ازاي تعرف انك بتتفرج على الدوري المصري

ازاي تعرف انك بتتفرج على الدوري المصري

-عندما يصاب المتفرجون فى الإستاد بالهياج كلما اتجهت اليهم كاميرا التليفزيون

2- عندما تجد المشجعين خياليين للغاية ..( وتوقعاتى ان شاء الله هنغلبهم 9 / صفر رغم ان فرقته بتبقي شايله من طوب الأرض)
........

3- عندما تسود لغه الإشاره فى تعامل اللاعب مع الجمهور ...
.......

4- عندما يقوم لاعب( بترقيص) لاعب اخر .. فيضربه الأخير بالقلم على قفاه ويتم استكمل اللعب عادى جدا
.......

5- عندما تجد مدرجات مشجعىاحد الانديه قد اصبحت خاليه تقريبا فى الربع الأخير من مباراته مع نادى اخر بسبب الهزيمه
.........

6- عندما يجرى اللاعب فى الماتش الاخيرالذى أحرز الهدف وهو يتحاشى زملاؤه الذين يجرون ناحيته لتهنئته ويصر على ان يجرى بمفرده فى كادر الكاميرا التى تنقل المباراه .. ( مش عايز حد يطلع معاه)
.........

7- عندما يقوم المخرج بإعاده أحد الأهداف أكتر من 7 مرات ويكون قد احرزخلالها هدف جديد وتفشل كل المحاولات فى مشاهده هذا الهدف بعد فتره انتظارطويله تفقد الامل .. ثم تفاجأ بعد نصف ساعه بالمخرج يعرض هذا الهدف بدون ايه مقدمات
........

8- عندما يحتسب الحكم على احد اللاعبين (اوفسايد) فينظر اللاعب الى حامل الرايه وكأنه هياكله بسنانه ويقعد يسب ويلعن فيه
..........

9- عندما تسمع بعد الماتش إذا فاز المنتخب ببطوله اغنيه ( المصريين اهمه) .. او (الليله عيد) .. او ( يادنيا لفى وطوفى تعالى وشوفى الكنز اللى اسمهالمصريين )... ثم تظهر المذيعه لتقطع الإحتفالات لتقرأ على المشاهدين نص الرساله التى بعث بها السيد الرئيس لمنتخبنا في التو واللحظه
..........

10- عندما يتغير اسم المنتخب فجأه من المنتخب القومى إلى المنتخب الوطنى ..( معاهم حق تحس ان المنتخب القومى ده معناه ان الفريق تبع المدعى العام الإشتراكى )
.........

11- عندما ترى نوعا من اللاعبين يتشنكل لوحده ويفضل يتمرمغ فى الأرض من الوجع زى
...........

12- عندما تحمل سياره الإسعاف لاعبا الى خارج الملعب وما إن تصل الى الخط حتى يلقى السائق باللاعب على الأرض ويهرع هربا من المنطقه كلها
و غالبا اللاعب بيبقى بيتألم و هو على الارض و لغاية ميخرج
و اول ما يخرج يقوم يجرى عشان ينزل تانى

.............

13- عندما يحدث تغيير ويخرج أحد لاعبى الفريق المهزوم من الملعب فتستقبله الجماهير المضاده وهويخرج بالطبول والدفوف وتعزف له موسيقى زفه العروسه الشهيره
...........

14- عندما ترى جمهورا يحتسب الكوبرى او الهدف الضائع او الترقيصه العاديه بهدف ويفضل يتفاخر بيها امام الفريق المنافس
..........

15- عندما يؤمن المعلق بأنه قد اكتشف خطط الفريقين بعد خمس دقايق من بدايه الماتش
.........

16- عندما تجد المشاهدين قد اكتفوا من التليفزيون بالصوره .. ويستمعون الى التعليق من الراديو

17 - عندم يصر المخرج العبقري علي تصوير البنات والستات والتركيز عليهم رغم ان الماتش بيبقي شغال

18 - عندما ينسي المدرب انه واقف امام ميكرفون ويقعد يشتم ويلعن في لاعبيه
...........

- 19 حينما يفوز الفريق ببطولة , ويقوم بإهداء البطولة اللي طلع عينه فيها الي السيد الرئيس وحرمه وأولاده !
...........
20 – عندما يقوم المدرب بتغير لاعب , وتلاقي اللاعب رافض الخروج , ويتدخل زملائه في إخراجه , وهو خارج تلاقيه بيشتم في المدرب وممكن يضربه بالقلم كمان والغريب ان المدرب هو اللي يروح يعتذر للاعب في النهاية

– حينما تجد حارس مرمي يلعب في الدوري المصري يرتدي فانلة روماالإيطالى , وبيلعب عادي في الماتش بيها . (عبد المنصف)...........

22 – عندما تجد لاعب لم يعثر علي فانله برقمه المفضل , يقوم بلزق بلاستر علي الرقم الزائد , والأمر الفاضح انه ممكن اللزقه تتفك , ويقعد طول الماتش بيلعب برقم ونص !
...........

23 – حينما يصر أحد المدربين ان الدوري والكأس والبطولة الأفريقية مازالت في الملعب , رغم خسارته لهم
...........
24 – عندما يقوم اللاعب بقلش احدي الكرات وتصل الي رايه الكورنر وتجد المعلق يصرخ بانها شوطة روعه وصاروخ وان اللعب يمتاز بالشوط القوي ويقعد يمدح فيه
..........
25 - عندما تجد المذيع بيتكلم على واحد من اللعيبة و بيقول ( احمد حسن معاة الكورة و بصاها حلوة ل احمد حسن برضو , فنان والله يابنى )
...........

هههههههههههههههههههههههههه
هههههههههههههههههههههههههههه
لا بجد جامده جدا بالذات رقم 7 بتاعت المخرج بتبقي حاجه تنقط

ميرسي يا عمونا

العفو يا عمونا

و كفاية ضحك متخلصهوش كلة 6568

حلوة يا درش

ههههههههههههههههههههههههه
حلوين يا مصطفى بالذات الاخيرة

الحمد لله ان الموضوع عجبكوا Very Happy

و في حاجه كمان اول لما الماتش يخلص تلاقي كل المصورين و العيال اللي بيلموا الكور نزلوا الملعب و يا عيني المراسل بتاع التليفزيون يجي يعمل لقاء مع لاعيب يطلع عينه و تلاقي واحد ماشي وراه بالموبايل عمال يتكلم و اللي يبوس الاعيب و حاجات مسخره يعني

ههههههههههههههههههههههههههههههههه

جامد الموضوع

وخصوصا التعليق بتاعك يا عزو

انا لسه كنت هأقوله

» المصري هو اللي ....
» الاهلي وبتروجيت اقوي فريقين في الدوري
» ازاي اعمل عرض يوتيوب
» اللقاء المصري السعودي.. قمة لا تحتاج بطولة
» ازااااااااااااااااي تعرف انك في فيلم عربي ؟؟