عندى سؤال فى مادة التمويل

السلام عليكم و رحمة الله و بركاته

الموضوع ده يا جماعه لاى حد عنده سؤال فى مادة التمويل

يقوله هنا

و ان شاء الله اكيد هيكون مننا واحد يعرف الاجابه و لو معرفناهاش كلنا نسال الدكتور او المعيدين


سلاااام عليييييكم و رحمة الله و بركاته

جزاكى الله خير

فعلا فكرة حلوةان يكون فى واحد هو اللى بيكلم او بيسال المعيدين علشان يقدر يسالهم على اكبر كم من الاسئلة بس لازم يكون مركز وقادر على استعاب وتوصيل المعلومات كما سمعها

وربنا يوفق الجميع

ربنا يوفقنا ان شاء الله

و نكون مش واحد بس كمان

نكون فريق كبير ان شاء الله

و ربنا يكرمنا و يوفقنا و السنه دى تبقى احلى سنه و درجاتها احلى درجات

أنا خايف جدا من مادة التمويل فى كتير مش فاهه يعنى النهاردة فى المحاضرة كان بيشرح المسألة أوجد قيمة بيتا

يا جماعة انا عايزة رأس السؤال بتاع تغير القيمة عشان مش لحقت اكتبه ورا الدكتور ؟؟؟

محاضرة 24/10

انا برضه كنت ملخبطه خاللللص فى التمويل و مكنتش مذاكراه

بس لما نزل الكتاب اهه بدات اذاكر فيه الحمد لله

بس لسه فى الاول فمعرفش اللى بيسال عنه لوليتا و mezo_elmohands


لكن بالنسبه للجزء التانى من الفصل الاول

فده الدكتور قال انا هنعمل فيه بحث على شركه و نقارن باللى موجود فى الكتاب و هيجيب سؤال عنه فى الامتحان

بس قال هناجل دة للما ينزل الكتاب

فان شاء الله المرة الجايه قبل المحاضرة نقوله ان الكتاب نزل و نقوله يقولنا نعمل ايه بالظبط بقى ان شاء الله


سلااااااااااااام عليييييكم و رحمة الله و بركاته

انا سالت الدكتور النهاردة عن الجزء التانى فى الفصل الاول

و قال اقروه و اعملوا بحث ذيه

سالناه اذاى
مرضيش يقول اكتر من اننا برضه نقراه و احنا هنفهم

جزاكى الله خير

ياريت حد يقولي اخر كلمتين في المحاضرة اللي بعد (مبدأ الاستحقاق) علي طول عشا ن حاولت اقراهم معرفتش لدرجة اني رحت اشوف من البرجيكتور معرفتش برضة

هههه انا عندى حوالى 4 صفحات كاتباهم بعد مبدا الاستحقاق بس كلام اغلبه مش مفهوم اوى

هو تقريييبا

قال ان بما ان الدفاتر المحاسبيه 1- تتبع مبدا الاستحقاق
فانها لا تعطى التدفقات النقديه السليمه التى حدثت بالفعل (( عشان بنكتب كل عمليه حصلت بغض النظر عن دفعنا فعلا و لا لأ))

2- الدفاتر المحاسبيه تفترض ان الشركه فى حالة تصفيه (( اى ان اذا تم تصفية المشروع الان . فان هذه هى قيم الاصول و الخصوم بتاعتنا ))
-- احنا بنقول فى التمويل لأ .. احنا هنصفيها ليه ؟؟--

3- الهدف

هدف المحاسبه هو المسائله 00 اعرف بعد ما اشتغلت انت كنت ماشى صح و لا غلط و احاسبك

فهى بتعتمد على الماضى و تحاسبنا عليه

انما انا كبتاع تمويل بالنسبالى ما فات مات .. الفلوس ضاعت خلاص
فدة بيتعارض تماما مع وجهة نظر التمويل و التى تتناول المستقبل

((هو فى اول السنه كان قال ان المحاسبه تهتم بالماضى لكن التمويل بالحاضر .. بنشوف اذاى منخليش الفلوس تضيع اصلا ))

و بالتالى ((بعد 2و 2و 3))

يجب الحذر عند استخدام البيانات الماليه (القوائم ) نتيجة للاساسات التى استخدمت فى اعدادها ((اللى هى مبدا الاستحقاق - فرض حالة التصفيه - انها تهتم بالمحاسبه علىما قد حدث بالفعل فى الماضى))

-------------

يعنى قبل ما اعمل صورة الدم انا عارف ان نقطة لادم دى ملوثه (( دة على المثال بتاعه ان التحليل المالى ذى تحليل صورة الدم ))

فانا هنا برضه عارف ان القوايم اللى باخد منها البيانات دى فيها حاجة غلط و بناء على ذلك لازم اكون حذر جدا جدا و اقدر احجم الفيرس دة

و اقول طب لو انا عايز البيانت دى للمستقبل و تكون سليمه و كدة ((كدة دى من عندى ))
ماذا افعل ؟؟
-----
دة اللى بنسميه التحفظات التى يجب اخذها فى الاعتبار عند التعامل مع القوائم التى يعدها اخوننا المحاسبجيه


نبتدى المرة الجايه مع الميزانيه






سلااااااااااااام عليييييييييييكم و رحمة الله و بركاته

شكرا ليكي بجد ربنا يكرمك ويوفقك ويخليكي لينا

سلام عليكم و رحمة الله و بركاته

بالنسبه للسؤال اللى فى المحاضرة ال 11

كان الدتور قاللنا نحسب الانحاراف المعيارى للعوائد بعد الحدث و نكمل المساله لوحدنا

اان الارقام عندى كانت ناقصه رقم ..فافترضت ان اخر معدل هيبقى 2%

المهم بغض النظر عن كل دة
محدش يعرف اذاى نعرف ده اختلاف جوهرى و لا لأ

و فى الحاله دى نقول ايه بعد ما نطلع الانحاراف و فى الحاله دى نقول ايه

______

معلش سؤال كمان

هو بعد المساله دى قالنا مثال واقعى و قال حاجة عن اضراب العمال فى شركة غزل المحله

هو ده عايزنا ندور عليه و نجيبه و نحله لوحدنا و لا إيه


شكرااااا


السلام عليكم و رحمة الله و بركاته

ميرسى اوىىىى
ربنا يكرمك

بس هو الدكتور محددش حاجة معينه نعرف بيها امتى يكون جوهرى و امتى لا

يعنى محددش مثلا من كام لكام

السلام عليكم و رحمة الله و بركاته

ميرسى
ربنا يكرمك
و ممكن نسال المعيد ان شاء الله نتاكد اكتر

سلام عليكم و رحمة الله و بركاته

بسم الله الرحمن الرحيم

فى الباب الثانى:-
هل تؤ ثر تكاليف الوكالة فى قدرة المنشاة فى تحقيق أهدافها المالية ؟
على فكرة السؤال ده بيتكرر كتير فى الأمتحانات , خلو بالكو

نعم تؤثر
حيث ان المديرين فى الشركات المساهمه تكون لهم اهداف شخصية متعارضه مع الاهداف الاساسية للشركه و هى تعظيم ثروة الملاك



يعنى الاجابة دى على حسب اللى افتكرته

بس هى يعنى ان المديرين بيكونو ا بيحاولوا يحققوا مصالحهم الشخصية فدة بياثر على الهدف المالى الاساسى و هو تعظيم ثروة الملاك


وفعلا السؤال دة فى كل امتحان

ربنا يسهل و يوفقنا و نجاوبه صح

ربنا يكرمكم

امتي نبدأ نذاكر تمويل بس؟

بالنسبة للشخص اللي لسه هيتعرف علي التمويل؟

لسه هتتعرف

ممممممم ممكن من دلوقتى

بس لو مذاكرتش ماليه عامه برضه
ابدا فيها شوية لان قبلها 3 ايام بس

فذاكرها شويه كدة النهاردة و بكرة و بعدين ابدا تمويل ان شاء الله عشان تلحق تخلصه
و افهم العملى كويس و اتمرن عليه و النظرى حاول تفهم الموضوعات عن ايه بسرعه كدة و احفظ عناوينها ( بالذات الفصل التانى )
و ركز على لاسئله بتاعت الامتحانات اللى فاتت عشان هو بيكرر اسئلته كتير فاحتمال يكررها برضه السنه دى ان شاء الله

و ربنا معانا كلنا و يوفقناا

و ادعولى جاااااااااااااااااااااااااااااااااامد جداااااااااااااا ارجوكم

ارجوكوا لو ينفع تدعولى و تدعولنا كلنا فى كل صلاه
مش هتاخد منكم ربع دقيقه

يعنى دقيقه و ربع فى اليوم بس

ارجوكوا تعملوا طلبى دة

ربنا يكرمكم

سلااااااااااااااام عليييييييكم و رحمة الله و بركاته

ربنا يكرمك ويوفقك

ويكرمنا جميعا