ملتقى توظيف هندسة القاهرة

ياريت يا جماعة الناس تروح وتشوف الدنيا فيها ايه وخدوا بالكوا ده مش معمول لهندسة

اللي عامله ده مكتب تنمية المهارات بيدي كورسات إنجليزي وسوفت سكيلز جامده جدا زي مكتب كي عندنا في الكلية كده

المهم هما عاملين الملتقى ده لكل التخصصات

مش هوصيكوا بقى الناس تروح وتشوف الدينا فيها ايه وتحاول تحقق اكبر استفادة ممكنة إن شاء الله

عطل فني اكيد يا نونا

الصورة كانت بتظهر مش عارف ايه اللي جرى

المهم الصورة دي لإعلان ملتقى توظيف هيبقى بكره وبعده إن شاء الله في كلية هندسة جامعة القاهرة لجميع التخصصات

والجهة المنظمة للملتقى ده هي مكتب تنمية المهارات CEDO وده اللي قلت انه بيدي كورسات كويسة ومكانة في مبنى اعدادي بهندسة القاهرة

روحوا الملتقى بقى

بس كده هو ده اللي كان في الصورة اللي مش ظاهرة

[ندعوك للتسجيل في المنتدى أو التعريف بنفسك لمعاينة هذه الصورة] اول لما قريت اوائل الطلبة قولت البت هتتكرم وطالعة ترتيب على الدفعة [ندعوك للتسجيل في المنتدى أو التعريف بنفسك لمعاينة هذه الصورة]



بس انا عايزة اعرف حاجه بقى

انت بتقول انه لكل التخصصات

يا ترى عندهم تخصص مترجمين ولا لأ؟؟؟؟ [ندعوك للتسجيل في المنتدى أو التعريف بنفسك لمعاينة هذه الصورة]

ربنا يكرمك يا صبري


طبعا انت مش سايبني في الحوارات دي


بس انا شايلك حاجة برضه مهمة زي ما قولتلك

طب الحمد لله ربنا يكرمك ويرزقك إن شاء الله تدريب في مكان كويس في الصيف

اما بالنسبة للأعداد فانا برضه في الملتقى بتاع تجارة كنت واقف مستني الوزير لحد ما جه قص الشريط وخد لفه جوه ورخج ومعاه لفيف بقى وحوارات وبعدين دخلوا الناس اللي واقفين

واللي جه بعد كده خلال اليوم كان بيواجه صعوبة في انه يدخل لإنهم كانوا بيمنعوهم عشان العدد داخل الملتقى ميزدش عن المسموح بيه

عشان كده بقولكوا تروحوا من بدري

عموما ربنا يكرم

بالنسة لسؤال فداء ففي نوعين من ملتقيات التوظيف :
واحد متخصص وده زي اللي بيتعمل في صيدلة وبيركزوا فيه على الصيادلة والدكاترة وكده
وفي ملتقيات لهندسة وهكذا
وفيه ملتقيات تانية بتبقى عامة يعني بيعوزوا كل التخصصات
يعني مثلا مش شرط تشتغلي مترجمة
طالما انتي كويسة في الإنجليزي ممكن تستغلي المهارة دي في وظيفة تانية اقوى
انتي بتملكي كلمة السر وهي اللغة يعني تقدري إن شاء الله تدخلي في مجالات كتير لو عرفتي نبذات صغيرة عن الأماكن دي

وبالنسة لهشام فانا مش ناسي يا معلم

ويا جماعه ملتقى توظيف تجارة وسياسة واقتصاد واخيرا هندسة هو زي بداية

لازم تتعرفوا على الجو بتاع الملتقيات ده عشان في ملتقيات اهم واكبر زي بتاعت الغرفة التجارية الأمريكية والغرفة التجارية الفرنسية
وكمان في بتاع الجامعة الأمريكية والجامعة البريطانية بس ده لسه مش عارف متاح لكل الطلبة ولا لطلبة الجامعات دي بس

عموما هبلغكوا باخر الأخبار كالعادة

ولو في اي سؤال انا موجود

تسلم يا كبير

ربنا يكرمك بس انا كنت بسأل علشان اعرف يعنى

وعلى فكرة مترجمة دى احلى شغلانة بالنسبة ليه ونفسى فيها بجد

وانا مش شاطرة فى الانجليزى ولا حاجه ده على قدى جدااا

بس الترجمة بجد حاجة جمييلة وانا بحبها وبحاول فيها


وربنا يوفقكم فى الحاجات دى ويقدملكم اللى فيه الخير