ضبط واحضار ومحضر مع العضو (Admin)بداية من منتصف 67

ايه يا جماعه مالكوا فرحانين فيا ليه كده
انا ما عملتش حاجه

تستاهل

لما نشوف هيعرفوا يعزبوك ولا هما بيعزبوا ناس معينة بس

حبيبي
أنا بتهمك بإهدار المال العام
عشان معرفتش تحجز في التعاون
مليش دعوه بقى إحجز والساعه 8
إنت بتقول إن النادي بيفتح من 10
مليش دعوه أنا عايز حجز من8
وفي نفس النادي بقى

مبرررروك الف مبرووك

ربنا معاك

و هو لازم ااجوب على اخر سؤال

المحضر كان ظريف
كان مفرحنى انى كنت فى فترة زهقانه و كنت ساعات اسئلتكوا بتحسسنى بالاهتمام فبفرح لانى كنت حاسه بوحدة
فى شويه حاجات ضايقتنى بس خلاص بقى ننسى
و استفدت منه حاجات

و ربنا يكرمكوا كلكوا اللى سال و اللى مسالش

و انا بكره المراجعه فمش هقول نوع التقرير

بس عموام هو كدة نموذجى مع التحفظات


و نبدا بقى فى الاسئلة

اول حاجة خفيفة كدة


ايه هى هواياتك

ايه هى احلامك بالتفصيل


شايف نفسك اذاى بعد 3 سنين ان شاء الله

مين افضل 15 عضو فى رايك فى المنتدى و ال 15 رقم كبير ممكن تجمع بيه كل الناس اللى بتشارك يعنى تقريبا

و الراى دة من حيث مدى قوة اراءهم و مشاركاتهم اللى بتعجبك مش بعدد المشاركات


و سلاااااااام علييكم و رحمة الله و بركاته

انتوا بداتوا يا اهلا
طيب براحه يا جماعه انا لسه عظمي طري

اقتباس :

ايه هى هواياتك

يا ريت كل الاسئله تبقي كده

طيب نقول الكوره طبعا و التنس و النت و القرايه بس مش في الكتب
و زياره اماكن جديده و ترويق الشقه كمان

اقتباس :

ايه هى احلامك بالتفصيل

بالتفصيل ليه كده
طيب باختصار بقي
طيب اول حاجه اخلص الحياه الجامعيه دي علي خير و بتقير كويس
و ربنا يكرمني بوظيفه كويسه ان شاء الله و اني اوصل لمكانه معينه بحيث اقدر افيد ناس كتير حواليا و ربنا يكرمني ببنت الحلال و استقر و يبقي عندي عيال اشقيا يطلعوا عيني
و اقدر احقق ذاتي و اكون معتممد علي نفسي في كل حاجه و ربنا يستر بقي
و اهم حلم ليا و ربنا يقدرني اني افضل محققه ان مهما طال بيا الزمن ان ابويا و امي يكونوا راضين عني و ربنا يقدرني و ارضيهم

اقتباس :

شايف نفسك اذاى بعد 3 سنين ان شاء الله

و الله الحاجات دي مش مضمونه بس شايف لنفسي ان شاء الله حاجه كويسه في وظيفه كويسه
او هابقي في الجيش لسه

اقتباس :

مين افضل 15 عضو فى رايك فى المنتدى و ال 15 رقم كبير ممكن تجمع بيه كل الناس اللى بتشارك يعنى

سؤال صعب ما بلاش

طيب ممكن نقول
هشام
ندي
مصطفي المسحور
حيحا
ياسمين
كتومايه
مصطفي بروف
محمد مجدي
زمزم
بسبوسه
مصطفي
هدي
فامبير
سمايل
جوهري
ترافيلر
سنبله
و انا طبعا

و الله عايز اكتب كل الناس لانهم اعضاء مميزين جدا

اقتباس :

انت شايف انك عنيد؟؟
احيانا اه
لية مبتاخدش رأى اصحابك فى الحاجات اللى بتبقى هتعملها؟؟

مش ما باخدش بالعكس الراي بيفيدني جدا ,بس في حاجات اه ما بخدش رايهم لانها حاجات بكون ببقي عايز اعملها اوي و فيها افاده لينا كلنا و الراي اللي باخده بيعجزني شويه و بحس انهم في الحاجات دي بالذت مش نفس تفكيري فبهرب من اني حتي اخد الراي ده لانه بيقيدني شويه

لية ديما بتبقى مصر على رأيك حتى لو كان غلط؟؟

طيب مش ممكن اللي قدامي يكون هو الي غلط
انا دايما بيكون عندي تفكيرين تفكيري انا و التفكير التاني المنطقي البحت
فحتي لو وقتها ما اقتنعتش بيبقي ضميرك عارف انها صح و لا غلط
بس انا عموما لو الراي ده غلط ببقي مقتنع انه غلط بس ممكن انت مش بتحس بكده

هل انت مستعد لمواجهة الايام القادمة ؟؟
هههه يا لئيم انت
انا مستعد جدا لاي تحدي هايقابلني الحمد لله
بل و متعطش لكده

اية رأيك فى الوسطة ؟؟

حبيبي يا مصطفي
اشمعني يعني السؤال ده

طيب هيا حاجه مش مقبوله عموما
هو بالنسبالي لما تكون لمجرد التسهيل شويه مش الوسطه اللي هيا يعني ي
و لا ايه يا معلم

اقتباس :

السلام عليكم
اهلا وسهلا بيك يا محمد
انت دخلت المحضر........ ..................
اه شوفتي بقي

شوية اسئلة صغنطوطة كدة...........
ماهى حكمتك فى الحياة ؟ وهل تطبقها فى حياتك فعلا؟؟
حكمه ماشي بيها دايما
اذا دعتك قدرتك علي ظلم الناس فتذكر قدره الله عليك
و بحاول طبعا علي قد ما اقدر اكون مطبقها صح

ماهى مبدائك فى الحياة؟؟
مبدأي بيتلخص من الحكمه نفسها برضه
نراعي الله في كل اعمالنا

تتصور اية لما الجنة بتيجى فى بالك؟؟
بتصور رؤيه الرسول صلي الله عليه و سلم

امتى تستفز الا قدامك؟؟
لما ابقي بارد شويه
هل تعتبر الاشراف ميزة ؟؟وليه؟؟
هو بحدين زي ما بيقولوا
يعني مسؤليه و دي شايف فيها ميزه كويسه لان فيها قدوه
و ممكن تبقي عبء علي الواحد و ما يقدرش عليها و ممكن في الحاله دي يفقد ثقه اللي حواليه
امتى بتفقد رغبتك فى الكلام؟؟
لما احس ان الكلام اللي هاقوله مش يبضيف جديد
و لما يكون الكلام سبب جرح ليا او مش عايز اتكلم فيه علشان ما اخليش اللي معايا يشيل همي
بس كدة
وهرجع اسئلك تانى
والسلام عليكم ورحمة الله وباركته
_________________

اقتباس :

ياترى اشمعنى اللون البنى اللى بتحبة اوى؟؟

لا عادي مجرد صدف بس بحب الوان كتير

هل انت من الناس اللى بتلتزم بمواعيدها ؟

الحمد لله و بحاول علي قد ما اقدر

هل فى حاجة ممكن تخليك تخسر حد قريب منك يكون هو عملها ؟

لا خالص عمري لان عمري ما بسمح لاي حاجه انها تاثر علي حد قريب مني او علي علاقتي بيه و نتيجه لكده الواحد لازم يجي علي نفسه كتير

مش ملاحظ انك طويل شوية بالنسبة لسنك ؟

و انت مش ملاحظ انك قصير شويه بالنسبه لسنك
علي فكره بقي انا طولي الحمد له مناسب 185 سم
و كمان العبره مش بالطول ,بتناسق الجسم


لما حد بيتريق عليك بتزعل؟؟

اوقات اه بس مش ببين لان لازم الحد ده يحسها لوحده

مين هو اكتر انسان عمل حاجة ضايقتك؟؟

مش هاقدر اجاوب معلش اعذرني

و اية هى الحاجة دى؟

حاجة اتعلمتها عمرك ما تنسها ؟؟
لو فى مسابقة من سيربح المليون فى سؤال المليون طلبت ان تستعين بصديق من اول صديق من هو هذا الصديق؟؟
لو شفت موضوع لك وفى نفس الوقت لقيت عضو اخر حاط نفس الموضوع وانت طبعا قبلة ولقيت ان الردود من الاعضاءاتجهت للعضو والاخر هتتصرف ازاى؟؟
امتى تقول لا من غير ما تفكر وامتى تقول اة من غير ما تفكر؟؟
ما هى معنى الشخصية القوية من وجهة نظرك؟؟
الحلم الا نفسك ما يتحققش؟؟
عبر عن نفسك فى كلمتين هتقول اية؟؟
ما هى عيوابك ومميزاتك من وجهة نظرك؟؟
بس كدة

اقتباس :

حاجة اتعلمتها عمرك ما تنسها ؟؟

ان تكن قنوعا تكن اسعد الناس
و ما تخليش اي حاجه محزنه تاثر عليك فتره حتي ولو كانت قصيره علشان تعرف تكمل
و اهم حاجه ان سعاده الدنيا كلها تكمن في رضا ربنا و رضا اهلك عنك

لو فى مسابقة من سيربح المليون فى سؤال المليون طلبت ان تستعين بصديق من اول صديق من هو هذا الصديق؟؟

عمرو اخويا

لو
شفت موضوع لك وفى نفس الوقت لقيت عضو اخر حاط نفس الموضوع وانت طبعا قبلة
ولقيت ان الردود من الاعضاءاتجهت للعضو والاخر هتتصرف ازاى؟؟

هاكتب في الموضوع اني حاطط الموضوع ده قبل كده
و بس .... و الردود مساله ترجع لاصحابها

امتى تقول لا من غير ما تفكر وامتى تقول اة من غير ما تفكر؟؟

في الحاجات اللي ما فيهاش نقاش من كلام الله و سنه رسوله

ما هى معنى الشخصية القوية من وجهة نظرك؟؟

ان الواحد يبقي ليه اراء مستقله و فكر خاص بيه و ما يبقاش دائم التأثر بالاخرين و يبقي عنده اراده قويه و تحمل للمسئوليه و كل ده لو حتي تحت ضغوظ مختلفه

الحلم الا نفسك ما يتحققش؟؟

اني اتخرج من الجامعه , حلم بس لما يتحقق يبقي صعب

عبر عن نفسك فى كلمتين هتقول اية؟؟

طيب و دماغ و ابن حلال

ما هى عيوابك ومميزاتك من وجهة نظرك؟؟

سؤال صعب لان الحاجات دي بتبقي من وجهه نظر الاخرين
بس ممكن من المزيا مثلا اجتماعي جدا و حماسي اوي
و ممكن من العيوب بحمل نفسي اكتر من طاقتي و ده ممكن يخليني ارجع في حاجات بدون ارادتي

بس كدة

شكل بسبوسة والسيف المسحور متوصيين بيك

ربنا معاك

انا مش هسالك لانى اسئلتى مش هاتفيدك ولا هاتفيدنى فى حاجة

وطالما هى مش هاضيف جديد يبقى مالهاش لازمة

واجاباتك كويسة وصريحة الى حد ما

بسم الله الرحمن الرحيم

نفسك تبقى ايه فى المستقبل؟

ايه اكتر حاجة ضايقتك واكتر حاجة بسطتك فى الفترة الاخيرة؟

بتشجع مين فى الامم الاوروبية؟

عمرك ندمت على اى قرار؟

السلام عليكم ورحمه الله وبركاته
يا ويلكم يا ويلكم
اغيب كام يوم والاقي محمد 14 هنا
يامرحبا

وابدا الاسئله
1-لخص الترم ده
في 3 كلمات

2-ياتري وصلت لحاجه الترم ده

3-
هل تعتبر ناجح في قياده حياتك

4-هل رقم موبايلك سهل انك تغيره

5- تختار ايه
مولتو بشيكولاته ولا كيس شبسي بجبنه

وكفايه كده لحين عوده ان شاء الله

اهلا بالحبايب

اقتباس :

بسم الله الرحمن الرحيم

نفسك تبقى ايه فى المستقبل؟

طيار

لا بجد نفسي ابقي في وظيفه في مجال دراستي و احقق انجاز كبير فيها

ايه اكتر حاجة ضايقتك واكتر حاجة بسطتك فى الفترة الاخيرة؟

اكتر حاجه ضايقتني اني في هدف ما قدرتش احققه لغايه دلوقتي
و اكتر حاجه بسطتني اني مرتب وقتي كويس و منظم حياتي في الفتره دي


بتشجع مين فى الامم الاوروبية؟

كانت فرنسا و طلعت و البرتغال و طلعت
فنخليها بقي ايطاليا و هاتطلع انا عارف


عمرك ندمت على اى قرار؟

ندمت علي قرار خدته من فتره

اقتباس :

السلام عليكم ورحمه الله وبركاته
يا ويلكم يا ويلكم
اغيب كام يوم والاقي محمد 14 هنا
يامرحبا

شوفتي بقي حد يلحقني
اهلا بيكي


وابدا الاسئله
1-لخص الترم ده
في 3 كلمات

ترم كويس و غريب و بيوتفول


2-ياتري وصلت لحاجه الترم ده

علي راي محمد محي ان ما وصلتش لحاجه من اللي حلمت بيه
بس بعوضها اليومين دول و بحاول علي قد ما اقدر و الحمد لله ماشي كويس
و الترم يعني الي حد ما كويس
3-
هل تعتبر ناجح في قياده حياتك

لغايه الوقت ده ممكن بنسبه 80 %


4-هل رقم موبايلك سهل انك تغيره

لالالا مش سهل خالص

5- تختار ايه
مولتو بشيكولاته ولا كيس شبسي بجبنه

هههه ده ايه الاسئله الي تجوع دي
طيب خلينا في المولتو احسن

وكفايه كده لحين عوده ان شاء الله
ما تخليكي قاعده شويه

محمد وجهلى نقد انى دخلت ومش سألت

طيب

دول كام سؤال رياضى من اللى فلبك بيحبهم

1. حبيت كام مرة ؟
2.تحب انت اللى تحب واللى انت اللى تتحب ؟
3.ايه اللى انت تحبه يكون موجود فى حبيبك ؟
4.حبك الاول احسن ولا ايه؟
5.ايه رايك فى حوارات الجامعة ؟
6.تحب انت اللى تجيب جون ولا الجون يجى لحد عندك؟ جاوب بالطريقة اللى انت فاهمها
7.ايه رايك فى بنات الجامعة ؟(انا مش عجبانى خالص كله وجع دماغ)
8.شايف انك كفء فى ادارة حياتك ؟
9.يعتمد عليك ؟وليه؟
10.الدنيا بتمثلك ايه ؟

كفايه عليك كده المرة ديه

وخلى بالك فيه منهم كتير

اقتباس :

محمد وجهلى نقد انى دخلت ومش سألت

انا غلطان اني قولتلك
امشي يا عم ما عندناش اسئله

ده ايه الاسئله الرياضيه الجامده دي

اقتباس :

1. حبيت كام مرة ؟

اول القصيده ............

طيب

بسم الله الرحمن الرحيم الاجابه مره

2.تحب انت اللى تحب واللى انت اللى تتحب ؟

سؤال رخم
اكيد و لا دي و لا دي
لازم يبقي من الطرفين

3.ايه اللى انت تحبه يكون موجود فى حبيبك ؟

حاجات كتير من صفات بس اهم حاجه ان بيقي في توافق و تكامل بينا في كل حاجه علشان يبقي في رؤيه شبه سليمه لاي حاجه تقابلنا في حياتنا و ما يبقاش في مشاكل مستقبلا

4.حبك الاول احسن ولا ايه؟

ده علي اساس انهم كتير يعني
ده انت غريب يا هاني

5.ايه رايك فى حوارات الجامعة ؟

كويسين الحمد لله

6.تحب انت اللى تجيب جون ولا الجون يجى لحد عندك؟ جاوب بالطريقة اللى انت فاهمها

ههههه يا لئيم
لا طبعا انا اللي اجيبه

7.ايه رايك فى بنات الجامعة ؟(انا مش عجبانى خالص كله وجع دماغ)

عندك حق يا راجل بلاش وجع دماغ
انت كده هاتودينا في داهيه
طبعا ما ينفعش اقول راي موحد او شامل لان في كده و في كده
بس الحمد لله معظمهم بنات محترمين جدا و علي درجه عاليه من الثقافه و التدين

8.شايف انك كفء فى ادارة حياتك ؟

الي حد ما في الفتره دي

9.يعتمد عليك ؟وليه؟

الحمد لله , لاني مش بحب اصغر في نظر حد و بحب اكون حاسس بثقتي في نفسي و مش عايز احس اني فقدتها في مره

10.الدنيا بتمثلك ايه ؟

حاجات كتيييير طبعا بس الاهم من وجهه نظري اهلي و اصحابي و الناس اللي بحبهم و بيحبوني لاني شايف ان الدنيا من غيرهم هاتبقي مش دنيا


كفايه عليك كده المرة ديه

هههه ما تخليك شويه

وخلى بالك فيه منهم كتير

ربنا ما يحرمنيش منك يا رب

ما انت حلو اهوه

بس انت ليه بتجاوب بسطحية

؟

اقتباس :

بتشجع مين فى الامم الاوروبية؟

كانت فرنسا و طلعت و البرتغال و طلعت
فنخليها بقي ايطاليا و هاتطلع انا عارف

وحياة والدك يا شيخ ما تشجع حد تاني


لأحسن مصر اللي تاخد الكاس في الاخر


لي عودة بس بعضويتي انا

ده شكله هاخلص على كل الفرق الكبيرة

انت تشجع جيبوتى احسن بقى

اقتباس :

طيب نقول الكوره طبعا و التنس و النت و القرايه بس مش في الكتب
و زياره اماكن جديده و ترويق الشقه كمان

يا ريت تعلمنا اخر هوايه دى ممكن نخليها هوايه عندنا اذاى
دى هوايه تفرح ماما اوى نفسى تبقى عندى

اقتباس :

و انت مش ملاحظ انك قصير شويه بالنسبه لسنك
علي فكره بقي انا طولي الحمد لله مناسب 185 سم
و كمان العبره مش بالطول ,بتناسق الجسم

185 مش كتير اخويا اطول بسنتى باين

و بعدين كل الاطوال كويسه ول يها مزاياها

اقتباس :

ايه رايك فى بنات الجامعة ؟(انا مش عجبانى خالص كله وجع دماغ)

يعنى تقصد حضرتك ان كل البنات وحشين ييعنى و لا ايه

يا ريت اعتذار لكل البنات عشان حضرتك بتتكلم عن قله