ضبط واحضار ومحضر مع العضو (Admin)بداية من منتصف 67

النتيجه عامله شغل يا ابني

فرحان انت اكيد

يا راجل
فرحان علي ايه بس و هيا دي حاجه تفرح يعني

يا جماعة انا بتعرض لتهديدات من المتهم محمد 14 علشان التحقيق والمحضر ده


وفي نفس اللحظة اللي بكتب فيها الكلام ده


بيقولي عالماسنجر خد 13 جنيه ، بيرشيني بـ13 جنيه


يا للعار


يا للفضيحة


يا للبتنجان

ما يعرفش اني ما بخدش اقل من 17 جنيه ورقة واحدة

************


بناءا علي رغبة المتهم

ههههه
يا سلام علي الديمقراطيه
ربنا يخليك للشعب يا ريس

بس كده


انت تؤمر يا حبي




ساعات وسيتم الافراج عن المتهم mohamed14


ولو يحب يرشح لنا متهم جديد ممكن يبلغني بأي وسيلة

بس ده مش معناه انه هيتم اختيار العضو ده

ده يرجع الي قرار النيابة

ايه دة اشمعنى بسرعه كدة

انا خدت 20 صفحة من 14 ل 34

طب انا هسال شوية

لو مخنوق و فاقد الامل فى كل شىء تعمل ايه ؟؟

هل لو خسرت حاجة تيأس و لا تفوق و تحمد ربنا انك خدت بالك و تغير اى حاجة تسببت فى الخسارة و تبدا من جديد ؟؟


مقضى الاجازة ازاى ؟؟

خرجت كام مرة فالاجازة ؟؟

عندك كام اخ - اخت و اكبر و لا اصغر ؟؟

بتحس انك بالنسبالهم هما ايه ؟؟

كويس اهي ندي سألت


اصلي ما كنتش لاقي حد بيسأل


يللا كملوا

هى النتيجة كانت عامله قلق طبعاااااا

اه انتوا جينلي انا بقي

فين النيابه انا عايز المدير

طيب
نجاوب شويه بقي

اقتباس :

لو مخنوق و فاقد الامل فى كل شىء تعمل ايه ؟؟

اكيد مافيش افضل من السؤال لربنا
بس انا من عادتي مش بفقد الامل بسهوله
و لو يعني مره حسيت بكده بحاول اخرج نفسي بسرعه من الحاله دي و احاول علي قد ما اقدر اثبت لنفسي العكس

هل لو خسرت حاجة تيأس و لا تفوق و تحمد ربنا انك خدت بالك و تغير اى حاجة تسببت فى الخسارة و تبدا من جديد ؟؟
الحمد لله علي كل شيء طبعا بس هو ممكن المشكله ان في وقتها بيبقي في حاله يأس شويه بس الحمد لله ما بتفضلش كتير و سرعان يعني ما برجع تاني للي كنت فيه و بحاول اركز تاني و علي قد ماقدر بجدد الامل ده و ربنا يكرم .


مقضى الاجازة ازاى ؟؟

كبدايه كنت بشتغل في شركه خاصه و كنت ناوي علي كذا حاجه تانيه و مخططلها كويس
بس النتيجه جت بما لا تشتهي السفن و ساعتها كمان اتفصلت من الشغل لاسباب صحيه كده
فكانت حاله صعبه اوي
بس الحمد لله رجعت اركز تاني و و داخل في كذا كورس مختلفين ربنا يوفقني فيهم و كمان عندنا موديل في كليه التجاره بنحضرله علشان الدراسه و اهو بقي بخرج شويه و ايام تانيه ازور قرايبي و طبعا بنلعب كوره باستمرار بس بقالنا كتير مش بنلعب و اهو هاسافر كام يوم و بعديها هاسافر تاني تغيير جو شويه عن الحاله اللي الواحد عاشها دي
يعني الحمد لله بحاول اطلع باقصي استفاده من الاجازه دي و ربنا يكرم

خرجت كام مرة فالاجازة ؟؟

لا كتير اوي
سواء زيارات او خروجات مع اصحابي او تسوق يعني بنوع شويه

عندك كام اخ - اخت و اكبر و لا اصغر ؟؟

عندي عمرو 22 سنه في كليه اقتصاد و عندي عبد الرحمن 2 اعدادي بس مجنني في البيت
و انا بقي خير الامور الوسط

بتحس انك بالنسبالهم هما ايه ؟؟

الحمد لله بحس طبعا انهم ما يقدروش يستغنوا عني و لا انا كمان
و الواحد بيحس بكده اوي لما يبعد عنهم فتره بحس ان حياتي ناقصه و برضه البيت من غيري يعني مالهوش طعم

طيب اسال شوية كدة...............
تحب تكون رئيس ولا مرؤس؟؟ وليه؟؟
تحب تدور على الفرصة ولا تحب الفرصة تجيلك لحد عندك؟؟ليه؟؟
واية اكتر صفة بضايقك فى نفسك وبتحاول تغيرها ولا مش فارقة؟؟وليه؟؟
عبر عن نفسك فى 5 كلمات؟؟
*قول رايك فى بصراحة "عيوب ومميزات"
فى
مصطفى "فريندس"
هشام"ياسو"
ياسر
تفتكر اى الاختيارات احسن ولماذا................
السفر ولا الاستقرار
الهدوء ولا الدوشة
المدينة ولا الريف
فيصل ولا الهرم
المترو ولا المواصلات العادية
البحر ولا النيل
تتمشى ولا تركب
تستحمل ولا حد يستحملك
تجرح ولا تنجرح
الابتسامة ولا الضحكة
الحزن بصمت ولا الكلام
تشتكى ولا تشيل لحد ما تنفجر
تتعود على شىء ولا تعود حد على شىء ولا الاتنين معا
الانعزالية عن الاخرين ولا التعايش مع الاخرين

طيب كفاية كدة دلوقتى

أكلت ايه النهاردة؟

اقتباس :

طيب اسال شوية كدة...............

اتفضلي

تحب تكون رئيس ولا مرؤس؟؟ وليه؟؟

هيا مش فارقه اوي معايا لان في حاجات ببقي عندي خلفيه ضئيله عنها او غير كافيه فبالتالي بتحتم عليك انك تبقي مرؤوس اما في حاجات لو متمكن فيها اوي و حاسس باني افضل فيها افضل اني اكون رئيس لان هايبقي ليا كذا رؤيه هابقي حابب اني اطبقها او اخليها تتنفذ

تحب تدور على الفرصة ولا تحب الفرصة تجيلك لحد عندك؟؟ليه؟؟

و الله لو جت لحد عندي خير و بركه
بس لا انا مش كده مش متواكل علي حاجه معينه يعني و دايما حتي والدي يقولي كده و بيشجعني كتير حتي لو الحاجه دي في ايده لازم يخليني اتعب شويه
و الحمد لله بحب ادور علي الفرص و احس اني بعمل حاجه و بستفاد منها

واية اكتر صفة بضايقك فى نفسك وبتحاول تغيرها ولا مش فارقة؟؟وليه؟؟

هو انا قولت قبل كده اوقات مش بحسب الحاجه صح قبل ما اعملها او بحمل نفسي اكتر من طاقتي
و اكيد بحاول اكون قد المسئوليه في الحاجه الي بعملها و بحاول اقلل من الضغوط دي شويه

عبر عن نفسك فى 5 كلمات؟؟

صعب السؤال ده بس هاقول كام صفه كده
طيب , متفائل , عملي , اجتماعي و مرح

*قول رايك فى بصراحة "عيوب ومميزات"
فى
مصطفى "فريندس"
جدع اوي و فاهمين بعض اوي و كفايه انه صاحبي اوي
بس ممكن دماغه ناشفه شويه

هشام"ياسو"
طيب و جدع و صاحب صحبه بجد
بس اوقات بيعقد نفسه

ياسر
شخصيه كويسه و محترم بس ممكن بيبقي متردد كتير


تفتكر اى الاختيارات احسن ولماذا................
السفر ولا الاستقرار

الاتنين عادي يعني بس الاستقرار افضل طبعا , لانه بيبقي راحه و استقرار علي حاجات مهمه في حياتك و بتقرر مصير الشخص و حياه التنقل دي بيبقي فيها مشاكل بالنسبه لكده

الهدوء ولا الدوشة

الهدوء طبعا , علشان بحب الهدوء و مش بحب الصوت العالي

المدينة ولا الريف

الاتنين كويسين اوي الريف طبعا حياه جميله جدا , بس الواحد يعني مش متعود علي الحياه دي و كمان المدينه الحياه اسهل

فيصل ولا الهرم

الهرم , لان فيصل زحمه و الشارع بقي وحش اوي

المترو ولا المواصلات العادية

لا المواصلات بتبقي احسن شويه علشان المترو غالبا بيبقي زحمه مع انه اسرع و كده بس المواصلات بتبقي اريح

البحر ولا النيل

النيل اكتر , علشان البحر بليل بيبقي مخيف شويه بس النيل بيبقي تحفه و بحس فيه بجمال مصر

تتمشى ولا تركب

لا بحب اتمشي مع اصحابي او لوحدي عادي يعني بتبقي حاجه كويسه و بحبها و اوقات كتير بحل مشاكل و انا بتمشي و فيها فايده و فيها تامل كمان

تستحمل ولا حد يستحملك

انا متعود طول عمري اني استحمل كتير اوي بس مش بحب اكون تقيل علي حد و مش بحب ان حد يكون مستحملني بالدرجه دي , انما انا مش مشكله استحمل عادي

تجرح ولا تنجرح

صعب اوي اني اجرح حد ببقي مجروح انا كمان و مش بقدر
فاتجرح احسن من اني اجرح حد

الابتسامة ولا الضحكة

الابتسامه لانها معبره اكتر و فيها ثقه و راحه نفسيه

الحزن بصمت ولا الكلام

هو كطبيعتي انا الحزن بصمت , بس ليه بقي مش عارف هو انا كده

تشتكى ولا تشيل لحد ما تنفجر

برضه كطبيعه اني بشيل كتير بس اوقات بحاول اطلع اللي جوايا و افضفض شويه

تتعود على شىء ولا تعود حد على شىء ولا الاتنين معا

ده يرجع لطبيعه الشيء , بس غالبا بيكون الاتنين مع بعض علشان لما احب حاجه بحب يكون التانين يحبوها برضه

الانعزالية عن الاخرين ولا التعايش مع الاخرين

طبعا التعايش مع الاخرين لان حياه الانعزاليه دي تبقي حاجه صعبه اوي و الانسان ما يقدرش يعيش فيها

طيب كفاية كدة دلوقتى

اقتباس :

أكلت ايه النهاردة؟

هو انت يا تسال اسئله منيله يا اما اسئله مالهاش لازمه
ده انت غريب يا هاني

انا لغايه دلوقتي ما كلتش عمال افطر من الصبح لغايه بليل كله وجبات فطار
الظاهر كده مش هاكل

-ايه الحلم اللى وانت بتحلمه عارف انه مش هيتحقق

اسال شوية تانى

يه اغرب موقف السنه دى

اكتر موقف ضحكت فيه السنه دى


اكتر موقف حسيت انك عايز تبكى او بكيت فيه السنه دى

اكتر موقف كنت مش عارف تتصرف فيه ازاى السنه دى

اكبر نجاح حققته السنه دى

اكتر خبر حلو سمعته السنه دى

اوحش خبر السنه دى


و اخيرا ايه رايك فى المنتدى الاجازة دى احسن و لا اللى قبلها و لا فى الدراسة

اديني انت بس الاشارة الخضرا وانا انزل الاسئلة اللي علي مزاجي


بس خد بالك


هنزلها هنزلها


وطبعا انت ليك حرية الرد والقول ، ممكن ما تجاوبش الا قدام المحامي بتاعك

وممكن تتهرب من الكلام ، ولو حبيت تكدب انت حر ، انت اللي هتشيل الذنب

يااااه
هو لسه المحضر مفتوح يا جماعه ودوني النيابه بقي و خلاص

اقتباس :

-ايه الحلم اللى وانت بتحلمه عارف انه مش هيتحقق

سؤال حلو
ممكن حلم ان ابقي رئيس الجمهوريه
حلم بعيد اوي انا عارف

اقتباس :

اسال شوية تانى

اتفضلي

يه اغرب موقف السنه دى

من اغرب مواقف السنه دي ان جبت درجه غريبه في التامين مش عارف ازاي مع اني كنت مقفل الامتحان

اكتر موقف ضحكت فيه السنه دى

موقف ضحكت فيه ... اممممم
كان في يوم كنت انا و هشام و مصطفي بروف و ياسر بس كان يوم جامد اوي و ساعتها كنا بنتريق علي بعض فيها بس ساعتها كنا كلنا بنقع علي الارض من كتر الضحك ..


اكتر موقف حسيت انك عايز تبكى او بكيت فيه السنه دى

كان موقف كده ساعتها حسيت ان كل اللي حواليا مش حاسين بيا و كنت متضايق ساعتها من كذا حاجه بس الحمد لله ما خدتش مني وقت طويل و حاولت انهيها بسرعه

اكتر موقف كنت مش عارف تتصرف فيه ازاى السنه دى

هو كان موقف بس مش هاقول ايه هو .. حسيت فيه ان ممكن اي حاجه فيه من غير تفكير كويس هاتعمل مشاكل ليا و هاتأثر علي ثقه اهلي و رضاهم عليا

اكبر نجاح حققته السنه دى

هو للاسف النجاحات الفتره دي كانت مش اوي
بس ممكن الحاجه اللي فرحت اوي ساعتها كان اخر يوم في الموديل بتاعنا و كنا بنشوف نتاج تعبنا طول الفتره دي . بس بجد ساعتها فرحت اوي و نسيت حاجات تانيه كانت مضايقاني

اكتر خبر حلو سمعته السنه دى

سؤال صعب لانهم مش كتير
ممكن نقول يوم ما فزنا ببطوله الامم الافريقيه اهي كانت حاجه حلوه تفرحنا شويه

اوحش خبر السنه دى

يوم النتيجه بتاعتي كان يوم ربنا لا يرجعه تاني

و اخيرا ايه رايك فى المنتدى الاجازة دى احسن و لا اللى قبلها و لا فى الدراسة

للاسف الاجازه دي مش عارف في حاله خمول للمنتدي و ماكانش زي فتره الدراسه
و بالعكس في فتره الامتحانات كان المنتدي ساعتها في احسن حالاته
بس ان شاء الله نرجع زي الاول تاني

اقتباس :

ايه هى الامنيه او الهدف اللى
ممكن تضحى باى حاجه فى حياتك علشان توصلها ؟وبتعتبرها اهم حلم وانك لو
ححققته تبقى حققت الى انت عايزه من حياتك

هو مش حلم اللي هو حاجه عايز اكون فيها في المستقبل ,
بس هيا امنيه دائمه عندي اني طول الوقت احس ان ربنا و اهلي راضيين عني
و ربنا يقدرني عليها .


لو مكنتش مصرى كنت تتمنى تكون جنسيتك ايه طبعا مع الاحتفاظ بالدين ؟

لو لم اكن مصريا لوددت ان اكون مصريا علي راي مصطفي كامل
بس لو مصممه اوي ممكن كنت احب اكون انجليزي او الماني لانهم شعوب بحترمهم اوي


كان نفسك تدخل ايه غير تجاره ؟ انت كنت ادبى ولا علمى ؟

كان نفسي ادخل هندسه او معهد سينما قسم اخراج بس من اولها ما كانش ينفع لاني كنت بكره الاحياء و الكيمياء و مواد كده من علمي
فتوكلت علي الله بقي و دخلت ادبي من اولها و ادينا اهو في تجاره كليه زي الفل يعني

ايه اكتر بتحبها داخل مصر وايه خارجها ck]
اكتر حاجه بحبها داخل مصر شعبها اللي مافيش زيه في العالم و الانسان المصري بطبيعته
اكتر حاجه بقي بحبها خارج مصر النظام و النظافه .. يا ريت نتعلم منهم

اقتباس :

يني انت بس الاشارة الخضرا وانا انزل الاسئلة اللي علي مزاجي


بس خد بالك


هنزلها هنزلها


وطبعا انت ليك حرية الرد والقول ، ممكن ما تجاوبش الا قدام المحامي بتاعك

وممكن تتهرب من الكلام ، ولو حبيت تكدب انت حر ، انت اللي هتشيل الذنب
_________________

اه منك انت يا هشام شكلي كده هامسكك ااااااا علي راي محمد صبحي
بس اما اشوفك بس

طب كام سؤال كدة


بتحب تعمل ايه في الاجازة ؟؟


انهي احسن الاجازة ولا الدراسة ؟؟


ايه احلى 3 ساحات في المنتدى ؟؟

اقتباس :

طب كام سؤال كدة يا سلام انت تؤمر يا حبي بتحب تعمل ايه في الاجازة ؟؟ بحب اعمل كل حاجه بس اهم حاجه عندي التدريبات و الكورسات و الانشطه اللي في الجامعه عندنا زائد طبعا الخروجات بقي و الفسح و اروق نفسي شويه بقي انهي احسن الاجازة ولا الدراسة ؟؟ و ده سؤال يا راجل الاجازه طبعا , بتبقي واخد راحتك في اي حاجه بتعملها و مافيش حاجه كتمه علي قلبك ايه احلى 3 ساحات في المنتدى ؟؟ ساحه اسلامنا و منوعات و كليتنا و لعب و كل الساحات بحبها ما عدا ساحه الشكاوي اصل الناس بتدخل جوه تتخانق مع بعض