مناقشات عن مادة الاتصالات التسويقية

معلش يا ندي هي المحاضرات هتترفع امتي

انا اسفه فعلاا يا جماعه على تاخيررررررررررى

هو انا لسه مبيضتهمش كلهم

بس عندى شوية كدة ..اللى يحب يصورهم اوكى مفيش مشاكل

و هحاول ارفعهم ..بس اصل الاسكنر مش عارفه اشغلها فهحاول اخلى اخويا يشوفهالى و ان شاء الله تشتغل

و الكاميرا اللى كانت بتساعدنى للاسف وقعت فى الاجازة و باظت

فمعلش اسفة جدااااا على تاخيرى

و النتيجة بصراحة مجننانى

دعواتكم و ان شاء الله بعد النتيجة هحاول اظبط كل حاجة

يا رب تطلع حلوة عشان اتشجع

عشان كدة انا كنت عامل حسابى ومن رأيى مضيعيش وقتك فى التصوير و المسح على الاسكانر


والاحسن اننا نصورهــــــــــا

وما أظنش ان فيه أحد بيعرف يذاكر على شاشة الكمبيوتر اللهم ان كان عنده برينتر وده برضه مش عملى فالاسهل التصوير ولا أيه رأيكم

وليكى عندى ركعتين ادعيلك فيها جزاء على ثعبك وسهرك من أجل أخوانك

وبجد بجد جزاكى الله عنا كل الخير والسرور والفضل و الاحسان

والسلام عليكم!!!!!!!!!!!!!!!!!!!!!

متشكررررررة جداااااا ..ربنا يكرمك و يجازيك كل خير

بس هو فعلا التصوير عملى اكتر

بس وجودهم على النت بيفيد ناس كتير ساعات بيكونوا مسافرين او مش قادرين ينزلوا الجامعه لاى سبب

و فى ناس بتحب تقرا من على الكمبيوتر..فنحاول نرضى الجميع

طيب انتي اللي جبتيه لنفسك بقى
لأني كنت مستني اللي على النت ... لأني التيرم الأول متابعتش من الأول فجيت في الآخر وصورت وفي حاجات اتلخبطت فيها علشان الورق الكتير اللي كان عندي
لكن إن شاء الله قريباً ( بعد م نتطمن على النتيجة) هحتاج أصور منك المحاضرات حتى لو مش متبيضة مش بتفرق معايا
لأني بالفعل استفادت من اللي صورته في البحوث ... وفهمتها منك مش من الدكتور
ربنا يكرمك وجزاكِ الله خيراً عن كل حرف تكتبينه ونقرؤه

يا نهار ابيض ده انا شكلي فتحت عليكي فتحة وكله كان مستني حد يتكلم

طب فعلا يا جماعة الواحد يبدأ منين يعني هل اللي بيديه الدكتور موجود في الكتاب ونعلم عليه ونذاكر ولا ايه لو حد عنده اجابة يقوللي قال رسول الله(من مشي في حاجة اخيه مشي الله في حاجته)

ممكن مقدرش أفيدك أوي لكن هو اللي هحاول أعمله أركز في المحاضرات لحد م ينزل الكتاب ... ربنا يسهل
والله أعلم ..

الكتاب الى احنا شغالين منه لسه منزلش

فمؤقتا نذاكر المحاضرات بس ..و السكشن بضه

و ربنا يوفقنا جمييعا

اعلان لبيبسى اللى دكتور هشام قاللنا عليه و قال ممكن الشكل دة يعمل مشكله ايه

(انا مش بعمل اعلان انا مع المقاطعه ..بس دةلاهداف الدراسة (

هو لقيته شغال على الموقع دة و اخويا قاعد انا مش عارفة انقله لوحده ازاى

http://www.filgoal.com/Arabic/

شكراً على الإعلان وربنا يكرمك
هو لونها وشكلها بايخ شوية
يمكن علشان مش باينة أوي لكن على الحقيقة مشوفتهاش لسة
بس أنا لما سمعته قال نص أحمر ونص أزرق قولت أكيد عاملينها على شكل العلامة
بس تخيلت المنظر هيبقى شكله بلدي أوي
هو فعلاً مش حلو
على العموم مش عارف بكرة ربنا يسهل ونعرف نجاوب
شكراً تاني

ايه اخبار البحث

بحث ايه ؟؟

قصدك الاعلانات اللى غير مناسبة لعاداتنا و تقاليدنا

اعتقد 90% من الاعلانات كدة

مش للدرجة دي لسه في شوية ادبيات في اعلاناتنا مقارنة بالاخرين

مش قصدى يعنى اوى

فى بعض الاعلانات كتير كويسة ..بس فى كتير برضه فيها حاجت مش حلوة خالص و فى فيها حاجات يمكن بقينا نعتبرها بسيطة بس هى فى الاصل مش صح

هو فى مشكلة بصراحة انا فى الدراسة ببقى مقيمة على النت لكن مش بفتح التلفزيون خالص تقريبا فمش عارفة اوى اييه اخبار الاعلانات اليومين دول

هو ممكن لو عايزة اسمع كذا اعلان ورا بعض مرة واحدة افتح قناة ايه و امتى ؟

انا مصدر معلوماتي معظمه من علي اليو تيوب اما اعلانات التليفزيون بجيب كل الاعلانات واحاول اقيمها برضه من علي اليو تيوب

ربنا يوفق حضرتك و شكرا اوى

للاسف الاسبوع اللى فات انا كنت خارج نطاق المذاكرة تقريبا فنسيت افكر فيها ..الحمد لله

بس فعلا وجهة نظرك كويسة و ممكن تكون الدكتور عايز يوصللنا منها ان المدير من اهم سماته الحفاظ على الوقت

بجد هفتقد المحاضرة دى جدااااااااااااااااااااااااااا

من احلى المحاضرات اللى حضرتها فى حياتى

و دكتور من احسن الدكاترة اللى قابلتهم فى حياتى

بجد كنت ببق مستمتعه و سعيدة و اانا رايحة احضرها

صحيح انا لسة مذاكرتش المادة دى بس حاسة انى اتعلمت كتيييييير اوى اوى اوى

علشان كانت محاضرات مفيدة بجد

ربنا يجازى دكتور هشام ..(أجمد دكتور الترم دة فى رايي )عننا كل خير

ربنا يكرمه و يبارك فيه و يزيده علما و ينفع بيه الناس و يخليه ينسى الحاجات اللى بتضايقه و يكرمه و يحط امتحان كويس و يصححلنا كويس ..علشان نفضل نحبه على طول و منبقاش متضايقين منه خالص

ربنا يوفقنا

السلام عليكم ورحمة الله وبركاته
والله عند حضرتك حق انا صحيح ماكنتش بحضر الترم ده كتير (لظروف مرضيه) بس كنت بحضر شويه لدكتور هشام وحضرت أخر محاضره وكنت زعلانه جداً لانى بجد كان نفسى اكون موجوده من الاول ........ بجد محاضرة دكتورهشام ليها معنى تانى ده كفايه الخبره اللى استفدتها منه فى فن إنتقاء الصالح والطالح من تعاملات الحياه ....... ربنا يكرمه إن شاء الله
وبجد جزاكى الله خيراً ياندى على مجهودك الرااااااااااائع فى المنتدى والإفاده اللى انا شخصياً استفدتها ........
....... وربنا يوفقنا جميعا إن شاء الله ..............

ربنا يخليكي يا لولو و يوفقك يا رب و ان شاء الله ربنا يكرمك الفترة الجاية و تعوضى كل اللى فاتك يا قمر

( بس يا بنتى احنا اخوات و اصحاب بتقوليلى حضرتك ليه ..دى للولاد فقط ..انا بنوتة )

ربنا يكرمك يا قمر و يبارك فيكي و يوفقك لكلللل خير

سلاااام عليكم و رحمة الله و بركاته