موضوع الحب ؟؟؟!!!!!!!!

معلش يا جماعه ممكن اكلم في موضوع يمكن ناس منكم يرفض لكن اود معرفه راي كل اعضاء المنتدي علي كل الاختلافات سواء بالرفض او القبول لكن بكل احترام وعدم مهاجمه او جرح احد




حد حب قبل كده وانتم فافمين ماذا اقصد ؟؟؟؟ وما هو رايكم فيه وما هي فكرتكم عن هذا الشئ ؟؟؟؟











وما هي المزايا والعيوب ؟؟؟

سؤالك يا اخ مهاجر مفهوش اي داعي ان يتفهم غلط لأنك وجهت السؤال

بطريقه مش محدده ابدا يعني سؤالك ايه رأيك فالحب ؟؟

طبعا الحب شيء جميل جدا

ومستحيل نقدر نعيش منغيره واكيد كلنا بنحب طول الوقت اهلنا وصحابنا

ووطننا وحاجات كتير اوي

هوه دا المفهوم من السؤال

بس طبعا انا تقريبا من صيغه كلامك عرفت انك قصدك على الحب بين الولد والبنت

ومن رأيي ان دي حاجه طبيعيه جدا ربنا فطرنا عليها اننا لازم كل واحد يحب

حد ويشاركو حياتو عشان حياتنا تستمر

بس الي انا عايزه اوضحو ان احساس الحب نفسو جميل جدا وياريت كلنا

نعيش دايما فحب علطول بس الحب فدائره الحلال

يعني مش نستغل الحب ده عشان نبرر تصرفات حرام شرعا بحجه الحب

مالاخر يعني حب يعني احساس نقي وبريء من كل الحجج والمبررات

الي بتتعمل دلوقتي

اكيد كلامك جميل بس انا فاهم هو قصد مهاجر ايه

اكيد يا ابنى

كلنا اتحرقنا بيه

وده مش عيب لازم تحب وانا احب والبنات اكيد بيحبو

ولو ده عيب الناس هاتتجوز ازاى

عايزين اجابة صريحة

انا مع راى ريهام انا برضو مع فكره ان الحب ده حاجه جميله جدا واحساس حلو بس لما يكون فى النور وبمعرفه الاهل مش زى بمنشوف كله من وراهم ويكون لهدف الجواز مش تسليه ولا لعب عيال

ذى ما رورو و دندونه قالوا

هو فى حد ذاته شىء جميل والحياة مترتبه عليه

بس المهم الافعال المترتبه عليه

يعنى لو مشيوا فى الطريق الصح واحد حب واحدة اتقدملها و اتجوزها و مقعدش ياجللها و يطلعلها حجج دة يبقى صح

اما لو حاجة من ورا اهلهم و الكلام دة اكييييييييييد غلط و حرام



سلااااااام عليييييكم و رحمة الله و بركاته

لاااااااا طبعا

اكيد مختافاش

و الناس اللى بتحب بعضها بجد سواء كان من اى نوع موجودة و كتيييييييير

و ذى ما فى واحد بياذى والده و بيعامله وحش فى ملاييين بارين باباءهم و بيعاملوهم كويس الحمد لله

و ذى مافى واحد بيضحك على بنت فى كتييير بيروحوا للاهل مش للبنت و بيمشوا صح

معتقدش انه اختفى و لا حاجة

هو بس دايما الظاهر هو الوحش

طب و ليه متبصش لكميه عمل الخيير الكتير
حاة ذى رساله مثلا و صناع الحياة

مش دى احاجت تدل على اننا متجهين لطريق فى حب لبعض اكتر

متهيالى الخير كتير

بس هو الواحد يبص من الجانب المشرق احسن

اه لازم نكون واقعيين و نحل المشاكل الموجودة

بس لازم نظرتنا الاساسيه تكون للتفائل و نكون فى جانب الخير دايما

و ان شاء الله الخير هيزيد اكتر

كل ردودكوا ماشاء اللة جميلة جدا
بس انا فى سؤال محيرنى
لو ولد وبنت بيحبوا بعض واهلهم مش عارفين بس تعاملهم مع بعض فى حدود الاحترام يعنى بوضوح ومن غير خجل من غير مسك ايد ولا هزار بايد ولا سلام ولا كل الحاجت اللى بنشوفها دلوقتى فى الجامعة وفى كل مكان
بس كل الحكاية انهم مش عندهم الجرائة يصارحوا اهلهم
دة صح والا غلط

انا رأيي ان الحب قل جدا


بقينا دلوقتى بنحب علشان سبب

ليس للحب نفسه


ما فيش حب للحب نفسه دلوقتى


وده حقيقي للأسف

هل من معترض؟؟؟

foffa كتب:

كل ردودكوا ماشاء اللة جميلة جدا
بس انا فى سؤال محيرنى
لو ولد وبنت بيحبوا بعض واهلهم مش عارفين بس تعاملهم مع بعض فى حدود الاحترام يعنى بوضوح ومن غير خجل من غير مسك ايد ولا هزار بايد ولا سلام ولا كل الحاجت اللى بنشوفها دلوقتى فى الجامعة وفى كل مكان
بس كل الحكاية انهم مش عندهم الجرائة يصارحوا اهلهم
دة صح والا غلط

مش عارفه يا فوفه

انا مش بفتى يعنى

بس اعتقد ان لو حصل كلام ما بينهم يبقى دة شىء غلط

لكن لو كل واحد مع نفسه اكيد عادى لان ربنا مش بيحاسبنا غير على الافعال و مش بيحاسبنا على اللى جوانا

و يا اما يواجهوا اهلهم و يبقى شىء رسمى او يصبروا لغاية ما يبقى ينفع انهم يواجهوا اهلهم

بس اعتقد ان اللى الواحد يخاف انه يحصل قدام اهله يبقى اولى يخاف من ان ربنا شايفه

دة رايي



و كلام ياسو يا ريت توضح شويه

كلام جميل انا فاهم ياسو

وده حقيقى

ان شاء الله مش غلط بس هما يصارحوا اهلهم

ويكون فيه ناس عارفة من اصحابهم

ويكونوا اهل ثقة عند الاهل

وياريت الواحد يسمع الحاجات الجميلة فى حب الله ورسوله

وعن نفسى لو حبيت ارتبط بواحدة

اكيد انا هاصونها

وان شاء الله هافهمها انى عايزة امام الله ورسوله قبل كل شىء

وكل واحد هايعمل ايه لو حس انه ممكن يرتبط بحد؟

حلو قوي الموضوع وانا موافقة ياسو جدا جدا

وياريت كل الولاد يفكروا ذيك كدة يابروفسير

بسم الله ماشاء الله عليك

مممممممممممم

كلام معقول وكويس

لو انا بنت يعنى اكيد هسكت و افضل ذى ما انا

و لو انا ولد هحاول اعرف اذا كان ممكن اهلها يتفهموا الموضوع دة و لا لا و احاول اعرف هى كمان ذىى و لا لا
و اذا كان كدة هحاول اعرف اهلها انى عايز اتقدملها بس ظروفى لسه شويه صعب حتى و لو دة عن طريقها هى بس مش اقضيها كلام كل شويه

و اذا حسيت ان الموضوع مش نافع خالص و ان مش هينفع اى تفاهم مع اهلها يبقى لازم احاول انى معرفهاش ذى ما انا و مخليهاش تتعب ذيي و فى الاخر ميحصلش اى حاجة و نبقى تعبنا احنا الاتنين و خلاص

انا للأسف كنت كتبت رد طويل في العصر كده


وضاع مرة واحدة


ان شاء الله هأبقي اكتبه تانى

لى عودة

بمناسبة الكلام عن الحب

هل الواحد لو عاش قصة حب وفشلت( زي معظم القصص) بتأثر على قدرته على العطاء في الحب بعد كدة ؟

سؤال يطرح نفسه

الحكاية دى بقى بتختلف من فرد للتانى حسب نوع الانسان نفسة يعنى فى ناس بتقدر تفصل بين كل موقف والتانى وناس لا وحسب نوع العلاقة نفسها كانت ازاى بمعنى هل فعلا كان حب والا كان مجرد تجربة وكمان على حسب سبب فشل العلاقة لو كان الفشل دة بسبب تقصير حد من الطرفين اكيد هايكون التاْثير اقل من لو كان بسبب ظروف خارجة عن ارادتهم هما الاتنين
وفى الغالب بصرف النظر عن كل دة بيكون الانسان حاسس انة مش هايحب تانى لكن بيتهيالى بمجرد انة يقابل انسان يحبة حب حقيقى ومايحسش من ناحيتة باى استهتار اكيد هايبادلة نفس الحب ويبقى بكدة قدرتة على العطاء مش هاتتاْثر

حلو اوى رايك يا فوفه
بس بتهيألى لو فيه قصه حب فشلت لحد لو حب بعد كده تانى قدرته على العطاء مش هاتقل ولا حاجه بس كل الحكايه انه هايبقى خايف شويه فى الاول انه يدى تانى
وهايفضل على كده لغايه لما يحس انه اطمن للحد ده وهاترجع قدرته على العطاء قويه تانى
يعنى الحكايه كلها شويه خوف وهايروح بمجرد الاحساس بالاطمئنان .
ويارب ما حد يفشل .

كلام جميل جدا

وانا شايف ان الولد فى الزمن ده لو مش قادر يقدم حاجة يبقى يبعد من الاول احسن

وكمان مفيش مراعاة من الاهل هنا وهنا

ده خايف على ابنه او بنته والناحية التانية نفس النظام

ولكن لو اعطوهم الحرية فى اختيار حياتهم ولكن ليس كامل الحرية

ولكن مع الدعم وليس الخوف عليهم لدرجة الاغلاق

بس ده بيساعد كتير فى الاختيار السليم

وربنا يكرمنا ويكرمكم

أنا شايفة ان طالما الولد شعر بميل وحب تجاه بنت فمن حقها انها تعرف بس فى حالة لو لاحظ انها بتميل إليه ، ويشرح لها ظروفه بكل صراحة وشجاعة وساعتها هيكون عمل اللى عليه ، وهي ليها حرية الاختيار .

أما بالنسبة لسؤال الجوهري : فأنا رأي من رأى فوفا وده فعلا بيختلف من فرد لآخر على حسب مقدرته إذا كان يواصل حياته طبيعيا او هيكون حبه الأول مآثر عليه

متهيالى ذى هدهد ما قالت برضه
فى البدايه هيكون خايف لانه هيكون متاثر بسبب الفشل دة و ذى ما فوفه ما قالت ان االفشل ممكن يكون بسبب حد فيهم او ظروف خارجه عن ارادتهم و دة بياثر فى فترة خوفه دى برضه
اكيد بتفرق جامد
بس ممكن بعد كدة لو لقى حد تانى كويس و حاجة ناجحه و حقيقيه ممكن يرجع تانى و يكون افضل من الاول كمان
لان لو حاجة ترضى ربنا بتبقى فيها سعادة حقيقيه

و بالنسبه لكلام بروفيسور متهيالى بالعكس فى اهالى كتير بيفهمواولادهم
و عموما مفيش اهل مش بيحبوا ولادهم هما بس بيبقوا عايزين مصلحتهم و كل واحد و ليه وجهه نظره فى مصلحه ولادة فى ايه
بس هو احسن حاجة ذى ما انت ما قلت يبقى ليهم حريه بس مش تبقى زايدة عن اللزوم
يعنى يسيبوهم يختاروا بنفسهم بس لو لقوهم مش عارفين مصلحتهم لازم يتدخلوا
و متهيالى الحمد لله فى ناس كتيرة كدة