يوميات شاب تجنيد !!

khalifa كتب:

يعنى انا يا سمير كنت ناوى اغيظك عشان انا رحت و خلصت القيد العائلى فى نص ساعة و لا سبت ورق و لا حاجة
قوم ايه يطلع عندى اسم غلط ف هروح العباسية بكرة ان شاء الله اصلحة
يا جماعة لو فى حد عاوز يخلص القيد ممكن تروحوا قسم الدقى بتخلصة فى ساعتها

يابني قدر الله وما شاء فعل إنت ممكن كنت تستنى اسبوع بعد لما تسيب ورقك وبعدين يطلعهولك وتلاقي الإسم غلط
بس هنا يأتي دور السؤال الفني ::
هو قسم الدقي بيعمل القيد للناس اللي تبعه بس ولا لأي حد ؟
عشان انا مش تبع قسم الدقي فمش هيرضوا يعملهولي وبعدين هو قسم ولا سجل مدنى هناك ؟

Admin كتب:

الجيش ده حاجة جميلة

واحساسي ان انا الوحيد اللي هألبس جيش

برضه هيغيظني و يقولي حاجة جميلة !!!
طيب يا عم جميلة كنت ادخل فنون جميلة لأنهم بياخدوهم باين
تجارة نفضولها ... قضوها مواليد

و كمان أنا برضه حاسس كدة إنك انت الوحيد اللي هتلبس .. علشان تبقى تحب الجيش أوي
كفاية الذل اللي كان لمجرد حب الذل اللي حصل النهاردة
و ملوش أي علاقة بإنه يخليك راجل خالص .. ولو حد ليه كلام غير كدة
يروح يشوفهم و هما بيضحكوا و احنا متوترين و مستنيين نسمع الأيام
حسبي الله ونعم الوكيل بجد .. ربنا هو اللي خدلي حقي الحمد لله

Professor كتب:

احسنلك خش نام يا حنظله

لان يومك طويل

معرفتش أنام ... و روحت مهيس ... وكنت ممكن أفطر كمان
و اليوم كان طويل علشان غباء اللي جم متأخر أخرونا لما جينا من 7 الصبح
بجد أنا أكتر حاجة بكرها إني اتحمل نتيجة غباء الآخرين

Mai magdy كتب:

ربنا يوفقكوا
وتاخدوا كلكوا اعفاء نهائية
امين

ربنا يكرمك ... و عقبى لك بهزر طبعاً .. إنتي أكيد واخدة إعفاء من الأول

khalifa كتب:

يعنى انا يا سمير كنت ناوى اغيظك عشان انا رحت و خلصت القيد العائلى فى نص ساعة و لا سبت ورق و لا حاجة
قوم ايه يطلع عندى اسم غلط ف هروح العباسية بكرة ان شاء الله اصلحة
يا جماعة لو فى حد عاوز يخلص القيد ممكن تروحوا قسم الدقى بتخلصة فى ساعتها

كنت ناوي تغيظني زي م هشام قالي برضه واحد يعرفه بيعملها في نص ساعة
و مفتكرش غير لما ضاع مرتين ؟
ربنا يكرمكم فعلاً .. و نعم القول
شوفت بقى .. و من أعمالكم سُلـِّطَ عليكم
شكراً إنك بتقول بعد م الناس كلها خلاص راحت عملته وقدمته
توقيتك بتوقيت إيه بالظبط ؟

طيب و انا اعرف منين انا نص تانى و مكنتش اعرف و رايح بدرى عشان كنت عامل حسابى على 15 يوم بس سبحان الله رحت الموظف قالى 5 دقايق و بعها قالى خد

ههههههههههههههههههههههههههههههههههههههههه



عندي تعليق بس مش هينفع اقوله هههههههههههههههههههههههه

ليه بس ؟

طيب ابقى قولهولي بعدين

يا عم انت لسه فاكر


انا نسيته خلاص

الظاهر ان دعوتى بدات تستجاب
شويـــــــــــــــــــــة شويــــــــــــــــــــــــــة

خير يا مي؟

الدعوة بتاعتى ان كلكوا تاخدوا اعفاء نهائية
واكيد مش دعوتى انا بس
دعوات الاهل والاصدقاء والجيران وكل الناس
بس الا بقى الى عايز يدخل الجيش .........دى حالة خاصة

اه تقريبا هشام هو اللى عاوز يدخل ولا ايه

التجنيد وسنين التجنيد ده انا مليش اخوات ولاد يعنى المفروض اخلص
لا لازم يدوخونى ويزهقونى فى عز الحر وأفضل رايح جاى
رحت النهارده وهروح بكره ى يارب اخلص بقه خلينى اشتغل بقه
منهم لله هيضيعوا عليا الشغلانه

يلا لعله خير وربنا يسهل

جرى ايه يامحمد
داانا على كده اجدع منك

يابنى صلى صيامك انت عايز تقعد فى البيت تنام وانت وصايم وخلاص على كده

داانا بخرج اروح الكورس الساعه واحد فى وقت النار ده

سلى صيامك يامحمد

شباب اخر زمن

اه يا ستى عندك حق مانت بتطلعى من البيت تركبى تكتك والمشوار مش محتاج اصلا
وتروحى تقعدى على الكمبيوتر ساعتين وتروحى
وحراره الشمس بتخليكى مش طايقه نفسك مع انك مش بتتعرضى ليها اصلا

مجربتيش بقه متناميش وتطلعى بعد صلاه الفجر
تدبى مشوار من امبابه لحد بعد ميدان الرمايه
وتقفى فى طوابيييييييييييييييييييييييييييييييييييييييييييييير
وزنقه وكتمه نفس وتفضلى واقفالك كده كام ساعه فى عز الشمس
وموظف رخم يغلس عليكى وعسكرى ابتدائيه يعملك فيها لواء
وممكن تاخدى من 8 لحد 11 عشان تقدمى الورق
وبعد كام ساعه كمان يقولك اصل الختم مش واضح
وتيجى تانى يوم يقولك الورقه دى متنفعش على اساس انه مشفهاش امبارح
وتفضلى رايحه جايه فى عز الشمس وريقك ينشف

وتعطشى وتتعبى وتفضلى هاديه وتستحملى
عندك حق
شباب اخر زمن

انا مش عايز ادخل الجيش الا في حالة واحدة


لو ما قداميش غيركده