يوميات شاب تجنيد !!

روحت الصبح علشان أجيب القيد العائلي من السجل المدني
اللي هو أصلاً كنت عامله من شهر و مفروض كنت أستلمه من اسبوعين
لما روحت أول مرة ضاع الورق
زيي زي ناس تانية كتير
لكن فيه ناس بتلاقي ورقها برضه
المهم قالولي جيب ورق تاني
اتنيلت جبت
و روحت تاني قالي كمان اسبوع .. قولتله و لما بضيع آجي تاني إمتى ؟
لأن ده الظاهر إنه عُرف عندهم لما تيجي تستلم ورقك بتروح و معاك نسخة تانية من الورق علشان الصدمة متكونش قاسية أوي عليك
يقولك الورق ضاع تروح مناوله نسخة تانية Sad

المهم طبعاً كل الناس مكانتش تعرف الخدعة دي و يا ما شوفنا rendeer

لكن النهاردة بقى
و في الصيااااااااااااااااااااااااااااااااااااااام اللي ناس كتير بتتحجج بيه
أنا بالفعل كنت في الضياع
روحت الصبح علشان أستلمه و خلاص لازم النهاردة علشان أقدمه النهاردة
و كنت ناوي أتخانق و أنا صايم ... و يا أنا يا هما ... الورق لازم يجي
و يا قاتل يا مسجون Twisted Evil

.. علشان طبعاً فيه ظباط هناك .. لكن على نفسهم م أنا مترشح ظابط برضه Cool

لكن المهم أخلفوا ظني و طلعوه الحمد لله بعد ساعة من الوقت اللي كنت روحته 9 الصبح
رغم إني و أنا بكتب إسمي لما خدت قلم من واحد لأني نسيته المرة دي
قولتله باينة كدة " سمير " ؟؟؟
قالي آه .. قولتله يعني متديش على " هشام " ولا حاجة ؟
بدل م يقولوا تزوير و لاحاجة ؟
أصل كان إقرار بإن البيانات صحيحة
المهم صاحبي اللي كان معايا و مقدمين معه بعض كان لسة مخدش ورقه
و هقعد مستنيه لحد الساعة 1 و طلعان عينينا ... علشان نروح نقدمه مع بعض
كنت ممكن أروح لكن قولت أستنى معاه علشان هو من النوع اللي هو " silent sufferer " Rolling Eyes

و كنت لازم أكون معاه .. طبعاً مش كل النهايات سعيدة كدة
كل م نروح للأمين " اللي هو مش أمين خالص " يقولنا أدامكوا للساعة 1 الضهر كنا هناك من الساعة 9 الصبح affraid

يعني صباح الشلل
المهم ... خلتني مستني و هما مفيش خالص كأن محدش وراه حاجة و عمالين يضحكوا قمة البرود elephant

( مناسب أوي الوش ده )
بالمناسبة كل اللي شغالين على الكمبيوتر و بيعملوا الورق ستات و الرجالة هما اللي شغالين بيلفوا يوصلوا الورق !!! Shocked

كنت لسة بقول لواحد معرفوش هناك
إن أومال ليه بيقولوا مفيش شغل في الحكومة و مفيش وظايف ؟
م هي الناس هنا مش شغالين أهو .. يعني محتاجين حد بيشتغل بضمير أو لسة فيه ضمير يشتغل بجد
المهم في الأوقات دي الواحد بيتكلم مع ناس و بيكتسب خبرة حياة برضه

و أنا فوق قولت أنزل أصلي الضهر أحسن لأن كمية العصبية و الغيبة والنميمة اللي كانت شغالة فوق بغض النظر عن شتائم البعض كفيلة بإن الواحد ينزل يعمل حاجة كويسة
نزلت و دخلت الجامع علشان أتوضى
حطيت الجذمة و روحت الوضوع بصيت لقيت الكولدير اللي هو عبارة عن إزازة زرقاء مقلوبة كدة ده موجود بكثرة في الجامع
دخلت اتوضيت و لما خلصت كان فيه كولدير تاني جوة روحت غسلت إيدي
و شربت " بق " كدة ... الكولدير كان عليه كوبايات لكني مش بحب أشرب فيهم بقرف الصراحة
شربت بإيدي كدة حاجة خفيفة رغم إني كان نفسي أشرب أكتر لكن كنت مستعجل ألحق أصلي السنة
و أنا بشرب طبعاً بدلدق على الأرض و ده كان مضايقني أوي 3tshan

لقيت واحد قاعد في الجامع بيبصلي كدة باستغراب !! Rolling Eyes

قولت هو بيبص كدة ليه ده ؟ أصلي بتضايق أوي من الناس دي ؟ م تخليك في حالك يا كابتن !!
المهم خرجت و دخلت على الجامع قولت يمكن علشان وقعت مية في الآرض mmmm

دخلت صليت ولما خلصت .. جاي أروح أشرب تاني
افتكرت !!! أخ ده أنا صايم affraid

شربت !! آه ولا أنا واخد بالي خالص ..
أتاري الراجل كان بيبصلي و أنا مش فاهم ليه ؟
المهم من الصدمة لما لبست الشراب كنت خارج حافي ... نسيت الجذمة جوة !! drunken

رجعت جيبتها و خرجت ..
قولت مكانش الواحد يشربله كدة حبة حلوين !؟
بس طلعت عطشااااااااااااااان جداً .. لأن المية كانت ساقعة

إيه حكم اللي يشرب مية ساقعة و هو صايم ؟
أظن المية الساقعة متفطرش صح ؟
مش بيقولوا عليها مبترويش ؟! laaaa

المهم لما جيب البيت و بحكي لماما قالتلي يمكن هيفتكرك مسيحي malesh da3wa

الظاهر إن الصيام مأثر فعلاً

بعدها طلعت برة بقى الجو مختلف حاجة كدة اللهم احفظنا جهنم

طلعت لصاحبي فوق
اتفاجئت بقى بالكارثة دي

مرة واحدة إيه اللي حصل يا جماعة ؟
السيستم وقع !!!!!!!! affraid

شيستم وقع ؟ هو أصلاً الأجهزة دي فيها ويندوز ؟ و لا يعرفوا يعني إيه سيستم بالهرجلة دي ؟

مش قادر من الناس دي بجد la2aaa

قولت مبدهاش بقى أنا مستبيع كدة كدة مخلص القيد و مستني صاحبي أخنقهم شوية

اتكلمت بصوت عالي بقى .. و أنا بعمل كدة لما بحب أوصل الكلام لحد من بعيد 5678

طب السيستم وقع م تتصلوا بالإسعاف يا جماعة ولا حاجة 68070

و حاجات من هذا القبيل لأني كنت فاصل شحن خالص و مش شايف أدامي .. و دلوقتي أنا بس متسني العصر

معلش لو طولت عليكم

و السلام عليكم و رحمة الله وبركاته

" من يوميات شاب صايم و نسي و شرب مية " Very Happy

ههههههههههه
انا برضه قلت ايه ده
ورجعت تانى لبداية الموضوع قلت يمكن بيتكلم على يوم قبل رمضان
ههههههههههههههههه
بس طلع ظنى خطا
لا وساقعة كمان
ومش عارف ليه الراجل كان بيبصلك
هههههههههههه
معلش بقى كتير بيبقوا كده فى اول رمضان
بس طبعا كمل صيامك عادى
الله غفور رحيم

وطبعا الناس الى فى السجل المدنى دول بالهم طووووووويل اوى
وعايزين.....................
ولا بلاش الواحد صايم بقى

ربنا يكرمك يا مي على ردك

و ربنا يصبرني عليهم

بس أديني طبقت أول سؤال في المسابقة الرمضانية أهو

يلا جربوا فيّ بقى Very Happy

هههههههههههههههههههههههههههههههههههه

يا لهوى

ده كتييييييييييييييييييييير كتيييييييييييييير بجد

اقتباس :: المهم لما جيب البيت و بحكي لماما قالتلي يمكن هيفتكرك مسيحي
الظاهر إن الصيام مأثر فعلاً

ههههههههههههههههههههه

وانت اصلا كنت فى المسجد هههههههههههههههه

والراجل اللى كان بيبص عليك ده مش يقولك اى حاجه كده

وانت مكنتش عارف تشرب كتير Twisted Evil

ههههههههههههههههههههههههههههههههههه

حاسس بيكى يبنى وةالله
ده انا عشان اطلع القيد العائلى قالولى بعد 15 يوم
رحت وانا متيل هاده وامشى ماهو مش معقول لسه متعملش
وافوجأ انه لسه برده وان فى ناس بقالها شهر مطلعتوش
طبعا مبسكتش فى الحالات دى واروح واجيلهم بعد كام يوم
لأ انا لفيت ع الظباط اللى مش ظباط خالص دول شويه منحرفين لسانهم طويل
قبل ما دخل على واحد فيهم الاقيه بيسب لحد وبيزعق اقوم راجع مكلموش

لحد ما لقيت واحد كده واقف قلتله انى عايزه بسرعه اعمل ايه
دلنى ع الدوسيهات اللى فيهاالورق وقاللى روح طلعه انت بنفسك

رحت وبعد كام ساعه دخلت
وطلعته ووديته ضمن اللى بيتعملوا
ورحتاخدته بعد 3 ايام برده دوخت بس طلعتهالحمد لله
انت عارف بجد انا مكنتش مضايق ولا تعبان
لانى شفت واحده زى والدتى متبهدله
وناس كبيره صعبوا عليا اوى فمكنش فى فرصه انى اتضايق خالص
بجد البلد دى فيها فوضى كتير
يارب يرحمنا

انا بحس ان كل ده من عدم التزامنا
يعمنى تلاقى واحد واقف على طابور العيش من قبل الفجر
ولولاالعيش مش هيصحى عشان ربه يصلى الفجر
ده عقاب من ربنا
يارب ارفع مقتك وغضبك عنا

آلاء كتب:

هههههههههههههههههههههههههههههههههههه

يا لهوى

ده كتييييييييييييييييييييير كتيييييييييييييير بجد

الواحد كان بيتشاهد هناك والله
فلتوا انتوا إنكوا بنات Very Happy

لكن طبعاً الرجال مفيش زيهم Evil or Very Mad

اقتباس :: المهم لما جيب البيت و بحكي لماما قالتلي يمكن هيفتكرك مسيحي
الظاهر إن الصيام مأثر فعلاً

ههههههههههههههههههههه

وانت اصلا كنت فى المسجد هههههههههههههههه
آه م هي دي الخدعة Smile

بتقولي قصدي يعني يمكن افتكرتك مش صايم
... النهاردة و أنا رايح التراويح الناس قاعدة كدة عادي على القهاوي و اللي بيشرب سجاير و شيشة ومش عاين عليه يحرك رجله للجامع اللي جنبه و يصليله كام ركعة
حتى العشاء بس
لكن ولا أي حاجة
ربنا .... يهديهم ... بلاش حاجة تانية Exclamation

والراجل اللى كان بيبص عليك ده مش يقولك اى حاجه كده
مش عارف ؟
كان أرحملي والله silent

يتكلم بدل م يقعد يبص وهو ساكت و أنا عمال آكل في نفسي لأني بتضايق أوي لما حد يبص علي فعلاً
حتى كنت افتكرت ... لكن يسيبي كدة وتلاقيه ظن بيّ إني مُفطر مثلاً
يلا أديني خدت ثواب برضه و كمان شربت بق في السريع كدة Very Happy

وانت مكنتش عارف تشرب كتير Twisted Evil

تقولي إيه بقى ؟ خايب ... فرصة و ضيعتها yyyyyyyyy

وعلى رأي المثل
إن فطرت افطر فطير و إن شربت اشرب كتير 123

Kotamya2009 كتب:: ههههههههههههههههههههههههههههههههههه

حاسس بيكى يبنى وةالله
الياء دي مقصودة ؟
ده انا عشان اطلع القيد العائلى قالولى بعد 15 يوم
رحت وانا متيل هاده وامشى ماهو مش معقول لسه متعملش
وافوجأ انه لسه برده وان فى ناس بقالها شهر مطلعتوش
طبعا مبسكتش فى الحالات دى واروح واجيلهم بعد كام يوم
لأ انا لفيت ع الظباط اللى مش ظباط خالص دول شويه منحرفين لسانهم طويل
قبل ما دخل على واحد فيهم الاقيه بيسب لحد وبيزعق اقوم راجع مكلموش

لحد ما لقيت واحد كده واقف قلتله انى عايزه بسرعه اعمل ايه
دلنى ع الدوسيهات اللى فيهاالورق وقاللى روح طلعه انت بنفسك

رحت وبعد كام ساعه دخلت
وطلعته ووديته ضمن اللى بيتعملوا
ورحتاخدته بعد 3 ايام برده دوخت بس طلعتهالحمد لله
انت عارف بجد انا مكنتش مضايق ولا تعبان
لانى شفت واحده زى والدتى متبهدله
وناس كبيره صعبوا عليا اوى فمكنش فى فرصه انى اتضايق خالص
بجد البلد دى فيها فوضى كتير
يارب يرحمنا

انا بحس ان كل ده من عدم التزامنا
يعمنى تلاقى واحد واقف على طابور العيش من قبل الفجر
ولولاالعيش مش هيصحى عشان ربه يصلى الفجر
ده عقاب من ربنا
يارب ارفع مقتك وغضبك عنا

كلنا لها يا ابني والله
الحال من بعضه
كدة يبقى يوميات اتنين شباب تجنيد Very Happy

يلا ربنا يستر و اللي يجيبه ربنا كويس برضه

الله يكون فى عونكم
دول فعلا ناس عايزة.................
ولا بلاش برضه
محمد برضه مخنوق منهم
وده لانهم عايزين حاجة من الاتنين
يا وسطة يا رشوة
حسبى الله ونعم الوكيل

ههههههههههههههه

لو حصل حاجه معاك ثالث يبقى مصر مضطهضاك فعلا (مش عارفه مضطهضاك دى صح ولا ايه Exclamation

)

------------------------

و ربنا معاك يا محمد انت كمان Very Happy

ههههههههههههههههههههه

بالدال يا ألاء بالدال Very Happy

يعنى مضطهداك

وربنا يخليكى يا ألاء متشكر اوى

ههههههههه
لا انا كنت عارفه طبعا يا محمد بس قولت بلاش اقول يمكن يحسدوني لأني عميقه في اللغه ههههههههههه

السلام عليكم ورحمة الله وبركاتة

ياااااااااااااااه كل دا بيحصل ربنا معاكم

يا حرام بجد صعبتوا عليا

دا انا اخويا اترحم من هم فظيع
وقال ايه عايز يدخل الجيش

آلاء كتب:: ههههههههههههههه

لو حصل حاجه معاك ثالث يبقى مصر مضطهضاك فعلا (مش عارفه مضطهضاك دى صح ولا ايه )
هههه هو فعلاً حصل بس مش دلوقتي دي أول حاجة حصلت
كاتبينلي في المؤهل ( المعهد العالي للدراسات التعاونية )
في ورقة كدة بناخدها في الآخر اللي بتاعت الترشيح ... ظابط آه بس مكتوب المؤهل : تجارة لكن جنبها المعهد ده
و مكتوب مؤهل عليا
المهم لما سألتهم قالولي دي حاجة ثابتة على الكمبيوتر لكن هي كلية تجارة عادي
استقصاد استقصاد يعني
مضطهدني فعلاً
أصلي إدارة أعمال فدي عندهم نفس البند بتاع المعهد العالي ده
لكن محاسبة بيتعاملوا معاها كلية تجارة عادي
أشتكي لمين أنا بقى دلوقتي ؟

يارب

آلاء كتب:: ههههههههه
لا انا كنت عارفه طبعا يا محمد بس قولت بلاش اقول يمكن يحسدوني لأني عميقه في اللغه ههههههههههه

آه فعلاً ... عميقة بطريقة عجيبة مريبة غريبة Very Happy

يارب أشوفك كدة ضليعة في اللغة في كلية آداب و تترقي و تبقى عميقة الكلية Razz

نونا كتب:: السلام عليكم ورحمة الله وبركاتة

ياااااااااااااااه كل دا بيحصل ربنا معاكم

يا حرام بجد صعبتوا عليا

دا انا اخويا اترحم من هم فظيع
وقال ايه عايز يدخل الجيش

و عليكم السلام و رحمة الله و بركاته

شوفتي بقى !! علشان تعرفي إننا بنعب برضه Very Happy

لكن النهاردة شوفت ناس قاعدين بسألهم إيه دول ؟ قالولي تطوع !!
ما شاء الله بجد ربنا معاهم .. دول هيتنفخوا هناك Very Happy

آلاء كتب:: ههههههههه
لا انا كنت عارفه طبعا يا محمد بس قولت بلاش اقول يمكن يحسدوني لأني عميقه في اللغه ههههههههههه

هههههههههههههههه ماشى يا ألاء يا عميقه
اهى عميقه دى تخلينى اطمن على مستقبل اللغه kedah

(اصل ناس بتغلط وتقول متعمقه)

نونا كتب:: السلام عليكم ورحمة الله وبركاتة
وعليكم السلام ورحمه الله وبركاته

ياااااااااااااااه كل دا بيحصل ربنا معاكم
انت شفتى حاجه
يا حرام بجد صعبتوا عليا

دا انا اخويا اترحم من هم فظيع
وقال ايه عايز يدخل الجيش

كويس بس برده هيتعب فى الورق مانا وحيد ومليش جيش بس اتبهدلت برده
ولسه

بكرة الارجاء

ان شاء الله خير للجميع

علي فكرة اسهل حاجة لعمل القيد العائلي ده

يكون لك حد في محافظة هادية

انا فاكر ان عمي طلعه لأخويا من بني سويف في نص ساعة باين

معلش يا سمير لو اعرف كنت قولتلك عالموضوع ده

مش لاقيه الاسمايل اللى بيقع فى الارض من كتر الضحك هو اللى ممكن يعبر عن حالتى

بجد الموضوع ده على الكلام اللى كنته بتاع موقف الفجر

حاجه فظييييييييييييييييييييييييييعه الله يكون فى عونك والله انا كل لما افتكر ما ببطلش ضحك malesh da3wa

حاجه فظيعه بجد والله ربنا يعينكوا وربنا معاك يا كتاميه يارب

وزمانك فرحان انك هتتبهدل فى الورق بس

انا اخو صحبتى هيدخل الجيش وراح التدريب اللى هو بيبقى 45يوم على ما اظن

راحه الاسماعليه ولسه ماجاش وقاعد هناك فى رمضان تخيلوا

وكلم اهله بيقولوه انتوا بتتدربوا فى الصيام والحر قالوهم

انهم تحت بيتدربوا وهو بينضف العنبر

malesh da3wa

عمره ما كان بيشيل التيشرت من مكانه بقى بينضف العنبر

علشان كده كنت دايما دايما ادعى ان اخوها يدخل الجيش

بس ما اتمنيتش ان حد يدخله فى رمضان والله خاصه شهر8

الناس اللى عندهم واسطه نزلوا اجازه واللى معندهموش قاعدين يتدربوا فى رمضان

ربنا يعينهم بقى Very Happy

يا عمي يعني هي جت على دي
ولا يهمك .. بكرة البس واتنفي أأدي الخدمة بني سويف Very Happy

كل لن يصيبنا إلا ما كتب الله لنا Very Happy

أنا شخص راضي إلى حد ما باللي بيعملهولي ربنا

ربنا يستر بقى

فداءً لتراب القدس كتب:: مش لاقيه الاسمايل اللى بيقع فى الارض من كتر الضحك هو اللى ممكن يعبر عن حالتى
والله أنا برضه مش لاقيه كل م أدور عليه ملاقيهوش!!

يمكن شالوه ودوه المستشفى عنبر الضحك الهيستيري ولا حاجة ؟!
أو خدوه يشتغل في موجة كوميدي مع سيد أو ظريفة ده

بجد الموضوع ده على الكلام اللى كنته بتاع موقف الفجر

حاجه فظييييييييييييييييييييييييييعه الله يكون فى عونك والله انا كل لما افتكر ما ببطلش ضحك
كان موقف تسول خالص

حاجه فظيعه بجد والله ربنا يعينكوا وربنا معاك يا كتاميه يارب

وزمانك فرحان انك هتتبهدل فى الورق بس

انا اخو صحبتى هيدخل الجيش وراح التدريب اللى هو بيبقى 45يوم على ما اظن
يبقى عسكري يعني ... أنا سمعت إني علشان مترشح ظابط يبقى هخليني 90 يوم منزلش
شوفتي بقى ؟!

راحه الاسماعليه ولسه ماجاش وقاعد هناك فى رمضان تخيلوا

وكلم اهله بيقولوه انتوا بتتدربوا فى الصيام والحر قالوهم

انهم تحت بيتدربوا وهو بينضف العنبر

عمره ما كان بيشيل التيشرت من مكانه بقى بينضف العنبر
طب أنا مش بلبس تشيرتات هنضف العنبر برضه ؟

علشان كده كنت دايما دايما ادعى ان اخوها يدخل الجيش

بس ما اتمنيتش ان حد يدخله فى رمضان والله خاصه شهر8

الناس اللى عندهم واسطه نزلوا اجازه واللى معندهموش قاعدين يتدربوا فى رمضان

ربنا يعينهم بقى

ربنا مع الجميع ادعولنا بقى
مش بإني آخد إعفاء .. خالص
إن ربنا يوفقني للي فيه الخير
أكيد هستفيد من جوانب تانية برضه في الحكاية دي
و عسى أن تكرهوا شيئاً ....

نظرية ( من كل خسارة مكسب )

دعواتكو بقى يا جماعة

ربنا يعينك ويكتبلك اللى فيه الخير بس اعرف انه ضابط برضه بس مش 90يوم دى

مش عارفه بقى

ربنا يعينكم جميييييييييعهاً

ههههههههههه يا خبر كل ده حصلك يابني الله يكون في عونك

انا برضه طالع عيني في الورق بتاع الجيش ده والمفروض إني هروح يوم السبت السجل تاني عشان أجيب كشف العائله عشان ضاع الورق المره اللي فاتت
ربنا يسهل المره دي وأخلصه عشان ننجز في باقي الإجراءات

ربنا يوفقك .. و يوفقني بكرة ... استر يارب cheers

الجيش ده حاجة جميلة

واحساسي ان انا الوحيد اللي هألبس جيش

احسنلك خش نام يا حنظله

لان يومك طويل

ربنا يوفقكوا
وتاخدوا كلكوا اعفاء نهائية
امين

يعنى انا يا سمير كنت ناوى اغيظك عشان انا رحت و خلصت القيد العائلى فى نص ساعة و لا سبت ورق و لا حاجة
قوم ايه يطلع عندى اسم غلط ف هروح العباسية بكرة ان شاء الله اصلحة
يا جماعة لو فى حد عاوز يخلص القيد ممكن تروحوا قسم الدقى بتخلصة فى ساعتها

» يوميات اثنين متزوجين بعد \يوميات اثنين مخطوبين\
» يوميات اتنين مخطوبين هههه
» يوميات بلدياتنابيحب بنات استايل اوي فالجامعة(حلقات متجددة )