المصري هو اللي ....

ممكن يعدي التلاتين ولسه عايش مع أمه وأبوه وماعندهوش مشكلة

يشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

بيحط الريموتكونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إنالحاجة في المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره ماإستخدمها

بيشتري قبل الفطار في رمضان مواد إستهلاكية أصلا موجودعنده في البيت لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في العيد

بيشيل طابع البريد من علىالظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

والأهم إنه بيحب يسخر من نفسه ومن بلده وحكامه بس مايطيقش حد
تاني يسخر منهم ، وساعتها بيفرش له الملايه

هههههههههههههههههههه

عندك حق والله فى معظم الحاجات

بس السبب الرئيسى لكل دة انة الشعب المصرى شعب حريص جدا

منهم عادات ذى السكر و الله
طب دة المصريين دول سكر فعلا
ذى حكايه التليفوانات الدولى كدة هههه

بس فى حاجات مش المصريين بس اللى بيعملوها الناس و البشر كلهم

و فى عادات فعلا غلط و لازم تتصلح ذى الاسراف احيانا ( عند البعض ) و ذى ان فى ناس بتفتى بدون علم

لكن لو بعلم فدى ميزة كويسه و فعلا فى نايس بتبقى بتفهم فى مجالات كتير كدة

و برضه تاخير المواعيد

ان شاء الله كل عادة غلط تتصلح

لكن اللى مش غلط و ايه ينى دى حتى عادات لذيذة هههه

وبرضه بقول تانى مش المصريين بس

والمصرى هو المصرى

حاجات جميلة جدا

وفيها حاجات كتير بنعملها

وده لا يعيب على شخصية المصرى

ولكن يزيد من طيبته وذكاءة

موضوع جميل تسلم ايدك يا محمد

هههههههههههه
والله ليك حق تتريق على حاجات بس انا معترض على حاجه واحده

اقتباس :: يشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

على فكره وده كتير فى المصريين انك ممكن تلاقى حد يعرف يعمل كذا حاجه فى نفس الوقتولو دورت حوليك هتلاقى ده حقيقى بس طبعا مع مراعه حدود معينه

انا برضه اعرف ناس كتير كدة

هههههه
موضوع جميل بس زي ما قال بروف
ده مش بينقص من قيمة المصري بل بيزيد ليها
وإحنا نفتخر إننا مصريين
بس المشكله بقى والموجوده في المصري ومش موجوده في الموضوع هي تمسكه الشديد بالماضي
وحضارة الفراعنه بشكل غير عادي
لدرجة إن إحنا دلوقتي متأخرين في كتير من العلوم عن الغرب رغم إن إحنا اللي أنشأنا العلوم دي
وده نتيجة إن إحنا بنقول إحنا حضارة مش عارف كام ألف سنه
طيب وبعدين
الغرب أكيد كنا عارفين زمان كانوا إيه ودلوقتي بقوا إيه

فعلا احنا لازم نشوف عيوبنا و نصلحهها

و فعلا دة عيب كبير اننا مسنودين على ال7000 سنة و نمنا عليهم

المفروض نفوق تانى و نكمل مجد اجدادنا دول

و تبقى مصر تانى هى الاقوى

يا رب

و متهيالى البداية تبدا بينا احنا يا شباب النيييل قوام بينا بالعلم نطول امانينا و نغير بيه حوالينا و هييجى الخير على ادينا

ان شاء الله

بجد لازم نتسلح جامد اوى بالعلم فى مرححلتنا دى علم عملللللى و نظرررى ( و عملى يعنى نجرب فعلا مش يعنى ارقام طبعا ذى المفهوم الخاطىء المتداول بيننا )

عشان كمان شوية نبقى فعلا متسلحين و قادرين اننا نغير اللى حوالينا فعلا

بس نغيره بقوتنا مش بكلام على الفاضى

سمعت مقوله بتقول تقريبا القوى اللى بيبدا يغير مش اللى بيتكلم و يقول هغير

الكلام ملوش لازمة بقى

اهه دة بقى اكبر عيب بشوفه فى بعض الناس

يشتموا فى جيرانهم و دكاترتهم و ينتقضوا فى قرايبهم و و المجتمع و الحكومة و الناس ووووو

و ناسيين نفسهم

لازمته ايه الكلام لا بيخلينا نتقدم و لا نتحرك و لا ليه اى لازمة فى الحياه

مجرد منظرة

الانسان الكويس اللى فعلا يشتغل حتى ل منغير ما يقول و لا كلمة ولما يبقى قوى بقى و يستحق يتكلم و ينتقد ينتقد

يا رب نستفيد بالاجازة كويييساوىىى بقى يا جماعه عشان مصر حبيبتنا يا مصريييين يا احسن شعب فى الدنياااا

ههههههههه
بجد موضوع جميل جدا
ميرسى يا محمد
بجد فعلا كل دة حقيقى وواقعى وبيحصل كمان اكتر من كدة
بجد فى ناس كمان ما بتشلش البلاستك الا على كراسى العربية بتقول عشان ما يتوسخ لحد ما يتقطع ويلم تراب الشارع كلة...................
بس هقول اية هو دة الشعب المصرى
برضوا بنفتخر باننا مصريين ...........
حلوة اوى بتاع ملاية السرير على كنبة الصالون والمكالمة الدولية ......
وربنا يكرمك

ميرسي اوي ليكوا و علي الردود الجميله دي

بس في الاخر برضه نقول احنا مصريين و نفاخر بكده

بس و النبي بلاش حكايه ال7000 سنه دي مش بحبها

أيوه أنا أقصد كده

» اللقاء المصري السعودي.. قمة لا تحتاج بطولة
» ازاي تعرف انك بتتفرج على الدوري المصري
» الحياة اللي أحنا عايشينها
» اللي بيحب ابوتريكة يخش
» قول رأيك في العضو اللي قبلك