ندموا ولكن بعد فوات الأوان

طبعا يا جماعة كلنا أو معظمنا سمعنا عن الشباب اللي أنضحك عليهم وواحد فهمهم أنهم هيسافروا أيطاليا

ومن سذاجتهم باعوا كل اللي بيمتلكوه ومضوا على وصلات أمانة وفي الأخر ركبوا المركب وأنضحك عليهم ووصلوا

ليبيا وفي الأخر رجعوا يامولاي كما خلقتني وفقدوا كل فلوسهم وفي ناس منهم ماتت .


وأنا أستغرب على ما فعلوه ولم أتوقع أن يوجد ناس للأسف أغبياء وينضحك عليهم بكل بساطة كده

والفلوس اللي صرفها عشان يسافر أيطاليا أو قصدي الفلوس اللي دفعها عشان ينضحك عليه

كان ممكن يعمل مشروح أو يحطهم في بنك ويجبولوا دخل شهري يستفيد بيه بدل المرمطة دي

وهل الله أعماهم وأغفل عقلهم ليعاقبهم ؟ أم االعيب فيهم ؟

كل ذلك قدر الله

يريت يا جماعة تشاركم في الموضوع

هو انت معاك حق

بس انا شايفة برضه حرام نيجى عليهم اوى كده مش كفايه اللى حصلهم

وبعدين موضوع المشروع برضه مش حاجة سهلة اوى

خصوصا ان الاستثمارات فى مصر فى الفترة دى مقفوله اوى

ومحتاجين لرأس مال كبير يأما كانوا يشتركوا كلهم فى مشاريع صغيرة

وموضوع فايدة البنك برضه مش كبيرة اوى لأن قيمة النقود بتقل باكتر من سعر الفايدة اللى هايخدوا

هو انا مش بدافع عنهم بالعكس انا شايفة انهم غلط وانا اول واحدة باغلطهم

بس برضه لازم نشوف الظروف اللى خلتهم يلجأوا لكدة اكيد هما حاولوا يعملوا حاجه ومقدروش

ويارب نبطل نسمع عن الحوادث اللى من النوع ده لأن بيصعب عليا اوى سباب لسه الدنيا بتتفتح قدامهم يحصلهم كده

وربنا يعدل الحال ان شاء الله

مش هاجى عليهم
واقول لازم يحاولوا ولازم اصرار وعزيمه.........الخ

لا انا هكون واقعى


وللعلم قبل ما اتكلم انا من اكتر الناس تفاؤل فى المنطقه العربيه
ومش عايز اسافر ورافض الفكره تماما اللى والدى بيقترحها عليا
انا عايز اعيش واموت هنا


لكن

هقول
ان العيب مش فيهم ولا فى تفكيرهم
العيب على البلد اللى خلتهم عايزين يهربوا منها ويروحوا اى حته انشاللخه اسرائيل

الشاب من دول بيقول اعيش ويقولوا عليا خاين
بدل ما موت من الجوع هنا

انا مش هفتح موضوع السفر لاسرائيل والكلام ده
انا هتكلم عن السفر عمتا

عشان انا فعلا متضايق من الموضوع ده لان اعز صاحبين عليا واحد هاجر
والتانى فى الطريق لان والدهم هاجر زمان من الظروف اللى احن فيها


العيب مش فى وزلاد البلد دى
العيب ع البلد اللى مش بتحافظ على ولادها


وهضرب مثل

اولاد الشوارع ليه سابوا بيوتهم
هما لو لقوا معامله ولا تربيه ولا رعايه كانوا راحوا للشوارع والنوم تحت الكبارى

فى امهات بيعلموا ولادهم الشحاته من صغرهم وانا شفتها
بتقول (شحت محمد) يعنى امه علمته الشحاته
يعنى مش هيعرف غير انه يشحت وهيعيش عمره يشحت
لانها حرمته الرعايه والامومه والتعليم وقفلت عليه اى باب انه يبقى انسان كويس
ومحاولتش


هو ده نفس المثل بس على كبير
والام هى مصر

عارف ان كمان شويه
هلاقى الانسه ندى داخله ومعارضه معايا
وهتنتقد كلامى


انا معاها وشايف ان لازم امل .......الخ
ومع احترامى للأراء كلها


كفايه
تعبنا بقه

ماجاع فقير الا من طمع غنى
زى ماقال سيدنا محمد صلى الله عليه وسلم


لازم نجبر امهاتنا ترعانا
فاهمنى طبعا

انا مش معاك خالص يا مصطفى
اولا الناس دى مش زى مانت متخيل اغلبهم ان لم يكن كلهم عماله يعنى بنيين وفنيين وكده يعنى
يعنى هم معندهمش الثقافه او الفكر الى يمكنهم من انهم يعملو مشروح ناجح ويدروه صح

كمان متقدرش تلومهم اوى لان ظروفهم صغبه جداااا متفتكرش انك تسيب بلدك واهلك دى حاجه سهله بس للاسف مع ظروف وتطلبات الحياه اضطرهم الظروف لكده

انا معاك انهم يمكن اسائو التصرف بس هما معزورين

انهم يبحثون علي الفرصه التى لم يجدوها في الداخل

وعندما يموت الامل فلا توجد حياه

لماذا كل الناس اللى سافروا وقد نجحوا بقدر قليل لم يعودوا؟

لانهم وجدوا الحياه بالخارج رغم قساوتها ارحم من الحياه في الوطن

اقتباس :

عارف ان كمان شويه
هلاقى الانسه ندى داخله ومعارضه معايا
وهتنتقد كلامى

لا مش هعارض


لانى اتكلمت فى الحكاية دى قبل كدة

هنااااا

( من اول اخر مشاركه .. بتاعتى لما كنت ورد )

[ندعوك للتسجيل في المنتدى أو التعريف بنفسك لمعاينة هذا الرابط]


بس انا مش غايظنى غير كلمة واحده

مصر

مصر

مصر


مصر هى ايه و احنا ايه

احنا مصر و مصر احنا

مصر يا ندى

ولما اقول مصر مش اقصد احنا

اقصد اللى المفروض بيقوموا برعايتها
يعنى الناس اللى احنا رعيتهم
اللى احنا فى رقبتهم
الناس اللى مسئولين عن الناس اللى ماتت دى يوم القيامه

موضوع جميل

بس انتى يا ندى برده فاهمة الموضوع غلط

احنا بننهار

فاهمه كده كويس ولا لا؟

لوحدكوا بقى ( بعد الشر )

انا شخصيا الحمد لله مش ناويه ان شاء الله

عشان ناويه اكون عضوة كويسه و صالحه فى المجتمع

يبقى اكيد هقدر اوصل لمكانه كويسه

اللى عايز يحقق شيء بيقدر يحققه مهما كان قصاده اى شىء

لان ربنا معانا و احنا بس نسعى

لو كل واحد بيعمل اللى عليه كل شىء هيتحل

و مش هتناقش معاكوا تانى فى النقطة دى لان اعتقد كل واحد مننا متمسك برايه و مش بيغيره

انا مصممه ان فى حاجات صح غلط كتير لكن لو كل واحد اتغير و حاول يغير اخواته و اصحابه بعد كدة كلنا هنتغير و مصر هترجع ذى زمان

و مصر مليااااااااااااااااااانه خير بس عايزة ولادها دول و عايزة تعبهم و عايزه جهدهم يعمروها و يطوروا فيها و يشتغلوا

لو اشتغلنا و رضينا باى شغلانه بسيطه فى الاول هننمى بلدنا و هنتغير

بتشوفوا الاعلان بتاع اللى فاته القطر

سلاااااام علييييييييكم و رحمة الله و بركاته

على فكرة انا اتبسطت اوى من جمله هلاقى ندى داخله تعارض

انا مبسوطة اوى ان الحمد لله بقيت مشهورة انى باجى ادافع عن اللى يتكلم عن بلدى
دة شىء يسعدنى

حتى لو شايفينى عبيطة و عايشه فى الخيال

بس انا بحب الامل و بحب اعيش بييه

عشان لو معانا الامل و كلنا عندنا امل هنتغير
لكن لو كل لناس ذيكوا عايشين منغير امل

ربنا يستر على مصر


سلاااام عليييكم و رحمة الله و بركاته

ههههههههههههههههههههههههههههههه
زيكوا معندكوش امل



لا والله يا ندى

انا متفائل زيك واكتر
بس انا صعبان عليا اللى بيحصل ده
الناس دى كده بس مين السبب فى اللى وصلوا له ده

انت شايفه مين السبب
واصلى المغرب وارجعلك

هههههههههههههههههههههههههههههه

انتى محسسانى انى من اللى فاته ىالقطر

بس يجى القطر ويحلها ربنا

بصى اتفرجى بكره على العاشرة مساءا

وعلى فكرة امثالنا هما اللى بيحاولو يحلوها من غير ما يتكلمو

احنا مش لازم نتكلم ونقول وهانعمل ومصر امى وبنت خالتى والكلام ده

المهم انت بتعمل ايه

ديه المشكلة

انا اكتر حاجة تخنقنى الشعارات


السلام عليكم ورحمة الله وبركاته

انا بقى

اموت فى الشعارات





































بس بجانب محاوله تنفيذها

و ان شاء الله ابقى اتفرج على العاشرة مساء

سلااام عليييكم و رحمة الله و بركاته

رجاء بالاضافه الى العاشره مساء

اللى اهم

شوفى برنامج الطبعه الاولى على دريم2
وياسلام لو تضيفى الحقيقه والبيت بيتك


وشوفى واتفرجى ع المهازل

يا سلام لو تقرأى الوفد وانت ع النت كده والمصرى اليوم

بس خلاص


ايه ده كله

برامج كتيييره

الطبعه الاولى لذيذ بحب اسمعه بس دة لما بفتح التلفزيون

الحقيقه برنامج بايخ مبطقهوش و بتضايق من المذيع ربنا يهديه
بس المرتين الى شفته فيهم كان جايب حاجات تعمل فتنه و جايب شيخ هو ربنا يكرمه بس مش من النوع اللى يقدر يتناقش و يعمل مناظرة فكان مضايقنى جدا لانه بين صورة سيئه عن المسلمين
بجد مبطيقش البرنامج دة

البيت بيتك تحفه بموت فيه بس برضه لما افتح التلفزيون او اكون عند تيته عشان هى بتسمعه باستمرار



بس هو الكلام بيدل على حاجة

انكوا مصرين انى مش عايشه معاكوا

عادى على مزاجكوا

صح انا مش بتابع الاخبار باستمرار ودة عيب فيه

و صح مش بهتم بحاجات كتيرة المفروض اهتم بيها

و دة غلللط جدااااااااا

بس انا شايفه انى و الله لو هتفرج و اعيط او اسكت يبقى ملوش لازمة

المهم انى احاول اغير الى اقدر عليه

هو كفايه برنامج واحد او اتنين الواحد يتابعهم

وانا معاكي في ان الواحد مش بيتفرج على حاجات مفيد يعني البرامج اللي فيها مناقشات

وكل الناس تقريبا بيتفرجوا على الافلام وقليل اللي يشوف برامج مفيده