قول اللى فى نفسك

-------------------


متنسوش بكرة سورة الكهف ان شاء الله

ربنا افتح بيننا وبين قومك بالحق وانت خير الفاتحين

ندى كتب:

هو انتوا ليه معتبرين نفسكوا كبار اوى ..او معتبرين فداء صغيرة اوى

مش عارفة هو انا مبحسش بفرق فى السن و هى اصلا سنة و كام شهر

مش قصدى زي البنات اللى بيصغروا نفسهم ..انا بعتز بسنى اوى و عاجبنى العشرين دى بالذات

لكن بس بستغرب من كلامكم من ايام لما كانت حتى فداء 18 سنة كنتوا محسسنى انكوا بتتكلموا عن طفلة

و احنا 18 دى كنا فى تانية و تالته

مش فاهمة ليه بقى عاملين فرق السن كبير كدة

مش الفكرة .. طبعاً إحنا ولا كبار ولا نيلة .. أو على الأقل بتكلم عن نفسي .. لكن أنا بتكلم عن السن .. زمان كان العيل يعني تافه .. والعيل كان بينطبق على سن من أول م يتولد لحد 10 سنين مثلاً .. من فترة بقت لحد 15 سنة عيل دلوقتي بقى اللي عندهم لحد 20 سنة عيال أوي وناس ما شاء الله في منتهى التفاهة وكلنا بنشوف نماذج من دي كتير أوي . طبعاً مش بتكلم عن حد في المنتدى لأن بجد انتوا ناس ناضجة كلكم .. بس الفكرة إن لما تلاقي حد تحت العشرين وبيفكر بتفكير كويس .. أنا عمري م بحب أربط حاجة بالسن .. مش علشان فيه شخص كويس يبقى نقوله إنت كام سنة و لو كبير أو متخرج يبقى جامد وفعلاً يستاهل ولو لسة في ثانوي ولا أول الجامعة يبقى لسة صغير ميفهمش زي المتخرج اللي خد خبرة الحياة .. خبرة الحياة مش بالسن .. بالمواقف اللي عدت .. وكل واحد خبرته مفيدة أو مضرة ليه على حسب شخصيته هو مفيش خبرة زي التانية من شخص لشخص
على العموم أنا كنت كاتب قصيدة وانا في أولى كلية كانت بتتكلم عن كدة لكن مكملتهاش والصراحة كانت مش من الناحية دي أوي بس ليها علاقة بالسن .. إن السن مش عامل حاسم في كل الأمور

الجيل الجاي هيتقال عليه راجل من 13 سنة .. أنا أعرف ناس كدة بس للأسف مش ولاد .. كام بنت في إعدادي كانوا بيدونوا وبيعلقوا عندي في البلوج وطلعوا لسة في اعدادي و 15 أو 16 سنة وما شاء الله ناس ناضجة .. يارب الولاد كمان يبقوا كدة

معلش طولت وده مش مكانه خالص فنقلت التعليق من هناك

قوم نام يابني عشان تقدر تجيلنا فايق بكره عشان تبقى تصحيني بكره لو لقتني نايم

والله عندك حق
أنا فعلاً كنت لسة بقول أقوم أنام بقى
يلا تصبح على خير وإن شاء الله هرنلك لحد م تكنسل الساعة 8 كدة ؟ ولا إيه؟

ماشي يا سمير متشكــــــــــــــــــر

يا بختكم هههههههههههههههههههههههههه

مضايق من المنتدى

وزعلان على الحال اللى وصله

Admin كتب:

يا بختكم هههههههههههههههههههههههههه

ههههه ايه الحقد ده ياعم هشام
وانا أقول انا صاحي وعايز أنام تاني من ايه أتااااريك
طويب استنى عليا بس

Professor كتب:

مضايق من المنتدى

وزعلان على الحال اللى وصله

إن شاء الله خير

عفوا يا سنو
ومتشكر على دعواتك ويارب دايما نكون عند حسن ظنك

علي فكرة فعلا صبري يستحق الشكر يا سنو


ربنا يكرمه علي شعوره الطيب


ولو كنت دخلت بدري برضه ، كنت زمانك بتدعيلي انا كمان ههههههههههههههههههه



وبالنسبة لبروفيسور


المنتدي في حال كويس ان شاء الله

مش شرط المنتدي ذات نفسه

بس كفاية التجمع بتاع النهاردة


الحمد لله

بجد كان يوم تحفففففففففففففة



ربنا يكتر من ايامنا الحلوة ياااااااااارب

آه يا جدع و الله

وبعدين أنا فات عليا فترة الدعاء .. خلاص أجي السبت الجاي بقى بدري شوية إن شاء الله

صح يا بروف .. اليوم كان ناقصك النهاردة وناقص كل اللي كان ناقص ؟!

بس كان اليوم كويس ومثمر إلى حد كبير خصوصاً في ثلثه الأخير

----------------------

بس أنا حصل حاجة خنقتني أوي ملهاش علاقة بالاجتماع خالص .. لكن بجد عكننت عليا أوي
مفيش فايدة ... مش هيحصل أي تغيير في الحكاية أكيد .. يلا قدر الله

يااااا الله
تاني ؟ برضه بتاخدي الموضوع بحساسية زيادة عن اللزوم!
كلنا هنا محدش بيقصد حاجة وحشة إطلاقاً وأكيد كنا بنتكلم عن ظاهرة عامة .. انتي قولتي إن الحمد لله كويس أوي إنك كنتي في بيئة كويسة .. هو بيقولك دي نعمة احمدي ربنا عليها لو كانت مش عاجباكي ( اللي هو قصده أمال لو شفتي العذاب الي احنا فيه ؟) في الجامعات دي يعني
لكن انتي قولتي لأ الحمد لله كانت بيئتك كويسة والحمد لله محصلش تأثر وكله تمام

إذن

أين المشكلة ؟

خلاص ؟ انتهى البيان

بالظبط
انتهى البيان وخلص الكلام
حصل خير سوء تفاهم بسيط

وانتهى البيان زى ما سمير قال

[ندعوك للتسجيل في المنتدى أو التعريف بنفسك لمعاينة هذا الرابط]
thank you for these words .. sorry we are just began our tak in English
snow white .. cheer up now we can write your nick name in english

ooh .. this is sunday

thanx for remember

yesterday was very nice
i'm very proud of us .. elhamdo l ELLAH

yes , hope we could keep in touch forever by Allah willing and it was really an engoyable meeting

[ندعوك للتسجيل في المنتدى أو التعريف بنفسك لمعاينة هذه الصورة]

wow .. for first time i couldnt get it .. but i noticed it now .. well done .. nice trick .. but what alot of messages? i have about 900 and im suffering to read them all nowadays

Allah be with you in that