يلا نحفظ قرآن سوا

كده ياجماعه نكون خلصنا الجزء الثلاثين

ومش قدامي غير اني استنى ندى لما ترجع

لأنها هي اللي هتبدأ الجزء 29

واي حد لسه فضلوا اي حاجة في الجزء الثلاثين يخلص بقى

وظبتوا نفسيكم فيه

وندى ترجع بالسلامه ونبدأ مع بعض جزء جديد

بسم الله ما شاء الله انت كدة خلتنى اتاكد اني اخترت الشخص المناسب للمهمه ربنا يكرمــــــــــــك

و كويس انكوا خلصتوا يا رب يكون كل الناس خلصت و كانت متابعة

و معلش اسفه انى اتاخرت اصل النت كان فاصل عندى

و النهاردة بقى نبدا سوا ان شاء الله فى الجزء ال29 و ناخد اول صفحة فيه من سورة الملك

عايزين نمشى جد بقى عشاان نخلصه بسرعه

هو خليكوا حافظين الجدول كل يوم صفحة ان شاء الله و يوم الجمعه اجازة للمراجعه

بس كل يوم نعمل متابعة سوا برضه عشان نشجع بعضنا بإذن الله

و عايزين نعمل ترويج اكتر و ناس كتير تشارك معانا

و سلاااااااام عليييكم ورحمة الله و بركاته

مبروك لرجوعك تاني المنتدى

وإن شاء الله نخلص الجزء 29

وكل يوم صفحة دي فكرة حلوة

ربنا يكرمك

ربنا يكرمك
انا خلصتها الحمد لله يلا انتوا كمان احفظوها بقى عايزين نشجع بعض جااامد

لا اله الا الله

سيدنا محمد رسول الله
عليه الصلاة و السلام


اولا اهلا و سهلا بحضرتك بس يعنى بصراحة مفهمتش هل ناوى تشارك معانا فى الحفظ و لا بس كنت بتشارك عشان تاخد حسنات لما نقرا لا اله الا الله

عموما حضرتك نورت المنتدى و نتمنى تشارك معانا فى حفظ القران و نشجع بعض

سلااااااام علييييكم و رحمة الله و بركاته

و يا جماعه النهاردة اللى هو اللى جاى دة ان شاء الله نحفظ تانى صفحة فى سورة الملك ان شاء الله
و فييييييين الناااااس

انا اسف انى مش معاكو

وده لدخولى القليل جدا

انا ان شاء الله هاحفظ بمفردى وليعيننى الله

شكرا ليكو ويوفقكو

ويزيد من اجركم

انا اسف اني ماتابعتش في الفترة اللي فاتت

بس هحاول اكمل الجزء ال30 ان شاء الله

لا عايزين نفضل نحفظ مع بعض ما اكيد اى حد ممكن فترة النت يفصل و لا ينسى و لا اى حاجة

بالنسبه لمصطفى طب انت فين دلوقتى قوللنا او حاول تبدا معانا من اول ال29 احنا لسه فى بدايته

و بالنسبة لمحمود مش انت حافظ اصلا الجزء التلاتين قبل كدة ممكن تبدا برضه فى ال29 معانا و ابقى راجع لما تلاقى عندك وقت على التلاتين


و بالنسبه لكل اللى بيشاركوا فى الموضوع

بجد هل صفحة كويسه و مش كتيرة لحد اول مرة يحفظ
اصلى مش قادرة احكم بصراحة لانى اصلا الحمد لله الى حد كبير حافظة الجزء ال29 تقريبا بس محتاجة شويه مراجعه لانى فضلت سنتين تقريبا بسمعه كتير جدااا فتقريبا حافظاه الحمد لله

فممكن تقولولى هل هى سهله و لا نخليها نص صفحة و ناخد كمان اجازة خميس و جمعه للمراجعه

لان لو حظنا كمية صغيرة كميه صغيرة و ثبتت هيبقى افضل
و احب الاعمال الى الله ادومها و إن قل

يعنى مش لازم حاة كبيرة المهم تكون دايما و نكون مواظبين عليها

أنا رأيي أن صفحة حاجة حلوة أوي

وحكاية يوم الخميس والجمعة دي عجباني عشان الواحد يراجع فيهم

يعنى بجد سهل عليك و جربت و حفظت فعلا الصفحة فى يوم بسهوله ؟؟

مش بسهولة أوي

بس حفظتها في يوم

هو انا الحمد لله حافظ معظم الجزء التلاتين بس محتاج مراجعة يومين كدة بتركيز واجدد عليهم بقى بعد كدة

انا كان نفسي جداااااااااا الاجازة دي احفظ سورة البقرة بصراحة وحفظت منها حوالي صفحتين بس ماكملتش للاسف

المشكلة بقى اليومين دول الدنيا ملخبطة عندي شوية عشان رايح مصيف بكرة ان شاء الله

هحاول اراجع على الجزء التلاتين هناك واجي اشوفكم وصلتوا لايه بقى

يا بختك ما شاء الله .. تروح و تيجى بالسلامه ان شاء الله

بس يا رب تقدر تحفظ شوية هناك

اقتباس :

مش بسهولة أوي

بس حفظتها في يوم

الحمد لله طب يعنى انت شايف انها انسب حاة و لا لو نقللها يبقى افضل عشان عايزين نبقى مستمرين

و هل كل الناس شايفة ايه و الناس مش بتدخل كلهم ليه فىن ياسو و فداء
و بروفيسور مردش برضه


و كدة تقريبا محدش بدا فى جزء تبارك الا انا و مصطفى

مش عارفة نستنى شوية نديكم مهله و لا ايه

النهاردة الاربع مش كدة

ممكن لغايت السبت و نبدا نكمل من جديد و احنا نراجع على ما سبق و نبدا من السبت تانى بس دة اخر كلام بقى عشان منتلخبطش

و بصوا من النهاردة اللى يفوته حاجة يبدا معانا من الجديد عشان نبقى ماشيين سوا

اوكى ؟؟

ومصطفى انا اسفة اوى لو قلت كلام هيعطلك انت عن الحفظ و انت ما شاء الله المتابع الوحيد
عقبالهم يبقوا ذيك كدة

ان شاء الله لما نخلص حفظ الجزء دة هنديك وسام الالب المتميز و يببقى محطوط تحت اسمك كدة
ربنا يبارك فيك

و هما بقى هينقصوا فى اعمال السنه عشان بيغيبوا كتير

اه النهاردة الخميس معلش

خلاص هو كدة كدة حميس و جمعه اجازة مش مديينكم مهله لا حاجة

يا رب نقدر نكمل كويس

إن شاء الله

توكلواعلى الله وهتلاقم كل حاجة ماشية عادي

وياجماعة كنت عايز أقول

أنكم عشان تحفظوا حفظ جيد وكمان تثبت بسرعة أسمعوا السورة اللي هتحفظوها من ع الكمبيوتر

لأنك بكده هتشغل الأذن والفم والبصر فده هيسهل عليك الحفظ

بس لازم تسمع السورة كذا مرة وتردد

وربنا يكرمكم جميعا

بالظبط انا بحفظ بالاسلوب دة

بجد لما بتسمع كمان بتحفظ صح و بسهوله

ربنا يكرمك

و فى حاجة معلش نسيت اعلق عليها

اقتباس :

انا كان نفسي جداااااااااا الاجازة دي احفظ سورة البقرة بصراحة وحفظت منها حوالي صفحتين بس ماكملتش للاسف

انا برضه نفسي من كذا سنة اصلا احفظها و مرة و انا فى تالته ثانوى باين الحمد لله بداتت و حفظت منها حوالى 9 صفحات تقريبا الحمد لله

بس قلت فى الموضوع دة عايزين نحفظ مع بعض و غالبا كل الناس بتحب تحفظ من الاخر للاول عشان الايات صغيرة

و سورة البقرة اياتها كبيرة بس انا اللى كان مسهلها عليا انى سمعتهها كتير فى حياتى

بس مش كل الناس بتبقى كدة فاحسن حاجة توحد هدفك لحفظ جزء معين

و الافضل تخليك ماشى معانا عشان كلنا نشجع بعض و الجزء ال 29 جمييييييل جدااا

طبعا كل القران جميل جدا
بس ال29 سهل و بسيط فى حفظه و سورة الملك تمنع عذاب القبر باذن الله

فحاول توحد تركيزك فى جزء معين عشان متشتتش نفسك

و ربنا يكرمك و يكرمنا كلنا و نحفظ كلللله

انا كل مره بدخل بنسى اقولكم انى متابعه معاكم
وانى حفظت سوره الملك والقلم بس انا مش عارفه انا كده متاخره ولا ايه ؟
لو عايز تزودوا انا معاكم بس تققلوا لا لان انتوا الحاجه الوحيده اللى بتشجعنى على المراجعه
وخصوصا انى لازم على الاقل اراجع على الاربع اجزاء من 30 الى 26 علشان الكليه ان شاء الله

ربنا يعنا

طوويب

بس انتى كدة تمام اوى يا فوفا و مش متاخرة دة انتى سابقة كمان

احنا النهاردة الجمعه اجازة كل سنة و انتى طيبة بقى

بكره يوم السبت

نحفظ أيه؟

تالت صفحة فى الجزء بقى النهاردة ان شاء الله

اللى هى اخر نص صفحة من سورة الملك مع اول نص صفحة من سورة القلم كل واحد ييجى يقولنا انه حفظ بقى ان شاء الله

هااا حفظتوا و راجعتوا ؟؟؟؟؟

لو خلاص يبقى النهاردة تانى صفحة فى سورة القلم

انا اسفه انى نسيت ادخل

بس هو انتوا وصلتوا لايه كدة .. نكمل و لا لسه محدش حفظ ؟؟

انا محتاجة اراجع شوية

انا خلصت سوره القلم وبدات فى الحاقه
بس اخر القلم هرجعها تانى ان شاء الله
كملى

أنا لسة مش حفظت حاجة في سورة القلم