيبتى طمنينى عليكى

الفتره دي الواحد خد درس في الامتحانات و الدرجات اللي تحزن لان في ناس معانا جابوا درجات مش كويسه حاجه تزعل بس الحمد لله علي كل شيء