مناقشات فى مادة الادارة الاستيراتيجية

معلش انا كعادتى جيت متاخرة شوية امبارح

فمفهمتش ايه موضوع المشروعات الصغيرة اللى الدكتور كان بيتكلم عنها

ممكن حد يفهمنى ..؟؟

قصدك أنهي جزء اللي هو قال عليه يوم الاتنين بعد المحاضرات وكدة؟
ولا لما هيثم قام قاله إحنا عاملين جروب وكدة؟
ولا الورق اللي كان بيتقسم فيه جروبات؟

هو عموماً اللي أنا فهمته إنه كان بيقسم الولاد في ناحية والبنات في ناحية برضه من حيث الأقسام الرئيسية زي التسويق والموارد البشرية وكدة
لكن هو كان اتكلم عن إنه عايز يعمل زي ندوة أو حاجة كدة للتعريف بالمشروعات الصغيرة وكيفيتها والتدريب عليها وقال إن الناس اللي كتبت اسمها دي تيجي يوم الاتنين بعد المحاضرات فوق في الدور التالت باين لكن طلع إن الاتنين الجاي أجازة أصلاً علشان مولد النبي ( صلي الله عليه وسلم) -اللي بعترض على حكاية المولد دي أساساً- لكن ده مش موضوعنا
المهم إن هيثم قاله إننا كنا عاملين حاجة زي كدة وبندي كورسات .. قاله ده مش هيكون كورسات مفهمتش منه أصلاً كان عايز إيه لكن غالباً قصده إننا هنعرف إزاي نعمل مشروع صغير على صغير كدة ... والله أعلم
يارب أكون وصلت الفكرة من غير م ألخبطلك الجزء اللي فهمتيه منه

للأسف أنا مش معاهم ( بعيداً عن أحمد عيد)
لكن معرفش الصراحة أي تفاصيل ... بس هحاول أسأل ربنا يسهل

يا جماعة عايزين المحاضرات على النت لان انا مش هاقدر اصورها .وجزاكم الله خير

حاضر ان شاء الله

معلش بس قلق النتيجة و الكماميرا باظت و الاسكنر بتعلق

فعوامل كتير ادت لتاخيرهم

ان شاء الله يترفعوا قريب ..دعواتكم النتيجة تطلع حلوة بقى عشان اتشجع

يا رب وفقنا كلنا

و اسفه اوى على التاخير

السلام عليكم
ممكن يا جماعه بعد اذنكو اللى بيحضر السكاشن يبقى يسأل المعيد
ازاى نعمل البحث اللى هايطلبه الدكتور أو ايه هى افضل الطرق لعمل البحث
عشان على الاقل لما يجى الدكتور يكلفنا بالبحث نبقى عارفين هانعمل ايه
او حتى لو هانسأل نسأل صح
ألرجو الافاده من الاخوة اللى بيحضرو السكاشن


اللهم لا اله الا أنت سبحانك انى كنت من الظالمين

mmm da sa3b awy elso2al da
hwa enta kont mawgod elnaharda?

بص هو فعلا حضرتك المعيد شرحهها النهاردة الى حد ما

بس هى حاجات طويييلة اوى و فيها شرح كتييير

بس هو على فكرة البحث مش الزامى ..

فلو حضرتك مشغول جدا (دة اللى استنتجته من عدم حضور المحاضرة او السكشن ) فمش لازم تعمله

اما لو فى وقت لعمل البحث (و هو مهم طبعااا عمليا و عليه شهادة حسب كلام الدكتور) فممكن احاول ابقى انزل السكشن بتاع النهاردة ان شاء الله


و اهلا بحضرتك معانا و يا رب تكون مبسوط فى المنتدى

و السلام عليكم و رحمة الله و بركاته

الدكتور طلب بحث عن احد الشركات اى شركة مش لازم شركة محددة ويقوم الباحث بتحليل هذة الشركة من جميع الجوانب الادارية المختلفة من تسويق وتمويل وموارد بشرية وكل هذا ستقوم به مع اربع او خمس اصدقاء كلا منكم يختار وظيفة ويحللها انا عارف السؤال الذى تريد ان تساله من اين احصل على المعلومات الخاصة بالتحليل بسيطة افتح الكتاب سوف تلاقى الوظائف والاسئلة التى يمكن ان تستخدمها فى التحليل ولو عوزت مساعده كلمنى وسوف اجيب عن اى شى تريده والسلام عليكم ورحمة الله وبركاته