موضوع الحب ؟؟؟!!!!!!!!

كلام تمام يا ندى

وده اكيد

يعني ممكن نقول إن الموضوع ده بياخد شوية وقت ويرجع الإنسان عادي وربنا يبقى يعوض عليه بقى .. أنا معاكوا في الرأي ده


إيه رأيكوا لو نخلي فيه موضوع معين كل فترة ( إسبوع مثلاً ) ونغيره بعد ما تخلص الفترة ديه

يعني حاجة زي أنا والنجوم وهواك كدة بس هم ماكانوش بيجيبوا رأي الدين خالص في أي موضوع إنما إحنا ممكن جدا نجيبه... وأكيد إن شاء الله يبقى أفضل رأي

وممكن لو حد يعرف قصة متعلقة بالموضوع يقولها عشان يبقى الموضوع أحلى .. وممكن تبقى من زمااااان .. أو سمعها من حد يعني حاجة زي كدة

فكرة كويسه
اننا ناخد اى فكرة و نحولها لشىء مفيد و ناخد منه ثواب ان شاء الله
جزاك الله خيرا

طب إيه الموضوعات اللي بتقترحوها؟؟ ولمدة قد إيه؟؟

وانا شايف ان الموضوع كويس

وفيه اراء كتير معروضة

وده المكان المناسب لانتشار الفكرة

وكمان احنا مش هانجرى ورا الموضوع

ربنا يكرمكو

انا عرضت الفكرة ديه هنا عشان الموضوع ده معمول عشان الكلام في الحب فهيكون أنسب مكان للفكرة هنا

والغرض من الفكرة إننا إزاي ممكن نحل المشاكل اللي بتحصل في الحب بالدين .. فماعتقدش ان ده حاجة وحشة ؟؟!!

كلامك تمام ياريس

ربنا يكرمك

طيب تعمل ايه لو حسيت انك وحيد بدون حد يحبك

بالذات الناس الى بتحس انهم اقرب الى قلبك

يبعدوا فجأة

او الظروف تكون اقوى من الافعال؟

السلام عليكم
من المفروض ان نتعرف على اراء البعض فى موضوع الحب عشان الافكار الغلط تتصحح.
وبالنسبة ان هيكون فى كلام كتير ومواضيع اهم منها فانا شايفة ان المنتدى دة معمول عشان نتناقش ونتكلم بحرية طالما فى حدود الدين والادب .
ونتعرف على الاراء فى كل الموضوعات عشان دى فرصة بتنمى افكار كتيرة .........
الاساس فى الموضوع دة هو راي الدين
واي حد يقولنا راي الدين فى الموضوع دة ربنا يكرموا
وممكن نطرح موضوعات للمناقشة مثل التكافىء الاجتماعى والثقافى.......
وممكن اى حد عندة موضوعات يطرحها للمناقشة
والحمد لله ولااله الا الله

معلش ردا على السؤال طيب تعمل ايه لو حسيت انك وحيد بدون حد يحبك

بالذات الناس الى بتحس انهم اقرب الى قلبك

يبعدوا فجأة

او الظروف تكون اقوى من الافعال؟
احساس صعب اوى والحمد لله محستش بية
بس هاحاول اقرب من الناس اكتر واختار اصحاب الاول كويسين اوى واعيش واتعايش معهم واخترق حياتهم وابقى جمبهم واحس بيهم واكيد فى مش صعب ابدا بس اهم حاجة الصبر
واللى بيبعدوا فجاءة هشوف اية السبب واكيد فى سبب ولية علاج والظروف عمرها ابدا ما بتغير اللى جوانا المهم يكون بجد مش مجرد احساس واكيد مش هابقى وحيدة
والحمد لله ولاالة الا الله

السلام عليكم

انا معاكم ان الموضوع كويس وكل حاجه
بس انا اعتراضي كان عشان خايفه الموضوع يتقلب تهريج
وهزار
والاشراف معناه اني مسؤوله عن كل كلممه قدام ربنا
فعشان كده خايفه انه يتقلب لتهريج
فياريت تقدرو خوفي ده
بس لو خلاص عايزين الموضوع
وهيكون موضوع جاد في مناقشته
خلاص وانا معاكم فيه

طبعا اهم حاجة الجديه و الاخذ براى الدين و الا مكناش سيبنا الموضوع موجود و ردينا فيه اساسا

و اى حاجة غلط او هزار اى حد هيشوفها يمسحهها على طول و لو مش من المشرفين يا ريت يبلغ المشرفين بسرعه عشان تتمسح فورا ان شاء الله

و يا ريت بس تنظموا الموضوع يعنى كل اسبوع ناخد مشكله معينه و نشوف ارءنا فيها ان شاء الله
حد بقى يحط حاجة للاسبوع دة

(نبقى كل يوم سبت نبدا موضوع جديد ان شاء الله )

ربنا يكرمكم
و السلام عليكم و رحمة الله و بركاته

معلش راى متاخر شوية
بس انا راى ان الحب احد الاشياء الفطرية فى الانسان زى الجوع والعطش

يعنى مثلا فى رمضان الواحد بيكون جعان بس بيصبر علشان الثواب وارضاء الله

وبرضه الحب الانسان بيشبعه بالطرق المشروعة خشية سخط الله يعنى يكلل الحب بالزواج

اللهم اهدنا لارضائك

انتوا ليه مابتدتوش النقاش فى الموضوع اللى اقترحته بسبوسه
اللى هو التكافؤ الاجتماعى والثقافى انا شايفه ان ده موضوع حلو للنقاش الاسبوع ده
وانا رأيي ان التكافؤ بين الطرفين احتماعيا (وليس ماديا )من اهم اسباب النجاح
واحنا لو افتكرنا فى قصه زواج السيده زينب من زيد ابن حارثه رضى الله عنه
عندما حدثها الرسول صلى الله عليه وسلم فى طلب زيد للزواج منها
فرفضت وقالت لو انه كان عبد وانا حره وهذه اشاره للتكافؤ الاجتماعى
وبعد ان تزوجوا لم ينجح هذا الزواج وتم الطلاق وتزوجها رسول الله صلى الله عليه وسلم .
وعلى فكره انا قصدى على التكافؤ الاجتماعى مش المادى لأن فيه فرق جامد بين الاتنين
وياريت ياجماعه تقولوا ارائكم فى الموضوع ده .

لا اله الا انت سبحانك انى كنت من الظالمين .

جميل اوى يا هدهد
و فعلا من اهم الاشياء يكون فى تكافىء اجتماعى يعنى ذى المستوى التعليمى يكون متقارب و اسلوب و نمط حياة الاسرتين بتوعهم
و طبعا المثال اللى قلتيه كويس جداا
فلو واحد او واحده من طبقه اجتماعيه اتجوز واحده من طبقه تانيه دايما بتحصل مشاكل لان من الصعب اوى يتوافقوا

بس فى ناس شايفه ان دة شىء عادى لكن انا متهيالى انه مينفعش و هتبقىى حياتهم فاشله لان دايما واحد فيهم هيحس بالنقص و التانى هيحس انه الاححسن و دى حياه متنفعش


و يا ريت نشوف اراء باقى الناس

انا فريت رسالتك أكتر من مرة لكني في كل مرة مش فاهم إلا النص التاني منها فياريت توضح الجزء الأول منها

في رأي جديد سمعته عن موضوع الحب وهو بيقول

ان مافيش حب بين الرجل والمرأة ... إنما يوجد بينهم مودة ورحمة كما ذكر الله في القرآن

إيه رأيكم ...؟؟

المودة اشمل من الحب
المودة مشاعر مترجمه فى افعال
انما الحب مشاعر بس

و السلام عليكم و رحمة الله و بركاته

ربنا يكرمك

وعلى فكرة رأيك زي رأي الدكتور مصطفى محمود

أولا كل سنة وانتوا طيبيين .. ورمضان كريم عليكلوا ان شاء الله

ثانيا عايزين أرائكوا يا جماعة في الموضوع ده .. هل انتوا متفقيين .. ولا مختلفين .. ولا تحبوا نتكلم في نقطة تانية .. ولا إيييييه؟؟