اتعلمت ايه النهاردة ؟؟

المهم اننا نحاول نتعلم صح
من النتيجه و الظلم و او عدم الظلم و نخليها تكون دى دافع لينا لمزيد من التقدم مش التاخر

و نبص للجانب المشرق من الشىء

يعنى ناا امبارح كنت مكتئبه لانى لقتنى ناقصه الترم دة عن الترم اللى فات 18 درجه

لكن لما اعدت احاول اطمن نفسى بصيت للجانب الكويس ةو هو انى زدت تقديرى عن السنه اللى فاتت بكتير

و ربنا يكرمنا جميعا

جزاكى اللة كل خير بس على فكرة بجانب كلمة الحمد للة لازم نكون فعلا مقتنعين من جوانا ان دة قضاء ربنا والحمد للة ولا الة الا اللة وان للة وان الية راجعون لاتنسونى فى الدعاء

انا اتعلمت بعد النتيجه ان مش كل اللى بيحسبه الانسان بيطلع صح

الحمد لله على كل حال

و بجد الواحد مش عارف الخير فين

لازم نبقى مقتنعين ان الله لا يضيع اجر من احسن عملا

و اكيد اللى بيحصل فى النتيجه ده ربنا هيعوضهولنا فى شىء تانى و اكيد احلى

ركزوا بس كويس و هتلاقوا ربنا جابلكوا حاجة احسن من الدرجات دى

و بعدين الله اعلم

مش شرط التقديرات تكون هى السبب فى انك تلاقى شغل كويس مثلا

الشغل دة رزقك و مكتوبلك و هتاخه مهما كان

طل انا بابا لما لقانى متضايقه و انا جايبه جيدجدا اعد يضحك عليا و قالى انه كان بيدعى انه بس يطلع منغير مواد و انه مرة شال مادتين
و الحمد لله هو ناجح جدا فى شغله

و يا ما ناس اتخرجت بتقديرات عاليه وعملت دراسات عليا و ملقتش شغل عددل

دة رزقنا و نصينا و هنلاقيه مهما حصل

و انا سمعت عن واحد فى التليفزيزن معاه دكتوراه و ملقاش شغل فاضطر يفتح محل لبيع الخضار و الفواكهه عشان يقدر يعيش !!!!!

فيعنى محدش عارف الخير فين

هو بس الواحد بيزعل انه يتعب فى حاجة و ميلاقيش النتيجه المتوقعه
بس بنحاول نصبر و نرضى و نقول اللهم اجرنى فى مصيبتى و اخلفنى خيرا منها
و اكيد ربنا هيعوضنا بشىء احسن بكتير

الحمد لله

صح يا ندى كلامك جميل جدا

فعلا الواحد مش عارف الخير فين وبجد الشغل دا نصيب المهم انك عملت الي عليك وزاكرت كويس

وبعدين احنا فكل الحالات مخسرناش حاجه لأننا اتعلمنا حاجه

يعني لو كان هدفنا هوه طلب العلم بجانب النجاح كنت عالاقل حسيت انك حققت نص اهدافك

والشغل دا بجد نصيب انا اخويا الكبير اهوه اتخرج من تجاره وكان جايب مقبول

عشان كان فتجاره اسكندريه وظروف الدراسه ووسفرنا كانت صعبه جدا

بس هوه كان مجتهد جدا فدراستو وبيعمل الي عليه وكل الي يقدر عليه

عشان كده والله ربنا كرمه واشتغل شغل كويس الي كان عايزه

بس بجد بمعجزه متتصوروش قد ايه فرحنا وخصوصا بابا

الحمد لله

بجد انتو اعملو الي عليكو واعرفو ان ربنا مش بيضيع اجر من احسن عملا

يعني عملك الكويس هتلاقي اجره فالدنياا قبل الاخره باذن الله


ربنا يكرمنا جميعا ويرزقنا الاخلاص والاجتهاد فالعمل والدين يااااارب

يااااااااااه يا رورو
متتخيليش كلامك فرحنى اذاى

انتى فكرتينى بحاجة انا كنت دايما اقولها
انى هدفى الاساسى التعليم
و بحب اتعلم صح و اذاكر باسلوب صح و مغشش

بس ذى ما تقولى يا بنتى نسيت الموضوع ده خالص
و الايام اللى فاتت كان ذى ما تقولى كل همى انا ترتيبى ايه و المجموع التراكمى بقى قد ايه و بتاع غيرى قد ايه

و اكنى داخله عشان بس التقدير بغض النظر عن انا اتعلمت ايه

بجد اهم حاجة احنا نشوف احنا اتعلمنا قد ايه

يااااااه دة احنا اتعلمنا حاجات كتيرة اوى السنه دى

مش بس الدراسه
كمان اتعلمت حاجات تانيه كتير الحمد لله

و كسبت ناس كويسين اوى

و انا النهاردة لسه شايفه بمبونى ذى بمبونايه كان مرة مديهالى د عادل مبروك

انا كنت زعلانه بعد النتيجه من الادارة و من الدكتور شويه

بس افتكرته النهاردة و انه كان قد ايه دكتور شخصيته حلوة اوى
كان كل ما نقف معاه يدينا بمبونى

مش عشان شغل عيال يعنى هفرح بالبمبونايه
بس المعنى نفسه

جميييل اوى
و بجد الدكتور دة انا حاسه انى كسبت شخص مهم جدا و عنده خبرة لما ادانى و كان عارفنى و اتصل بيه فى التليفون لما كنت عيانه مرتين و كان بيرد على ايميلاتى

بجد انا فخورة اوى بدة

و دالحاجات دى عوضتنى عن ان الدرجه مش عاجبانى اوى

و المهم انى فهمتها كويس و استوعبتها

و انى ان شاء الله اكون انسانه كفء

و الدرجه دى اكيد ربنا كاتبهالى لحكمه معينه فيها خير



انا مبسووووووووطه


معلش جايز كلامى ملخبط و مش مرتبط ببعضه

بس بجد مبسووووطه الحمد لله

ربنا يكرمك يا ريمو يا قمر

فعل الشغل علاقة بالتقدير مش 100% فى حاجلت تانيه ومهمة وانا بتدرب فى مكان فيه واحد دفعة السنه اللى فاتت ومش خريج تجاره ده خريج معهد تعاون
وتقديره مقبول بس ماشاء الله بيعمل كل حاجة ونشيط اوى ويبذل كل جهده علشان كده اتعين فى المكان ده بمرتب عالى

ربنا يكتبلنا كلنا الخير و يرزقنا من حيث لا نحتسب

استغفروا الله كتير

وحدوا الله كثيرا

لا اله الا الله
لا اله الا الله

لا اله الا الله

و انا اتعلمت حاجة من سيدنا عمر بن الخطاب اتمنى اعلمها دايما

كان دايما لما يحصله اى حاجة تزعل كان بيبقى راضى بسبب 4 حاجات بيعملها

انه يحمد ربنا ان هى مكنتش فى دينه
و يحمد ربنا ان هى مكنتش اكبر منها
و يحمد ربنا لانه هيؤجر عنها و ياخد ثواب يوم القيامه
و يفتكر اكبر مصيبه حصلتله و هى انه فقد الرسول عليه الصلاة و السلام


اكيد لو اى حد فينا حصلله اى ابتلاء و طبق لموضوع دة هيبقى مبسوط و راضى ان شاء الله



و كمان نتعلم نبص للجانب المشرق دايما من اللى حصله

يعنى لو واحد بعد الشر شال مادة
يحمد ربنا ان ربنا نجحه فى الاربعه
و هكذا

و دايما نقول فى الصباح و المساء 3 مرات
رضينا بالله ربا و بالاسلام دينا و بسيدنا محمد صلى الله عليه و سلم نبيا و رسولا

الرسول عليه الصلاة و السلام قال ان اللى يقولها 3 مرات حين يصبح و يمسى كان حقا على الله ان يرضيه يوم القيامه




و لما هنبقى راضيين هنعيش دايما فى سعاااااادة ان شاء الله

سلام عليكم و رحمة الله و بركاته

و ادعوا لعمرو خالد عشان هو اللى اتعلمت منه ده
و ادعولىىىى و ادعوا لكل المسلمين

انا اتعلمت ، ان في زمننا ده ، لازم الانسان يكون ماكينة


ليس لها شعور واحساس حقيقي

بل هو بغبغاء يردد كالحاسب بعض الجمل الثابتة


ويعمل دون ان يشكو كالحاسب الالى

وليس له اكثر من ذلك


واكيد رأيي ده مش هيعجب حد

اه اكيييييييد

الانسان لازم يتكلم و يردد اللى هو نفسه يقووله بس مادام شىء مش غلط

و لازم يتعامل مع الناس معامله جميله حلوة

و يشوف الناس اللى بيحبوه و بيخافوا عليه و يهتم بيهم و يكون معاهم
و الناس التانيه الوحشه ينفضلهم خالص و ميهتمش بيهم
الا لو كان هيحاول اصلاحهم

بس فى الاخر الانسان لما يتفائل و يرضى و يعمل اللى يرضى ربنا و يقرب من الناس الكويسه هيعيش سعيد و هيحس انه انسان بيحب الناس و يحبوه

اما لو تشائم و بص بس للناس اللى مش كويسه اللى متستاهلش هيبقى مكتئب و مش هيحس باهميته

فى جمله سمعتها من ابراهيم الفقى عجبتنى
دايما يقول متشوفش نفسك قليل انت احسن مخلوق على وجه الارض ربنا خلقلك كل الكون دة عشانك انت

فلام نعيش بتفاؤل و رضا ونبص للى بيحبونا هنكون مبسوطين ان شاء الله

و يتجاوز فترات الاكتئاب دى بسرعه و يصلى ركعتين و هيلاقى نفسه فوق

و كفاية كدة حاسه انى عماله بكرر نفس كلامى
اسفه ان كلامى مش مرتب دلوقتى





و انا بقى اتعلمت ان فى ناس كتير متشائمين
بس التشاؤم سبب كبير للفشل و الامل هو اساس النجاح
انا لما كنت الترم الاول مصرة اطلع الاولىو بدعى من كل قلبى طلعتها
لكن الترم التانى يمكن مكنش عند نفس الهمهو يمكن مدعتش كتير ذى الترم الاول للاسف مع انى ذاكرت نفس المذاكرة تقريبا لكن محققتهاش

الامل و الثقه و التوكل على الله هو اساس النجاح و السعادة

كلامك جميل يا نودي

وبلاش تشاؤم يا ياسو

ودايما متعملش حاجه انت مش عايز تعملها ابدا

معلش انا عايزه اتكلم اكتر من كده بس عشان بحضر نفسي للسفر

هتوحشوني جددا مع اني مش بشوفكو

بس احتمال مقدرش اقعد عالنت كتير لما اسافر

وكمان انا مش ضامنه ايه الي ممكن يحصلي فالطريق

عشان كده ياريت تدعولي ولو حد زعلان مني فحاجه منغير قصدي انا بعتذر


السلام عليكم ورحمه الله وبركاته

تروحى وتيجى بالسلامه ان شاء الله يا رورو
بس ياريت قبل ما تسافرى ليا عندك 75 قرش كنتى سالفاهم منى ياريت ترجعيهم

تروحى و تيجى باسلامه يا ريمو يا قمر

و متنسيش عايزين نتقابل على الحدود بقى هههه



و انا كنت اتعلمت انى عشان اكسب حب الناس اندهلهم باحب الاسماء اليهم

صح الانسان لازم يتاكد من الشخص اللى قدامه الاول كويس


و انا اتعلمت انى لو حبيت اى حاجة و سعيت ليها هنجح فيها و اوصل ليها ان شاء الله

الا لو ربنا موفقنيش فاكيد دة هيكون خير

ان شاء الله


و متنسوش 13 و 14 و 15

انا اتعلمت ان مش كل الا الانسان يعوزه بيتحقق الا لو سعى وراها بكل عزم"السماء لا تمطر ذهب"

واتعلمت انه صعب يحصل تالف بين شخصيتين مختلفين حتى لو كنوا قريبين اوى

و انا اتعلمت حاجة من القران
و هى ان الانسان المؤمن اقوى من اى حاجة تانيه
لانه مبيعتمدش على قوته المحدودة انما بيعتمد على الله القوى القادر على كل شىء سبحانه و تعالى

و الحكايه دى فى قصة سيدنا سليمان لما سال مين يقدر يجيب عرش بلقيس

فالجنى قاله انه يقدر يجيبه قبل ان يقوم من مقامه

انما الانسان المؤمن جابهوله قبل ان يرتد اليه طرفه (عينه ترمش يعنى )

و انا قريت فى كتاب التفسير ان الذى عنده علم من الكتاب و اللى مذكور فى القران انه جابه قبل ان يرتد الى سيدنا سليمان طرفه دة كان واحد مؤمن و كان عارف اسم من اسماء الله الحسنى و الاسم دة اللى بيدعوا ربنا بيه بيستجيبله
فهو دعا فالعرش جه علطول


و سمعت فى اذاعة القران الكريم ان الرسول عليه الصلاة و السلام كان بيقول اللهم انى ادعوك باسمك الذى دعاك به الرجل الذى عنده علم من الكتاب (او كما قال الرسول صلى الله عليه و سلم )

او كان بيدعى بيقول اللهم انى اسالك باسمك الطيب الطاهر الذى ان سالت به اجبت و ان استعنت به اعنت و ان استرزقت به رزقت ....( مش فاكرة النص اوى للاسف )



بس المهم اللى اقصدة ان الانسان لو ايمانه قوى و مستعين بالله فى كل شىء هيبقى اقوى من اى حد حتى لو الجن

و ربنا يعينا كلنا و يقوى ايماننا


سلااااام علييييكم و رحمة الله و بركاته

أنا شوفت أخوات قبل كده أتخانقو مع بعض وأتخصمو ومبقوش يتكلمو مع بعض وجه يوم واحد منهم مرض فالتاني قعد يعيط عليه ولما خف فرح

وأتعلمت أن مهما كثرت الخلافات بين صاحب وصاحبه أو أب وابنه أو أي حد
فهما هيفضلو أصحاب مهما حصل وأن الحب شئ حقيقي وليس كلام على ورق

صح مهما حصل بين الاخوات بيفضلوا الحمد لله بيحبوا بعض

انا اتعلمت ان محدش بيرزق من الهوء او بمعنى اصح محدش بيتولد فى بقه معلقة دهب ولكن لكل مجتهد نصيب

طبعا

و انا اتعلمت انى لما اقرا القران او اسمعه بتدبر بيبقى اجمل شعور فى الدنيا

يعنى ساعات كنت بمر على ايات سورة النساء اللى بتتكلم عن المواريث منغير تدبر لكن لما تدبرتاه و حسيت ان اد ايه ربنا بيعدل بين الناس و عايزهم يحافظوا على حقوق بعض و اد ايه ديننا بيكرمنى كبنت بعد ما كان قبله بيؤدوها و مبيدوهاش اى شىء من حقوقها

بجد لما نتدبر اى ايه هنلاقيها اجمل بكتيييير من لما نقراها و نعدى عليها بسرعه



يار ب اكرمنا و ارزقنا تلاوة القران و تدبر اياته و حفظه و السير على منهجه


سلااااااااام علييييييكم و رحمة الله و بركاته

انا اتعلمت حاجات كتير اوى امبارح

انا اتعلمت