اخييييرا قريت الردود ..بس يا رب منساهمش بقى
عشان اسال اسئلة مش متكررة ..بس الاول هعلق شوية
- اقتباس :
- اولا سلبيات الارياف انه مش بيسمح يخليكى حاجه مهمه طالما نتى مش دكتوره او صيدلنيه او مهندسه هما صحيح نفسهم اشتغل بس حكومى شغلانه محترمه زى مدرسه
طب و الله يا سمسمة فكرى لو تقدرى تلاقى وظيفة مدرسة حتى لو ابتدائى و طبعا مفيش اسهل منه بس فكرىى هتاخدى ثووووواب قد ايه لما تعلمى حد يعني مثلا تخيلى اللى بيعلم واحد القراية ..بعد كدة كل حرف قران الطفل دة طووول عمره هيقراه اللى علمه القراية ليه ثواب فيه و كل حاجة هيتعلمها هياخد ثوابها معاه و دة لو طفل واحد فمابالك بفصل و كذا سنه و اجيال و اجيال التعليم بجد من احسن و افضل المهن .. حاولى تدوررى بجد كويس و تلاقى شغل فيها هتستمتعى و تفيدي الناس و تاخدى ثواب عظييييييم و بصى يا ستتى على حكاية الخروج انا مش حكيتلك مأساة الحلاج بتاعتى امبارح
(مش عارفة مين الحلاج دة بس هى قصه عالمية مش فاكرة بتاعت مين شكسبير باين
)
تخيلى بقى و انا سجين زندة كدة ( هقضيها قصص
)
و ماعييش اصحاب و لا قرايب و حتى محمود اخويا مش معانا
و كمان النت موجود بليل بس و نتخانق عليه انا و مصطفى
و لو جربت افتح الشباك غير انها ظاهرة عجيبة فى السعودية بس انا مبيهمنيش ..لالقى مقداميش حاجة و كمان حاطين على كل الشبابيك حديد و لا اكنك فى سجن بالظبط
و راح مرة داخللنا برص وا انا بترعب منه و بقرف جدا منه فحرمنا نفتح شباك تانى
الحمد لله اللى بيصبرنى يوم الجمعه
و يعني بننزل بليل كدة نشترى حاجات مثلا بس مفيش خروج حلو لان مفيش ناس
شفتى بقى احمدى ربنا
و حاولى بجد تشوفى شغل هيشغل وقتك و يفيدك
عارفة ممكن تعملى حاجات بسيطة لو مثلا بتعرفى تعملى كروشية و تريكوا و حاجات من دى تحاولى تعملى كتير و تخليها شغلانه صغنتوته ليكي ..الانسان لما بيينتج بيبقى مبسوط
اكيد لما بتطبخى بتبقى مبسوطة صح ؟؟
انا لما ربنا يهدينى و بساعد ماما و اطبخ و لا اعمل حاجة بتبسط و بفرح مع انى بقعد اهزر و اغنيلها و الله يا زمن ما بادينا زرعنا الشوك
- فداءً لتراب القدس كتب:
وبالنسبه لكلام نونا اننا فى مجتمع ذكورى فانا مش متفقه فى الحته دى بدليل
ان احنا بنخرج عادى عندنا وعندنا بنات بترجع على الساعه 11 11ونص بالليل عادى برضه
ومها كانت بتقولى انها لما بتخرج ما تقدرش تتاخر عن الساعه 8باين او 9
وكمان انا شايفه ان الموضوع ليه علاقهه بالاسره نفسها
وفهمها للوضع وكده وخوفها على بناتها
بصى عدوا يقول حقوق المراه حقوق المراه
قرفونا بيها وفى الاخر كل اللى خدناه اننا بقينا بتعلم ونشتغل وناخد الشغل من الرجاله
علشان ما يلاقوش شغل وما يتقدموش للبنات ويتاخروا فى الجواز
لكن حقوق المراه دى منعت زوج انه يهين زوجته ؟؟لالا
منعت زوج انه يضرب زوجته ويبهدلها ؟؟لالا
خلت الزوج القاسى يلين مع زوجته واولاده ؟؟لالا
خلت الرجاله يتحملوا المسؤليه فى التربيه مع زوجاتهم ؟؟لالا
امال عملت ايه ؟؟ كلام وبس
يا نهار 
ايه كل الرغى ده كفايه كده لحسن اضرب
و الله يا دودو لو الناس مشت الدين صح مش هنحتاج لاى حاجة من الكلام عن حقوق المراه لان مفيش حاجة هتعزنا زى الاسلام ما ربنا اعزنا بيه كلنا بنات و وولاد و ستات و رجالة
بس انا مش معاكى فى حتة خدوا الشغل من الرجالة ..مصر مجتاجة كل اللى فيها يشتغلوا(بس طبعا كل واحد فى المجال المنااااااسب ليه و اللى يخليه يؤدى بقيت ادوراه كويس ) ..ألرجالة الى مبتشتغلش و بيقولوا الستات خدوا مكاننا دول اى كلام
يدور و يوجد بنفسه شغل و يشتغله
لو الشغل بتاع الحكومة و الشركات خلص مش المفروض نقف .ألمفروض نكمل و نعمل جديد و مشاريع جديدة
بجد بزعل او ىمن كلمة بطالة ..المفروض تتمحي
و دة مجرد رايي
- snow white كتب:
- ( ما تستغربيش
الكلمه دى مميزه عندك اوى ليه دايما بتقولها بتفكرنى بحد اسمه لاشىء
سمسمة هو انتى تقصدى بالكلة دى ان فى عضو هنا اسمه لا شىء ؟؟
هو انتى تعرفي هو مين ؟؟
اصل فى عضوية هنا اسمها لاشىء بجد نفسي اعرف مين عشان جاتلى منها رساله مستفزة جدااا ..لو تعرفى قوليلى و متقلقيش مش هقتل صاحبها
--------------------
اسال شوية بقى
هو انتى و كوتماية قرايب و لا جيران و لا ايه ؟؟ عشان انا كنت فاكراكى اخته فى الاول بس معرفتش بعد كدة
قوليلى بجد انتى رايك فيا ايه بس الله يخليكي منغير مجامله ..يعني بجد تحسي انى ايه الى المفروض اصلحه فيا و ايه المفروض احافظ عليه من الصفات ؟؟
ايه هى احلامك كلها ..عارفة انه صعب تتقال كلها بس ارغى براحتك كدة و قوليلى شوية ؟؟
ايه الكلمات اللى بتحبى تسمعيها كتير؟؟
ايه اللى شدك انك تدخلى المنتدى دة بالذات و تفضلى فيه ؟؟
انا اول مرة اعرف انك تجارة ..قوليلى بقى كنتى اداارة و لا محاسبة و كنتى بتحبى مواد ايه ؟؟معلش انا مدمنه تجارة بقى
ايه نوعية اللبس اللى بتحبي تلبسيها و انتى خارجة ؟؟
ايه انطباعك عن البنات فى القاهرة عشان البت فداء كانت وادة فكرة وحشه عننا و كانت فكرانا وحشين
؟؟ ..ال يعنى انتوا فى بلد تانيه و تقعدوا تقولوا علينا وحشين
انصحينى نصيحة خصوصى ليا
و كفاية كدة دلوقتى يا قمورررتى
!!!