حول محاضرات بحوث العمليات

السلام عليكم و رحمة الله و بركاته


الموضوع دة يا جماعه ان شاء الله نبقى نتناقش فيه عن احداث كل محاضره من محاضرات المادة

و لو اى حد عنده سؤال حول المحاضرة او ناقصله حاجة فيها او فاتته محاضرة و عايزها يقول هنا

و يا رب نكون ايد واحده و نساعد بعض فى كل حاجة

سلااااااام عليييييكم و رحمة الله و بركاته
_________________

فى المحاضرة الاولى الدكتور قعد يتكلم معانا شوية و يسالنا اهدافنا ايه و ينصحنا و يحكيلنا على حاجات من خبراته .. هبقى انزلهالكوا ان شاء الله عشان عارفه ان محدش جه


المحاضرة التانيه بقى .. تحفه تتحفه تحفه تحفــــــه
بجد دكتور عبقرى و تفكيره حلو اوى هو عايز يفتحلنا مخنا و يخلينا نشغله بعد كذا سنة نوم نايمهم

قعد يدينا مسائل جامدة جداا .. بفكر انزلها هنا فى قسم فوازير

و هى دى المسائل حاولوا تحلوها و بعد كدة ان شاء الله هبيض المحاضرة و احطهاكوا و فيها الحل

-------------------------------

* اول واحدة دى معروفه شوية ..

لديك اناء سعة 8 لتر به ماء
و اناء فارغ سعة 5 لتر
و اناء اخر فارغ سعة 3 لتر

المطلوب تقسيم كمية الماء الى نصفين (4 و 4 يعني ) متساويين

-------------------------------

*
الحروف اللى جاية دى تقابل الارقام من صفر الى 9

المطلوب تحط مكان كل حرف رقم

حيث d = 5

,

DONALD
+
GERALD
=
ROBERT


---------------------------------------------------

** معاك 40 جنيه و عايز تشترى بيهم 40 قلم بس مش اكتر و لا اقل

و اسعار الاقلام كالتالى :
النوع الاول 4 جنيه
التانى 2 جنيه
التالت ربع جنيه

.. الاول هاتهم 40 قلم و خلاص باى انواع
و الطلب التانى تجيبهم بشرط يكونوا انواع مختلفة يعنى على الاقل قلم واحد من كل نوع فيهم

-------------------------------------------------

و دى كانت مساله واجب ..
اللى يعرف يحلها ميقولش هنا بقى

الحمد لله عرفت احلها بعد 4 محاولات كدة



.. عندك تانك فارغ
و عندك 4 مضخات

المضخة الاولى بتملا التنك كله فى مدة 15 دقيقه

و التانيه فى 30 دقيقه

و التالته فى 45 دقيقه

و الرابعه فى 60 دقيقة


لو شغلنا الاربعه سوا .. نملا التنك فى مدة كام دقيقة

طبعا مينفعش اكتر من 15 دقيقه لان لو شغلنا الاولى بس كانت هتملاه فيهم





بس المحاضرة بجد كانت لذيييييذة جداا و الدكتور خلانا متحمسين و جالنا تحدى اننا نحل المسائل دى

لدرجة بقينا قاعدين نحاول نحل بعد المحاضرة مش نرغى و لا ننام و لا نخرج ذى بعد اى محاضرة


سلااااااام علييكم و رحمة الله و بركاته

السلام عليكم ورحمه الله وبركاته
ازيك يانودىىى عاملة شغل جامد اوى ف المنتدى ربنا يكرمك ديما ويحفظك وان شاء الله تبقى ديما متالقة فى المنتدى بتاعكو وربنا يوفقنا جميعاا امين يارب واشوفكو على خير ديما

السلام عليكم ورحمة الله وبركاته
أنا أول مرة أدخل المنتدى ووصلتني رسالتك يا ندى ... هههه حلوة القافية
المنتدى شكله حلو بجد وليه هدف وإن شاء الله أحب إني أشارك في الهدف ده
شكل محاضرة البحوث والعمليات دي كانت حلوة أوي لكن للأسف محضرتهاش
تتعوض إن شاء الله
تحياتي للجميع
سمير ... إدارة أعمال

بجد انا مبسوطة جدااا جدا بيكوا بجد نورتوا المنتدى بتاعكوا

و باذن الله نكون سوا كلنا و نساعد بعض و دفعتنا كلها تتجمع ان شاء الله

و ان شاء الله بس معلش اخويا هيظبطلى االاسكنر و هرفعلكم المحاضرات ان شاء الله و لو حاجة مكنتش واضحة فيها ابقوا اسالوا عادى و ان شاء الله نساعد بعض دايما و مفيش اى حاجة تبقى صعبه علينا

و اهلا و سهلا بيكوا وسط اخواتكوا

سلاااااااام عليكم و رحمة الله و بركاته

لا خلاص ان شاء الله هنعمل احتلال ادارى

و عايزين القسم يبدا يشتغل

ادعولى اعرف اعرف الاسكنر عشان مليش خبرة فى الكلام دة و بجرب

سلام الله عليكم ورحمته وبركاته اود في البدايه ان اشكر القائمين علي هذا المنتدي خاصتا الاخت ندي وباقي الزملاء بصفتي طالب في قسم ادارة الأعمال ولكن تقابلني بعض المشكلات من أهمها هو اسلوب الشرح الذي ينتهجه الدكتور حسين عطا رغم اصراري الشديد علي الحضور معه ولكن لستو قادرا علي التجاوب رغم حرصي الشديد علي تحصيل المعلومات عن طريق الفهم فأرجو المساعده لأني لااستطيع الحضور مع المعيد في السكشن نظرا للظروف الخارجه عن ارادتي , وفي النهايه ارجو ان ان تتقبالوني بصدر رحم وأن سعيد جدا انني زميل لكم في هذا القسم العظيم , أسال الله لي ولكم التوفيق والسداد ز .

اهلا بحضرتك معانا و باذن الله طول ما بتبذل مجهود عايز تذاكر المادة كويس اكييد ربنا هيكرمك
و اكيد لما كنا هنتجمع هنا هنساعد بعض و محدش هتقف قصاده اى حاجة

و ممكن تشوف المحاضرات اللى انا منزلاها انا بكتب زى الدكتور بالظبط تقريبا فممكن تتخيل انك فى المحاضرة تانى و بتسمع الكلام دة و ممكن بهدوء تفهم اى حته كانت واقعه منك فى المحاضرة و كمان حاول تجيب كشكول الرياضة بتاعك فى سنه اولى و اقرا الكلام بتاع السمبلكس عشان تحاول تدى لنفسك خلفيه من اللى انت كنت عارفه قبل كدة و هتلاقى ان دكتور حسين كل اللى بيعمله و بيلخبطنا هو انه بيحاول يفهمنا كل حاجة جت ازاى

عشان هو مش عايزنا نبقى حافظين خطوات لكن عايزنا نبقى عارفين بنعمل كل حاجة ليه

هو بجد دكتور عبقرى و جامد جدا بس محتاج الواحد يركزز اوى معاه و يحاول ياخد كلامه ببساطة

و بس ادعيلى انشاء الله افهم بس كام نقطةواقفين معايا كدة هسال عليهم
و لو فهمتهم ..(احتمال لو قدرت و ربنا وفقنى ) انزل موضوع فيه شرح مبسط لكلام الدكتور

و ممكن كلنا نحاول نعمل كدة فى كل مادة و نساعد بعض
و باذن الله كله هيبقى سهل ان شاء الله


----------------------

و بالمرة اسال على الحاجات اللى انا مش عارفاها

حد فاهم الجزئية بتاعت rank a , b و الكلام دة ..عشاان متلخبطة فيها

و حد كمل حل للمساله بتاعت المرة الى فاتت ..لو حد كملها يا ريت يقولى وصل لفين

ربنا يكرمكوا

سلااام عليكم و رحمة الله و بركاته

سلام عليكم

معلش يا جماعه ى جزئية ملخبطة عندى فى محاضرة امبارح

هو الدكتور كان قعد يحسب المخاطرة لكل سنة و قال يبقى نجيب المتوسط بتاعهم و كتب قانون مكتبتوش

ممكن حد يقولهولى
حتى لو يقوله بالكلام علشان الرموز صعبه فى الكتابة

ياااااا قوم

حد يعبرنى و يقولى المعادله ..ارجوكواا

هههههههههههههههههههههه

لا حول ولا قوة إلا بالله


الناس مالها

انا شايف انك تقريبا الوحيدة اللي بتخش هنا

معظم الردود ليكي

يبقى عندك حق


ياااااااااااااااا قوم

لا فى ناس كتير بتدخل بس مش بيشاركوا

ان شاء الله يدخلوا و يشاركوا ..ربنا يسهل

عموما بكرة ادور على حد يكون حضرو اساله و خلاص ان شاء الله

ازيك يا ندى عامله ايه يارب تكونى كويسه
انا قولت اشارك بدل الصحرا الى انت فيها ديه بس للاسف انا اصلا مش بحضر لدكتور حسين لانى مش بفهم حاجه اصلا فى المحاضرة بلاقى نفسى بتوه
بس انا كنت عايزه استفسر عن حاجه هو دلوقتى اصلا الماده عربى والامثله عربى ايه بقى حكايه الرموز والحلول الانجليش ديه وياترى فى الامتحان هنحل بانهى رموز عربى ولا انجليش
ده غير انى عايزة اعرف هو دكتور واحد للماده ولا اتنين
بس وشكر على كده وياريت لو تقدرى تفدينى ويكون كتر خيرك
سلام

ازيك يا سارة

بس مبتحضرلوش ليه يا بنتى و الله دة راجل زى السكر .. اينعم عصبى .. بس طييب اوى

دة ادانى الدكتوراه قبل البكالريوس هههه

بصى يا ستى المادة المفترض عربى و بيدرسها دكتور حسين عطا بسسسسسس

هو يا ستى بيحب الارقام اللى بالانجلش و كذلك الرموز

بس بيشرح بالعربى عادى

بس فى الامتحان حلي براحتك عربى انجليزى ..زى ما تحبى ( هو اللى قال كدة )

بس نصيحة منى حليله بالانجليزيى عشان يحس انك عارفه طريقته

دة بالنسبة للرموز

اما الشررح

فهو ادانا موضوعين فقط لا غير من الكتاب و يعتبر مشرحهمش من الكتاب لانه قال حاجات مختلفه
و هما السمبلكس و مساله النقل

لكن بيدينا حاجات زيادة مش فى بحوث العمليات اصلااا ..لكن هى من التمويل

و هى 1- المحفظة المثلى

و قال هيشرحهها بالانجلش بس شرحهها بالعربى

و2- المشتقات الماليه (دى لسه مخدناهاش )

و على فكرة لو شفت كتاب التمويل بتاعه بتاع سنه تالته هتلاقيه فيه شرح المحفظة المثلى دى حلو

و زاكرى المحاضرات اللى هنا .. اولو حابة تصوريهم ممكن اقابلك بكرة يا جميل و اديهملكان شاء الله

بس بجد الاحسن متعتمديش على مكاتب برة فى المادة دى علشان بجد محتاجة حد يكون كاتب من معانا و فاهم

و ربنا معاكى يا جميل بس حاولى تحضريله بجد هو بقى هادى و شرحه حلو الحمد لله

ميرسى يا ندى ربنا يحليكى ويكرمك يارب
وتساعدى الغلابه الى زى وعموما يعنى لو فعلا عندك استعدا اقابلك واصور منك مفيش مشكله طبعا وكتر خيرك شوفى بقى لو هتدينى ميلك يعنى عشان نتفق ولا هتبعتيلى رساله هنا انا معنديش مانع بس خليها يوم السبت ان شاء الله واشوف وشك على خير
سلام

بس للاسف اان مسافرة السبت يا سارة

و مش هرجع غير يوم 20 ديسمبر ان شاء الله

رايحه احج ..عقبالك

فلو ينفعع بكرة او ممكن بعد كدة لو تحبى تصوريهم من ياسمين صاحبتى تتقابلى معاها هسيب معااها نسخة من الكشاكيل

نتيجه لموقف عجيب حصل امبارح
د.حسين عطى هيرجع فى كلامه وهيدخل بكره بس معرفش بقى هيكمل حل تمارين ولا هيدى المشتقات
عموما الى يعرف حد بيحضرله يبلغه

الحمد لله ..انا قلت برضه دكتور حسين طيب

ابقوا سلمولى عليه بقى

و يا رب حد يسجللى المحاضرة

2ana baktbhomlk ya nada wala yhmik bas trg3i bi el salamah

ربنا يخلييييييييييييكي يا منه يا حبيبتى


ايوة كدة انا كنت متاكدة انى سايبه رجاله ( بنوتات امامير يعني بس جدعين )

وحشااانى جدااا يا قمرر انتى و كل البناتيت ..سلميلى عليييهم كتيير

يا رب نتجمع قريب باذن الله

انا عارفه انه مش وقته بحوث عمليات خالص

بس فى سؤال بقالى سنه عايزة اعرفه و بنسى اساله

هو ازاى نجيب اكتر من حل امثل

يا فتاح يا عليم ..يا رزاق يا كريم

يا رب


توكلنا على الله

بلاها ادارية و بلاها بنوك ..خلونا فى ثوثو ..بحوث العمليات

دكتور حسيييين

يا رب استر يا رب

يا رب نفوق كدة و نذاكر


يا رب


و افتح علينا و نفهم و اجبر بخاطرنا و نحل كويس يا رب


دعواتكم بقى يا جماعه

تصبحوا على خير

سلاااااااام عليييكم و رحمة الله و بركاته


و ابقوا شوفوا المشاركة اللى قبل دى ضرورى

هيييييه هييييه ..عرفتها الحمد لله
و ميرسي اوى اوى ليكوا على كل الردود و الاجابات دى

ربنا يخليكي ليا يا منى و يا منة يا حلوين يا حبايبي ياللى هاممكم مصلحتى و بتفكروا فيا و ادتونى المحاضرات اللى فيها الحل

يعني حل البتاعه فى المحاضرة و انتوا مقلتوهاليش
امشوا كدة زعلانه منكوا

سلااااام علييكم و رحمة الله و بركاته

يا جماعة ممكن حد يقولى المادة فيها نظرى ولا لا؟

لان ملزمة المراجعة جايبة جزء نظرى حوالى 7 صفحات

فهل الدكتور قال هيجيب نظرى فى الامتحان؟