يلا نحفظ قرآن سوا

السلام عليكم و رحمة الله و بركاته

يا جماعه احنا طبعا ف الاجازة

و كل واحد بيستريح شوية و يلعب شوية و اللى بياخد كورسات و اللى بيتدرب

و كل دة جميل

بس عايزين كمان نبقى متكاملين فى كل الجوانب
و ذى ما نهتم بالمذاكرة و التقديرات و الكورسات

نحفظ سوا كلام ربنا سبحانه و تعالى

احلى كلام ممكن نقراه او نسمعه

فعايزين نبدا سوا مع بعض

ان شاء الله نبدا من يوم السبت الجاى

نبدا بمراجعة الجزء ال30 او اللى مش حافظ يحفظ

و بعد كدة نبدا فى الاجزاء التانيه ان شاء الله



و لغايت يوم السبت عايزة اعرف منكوا 3 حاجات

1- مشترك معانا و لا لا ؟؟

2- حافظ الجزء ال 30 و لا قد ايه منه ؟؟ ( عشان لو كلنا حافظينه نقلل عدد الايام اللى هنقسم مراجعته عليها )

3- تقترح فى الاجزاء التالية بعد ما نخلص ال 30 ان شاء الله نبقى نحفظ كل يوم صفحة و لا نص صفحه بس ؟؟


و ربنا يكرمكوا و يا ريت كلنا نشترك و نشجع بعض

ويا ريت لو حد يشترك معايا فى تنظيمه عشان لو النت فصل و لا حاجة يبقى فى حد تاني متابع الموضوع

و ربنا يكرمكوا و يجازيكم كل خير و يجعلنا من حفظة القران الكريم بإذن الله


سلاااام علييييكم و رحمة الله و بركاته

1- مشترك معانا و لا لا ؟؟

لا

بس عايز أشترك ممكن ؟؟


2- حافظ الجزء ال 30 و لا قد ايه منه ؟؟ ( عشان لو كلنا حافظينه نقلل عدد الايام اللى هنقسم مراجعته عليها )

مش حافظ غير آخر 3 سور فيه



3- تقترح فى الاجزاء التالية بعد ما نخلص ال 30 ان شاء الله نبقى نحفظ كل يوم صفحة و لا نص صفحه بس ؟؟

صفحه

ربنا يكرمك و انا كنت اقصد يعنى هتشترك و لا لأ

و انا ان شاء الله هشترك

و حافظة الجزء ال 30 الحمد لله بس محتاجة مراجعة

و اقترح نحفظ صفحة كل يوم


و يا رب بقيت الناس تشارك

انا مشتركه معاكم
ودى فكره حلوه اوى ربنا يجزيكى خير عليها ويجعلها فى ميزان حسناتك
وانا المحد لله حافظه الجزء 30 بس بعض الصور محتاجه مراجعه
ربنا يعنا ان شاء الله

نورتى يا دودو يا حبيبتى

لا عايزين بقيت الاعضاااااء

عشان نعمل حاجة حلوة فى الاجازة دى

و يا ريت كل واحد يشغل شريط او على الكمبيوتر فيه جزء عم اليومين دول عشان يبقى الحفظ سهل و يعرف القراءة الصح

انا ان شاء الله مشترك

والجزء 30 مش كله حوالى نصف الجزء وبعض السور خارج الجزء

وانا اقول صفحة كويسة كل يوم

ربنا معانا

كويس ..ربنا يكرمك

و حاول تحفظ شوية اليومين دول قبل يوم السبت انت و مصطفى برضه

و ان شاء الله نبدا من السبت بقى

و فين بقيت الاعضاء احنا كدة 4 بس

عايزين نبقى جاهزين يوم السبت ان شاء الله

الله يخليكى

ربنا يكرمنا ويغفر لنا

ويجعل القران شفيعنا

فكرة كويسة جداااااااا

انا معاكو ان شاء الله

انا حافظ الجزء ال30 بس محتاج مراجعة شوية سور كدة

واقترح صفحة كل يوم برده

ربنا يكرمك

كدة بقينا 5 الحمد لله

بس برضه قليلين اوى

يا جماااعة بجد الحفظ بس لو خدنا النية كدة هنلاقيه سهل و ربنا هيكرمنا اكيد

و الاعمال بالنيات

انووا انكوا تحفظوا و حاولوا و ان شاء الله تقدروا

انا بس بقول الكلام دة عشان فى ناس بتقول مش بعرف احفظ

سلااااااام علييييييكم و رحمة الله و بركاته



طب بس كدة ان شاء الله احنا مننا 3 حافظين ا لجزء ال30 و واحد حافظ النص تقريبا وواحد لسة محفظوش

هناخده خلال قد ايه كدة فى رايكم

بالذات راي مصطفى يا ريت عشان هو اللى يقولنا مقدرته قد ايه ان شاء الله و هل ممكن يكثف شوية عننا عشان نبقى ماشيين سوا ان شاء الله


سلااااام علييكم و رحمة الله و بركاته

اى حاجه هتقولوا عليها انا معاكم معنديش مشاكل سواء
المده قليله او طويله

أنا دلوقتي حافظ

سورة الأخلاص والمعوذتين وسورة الكافرون والنصر والمسد وقريش والماعون والكوثر والعصر والفيل والقارعة والتكاثر والقدر والتين والضحى والشرح ونصف سورة النبأ

اللي لسه مش حفظتوا
هو باقي النصف الثاني من سورة النبأ والنازعات وعبس والتكوير والأنفطار والمطففين والأنشقاق والبروج والطارق والغاشية والفجر والبلد والعلق والبينة والزلزلة والهمزة


في سور بقى انا كنت حافظها بس محتاجه مراجعة وهي الشمس والليل والاعلى


هل أنا كده متأخر جدا ولا أيه ؟؟؟

عايز رأيكم ؟؟

خير ان شاء الله ما تقلقش احنا هنحفظ مع بعض وهنستنى بعض يعنى محدش هيكمل مثلا فينا حد لسه ما خلصش
بس انت شد حيلك وتوكل وعلى همتك
على فكره انت لو قعدت نص ساعه على بعضها كل يوم هتخلصهم على طول خالص خصوصا انهم قصيرين وسهلين وانت بتقول ان فيهم مراجعه
شد حيلك وربنا يعينك ويوفقك ان شاء الله

ما شاء الله كويييييييس اوى انا كنت فاكرة اقل من كدة

خلاص كدة هقترح عليكم جدول بكرة ان شاء الله

نبادا كدة بسم الله الرحمن الرحيم

بكرة مراجعه او حفظ للى مش حافظهم

من سورة الزلزلة لنهاية المصحف

هما 6 صفحات المفروض كلنا حافظينهم و مصطفى فاضلله سورتين كدة تقريبا بس

اوكى اتفقنا ان شاء الله بكرة نكون حافظينهم كويس خالص و كل واحد يخلى حد يسمعله باباه او مامته

هو انا بقول كدة يعنى هما متهيالى معدل معقول عشان نبقى شوية شوية عشان احب الاعمال الى الله ادومها و ان قل

و بكرة ان شاء الله احطلكوا جدول يوم الاحد

حلو أوي كده

أتفقنا

وتوكلنا على الله

ربنا يكرمك

انا راجعت عليهم الحمد لله

وعلى سورة النبأ



ها إيه أخباركوووو ؟؟

ما شاء الله كويس اوى

انا برضه الحمد لله خلاص راجعت عليهم و سمعتهم لماما

بس اضايقت من نفسي طلعت عندى 19 سنة كدة و عندى غلطتين فى التشكيل

بس الحمد لله انى اكتشفتهم و ربنا يسامحني عليهم


و واجب النهاردة بقى ال 4 صفحات اللى قبلهم اوكى

يعنى من اول سورة الشمس ان شاء الله

يا رب يكون كدة كويس هو انا كنت نفسي حد يخطط معايا بس ما نكونش كلنا لانى جربت الموضوع اللى فات اللى كان عامله ياسو لما قعدنا نتناقش محفظناش حاجة فى الاخر


بس انا هقترح و ل لقيتوا اقتراحى مش حلو خالص قولولى

و ربنا يوفقنا و يكرمنا و ان شاء الله كدة ييجى يوم و نكون حفظنا القران كلللللللله بس نبدا كدة ذى ا احنا عاملين من الاول و ان شاء الله نبقى كويسين خالص

و انتوا كمان خلوا حد يسمعلكوا بالذات لو كنتوا حافظين من زمان عشان و احنا اطفال بالذات كتير بننطق غلط

الحمد لله

انا معاكم بس انا ما رجعتش عليهم لانى حفظاهم وما نستهمش
بس هراجع على الجديد علشان بصراحه سوره البينه بالذات فى ايه معينه دايما اتلغبط فيها
ربنا يعنا ان شاء الله

كويس

والجزء ال30 مساعدنا كمان عشان هو سهل وحافظين منه كتير من غير حاجة

لو حد على فكرة حابب يزود على الي خلصه ممكن

عايزين نشوف باقي الناس

مصطفى وبروفيسور

اه صح ..هما فين ؟؟

و فين بقيت المنتدى

ممكن ابعت رسايل خاصة للمنتدى

و الحمد لله الجزء التلاتين سهل ان شاء الله نخلصه بسرعه و نكمل كله ان شاء الله

جميل جدا


ربنا يكرمنا

معانا يعنى ؟؟

خلاص بقينا سته الحمد لله.. اوك

و بحاول اضم اخويا الصغير معانا ادعوا يوافق.. النهاردة سمعلنا لبعض شوية انا و هو اتبسطت اوى الحمد لله

يعني احفظ النهاردة أيه ؟؟؟؟