ضبط واحضار ومحضر مع العضو (Admin)بداية من منتصف 67

طب لو قدامك خيار بين مديرة تسويق ومديرة موارد بشرية في شركة تختاري ايه ؟؟؟

ولو كنتي قائد على كتيبة في الجيش ووصلتوا لمكان مافيش قدامكوا غير طريقين :

واحد هيموت نص اللي معاكي او هتعدوا كلكوا بسلام

والتاني هيموت 20 من ال 100 اللي معاكي .. تختاري انهي طريق ؟؟؟

وايه اللي بعد حلايب وشلاتين ؟؟

وايه مواصفات الشخص اللي ممكن يضايقك في المنتدى ؟؟

شويه اسئله

مين اكثر عضو فعال وكفئ فى المنتدى "مش شخص مواصفات يجب توافرها ليصبح كفى وفعال"


طبعا المنتدى اكيد فادك وقدم ليك مزايا كتيره اه مقابل ده او بمعنى ادق ايه ضريبه تحقيق هذه المزايا

الاماكن ده تمثيلك ايه "بيتك -بيت اعز اصدقائك -كليه تجارة "

لو طلعتى الامر ايه اللى ممكن تخديه معاكى وبيمثل ليكى ايه "فى حدود 5 اشياء

من خلال الاشئله اللى اسئلتلك فى الموضوع ده كله هل فى اسئله حسسيتك انك فى محضرو ضبط واحضار ولا مجرد لعبه بسيطه "يعنى فى رايك كان فى اسئله جاده ولا كله لعبه" وحوالى كام سوال واجاباتك فيها واضحه ولا تتسم بالغموض

ونشكركم على سعه صدركم
وحسن استماعكم لكم
-قدم لكم الاذاعه المدرسيه محمود مختار-

[quote="Janna Lover"]طب لو قدامك خيار بين مديرة تسويق ومديرة موارد بشرية في شركة تختاري ايه ؟؟؟

ولا دة و لا دة

محبش اكون مديرة

مش مقتنعه انها تصلحلى كبنت

البنت مينفعلهاش الوظائف القياديه فى رايي

لكن ممكن احب اساهم فى فريق عما تسويق او موارد بشريه و الاتنين بموت فيهم بصراحه

هوممكن لو جربت اعرف اكتر لكن انا مجربتش و لا دة و لا دة


ولو كنتي قائد على كتيبة في الجيش ووصلتوا لمكان مافيش قدامكوا غير طريقين :

واحد هيموت نص اللي معاكي او هتعدوا كلكوا بسلام

والتاني هيموت 20 من ال 100 اللي معاكي .. تختاري انهي طريق ؟؟؟


اختار طريق تالت انجى بيه كل اللى معايا

بتعلم بسرعه اهه الحمد لله



وايه اللي بعد حلايب وشلاتين ؟؟

دة امتحان جغرافيا

هما بعدهم السودان و اللى اعرفه انهم اخر حاجة فى مصر وبينتهوا عند خط عرض 22 درجة شمال خط الاستواء

ها انجح كدة ؟؟

وايه مواصفات الشخص اللي ممكن يضايقك في المنتدى ؟؟

يضايقنى دى ممكن ترجع لعومال غير المنتدى و قوانينه نفسه

بس عموما

لو حد اسلوبه وحش فى الردعلى الناس

حد اجابته تجيبلى شلل .مثلا لو موضوع جد و هو واخده هزار

حد بيهزر زيادة باسلوب ميعجبنيش

يعنى حاجات كدة

صعب السؤال دة اوى


مفيش اسئله تانيه اسهل شويه ذى بتوع الجغرافيا كدة اصلى كنت شاطرة فى الدراسات زمان

[quote="heha"]شويه اسئله

مين اكثر عضو فعال وكفئ فى المنتدى "مش شخص مواصفات يجب توافرها ليصبح كفى وفعال"

فعال بيؤدى دوره

و كفء بيؤدى دوره باقل تكاليف ممكنه

يبقوا الاتنين مختلفين

والفرق بينهم هو ان الكفء هيكون كلامه ما قل و دل و دة مش شرط ان يكون مشاركاته قليله او كتيرة بس المهم انها تكون مفيدة

و عموما العضو الكويس هو اللى بيحترم بقية الاعضاء

اسلوب كلامه مهذب

بيقول رايه دايما و يفيدنا بيه لكن بهدووء

كلامه يكون معبر و يحسسنا انه اخونا و مش بيتكلم بتكبر او سخريه او استهزاء بحد

متهيالى هقعد اكرر الصفات كدة

هو اهم حاجة اسلوب كلامه راقى و اراءه بيقولها دايما مش بيبخل بيها علينا و نحس بوججوده بسبب مشاركاته الفعاله المفيده اللى تفضل فى ذهننا حتى لو كانت قليله



طبعا المنتدى اكيد فادك وقدم ليك مزايا كتيره اه مقابل ده او بمعنى ادق ايه ضريبه تحقيق هذه المزايا


ممكن بيضيع وقتى شويه

بس يعنى الحمد لله بقدر اتحكم فى نفسى لما اعوز

غير انه بيسببلى كتير اوى تعب فى اعصابى بسبب مشاكل الاشراف و الخناقات و كدة
الاماكن ده تمثيلك ايه "بيتك -بيت اعز اصدقائك -كليه تجارة "

بيتى : امااااااااااااااااااااااااااااااااان ..اهلىىىى حبايبى .. راحة ..بكون على راحتى و اعمل اللى عايزاه فيه الكمبيوتر بتاعى و التليفون و كافة وسائل الرغى متاحة باكل و اشرب فيه

مدرستى الاولى اللى اتعلمت فيها كل حاجة و كبرت و اتربيت

حضن ماما و حنيتها

ضحكى و هزارى مع اخواتى و خناقنا و رغينا و حكاياتنا اللى بنحكيها لبعض

بابا اللى بيدلعنى و ينصحنى و يربينى و ياخد باله منى و يزعقلنا بس عشان مصلحتنا

المسجد بتاعى اللى بصلى فيه اغلب الفروض مع احلى اسرة الحمد لله بجد دى بقى احلى حاجة فى الدنيا

الحمد لله كما ينبغى لجلال وجهه و عظيم سلطانه


بيت اعز اصدقائى : مروحتوش حتى الان

اصلى مش متعودة اروح عند اصحابى البيت


كلية تجارة : بيتى التانى و برضه بحس فيها بالامان و الراحه و انى وسط اخواتى التانيين و اخواتى البنات بقى اللى مش موجودين فى البيت و دكاترتى اللى بحبهم اوى و بحترمهم و المكان الى اتعلمت فيه كتييييييييير و شفت فيه حاجات كتير و خبرات اكتسبتها كتير و بكل اللى فيها بحبها كتير كتير كتير


لو طلعتى الامر ايه اللى ممكن تخديه معاكى وبيمثل ليكى ايه "فى حدود 5 اشياء
افراد اسرتى و كمبيوتر عشان اتصل ببقيت الناس بقى ويبقى عليه مصحف

بس دة سؤال صعب اوى
من خلال الاشئله اللى اسئلتلك فى الموضوع ده كله هل فى اسئله حسسيتك انك فى محضرو ضبط واحضار ولا مجرد لعبه بسيطه "يعنى فى رايك كان فى اسئله جاده ولا كله لعبه" وحوالى كام سوال واجاباتك فيها واضحه ولا تتسم بالغموض

هو اغلبهم واضحه و الغامضه دى اكيدلانى مكنتش عايزه الاسئله دى اجاوبها بس ممكن استعبط و اجاوب بغموض

من حيث حكايه حسيت انى فى محضر

لا مش اوى

ونشكركم على سعه صدركم
وحسن استماعكم لكم
-قدم لكم الاذاعه المدرسيه محمود مختار

حرس العلم للامام سر .. انا فاكرة ان بعد الاذاعه كنا بنحيي العلم

ربنا يكرمك

و سلاااام عليكم و رحمة الله و بركاته

أديني هسأل

أيه رأيك في نفسك ؟

ليه ليكي كذا عضويه في المنتدى ؟

أيه أكتر حاجة خلتك تقلقي ومن أيه؟

ماهو عدد أصدقائك؟

مين أكتر واحدة بتلجألها في المواقف الصعبة من أصحابك؟

أيه رأيك في منتدى الكوميرس ؟

وأيه رأيك في أعضاءه ؟

أبتديتي تذكري ولا لأ ؟ ولو أبتديتي يبقى أيه المواد اللي ذكرتيها ؟

أمتى أخر مرة كدبتي فيها وفي أيه ؟

أيه الحاجات اللي بتتفرجي عليها في التلفزيون ومتبعاها ؟

بتحبي السهر ولا النوم بدري؟

أيه أمنيتك لمستقبلك ؟

نفسك تشتغلي أيه؟

هل أهلك بيوافقوكي في كل شئ ولا سعات بيعترضوا أرائك أو تصرفاتك؟

أيه رايك في شكل المنتدى؟

نفسك تغيريه؟

أيه الخطة المستقبليه اللي رسماها لحياتك ( لو فيه يعني ) ؟

مين أكتر شخصيه كرتونيه بتحبيها ؟

أيه رأيك في مصر؟

أيه رأيك في مشاكلها ؟

لو في مركز علي أيه الحاجات اللي تعمليها لحل مشكلات مصر؟

أنتي أيه رأيك في أصحابك؟

هل قبلتك عقبات قبل كده في اي حاجة ؟ وايه هما ( مش لازم كلهم نكتفي بواحده ) ؟

أيه رأيك أديني لبيت طلبك وسألت مبسوطة ؟

سلام عليكم ورحمة الله وبركاته

وربنا يوفقك

نودى منورة يا قمر
المنتدى منتدنا ونسال براحتنا بقا..........
يلا اول سؤال عاملة اية دلوقتى؟؟
احلى يوم ليكى الترم دة؟؟
اوحش يوم عد عليكى الترم دة؟؟
اصعب لحظة مرت عليكى فى حياتك؟؟
احلى لحظة مرت عليكى؟؟
فى اختلاف فى احاسيسك فى المرتين الا عملتى فى العمرة؟؟
امتى اخر مرة قولتلى يا خسارة؟؟
يلا كفاية كدة
وهرجعلك تانى

انا كمان هكمل اسئله

ونقول

1-ياترى انطباعك الاول ممكن يتغير ولا بيفضل ثابت
يعنى ممكن تشوفى حد تبقى مش طايقاه وبعد كده تتغير نظرتك ليه والعكس صحيح؟

2- بالنسبه لك كبنت زى اى بنت مسيرها تخلص وتتخطب وتتجوز
ايه هى مواصفاته . وياترى تحبى انه يكون من سنك ولا لازم يكون اكبر منك؟
وايه مستواه المادى اللى لازم يكون فيه
يعنى من الار ايز مواصفاته من جميع النواحى؟

وايه رأيك فى الارتباط فى مرحله الجامعه؟

وياترى بتقضى يومك ازاى ايومين دول؟ ( لو بيضايقك السؤال ده ممكن متجاوبيش عادى)

وياترى ايه رأيك فى الشباب عمتا اليوين دول
وشباب دفعتك خاصه؟

وكمان ايه ايك فى البنات اللى من نفس سنك برده؟


كفايه كده
ونعود بنوعيه اخر من الاسئله


سلام عليكم

معلش هقوم دلوقتى و اوعوا تنسوا تدعوا بقى و انتوا بتفطروووا

حاجة عالخفيف دلوقتي


لازم اعرف رأيك في صاحب الموضوع



خصوصا وان الواحد بيتغير من وقت للتاني


واللي بيكره حد النهاردة بيحبه بكرة ، واللي بيبحب حد النهاردة بيغير فكرته عنه بكرة


ثم ان احداث الحياة تغير من كينونة الاشخاص بداخلنا وصفاتهم امامنا


والله الموفق

ههههههههههههههههههههههههه


كنت اتمني التفضيل بشئ واحد في الـ100 سؤال

بس كده اكني ما سألتش بالظبط طالما لم يتم تحقيق الشرط


للتوضيح


مثلا سؤال الاكل

اغلب الناس بتحب كل الاكل

لكن مش كلهم عندهم اكلة معينة مفضلة


مثال اخر

اغلب الناس بتحب عمرو دياب

بس مش كلهم بيحبوا اغنية له كأكتر اغنية بيحبوها

او حتي مش شرط ان اكتراغنية بيحبوها تكون لعمرو دياب نفسه



اذا

فلتنتظري العقاب

والاسئلة الطويلة

والتي ربما يصل عددها لـ 200 سؤال في المرة القادمة

200 لا حرام

و عادى انا الاكل لا يمكن هحب اكله واحدة لازم انوع

و عمرو دياب كنت زمان بحبله اكتر اغنيه بس غيرت اتجاهى بس ما زلت بحب اغنياته اللى متوافقه مع اتجاهى من اكتر الاغانى عشان بيعجبنى صوته اوى ما شاء الله ربنا يكرمه و يستخدمه فى حاجات حلوة

و تحمد ربنا انى جاوبتهم اساسا

[quote="Kotamya2008"]انا كمان هكمل اسئله

ونقول

1-ياترى انطباعك الاول ممكن يتغير ولا بيفضل ثابت
يعنى ممكن تشوفى حد تبقى مش طايقاه وبعد كده تتغير نظرتك ليه والعكس صحيح؟

هى غالبا بتدوم بس كتييييييير بتتغير للاحسن

ذى مثلا اول ما شفت يوم الاتنين الدكتور اللىهيدى الندوة حسيت انى محبتوش بعد كدة لقيته اسلوبه حلو اوى و طريقته فى الشرح جميله فغيرت رايي

هو غالبا لما بقول راي حلو مش بغيره لكن الراى الوحش بغيره

يمكن عشان مش بحب اشوف الناس وحشه

2- بالنسبه لك كبنت زى اى بنت مسيرها تخلص وتتخطب وتتجوز
ايه هى مواصفاته
ملتزم دينيا و مبادئه و قيمه يكونوا عاجبينى
اخلاقه عاليه و طيب و متسااااامح دى اهم حاجة فى اى شخص احب اتعامل معاه
يكون متفاهم و يفهمنى و يتعامل بالشورى
طموح و بيحب مصر و مستعد يبذل كل ما عنده عشانها و يكون بيسعى بجد جااامد ومتفوق جدا فى شغله
اسلوب تفكيره متفتح و مرن و ذكى ووسطي
حمش و وقت الجد يكون حازم و ممكن يزعق و وقت الهزار يضحك و يكون ظريف يعنى يكون شخصيته قويييييه بس متفاهم

عامة يعنى يكون مناسب لشخصيتى الغريبه



. وياترى تحبى انه يكون من سنك ولا لازم يكون اكبر منك؟

المهم يكون راجل كدة قد المسئوليه و يعتمد عليه لانه اللى هيقود الاسرة و يدافففع عنها و يحميها و احس انه قدوة ليه و لولادى ان شاء الله يعنى احس انه احسن منى فى كل شىء
وايه مستواه المادى اللى لازم يكون فيه

لا دة مش ببصله المهم يكون مستواه الثقافى و الاجتماعى و نمط حياته متوافق معايا

يعنى من الار ايز مواصفاته من جميع النواحى؟
متهيالى كدة قلتها
وايه رأيك فى الارتباط فى مرحله الجامعه؟
حاجة كويسه جداااااااا لو رسمىىى

لو مش رسمى امر مرفوض تماما و مينفعش من اى وجهة نظر لان دة ميرضيش ربنا و الناس لازم تيجى البيوت من ابوابها و تمشى صح لو مش قادرين يصبروا
وياترى بتقضى يومك ازاى ايومين دول؟ ( لو بيضايقك السؤال ده ممكن متجاوبيش عادى)
بروح الكليه و اصلى و اقعد على النت و اذاكر و فى بعض الايام اروح عند قرايبى كدة يعنى

دة اليومين دول



وياترى ايه رأيك فى الشباب عمتا اليوين دول

بيتحسنوا الحمد لله بس عايزين دفع اكتر و تنفيذ لكلامهم اكتر

بيتكلموا اكتر شويه من ما بيعملواو فى شويه عندهم ياس و دة المشكله
بس فى كتير متفائلين و بيشتغلوا و ماشيين جد

بس هما عايزين تحسن اكتر لسه


وشباب دفعتك خاصه؟

محترمين و مؤدبين و كويسين و بحس انهم فى مابينهم حب و مودة و عارفين بعض و اصحاب

و دة ناس كتير منهم

بس فى قله عايزة الطرد من المجموعه

وكمان ايه ايك فى البنات اللى من نفس سنك برده؟

برضه بنتحسن الحمد لله عن الاجيال اللى قبلنا و دة رايي
و بجد بنات كويسين اوى بس عايزين برضه شويه تظبيط و عايزين يكبروا احلامهم لانها كتير بتكون ضيقه و محدودة للاسف
و عايزين يتثقفوا اكتر و انا من ضمن اللى فى حاجة لزيادة الثقافه

يعنى يمكن اهتماماتهم مش كلها وحشه لكن محدودة شويه

و ملحوظه ارائى دى فى مجتمع ضيق جدا

انا مش من الناس اللى ليهم خبرات اوى

كفايه كده
ونعود بنوعيه اخر من الاسئله

يا ريت نوعيات مختلفه فعلا
سلام عليكم

و عليييكم السلام و رحمة الله و بركاته



و بالمرة سؤال هشام

انا قلت رايي قبل كدة فى اللعبه بتاعت قول رايك و لم اغيره

ههههههههههههههههههههه

حلوة حب الاعضاء ليكي

علي كده احنا هنشوف الاعضاء بتحبك اد ايه بعدها ان شاء الله


بصي


انا قولت الكلام اللي قولته عن الاكل وعمرو دياب كمثال مش كعينة من الاسئلة



المهم


هل عندك استعداد لأي سؤال او اي نوع من الاستجوب؟

نعم

جاهز و على اهبه الاستعداد
و اياسمينه و امها و انسمه و اهدى و ا كل حاجة الاستعداد

ربنا معايا

وورونى انتوا بس الاسئله

سلاااام عليييكم و رحمة الله و بركاته

لقد اتفقنا علي نقطة هامة

وهي الاستعداد لأي نوع من انواع الاستجواب



سؤال عالماشي


هل شايفة ان فعلا زي ما فريندس بيقول ان كل الاسئلة دي ناجمة عن حب شديد ولا زي ما بيتقال


وسوري في التشبيه

اذا وقع العجل اتكاترت السكاكين؟؟؟

عجل

طويب

لا انا مش شايفه انها اتهامات او حاجات وحشه و اللى سالونى بالذات مش حاسه انهم متضايقين يعنى منى

بالعكس انا مبسوطه باسلتكوا

الا لو انتوا اشرار و بتستغلوا طيبتى

احنا متفقين علي عدم الزعل من اسلوب الاستجواب


ونعتبر ان انا النائب العام وبمارس حقي في الاستجواب


واكمل الاستجواب



انتي قولتي الا لو انتوا اشرار وبتستغلو طيبتي



معني كده انتي شاكة في الحكاية دي ، او حتي الان مش متاكدة مننا ، او حتي فيه بعض الناس بتشكي في نواياهم وما شابه



فما الرد؟؟

كدة بدات احس انه محضر

لا انا بقول الا لو كة و انا بطبيعتى كدة

لسه كنت بقول لياسمين انى مبعرفش اقول انى متاكدة من حاجة عشان انا موسوسه شويه للاسف

ذى مثلا لو شفت مشاركة هبه اللى كانت ممسوحه و بتسال عنها فى ساحة المشرفين قلتلها تقريبا مش اان مع انى شبه متاكدة انى مش انا و طلعت فعلا مش انا

بس انا بخاف ابقى بكدب مثلا فدايما تلاقينى بستخدم كلمات متهيالى و تقريبا و اعتقد

بس انا معتقدش انكوا فى حد بيكرهنى يعنى و السكاكين و الحاجات دى

بالذات الناس اللى سالتنى طيبين متهيالى

و هو بقى كدة هقول متهيالى انا كنت اعرفكوا يعنى

انا مشفتش حتى الان اتهامات ولا سكاكين و لا اى حاجة

و متهيالى انها بس مجرد استفسارات و حب استطلاع

ياجماعه المفروض ندى تبقى أفراج

دي أتسألت أسألة كتييير

ألتمس من عدالتكم العفو الرحة عن هذه الفتاة المسكينه