عندى سؤال فى محاسبة التكاليف

دة كان سؤال اتسال قبل كدة

اقتباس :

ما هو السبب فى تعدد نظم المعلومات؟

و دى كانت الاجابات اللى بعديه

اقتباس :

متهيالى ذى الدكتور ما كان قال فى اول المحاضرة اللى فاتت

ان عشان المستخدمين اللىى خارج المنشاه بنديلهم معلومات اجماليه و كلية و الكلام دة

انما اللى بتقدم للى داخل المنشاه بتبقى تفصيليه


سلااااااام عليييكم و رحمة الله و بركاته

اقتباس :

اه صح

وكمان علشان كذا سبب كمان


ان اللى برة المنشأة بياخد معلومات سطحية ، انما اللى المنشأة فليها معلومات تفصيلية سرية ممنوع خروجها برة المنشأة علشان المنافسين وغيرهم

وكمان ان فيه كذا نشاط جوة المنشأة ، يعنى احنا مثلا ممكن نحسب تكاليف المنتج من حيث التصنيع بس

وممكن من حيث التصنيع والترويج

وكده يعنى


يا رب اكون صح ومش بخرف

اقتباس :

معلش انا مكنتش ذاكرت المحاضرة

تقريبا السؤال دة كان على الانظمة الفرعيه كمان مش بس نظام المحاسبه الماليه و المحاسبه الاداريه


فبالنسبه بقى لتعدد الانظمة الفرعيه

مش عارفه

متهيالى ممكن نقول ان كل نظام منهم بيختص بمعرفه نوع معين من البيانات

فنظام محاسبه التكاليف الفعليه يهتم بمعرفة تكاليف النشاط التى حدثت بالفعل

و نظام محاسبه التكاليف المعيارايه يهتم بمقارنه التكاليف التى حدثت بالفعل مع التكاليف المعياريه و تحديد ما اذا كان هناك اسراف او توفير فيها

و موازنات التخطيط بتهتم بالتخطيط للنشاط عن العام المقبل

و دراسات الجدوى تهتم بجمع البيانات عن مدى الجدوى الاقتصاديه من النشاط المراد القيام به



يعنى متهيالى الاجابه ممكن تكون كدة

بس الله اعلم


سلااااااااااااام علييييكم و رحمة الله و بركاته
__

يا ريت لو حد عنده اجابه تانيه يقولها


او لو فى اسئله تانيه

سؤال رفيع كده في قائمه التكاليف الصناعيه , ناتج كميه الانتاج اللي بنجيبه بيبقي انهي بند في القائمه
هو عندكوا في ج غير عندنا بس ان حبيت اعرف برده

يابني السؤال لغير الله مذلة

مش فاهمه قصدك من السؤال بالظبط ؟؟
ايه ناتج كمية الانتاج دة ؟؟
ممكن توضح

لو تقصد عدد الوحدات فاحنا بنجيبه اننا بنجمع عدد الوحدات التامة + (الوحدات تحت التشغيل ×مستوى انجازها )

ربنا يستر و تكون المناهج اللى بناخدها صح
هما ليه على طول المناهج تختلف من مجموعه لمجموعه
ربنا يستر


السلام عليكم و رحمة الله و بركاته

يا خفيف يا عم الزعيم

ميرسي يا ورد علي التوضيح بس الواضح ان عندكوا غير عندنا خالص

ربنا يستر

طب ممكن تقولنا عندكوا حاسس انه احسن و لا اوحش

اصل انا فاكرة ان فى سنه اولى كنت اعرف ان دكتور حنفى بيدرس لبتوع اولى المحاسبه بطريقه قديمه اللى هى مفيهاش قائمه الدخل و فيها ارباح و خسائر و الحاجات دى

ربنا يستر و يكون متطور فى التكاليف و دكتوركوا انتوا كمان

نفسى يوحدوا لينا المناهج و يهتموا بتطويرها

يا رب


السلام عليكم و رحمة الله و بركاته

لا احنا عندنا د/ صلاح بسيوني دكتور تمام و الله
و بيشرح بطريقه كويسه خالص

بس المشكله ان كل واحد متعود علي طريقه و واخد علياها فالطريقه التانيه بتبقي صعبه عليه

ربنا يستر

و ميرسى لردك

سلام عليكم و رحمة الله و بركاته

انا مش عرف اذاكر الجزء النظرى ازاى

من الكتاب يا جميل
اقريه و حاولى تراجعى مع نفسك تانى اللى قرتيه فهمتى منه ايه بعد كل جزء
و بصى على اسئله التطبيقات شوفى نفسك عارفه تحليها و لا لأ

بس ان شاء الله يكون جزء اسئلته بسيطه
هو امتحاانته اللى فاتت كانت الاسئله سهله و مش محتاجه اكتر من حفظ العناوين و فهم الموضوع

فانتى اعملى كدة ركزى اوى على العناوين الرئيسيه و افهمى بس اللى تحتيها بعد كدة انتنى فى الامتحان ان شاء الله حتى لو فى مادة محتاجه رغى هتلاقى نفسك بتكتبى العناوين و تحتها بتكتبى شويه من اللى فهمتيه و هتمشى تمام ان شاء الله

بس يا رب نبدا جد بقى

سلام عليكم و رحمة الله و بركاته

ايه ده


ياسمين انتى تقصدى تكاليف و لا تمويل ؟؟

من اليوم الشغل هنا وبس

ان شاء الله

بس انا افتكرت فى حد دخل كتب سؤال
قلت احنا لحقنا

يلا انا بقى اكتبلكم سؤال
حاجة على الماشى كده

هو احنا عندنا نظرى ؟؟؟؟؟؟؟؟
يعنى هيجى فى الامتحان ؟؟؟

ههههه انا برضه اول ما شفت الموضوع فى المواضيع المردود عليها جديد قلت برضه انتوا بدأتوا من ورايا هههه

بصى يا موها انا النهاردة و انا ببص على الامتحانات اشوف ايه اخبارها لقيت فى اسئله بيقول وضح بالرسم و كان سؤال عليه 4 درجات


و لما بصيت على ملزمة المراجعه لقتها فيها وضح بالرسم كتييير

بس هى بتعتمد على شرح المحاضرات يعنى


ربنا معانا

و ادعوووووووووووووووووووووووووووووووووووووولى

سلاااااام عليكم و رحمة الله و بركاته

كنت هسأل على سؤال الرسم ده معرفش عنه اى حاجه

يا جماعة

انا جيبت التطبيقات

بس طبعا غير اني ما فتحتهاش تقريبا

الا اني كمان ما جيبتش خريطة المواد دي


هل لازم اجيبها؟؟

وهل انا مش هأفهم من غيرها؟؟

مع العلم ان واحد جابها وتقريبا ما فهمش حاجة لأنه ما حضرش زيي؟؟

يا ريت تجاوبوني كلكم في اسرع وقت علشان لو كده انزل احاول اجيبها او اتصرف


وسؤال كمان

يا ريت تقولولي كل باب من الخمسة بيبقي عليه كام درجة؟؟

وايه نظام الامتحانات عموما

معلش متقل عليكم شويتين

ربنا يكرمكم

مممممم مش عارفه اوى الكلام دة

بس هى الخريطه اعتقد مهمه بس مش انت بتجيب ملازم من برة ممكن تلاقيها فيهم
دور كويس
او شوفها مع واحد يكون ساكن قريب منك

بس المشكله عموما اننا مفيش حد يعرف الامتاحن شكله ايه و امحانات الدكتور ملهاش نمط معين ماشى بيه

بس اكيد كل الفصول مهمه لانها كمان بتترتب على بعضها و كل فصل يعتمد على فهمك للى قبله
و اخر فصل هو قال انه اكيد لازم ييجى

فبالتالى كله مترتب على بعضه واكيد الامتحان شامل

حاول تذاكر كله كويس عشان تبقى عملت اللى عليك

سلاااااااام عليكم و رحمة الله و بركاته

طيب معلش كلمة تانية


ياسر لسه قايلي من شوية ان الخريطة عبارة عن نوع من المسائل

والتطبيقات نوع تاني

ورجع قالي تاني ان اللي في التطبيقات جزء من حل الخريطة

وانا اصلا مش عارف حاجة

فأعمل ايه؟؟


ولما اشتريت الكتب من شهر وشوية

قالي ما فيش كتاب المحاسبة

وفوت علينا بكرة

وعديت عليه بعد كذا يوم

قالي ما جاش ومش هيجي وخد كتاب بداله التيرم التاني

قولتله طب واذاكر المحاسبة التيرم التاني

قالي لا ، ذاكر مع اي حد تعرفه

يعني العملية بايظة بايظة


معلش لو حد يفيدني ويقولي المواد دي حلها ايه؟؟

وانا عن نفسي هأذاكرها من التطبيقات والملزمة بتاعة المراجعة

واللي يتلم فيها يتلم


منتظر رد؟؟

السلام عليكم ورحمه الله وبركاته
اولا يا هشام الراجل بتاع الكتب عمل فيك معروف لان كتاب التكاليف لو فتحته مش هتفهم حاجه لانه مفهوش اى مسائل انا لما فتحته اتخضيت وقفلته
انت تذاكر من التطبيقات فيها مسائل كتير حلوة
بس تذاكر المحاضرات عشان تعرف تحل التطبيقات
والسكاشن ممكن تساعدك برضه
وربنا يوفقك ويوفقنا جميعا

ربنا يكرمك يا مروة


وانا فعلا هعتمد علي المراجعة وورق المجموعة صورته من نسمة وكمان التطبيقات والمحاضرات

بس المحاضرات عندي اظن مش كاملة

هأدور عليها واقعد اذاكرها

ربنا يكرمك ويكرمنا جميعا ان شاء الله