بحث الادارة الدولية (مصادر للمعلومات و البيانات )

سلام عليكم و رحمة الله و بركاته


ازيكم يا اداريين

كل سنة و انتم طيبين

بصوا انا دخلت موقع منظمة التجارة العالمية ..ما لقيتش الكتاب السنوى !!!

بس دول شوية حاجات ممكن يكون فيها المعلومات المطلوبة للبحث باذن الله

دة الكتاب السنوى 2008 الصادر من الجهاز المركزى للاستعلامات بمصر

(الجزء الخاص بالصناعه و التجارة الخارجية )

http://www.sis.gov.eg//VR/book08/8.pdf


و دة الجزء الخاص بالتنمية الاقتصادية و الاستثمار
http://www.sis.gov.eg//VR/book08/6.pdf


و دة الكتاب السنوى لصندوق النقد الدولى ..


http://www.imf.org/external/arabic/pubs/ft/ar/2008/pdf/ar08_ara.pdf



انا هشوف دول لسة ففيهم ايه .. و لو حد عنده حاجة تانى يبقى يجيبها

بس برضه نسال الدكتورة عن منظمة التجارة العالمية

عموما دة موقعها

http://www.wtoarab.org/Default.aspx?&lang=ar

هو مين اللي كان طالب البحث ده؟
الدكتورة اللي دخلت الصبح أول محاضرة؟ ممكن لأني ملحقتش المحاضرة دي الطريق كان واقف ... جيت قعدت برة بس ... يلا اللي حصل بقى الحمد لله
جزاكِ الله خيراً على الموضوع

اه هى دكتورة امل عبد الحكم

إيه نظام هذه الدكتوره ؟وإيه مواصفات طريقة إلقائها فى المحاضره يعنى نحضرلها ولا إيه؟
وجزاكم عنا الخير والسرور

المحاضرة بتاعتها مناقشات

بتقول العنوان و تسالنا يعني ايه و تستمع لاراء البعض و بعدين تقول المفهوم من عندها فى النهايه

المحاضرة لذيذة و الله و كويسة

و هى عامله جروب للمذاكرة فقططططط على الفيس بوك بس بدور عليه لسه
لو لقيته هحطهولكوا ان شاء الله

https://www.facebook.com/group.php?gid=126762860461

اخيرا لقيته ..

كان فى امبارح مناقشه بين الدكتوره وهيثم زميلنا حول عالميه المنتج
كان هيثم بيقول ان المنتج نفسه صعب انه يبقى عالمى على مستوى كل الدول
والدكتوره كان رأيها ان لا ممكن يبقى فيه منتج عالمى وفى كذا دوله

هوا الاتجاهين صح وموجدين
يعنى مثلا منتجات شركه شيفورليه فى مصر غير الخليج
وفى نفس الوقت باردوا حاجه زى ماكدونلدز مطاعمها هيا هيا على مستوى العالم
فهوا لما شركه عالميه بتيجى تسوق منتجها عالميا بيبقى ادامها انها تتبع اتجاه من الاتجاهين دول والى بييموهم localization ,standarlization
وعشان كده بعت سؤال لدكتور وائل عشان يوضح الفرق بين الاتجاهين ووضوحه الحمد لله وقال ان الوضع الامثل ان المنتج يجمع ويوازن بين الناحيتين

هما بعتوا للكتور سؤال

انا افتكرت ان دكتور وائل قالها من نفسه

هو رايين الدكتورةو هيثم كانوا ينفعوا صح
بس هى الدكتورة كلامها مكانش بيقول دائما مثلا علشان هيثم يقولها ان دة مش صح او يعني يحسسها انه مش صح

هى قالت غالبا و دة مش شيء غلط

زى ما بنقول قاعدة عامة بس مش بالظبط يعني

هو يا ريت يبقى حد من الولاد يقول له بس ميحسسش الدكاترة انه دايما بيصححلهم ..حتى لو هما غلطوا فرضا (فى حالة تانية غير حالة امبارح لان الدكتور مكانتش غلطانه ) فهمما برضه اساتذتنا ..فممكن يبقى يقولهم بعد المحاضرة مثلا

لان فرضا كان الدكتور غلطان فعلا هيبقى شكله مش حلو قدام طلبته ..غير لو قالهم بعد المحاضرة و جم المرة الجاية قالوا و الله يا جماعه معلش المرة اللى فاتت لخبطت و قلت كذا بدل كذا ..هتبقى احلى بكتير

عشان بحس ان الدكاترة بتضايق منه و الله اعلم ..و هو اكيد ان شاء الله نيته خير و عايز يعرفنا معلومات زيادة .. فالمشكلة بس ممكن فى اسلوب عرضه ساعات بيكون جامد شوية

هوا انا كنت شايف ان الاثنين بيكلموا صح ومفيش تعارض بينهم وعشان كده كتبت الشؤال وبعته لدكتور وائل عشان يوضح ان الاتجاهين موجودين

عندك حق
وانا رحت كلمت الدكتوره بعد المحاضره واقتنعت بكلامى
بس هوا هيثم مايقصدش كده والله هوا يمكن طريقه عرضه يعنى زى ماقلتى كان فيها مشكله شويه واحنا كلمناه بعديها على طول على فكره
وبعدين يعنى المفروض الدكاتره يبقى عندهم سعه صدر شويه
يالا الحمد لله وانا بحب المناقشات دى عموما ادينا طلعنا بمعلومه كويسه

اكيد طبعا بنستفيد كتير ..ربنا يكرمه

و كمان فى استفادة مهمه جداا... اننا بنبقى نمنا و تعبنا من الكتابة ..فبنبدا نصحصح مع المناقشة ونريح ادينا شوية

انا بس كان اعتراضى على اسلوب العرض بس

منورة يا قمر يا بتاع اب ديت انت