ضبط واحضار ومحضر مع العضو (Admin)بداية من منتصف 67

اسال بقى شويه .. ممكن اكتر من اجابه

ايه اكتر فيلم بتحبه

اكتر مسلسل

اكتر مسرحية


كاتون


اكتر ممثل

ممثله

مغنى

مغنية


كل اللى فات دة بقى اجنبى كمان


اكتر قنوات بتسمعهها

اقرب 7 اصدقاء اليك سواء معانا هنا على المنتدى او لأ

ايه اللى بيعجبك فى اصحابك فمخليك مصاحبهم(كل واحد على حدة )


ايه رايك فى لون المنتدى

نفسك المنتدى يتعمل فيه ايه و الحاجة دى سهل نعملها دلوقتى حالا


مين الاعضاء الى هنا رايك يتشابه مع رايهم غالبا و مين بيتعارض معهم غالبا (و طبعا لالاختلاف فى الراى لا يفسد للود قضية )



كفايه كدة مؤقتا

و سلااام عليييكم و رحمة الله و بركاته

حضرتى مش بيعتذر مهما كان السبب

وكمان انا سؤالى كان موجه لولد وكمان اعتقد انه فاهم قصدى

شكرا لحضرتك على التنبيه

لأ المفترض تعتذر لما تغلط فى حد

و ما دام مش بتعتذر يبقى من حقنا ما نسامحكش

و ارجوا لهجة الحوار تكون افضل من كدة

و ما علينا مش هبوظ الموضوع

سلام عليكم و رحمة الله و بركاته

والله انا مش غلطت فى حد

علشان تقررو تسامحونى ولا لا

وكلامى واضح جدا يا ندى

شكرا

الراس الكبيرة بتقول ما فيش خروج عن الموضوع

السلام عليكم , دى اول مرة ليا هنا , وربنا يستر , ونقول

س1\قررت تدخل قسم ايه فى 4 ان شاء الله وليه ؟
س2\بتقرا جرايد ؟ وايه اول صفحة بتقراها ؟
س3\امتى بتحس بالوحدة؟
س4\ايه اكبر مخاوفك فى الحياة؟
س5\امتى بتحس انك راضي عن نفسك؟
س6\ايه اكتر حاجة مش بتعجبك فى نفسك وبتحاول تغيرها ؟
س7\بتعمل ايه لما بتكون مخنوق ؟
س8\لحظات عشتها بتتمنى ترجع ,,ولحظات تتمنى انها لم تكن موجودة اصلا؟

اقتباس :

بس انت ليه بتجاوب بسطحية

قصدك ايه يا ولا

اقتباس :

وحياة والدك يا شيخ ما تشجع حد تاني


لأحسن مصر اللي تاخد الكاس في الاخر


لي عودة بس بعضويتي انا

ههههه
طيب انا هاشجه اسبانيا
و شكلها برضه هاتطلع

اقتباس :

مقالة:

طيب نقول الكوره طبعا و التنس و النت و القرايه بس مش في الكتب و زياره اماكن جديده و ترويق الشقه كمان

يا ريت تعلمنا اخر هوايه دى ممكن نخليها هوايه عندنا اذاى
دى هوايه تفرح ماما اوى نفسى تبقى عندى

ههههه
بس بلاش تريقه و النبي
بس هيا فعلا بعتبرها هوايه

اقتباس :

185 مش كتير اخويا اطول بسنتى باين

و بعدين كل الاطوال كويسه ول يها مزاياها

الحمد لله في حد معايا

اقتباس :

مقالة:

ايه رايك فى بنات الجامعة ؟(انا مش عجبانى خالص كله وجع دماغ)

يعنى تقصد حضرتك ان كل البنات وحشين ييعنى و لا ايه

يا ريت اعتذار لكل البنات عشان حضرتك بتتكلم عن قله
_________________

ايوه فعلا يا ندي عندك حق

تستاهل يا مصطفي :lol:

ليه كده يا حلو

ما بلاش

هههههه
علشان تبقي تسأل اسئله كرويه صح

ماشى

بس انت جاوب على الاسئلة

اقتباس :

اسال بقى شويه .. ممكن اكتر من اجابه

ليه كده بس طيب اتفضلي

ايه اكتر فيلم بتحبه

نقول الناصر صلاح الدين و اشاعه حب

اكتر مسلسل

فارس بلا جواد

اكتر مسرحية

كل المسرحيات لمحمد صبحي

كاتون

شركه المرعبين المحدوده


اكتر ممثل

من القديم احمد مظهر و محمود المليجي
و الجديد احمد حلمي و كريم عبد العزيز

ممثله

مني زكي

مغنى

عمر خيرت (مع انه مش مغني )

مغنية

انغام و اصاله


كل اللى فات دة بقى اجنبى كمان

ليه كده بس
طيب
اكتر فيلم : the rock
اكتر مسلسل : فريندس
كارتون : تيمون و بوميا و حياه حشره
ممثل : نيكولاس كيدج
ممثله : جنيفر انستون
مغني : الموسيقار ياني ( بس برضه مش مغني )
مغنيه : نقول سيلين ديون يلا


اكتر قنوات بتسمعهها

بحب دريم و الناس و روتانا و الجزيره

اقرب 7 اصدقاء اليك سواء معانا هنا على المنتدى او لأ

من المنتدي مصطفي و ياسر و وليد و هشام و مصطفي كمان
من بره بقي جبيلي و سامر و اسامه ( مين دول )

ايه اللى بيعجبك فى اصحابك فمخليك مصاحبهم(كل واحد على حدة )

كله علي حده لا كتير انا هاعمل مجمل شويه

مصطفي و جبيلي و وليد عشره عمر و بقالنا كتير اصحاب و الحمد لله اصحاب بمعني اصحاب و مش محتاج اقول انهم اخواتي و اقرب الناس ليا و ثقتي فيهم كبيره

سامر و ياسر و اسامه ممكن مش نفس الفتره اوي بس بجد شوفت منهم حاجات كتيره اوي جميله و بحس انهم اخواتي
مصطفي بقي و هشام رغم اني بقالي فتره قصيره اعرفهم الا انهم جدعين اوي و رجاله بجد و تفكيرهم مقارب لتفكيري و حاسس اننا هانبقي اصحاب كويسين جدا و ربنا يديم المحبه


ايه رايك فى لون المنتدى

جميل اوي بحس اني في جنينه

نفسك المنتدى يتعمل فيه ايه و الحاجة دى سهل نعملها دلوقتى حالا

ممكن نعمل تول بار جديد تاني


مين الاعضاء الى هنا رايك يتشابه مع رايهم غالبا و مين بيتعارض معهم غالبا (و طبعا لالاختلاف فى الراى لا يفسد للود قضية )

ممكن من اللي بتفق معاهم مصطفي بس مش علي طول
و وليد و حيحا و ندي احيانا برضه



كفايه كدة مؤقتا

و للحوار بقيه

و سلااام عليييكم و رحمة الله و بركاته

و عليكم السلام و رحمه الله وبركاته
_________________

اقتباس :

لسلام عليكم , دى اول مرة ليا هنا , وربنا يستر , ونقول

و اخر مره علشان تبقي عارفه

لا طبعا انتي تنوري و خدي راحتك

س1\قررت تدخل قسم ايه فى 4 ان شاء الله وليه ؟

محاسبه ان شاء الله , لانه قسم بحبه و فيه فكر و ابداع كويس و كمان انا دماغي فيها محاسبه كويسه
س2\بتقرا جرايد ؟ وايه اول صفحة بتقراها ؟

طبعا , طبعا الصفحه الاولي مثلا في الاخبار اخد العناوين و بعدين بقي اتصفح الباقي و ادخل علي احمد رجب طبعا و اخيرا مصطفي حسين انتهي بيه

س3\امتى بتحس بالوحدة؟

لما احس بناس كتير حواليا و ما حدش حاسس بيا بتبقي وحده صعبه اوي اصعب من الوحده المتعرف عليها
يعني بتبقي حاجه صعبه اوي لما ما تلاقيش حد مشاركك في احاسيسك و مشاعرك و متعاطف معاك و بيحس بيك دايما في اصعب المواقف

س4\ايه اكبر مخاوفك فى الحياة؟

الحياه التانيه بعد حياه الجامعه
يعني كل واحد فينا بيبقي داخل بقي علي حياه جديده و لازم يثبت نفسه و يتحمل المسئوليه و دي حاجه مش سهله و لازم نخططلها كويس و بتبقي طبعا فيها مخاوف كتير و كل واحد بيخاف من اللحظات دي و ربنا يسهل ان شاء الله

س5\امتى بتحس انك راضي عن نفسك؟

لما احس ان ربنا و والدي و والدتي راضيين عني و ابقي راضي ضميري تجاههم

س6\ايه اكتر حاجة مش بتعجبك فى نفسك وبتحاول تغيرها ؟

ممكن بحمل نفسي حاجات فوق طاقتي شويه و مكن اندم فيها علي قرارات خدتها
بس حاليا الواحد بقي بيتعلم

س7\بتعمل ايه لما بتكون مخنوق ؟

اكيد طبعا الرجوع لربنا في كل حاجه و ان شاء الله هاتبقي مرتاح نفسيا و فوق كده ممكن اخرج مع اصحابي او اقعد لوحدي مع نفسي اشوف ايه اللي مضايقني و احاول ما اخليهوش يبقي ماثر عليا بدرجه عاليه شويه
لان بجد الاحساس ده بيخلي الواحد يحس اني بيفقد كل حاجه و ما يبقاش عارف يعمل اي حاجه , فلازم علي قدر الامكان انه يتخلص من الاحساس ده باسرع وقت

س8\لحظات عشتها بتتمنى ترجع ,,ولحظات تتمنى انها لم تكن موجودة اصلا؟

كل لحظات عشتها في الجامعه بتمني ترجع تاني لانها بجد ايام جميله جدا و ما تتعوضش

و لحظات اتمني ما ترجعش تاني اول ايام في الترم التاني كانت لحظات صعبه اوي
ربنا لا يرجعها تاني

اقتباس :

شوية اسئلة كدة

يا سلام بس كده
الصداقة بتمثلك اية؟؟

ببساطه كده لاني ما ليش في العبارات و الجمل يعني الجامده دي
الانسان من غير اصدقاء تبقي حياته مظلمه اوي و مش عارف لو الواحد من غير اصحاب بجد كان الواحد هايبقي عامل ازاي
لازم طبعا تلاقي ناس دايما في وقت الشده جنبك يشاركوك في حياتك في فرحك وفي حزنك و في كل ايامك و و يكونوا اصدقاء يشدوك لفوق و يتمنولك الافضل دايما
فلو مافيش كل الحاجات دي بتهيالي هاتبقي حياه صعبه اوي

اية اهم حاجات لازم تكون موجودة فى اى انسان بتتعامل معاه؟؟

فكره ,
اهم حاجه في اللي بتعامل معاه .
ده اللي بيقرر ان هايكون في قابليه اني تعاملي معاه هايستمر و لا مش
يعني طريقه تفكيره و دماغه يعني عامله ازاي و في تقارب بيني و بينه و لا لا و مستوي ذكائه
يعني بركز علي العقليه اوي لانها بتحدد حاجات كتير


لو جية حد وانتقدك هتعمل ايه؟؟

عادي بحب الانتقاد بس اللي بيبقي بطريقه تخليني ابص للنقد ده بنظره جديه و ايجابيه و احاول اعدل منها شويه
مش نقد بقي اللي هو بسخريه بقي او تريقه ده مش نقد اساسا
يعني يبقي علي سبيل النصيحه مثلا من اخ لاخوه ده اكيد هاهتم بيه اوي و احس كمان ان اللي بينقدني ده عايز مصلحتي و همه اني ابقي احسن من كده مش علشان اي حاجه تانيه

امتى اخر مرة قولت عندك حق؟؟

مش عارف بالظيط , بس الحالات يعني بتبقي لما بيبقي في مثلا حاله حوار و انا شايف حاجه بوجهه نظر واحده و لما حد بيبقي عنده وجهه نظر من زاويه مختلفه او من نواحي كتيره تانيه ساعتها ببقي لميت الموضوع كله و فهمته كويس و ساعتها بيبقي فعلا وجهات النظر دي عنده حق فيها , و بعدل من نظرتي ليها

امتى اخر مرة قولت استحالة؟؟

هو انا دايما مش بحب الكلمه دي خالص لاني بطبيعتي مهما كانت الحاجه دي شبه مستحيله بيبقي عندي و لو بذره تفاؤل اساسيه في كل حاجه حتي لو وصلت لدرجه الاستحاله الكليه بقي ,
بس مثلا حاله ماتش مصر و جيبوتي مثلا يجي الجماهير مثلا بتاعت جيبوتي بقولك ان شاء الله هانكسب 2 صفر مثلا ده طبعا بيهرج و اقوله بقي استحاله
اية اكتر موقف بيضحك حصلك؟؟

موقف حصلي انا و اخويا و 3 قرايبي كنا خارجين و راكبين تاكسي و التاكسي وقف في اشاره , فلقينا شحات جه و بيقول حاجه لله و كده يعني قريبي ده حط ايده في جيبه ما لقاش غير حبه فكه كده كانت ريالين و كام بريزه كده تقريبا فقام اداهم للشحات
فالشحات بص كده للفلوس و قام قاله يا عم روح انت عبيط و قام مديله الفلوس تاني و مشي

بجد ساعتها فطسنا علي نفسنا من الضحك و السواق ساعتها ضحك ضحك علينا
يلا ادي اخر الشحاته
كمان قولنا مقلب اتعمل فيك؟؟

مقلب امممممم
هو مش مقلب مقلب
هو كان جارنا لسه جايب ماسك جديد كده بتاع فيلم سكريم و النور ساعتها كان قاطع و مش فاكر قولتله ادخل هات ايه من جوه كده و انا مستنيك فدخل و ساعتها ماكانش فيه نور غير نور الشمعدان تقريبا
و اذ فوجئت بعدها بحد ورايا و بعبايه سوده و يا فكيك طبعا
بس ساعتها كنت هاموت بقي كانت حاجه فجائيه كده و مش واخد خوانه بقي
يلا ربنا يسامحه و لسه برضه بيعمل مقالب من دي كتير
بس كدة

شويه اسئلة جميلة اهوه

ورينا يا عم محمد همتك

وانا جاى فى الطريق باسئلة رياضية جديدة

اقتباس :

شويه اسئلة جميلة اهوه

ورينا يا عم محمد همتك

وانا جاى فى الطريق باسئلة رياضية جديدة

رياضيه تاني

هاتعملي فيها هملت ماشي

اقتباس :

السلام عليكم ورحمه الله وبركاته

و عليكم السلام و رحمه الله و بركاته

اهلا ..


لو كنت راحي لمكان ولقيت مش معاك فلوس كفايه تعمل ايه بس ده بعد ما وصلتي

هاتصل باي حد يجيلي في المكان اللي فيه او اقضيها مشي بقي و ارجع البيت
اصلي كييف مشي


لو ركبت المترو التذكرة ضاعت منك وانت نازل تعملي ايه

هاخلي اي حد من اللي واقفين الناحيه التانيه يجيبلي غيرها من الشباك بس من غير العسكري ما يشوفني


لو خيرت بين اتنين صاحبك او اخوك في خروجه هتعمل ايه

حسب الخروجه , ممكن مع اخريا تبقي احسن او مع اصحابي تبقي احسن
بس هو في الغالب بخرج مع اصحابي دايما


لو حسيت انك خايف من حاجه هتواجهيها ولالا

في معظم الحالات ايوه , انا بطبيعتي بحب المواجهات مش بحب اخد جنب و اقعد ساكت


لو خيرت بين الكذب والخيانه تختار ايه

ده ايه الاسئله الجامده دي
و لا دي و لا دي طبعا لان دول اكتر حاجه بكرهم في حياتي


لو خيرت بين الضحك والابتسامه تختار ايه

الابتسامه معبره اكتر و فيها ثقه و راحه

لو روحتي مكتبه مبارك وكان في فيلم جديد وسي دي معلومات تختار ايه

لا السي دي للمعلومات
لان انا اصلا اي فيلم جديد بجيبه عندي علي الجهاز بركنه مش غاوي اوي حكايه الافلام دي


لو اتفرجت علي اخبار بتتاثر بيها

اكيد طبعا , سواء اخبار محليه مثلا و مشاكل في مجتمعنا او اخبار خاصه ببلادنا العربيه و الي بيحصل فيها

لو جيه حد وانتقدك هتعمل ايه

انظري اعلي الصفحه
انا مجاوب عليه فوق


لو صحيت لقيت نفسك في تانويه عامه بدايه تانيه ايه اول حاجه هتتفكر فيها

يا نهار ابيض ,
ده كابوس بس اول حاجه هافكر غير الدروس طبعا , الكليه اللي بفكر فيها و حاطط عيني عليها


لو صحيت لقيت نفسك خلصت تجارة ايه اول حاجه هتندمي عليها

هو انا من دلوقتي ندمان علي حاجه في الكليه و هي اجازه سنه اولي لاني طلعت باقل اقل استفاده ممكن اطلع بيها بس بحاول اعوضه بقي حاليا
غير كده بقي و الاهم الاصدقاء الي معايا في الجامعه لاني هافتقدهم كتير


نبدا باسئله امتي بقي

علي بركه الله

امتي تكوني اناني

سؤال صعب ,,....
بس عموما بيبقي في حبه انانيه دايما من اي حد في الخير عموما و في طاعه الله و في اي عمل يجزي بيه ثواب علي عمله فبيبقي فيها شبه منافسه و كل واحد بيبقي اكيد اناني من الناحيه دي


امتي تستفز اللي قدامك ؟؟؟؟

لما حد بيضايقني فتلقائي كده تلاقيني بستفزه
و لما اوقات بكون هادي جدا و مكبر دماغي فبكون مستفز


امتي تكوني عايز تقتلي اللي قدامك

لما بيوصل لحاله غباء بقي غريبه كده بحس اني هابرمله وشه

امتي تبعد عن أي حد

مش اي حد , في ناس ماقدرش ابعد عنهم
بس لما ببعد عن حد بيبقي حاله غير اراديه يعني بيكون مافيش توافق مابينا او ما ينفعش نكون اصحاب
فبيبقي الواحد لوحده كده بيلاقي نفسه بيبعد او مش بيلاقي دايره تقابل بينه و بين الشخص التاني

امتي تقول قرار نهائي بدون مناقشه

قولت قبل كده برضه و منها مثلا الحاجات الي تتنافي مع مبادئي و اخلاقي و القيم اللي الواحد متعود عليها

نبدا باسئله هل

%%%%%%%%%%%%%%%%%%%%%

هل كنت يوما الاولي علي الفصل

ههههههه
لا ما حصلش بس كنت اوقات ببقي الاول علي الدرس
او ببقي الاول علي الفصل في مواد معينه مش في المجموع كله

هل سافرت يوما خارج مصر

اه كنت في السعوديه
لاني مولود هناك اصلا

هل تعتبر الاشراف ميزة او عيب

جاوبت قبل كده
و مختصرها ميزه في القدوه و عيب في عدم تحمل المسئوليه

هل حققت حلمك

لم يحدث بعد و ربنا يقدم اللي فيه الخير

هل وصلت لهدفك

بعض الاهداف ماشي فيها و الحمد لله حاسس بتفاؤل كبير
بس معظم الاهداف ما زالت معلقه لانها مرتبطه بالمرحله العمريه للانسان اكتر و بالامكانيات المتاحه و اظن ان الوقت الحالي الامكانيات المتاحه للواحد لسه ما اكتملتش اوي للحد اللي يوصل الانسان لكل اهدافه

هل النت اساسي عندك

طبعا , لان بحس اني قدامي كل حاجه ممكن احتاجها و كمان علشان كوميرس

هل الحضور مهم محاضرات يعني

اكيد طبعا مهم و اوي كمان , هو انا في مسأله الحضور دي مش اوي يعني بس فعلا لما بدأت فتره التزم بالحضور كان ليها اثر كبير في مذاكرتي بعد كده


هل النتيجه فيها ظلم

مش بحب خالص الجمله دي
لان بحب دايما ابص لنفسي و احسس نفسي ان انا الي قصرت حتي لو حاسس ان في ظلم
بس اولا و اخيرا لازم ارمي اللوم علي نفسي
و مش اعلق اخطائي علي شماعه النتيجه و الظلم في التصحيح

هل ضايقت حد قبل كده لدرجه انه زعل منك جامد

قبل كده فعلا ضايقت حد قريب مني اوي بس الحمد لله ان عمري ما ببقي علي خلاف مع حد فتره حتي و لو كانت قصيره لاني مش بقدر علي كده و لازم ارجع الامور زي ما كانت و بسرعه
بس عموما كان احساس غريب جدا ان حد قريب منك اوي و بيمثلك حاجه في حياتك يزعل منك و لو لفتره قصيره


خلاص كفايه كده واكمل الكرسي الجاي ان شاء الله

كفايه و الله فيكي الخير


دي اسئله كنت مسيفاها عندي

ولسه لاقياها حظوظ بردهlol!

يعينى هو انت كمان جتلك الاسئله كتيير دى
بس انت ما شاء الله ردودك حلوة
انا مش هتقل عليك بس عايزه اعرف انت ليه اسمك محمد 14 ؟
وايه اكتر امنيه نفسك تحققها واكتر هدف ؟
ربنا معاك

ما انت حلو اهوه

خد عندك سؤال واحد

ايه شكل البنت اللى كان نفسك تدخل حياتك وتغيرها ؟وقابلتها ولا لا؟

اقتباس :

يعينى هو انت كمان جتلك الاسئله كتيير دى

شفتني بقي انا بريء

بس انت ما شاء الله ردودك حلوة

ميرسي اوي ربنا يكرمك

انا مش هتقل عليك بس عايزه اعرف انت ليه اسمك محمد 14 ؟

ههههه
عادي ا جماعه
هيا الحكايه بس من و انا صغير اني كنت مغرم بحازم امام و تيري هنري لاعب فرنسا و كان رقمهم 14
بس بعد كده بقي رقم حظي بقيت مثلا كل ما ادخل كورس مثلا او تدريب الاقي رقمي مثلا في الكشف 14 و كمان تشرتات الكوره برقم 14
لدرجه بقيت بحلم برقم 14
و حاجات كتير اوي
فمن ساعتها بقي رقم بتفاءل بيه


وايه اكتر امنيه نفسك تحققها واكتر هدف ؟

اكتر امنيه , هو في كتير اولهم اخلص الحاجات اللي بعملها حاليا علي خير و ربنا يكرمني فيها
و اخلص الجامعه بتقدير كويس و ربنا يرزقني ببنت الحلال و الواحد يبقي ليه حياته المستقله الخاصه بيه
و الهدف اللي بسعي ليه يعني حياه ما بعد الجامعه بقي متمثله في الوظيفه الكويسه و اللي بحاول احضر ليها من دلوقتي و اهيأ نفسي ليها علي قدر المستطاع
ربنا معاك

انت يا عم رد على السؤال اللى فوق

اقتباس :

اكتر ممثل

من القديم احمد مظهر و محمود المليجي
و الجديد احمد حلمي و كريم عبد العزيز

محمود المليجى
دة انا بخاف منه

اقتباس :

ممكن نعمل تول بار جديد تاني

تااانى

اقتباس :

مين الاعضاء الى هنا رايك يتشابه مع رايهم غالبا و مين بيتعارض معهم غالبا (و طبعا لالاختلاف فى الراى لا يفسد للود قضية )

ممكن من اللي بتفق معاهم مصطفي بس مش علي طول
و وليد و حيحا و ندي احيانا برضه

شكرا و مصطفى اتس فن و لا السيف المسحور و لا بروفيسور و لا .... هما كتير


طب شوية اسئلة تانى

هل لو ليك هدف بتصمم توصله بكل الطرق ؟

هل ممكن تسافر تشتغل برة مصر و لا لايمكن تقدر؟

متخيل نفسك هتكون شغال فى ايه بعد 30 سنة ان شاء الله ؟

ايه لاماكن اللى بتحب تخرج فيها او تروحهها عموما ؟