يلا نحفظ قرآن سوا

طويب بما ان محدش لسه حفظ غيرك يا فوفو معلش احنا مش شطورين كدة نستنى شوية

يبقى النهاردة نخلص قد ايه بقى .. هو انا حافظاها الحمد لله مش عارفه مصطفى ايه النظام عنده .. تقدر تحفظ لغايت ايه النهاردة و حدلنا انت الجدول بقى لانان و فداء حافظين من الاول الحمد لله فالمراجعه اكيد اسهل من الحفظ

مش عارف

آخر اليوم بقى

هقولكم أنا حفظت لحد فين يارب أخلص عدد كويس

ربنا معاك

للأسف مش عرفت أحفظ غير ل10 اصلي مش فاهم حاجة في السورة

هات تفسير من على النت و اقراه دى معانيها جمييله اوى

و فعلا متحفظش شىء غير لما تفهمه

لان الاهم من حفظ القران العمل بما فيه

و انا سمعت ان سيدنا عمر حفظ سورة البقرة فى 8 سنين عشان كان مبيحفظش ايه الا لما يعمل بيها الاول

فحاول تكون فاهم ..هات تفسير و اقراه و تخيل لان السورة فيها قصة بتاعت اصحاب الجنة
و فيهااحداث من اللى حصلت للرسول صلى الله عليه و سلم فى اولها

و الايات اللى فى ختامها جميله برضه اوى

بجد اقرا التفسير هتلاقى حاجة تانيه خالص
و عايزين نكملهابقى باذن الله عندك الخميس و الجمعه عشان السبت نبدا فى سورة الحاقه باذن الله كلنا

هاااا ايه الاخبار النهاردة ؟؟؟؟؟؟

طيب نبدأ في السورة اللي بعديها بقى ؟؟؟؟

يلا ان شاء الله بقى نبدا من دلوقتى فى سورة الحاقة

بجد بقى دى سهلللله جداااا و جمييييله جدا بالذات تانى صفحة انا بحب اوى تصوير ربنا سبحانه و تعالى لموقف اللى بياخد كتابه بيمينه و فرحته بيه و تصوير اعوذ بالله اللى بياخد كتابه بشماله و ندمان و بيقول يا ليتنى لم اوتى كتابيه

بحب السورة دى اوى و كمان اخر جزء فيها سمعت عمرو خالد كان بيحكى ان سيدنا عمر بن الخطاب قبل ما يسلم مرة شاف النبى صلى الل عليه و سلم بيصلى و سمع القران راح قايل دة شاعر فراح لقى الرسول صلى الله عليه و سلم و هو مكانش سامعه قال اية ( و ما هو بقول شاعر قليلا ما تؤمنون ))
راح قايل فى نفسه يبقى كاهن .. راح لقى الاية اللى بعدها ((و لا بقول كاهن قليلا ما تذكرون ))

فكان بيحكى ان دى اول نقطة ايمان دخلت لقلبه رضى الله عنه

انا الحمد لله سبقتكوا و خلصتها النهاردة الصبح

يلا عايزين نشوف المنافسه

و اقروا التفسير هتحفظوها بسهوله اكتر و اسمعوها برضه انا فاكرة انها موجودة على جروب تصاويصى بصوت الشيخ محمد جبريل ابقوا اسمعوها بقى هتلاقواها سهله جدااا ان شاء الله

سلاااااااام علييكم و رحمة الله و بركاته

انا زعلانة منكم كلكواااااااا

أيه في ايه؟؟؟

فات اسبوع تقريبا و مبتدخلوش كلكوا

انا اصلا كنت عايزة احفظ الجزء ال 28 الصيف ده كمان و كدة ل دة مخلصتش نص ال 29 حتى

و مش عارفه مش بتدخلوا ليه
مع انى قلتلكوا طب نخليها نص صفحة كل يوم قولتولى لا صفحة

بس كدة انتوا بتتأخروا اوى اوى

انا زعلانه منكم

أنا عرف أننا مش بندخل ومفيش حد تقريبا

وفي ناس نسيت الموضوع

وانا منهم

ولسه مش حفظ القلم ولا الحاقة

والنهاردة أنا صايم

فان شاء الله هحفظ

بس مش السورتين كلهم يعني

لأني باخد وقت في حفظ اي سورة وبقسم الأيات

فأنا هبتدي اهو واحفظ

وبرضه انا بعترف بتقصيري معاكي

ويريت تكونس مش لسه زعلانه

وانتي حاطة في توقيعك التسامح

فسمحيني وسمحينا كلنا

خلاص ؟؟

وانا هقولك أول بأول أنا حفظت ايه

سلااااااااام عليييييييييكم ورحمة الله وبركاته

خلاص هسامح بس ادخلوا يلا بقى

و عايزين نرجع الحماس اللى كان فى اول الموضوع

طب انا هقولكوا على حاجة

خلونا نحفظ نص صفحة ونحاول نختم قبل رمضان ان شاء الله

وكل واحد حسب اللي وصلوا

يعني انا فيه حاجات في الجزء ال30 نفسي اراجع عليها بصراحة وصعب اني ابدا في حاجة جديدة ولسة ماخلصتش القديم

فانا هراجع نص صفحة ع اللي فايتني

انتو برده شوفو وصلتو لحد فين وكملو نص صفحة كل يوم مع قراية عشان نختم قبل رمضان

عشان احنا كدة وقفنا بقالنا كتيير ومستنين بعض


ايه رايكواا ؟؟؟

يعنى نبقى كل يوم نص صفحة ..ماشى انا موافقه جداا

النهاردة النص صفحة اللى فى بداية سورة الحاقة

و بكرة ان شاء الله نخلص لغايت الايه 18 عشان نكون واقفين عند جزئية معينة ان شاء الله

وو عايزين نتابع بقى كل يوم ان شاء الله عشان نكمله منغير تاخير

و الحمد لله انكم دخلتوا

عقبال الباقيين

سلااااام عليكم و رحمة الله و بركاته

اوكيه

عايز اقولكم حاجة كمان

مش شرط اننا ندخل نقول انا وصلت لكذا احنا اتفقنا خلاص

يعني لازم كلنا ننفذ ان شاء الله

اللي هيتاخر هو اللي هيضر نفسه

ولو حفظ هو الكسبان عشان (من قرأ حرف من كتاب الله له بكل حرف حنة والحسنة بعشر امثالها )



ماشي ؟؟

صح كدة

و كمان دة شوف لما بتحفظ بتقرا الحاجة كام مرة

هى الفكرة بس نشجع بعض

و ربنا يوفقنا باذن الله

و انا عندي فكرة للتحفيز

اللى هيحفظ اول واحد و يخلص هجبله هديه .. بس مش كبيرة اوى يعنى

صح

شكل المسابقة هتشد كدة


والله ربنا يكرمك عشان تشجيعك ده

ربنا يكرمك و متنساش بقى اول ما تقوم من على النت تحفظ قبل النهاردة ما يخلص ان شاء الله

ان شاء الله

وياريت باقي الناس كمان ماتنساش



تمام ؟؟

تمام

هاااااا ..ايه الاخبار بعد مرور اسبوع

حفظتوا 3 صفحات و نص