استوديو النجوم مع نجمتنا عاشقة تراب القدس 19

ازيك يا فوفه عامله ايه انا عارفه انك اتهريتى يا بنتى معلش
ممكن اسألك انا بقى ؟
على العموم انا اسألتى صغننه وسهله .

لو سألتك مين هى فوفه هاتقولى ايه ؟ومن غير اختصار
يعنى اتكلمى عن نفسك

Hudhud كتب:

ازيك يا فوفه عامله ايه انا عارفه انك اتهريتى يا بنتى معلش
ممكن اسألك انا بقى ؟
اذيك انتى يا هدهد
على العموم انا اسألتى صغننه وسهله .
[color=#ff0000]حرام عليكى دة سؤال سهل دة صعب اوى
[color:3c12=#ff0000:3c12]
لو سألتك مين هى فوفه هاتقولى ايه ؟ومن غير اختصار
يعنى اتكلمى عن نفسك

ماشى
انا فاطمة معاكوا فى كلية تجارة بس انتساب مجموعة هـ المفروض انى اكون داخلة سنة 3 ذيكوا لكن حصلتلى ظروف هابقى اقولكوا عليها بعدين فى امتحانات التيرم الاول خالتنى مذاكيرش خالص وشلت مواد كتير وهعيد السنة للاسف وعلى فكرة دى اول مرة تحصل يعنى انا مش متعودة انى اشيل مواد لكن الحمد للة
مش عارفة اتكلم عن نفسى اكتر من كدة وانا اتكلمت عن نفسى فى الاسئلة اللى فاتت
ومستنية باقى الاسئلة
والسلام عليكم ورحمة اللة وبركاتة

ازيك يا فوفا
معلش ان شاء الله تتعوض وتجيبى تقدير كويس وربنا يكرمك ان شاء الله
ودة سؤال النهاردة اية معنى الحرية _الظلم _البيت_البحر_السماء؟
وببتصورى اية لما الجنة تيجى فى بالك؟

BASBOSA كتب:

ازيك يا فوفا
معلش ان شاء الله تتعوض وتجيبى تقدير كويس وربنا يكرمك ان شاء الله
ودة سؤال النهاردة اية معنى الحرية _الظلم _البيت_البحر_السماء؟
الحرية ان الانسان يعمل اى حاجة طالما داخل نطاق تعاليم دينة واخلاقياتة وعادات وتقاليد اهلة
الظلم اى وضع الشىء فى غير موضعة وهى فى رائى انها منهج الضعفاء او وسيلتهم لاظهار نفسهم
البيت هو مكمن الانسان وراحتة وهو كمان الاهل واللمة والعزوة وهو نعمة جميلة ربنا ادهالنا
البحر دة حاجة جميلة اوى سبحان اللة على جمالة
السماء دى بحس انها عالم تانى بحسد العصافير والطيور انهم عايشين فية وبيتمتعوا بسحرة
وببتصورى اية لما الجنة تيجى فى بالك؟

بتصور شجر وجناين كتير وفيها انهار وشلالات وحواليها ورد الوان كتير
وميرسى يا بسبوسة على اسالتك
والسلام عليكم ورحمة اللة

مريسى ليكى انتى يا فوفا يا منورة المنتدى كلة
طيب يا ريت النهاردة تحكلنا عن طفولتك واحلى ايامك فيها والمدرسة واصحابك "افتكري معنا كدة الماضى الجميل"

اذيك يا فوفه
بصى الاول كنت عايزة اقولك على حاجة

فى دكاترة عندنا فى الكليه لذاذ جدا و ممكن تعتبريهم اصحابك بس انتى بس جربى
يعنى احنا كنا متصاحبين على دكتور الادارة و مشترك معنانا فى جروبنا و جالى حصبه و غبت عن الكليه كذا يوم اتصل بيه فى البيت مرتين يطمن عليا و بيرد على ايميلاتنا و عزمنا مرة على حفله

يعنى كنا اكننا اصحاب و قرايب مش دكتور وطلبه

فبصى كويس هتلاقى اكيد فى دكاترة كتير كدة

و اعملى عصابه ذينا كدة و اهجموا على اى دكتور هههههه

و دلوقتى
خدى شويه اسئله كدة

اخواتك قد ايه و مين فيهم اقرب ليكى

ايه احلى يوم فى السنه

ايه اكتر 3 اماكن بتحبيهم فى مصر

BASBOSA كتب:

مريسى ليكى انتى يا فوفا يا منورة المنتدى كلة
طيب يا ريت النهاردة تحكلنا عن طفولتك واحلى ايامك فيها والمدرسة واصحابك "افتكري معنا كدة الماضى الجميل"

اذيك يا بسبوسة
وانا صغيرة كنت مدلعة جدا علشان كنت اخر العنقود زى مابيقواوا وبعدين جالى اخ صغير بس ماحستش بتغير لما اخويا اتولد علشان كنت اصغر بنت فى العيلة, احلى ايامى كانت لما بخرج مع بابا وماما واخواتى حتى لو كانت خروجة صغيرة , المدرسة بقى كل ايامها كانت جميلة وانا بقى كنت بحب اعيش الدور على الاخر وكنت لغاية اعدادى وثانوى احب البس لبس المدرسة يكون شبة لبس الاطفال يعنى شبة المريلة بتاعت الحضانة المريلة القصيرة والشراب اللى بدانتيل وكنت اعمل شعرى دفيرتين او ديلين حصان 0( فين ايام الشقاوة ) , اصحابى كانوا يقولولى اية اللى انتى لابساة دة احنا كبيرنا وانا مصممة على الاستايل دة , بس هى دى ايام الطفولة كانت ايام جميلة اوووووى

NADA كتب:

اذيك يا فوفه
بصى الاول كنت عايزة اقولك على حاجة

فى دكاترة عندنا فى الكليه لذاذ جدا و ممكن تعتبريهم اصحابك بس انتى بس جربى
يعنى احنا كنا متصاحبين على دكتور الادارة و مشترك معنانا فى جروبنا و جالى حصبه و غبت عن الكليه كذا يوم اتصل بيه فى البيت مرتين يطمن عليا و بيرد على ايميلاتنا و عزمنا مرة على حفله

الموضوع دة محتاج انك تكونى مش لواحدك لكن انا يعتبر ماعرفش حد من مجموعتى او قليل جدا وحتى اللى اعرفهم دماغهم مش كدة خالص كل دماغهم يشتروا ورق منين الشهر اللى قبل الامتحان بس لكن قبل كدة مايعرفوش حاجة عن المادة ولا عن الدكتور , انا صعب اعمل كل دة لواحدى وخصوصا كمان انى زى ماقولتلكوا هاعيد سنة تانية يعنى انا داخلة السنة اللى جاية كانى اول سنة ليا فى الجامعة مش عارفة حد يعنى صعب وكمان لو انا اتعرفت على حد من دفعتى الجديدة مش هانكون من سن واحد ودة اللى هايزود المشكلة يعنى ربنا يستر واقدر اعدى السنة اللى جاية دى من غير خنقة ولا ملل
يعنى كنا اكننا اصحاب و قرايب مش دكتور وطلبه

فبصى كويس هتلاقى اكيد فى دكاترة كتير كدة

و اعملى عصابه ذينا كدة و اهجموا على اى دكتور هههههه

و دلوقتى
خدى شويه اسئله كدة

اخواتك قد ايه و مين فيهم اقرب ليكى
اخواتى اللى معايا فى البيت بنت واحدة وولدين , وليا اخت متجوزة وعندها ولدين
اخويا اكبر منى ب6 سنين دة يعتبر هو اللى فاهمنى نوعا ما ,واختى دايما انا وهى بنختلف على حاجات كتير ومع ذلك فاحنا بنقضى وقت حلو اوى مع بعض لكن بسبب ان فرق السن بينى وبينهم كبير شوية ( يعنى مافيش حد من سنى ) فانا مش قريبة من اى حد فيهم كعلاقة صداقة يعنى مش بحب ان احنا نتكلم مع بعض فى امور شخصية او كدة
ايه احلى يوم فى السنه
كل الايام حلوة

ايه اكتر 3 اماكن بتحبيهم فى مصر

اسكندرية علشان قضيت فيها اوقات حلوة اوى مع عيلتى
المنصورة علشان فيها قرايبى كلهم وعلشان هى بلد ماما وبابا
القاهرة طبعا علشان فيها اصحابى وكل الاماكن والناس اللى اتعودت عليهم
والسلام عليكم ورحمة اللة

اذيك يا فوفه انا برضه هقرفك و اقولك حاجة (اصلى عايزة اقنعك تبقى بتموتى فى الكليه عشان هى بجد تحفه و لو حبيتيها هتعيشى فيها سنين جمييله جدا )

بصى حكاية انك هتبقى مع دفعه جديدة دى حاجة حلوة ان شاء الله مش انتى مكنتيش ليكى اصحاب من دفعتك
خلاص اعتبرى نفسك كنتى فى اولى فى انتساب و حولتى انتظام و هتتصاحبى على الناس الجديدة اللى فى الدفعه الجديدة
و عندك ياسمين و هبه صاحبيتينى الاتيم و من اهم الناس فى كوميرس 2009 و مع ذلك هما كانت اول سنه ليهم فى مجموعه ج

و لو فرق السن اللى انتى بتقولى عليه ده

فانتى مفيش ميت سنه بينك و بينهم فعادى خااالص يعنى

و انا ليه واحده صاحبتى قضت سنه فى اداب بعدين حولت تجارة

و هى اكبر مننا بسنه صحيح لكن ليها اصحاااب كتيييير و كمان ماشاء الله شطورة جدا

فبجد اعتبيريها حياة جديدة و ان شاء الله تبقى حلوة و سعييييدة جدااااا ان شاء الله

اتفقنا ؟؟

NADA كتب:

اذيك يا فوفه انا برضه هقرفك و اقولك حاجة (اصلى عايزة اقنعك تبقى بتموتى فى الكليه عشان هى بجد تحفه و لو حبيتيها هتعيشى فيها سنين جمييله جدا )

بصى حكاية انك هتبقى مع دفعه جديدة دى حاجة حلوة ان شاء الله مش انتى مكنتيش ليكى اصحاب من دفعتك
خلاص اعتبرى نفسك كنتى فى اولى فى انتساب و حولتى انتظام و هتتصاحبى على الناس الجديدة اللى فى الدفعه الجديدة
و عندك ياسمين و هبه صاحبيتينى الاتيم و من اهم الناس فى كوميرس 2009 و مع ذلك هما كانت اول سنه ليهم فى مجموعه ج

و لو فرق السن اللى انتى بتقولى عليه ده

فانتى مفيش ميت سنه بينك و بينهم فعادى خااالص يعنى

و انا ليه واحده صاحبتى قضت سنه فى اداب بعدين حولت تجارة

و هى اكبر مننا بسنه صحيح لكن ليها اصحاااب كتيييير و كمان ماشاء الله شطورة جدا

فبجد اعتبيريها حياة جديدة و ان شاء الله تبقى حلوة و سعييييدة جدااااا ان شاء الله

اتفقنا ؟؟

واللة ياريت يا ندى انا ان شاء اللة ناوية اخلى السنة اللى جاية دى ناقلة ليا فى الكلية يعنى ناوية اغير فيها حاجات كتير وخصوصا ان منتدى كوميرس دة شجعنى على حاجات كتير وفتح نفسى للكلية جدا بس كنت اتمنى انى يكون حد معايا من اصحابى علشان اقدر اعمل كل اللى انا ناوية علية . بس ان شاء اللة ربنا يقدرنى واقدر احب الكلية زى ماانتى قولتى ,وبيتهيالى طول ماانا عارفة ناس زى العسل كدة زيكوا فى الكلية اكيد هاحبها
وميرسى يا نودى جدا على اهتمامك

ميرسى يا حبيبتى ربنا يكرمك
و ان شاء الله اشوفك و نبقى اصحاب ان شاء الله يا حبيبتى

فين الاسئلة والا وقتى خلص والا اية ؟؟

ازيك يا فوفا
يلا انا هسال سؤال صغير كدة
مين اكتر حد فى الدنيا بيفهمك وبيحس بيكى؟

اذيك يا بسبوسة
اكتر حد بيفهمنى هند انتيمتى واكتر حد بيحس بيا هما ماما واخواتى

ازيك يا فوفا معلش على التاخير
استعدى للاسئله
ايه الحلم اللى نفسك تحققيه؟
ايه اكتر حاجه حصلت فى الاجازه حصلتلك وحاسه انها اثرت فيكى اوى؟
ايه الموقف اللى حصلك حسيتى فيه انك بتتصرفى كانك شخصيه تانيه؟
امتى بتحسى انك فى المكان والزمان الصح؟

اذيك يا فوفو

امتى تحسى براحة البال

نفسك تغمضى عينك و تفتحيها تلاقى ايه

سؤال سالتيهولى و مجاوبتوش مع انى قلت هجاوبه و يا ريت تسامحينى انى مجاوبتش عليه

لو معاكى الفانوس السحرى و هيحققلك ان شاء الله 3 امانى ايه هما ؟؟


ايه الحاجات اللى لو معملتيهاش ضميرك يانبك و تزعلى من نفسك

mary mor كتب:

ازيك يا فوفا معلش على التاخير
ولا يهمك يا مرمر
استعدى للاسئله
ايه الحلم اللى نفسك تحققيه؟ انا قولت فى الاسئلة اللى فاتت وعموما انا نفسى احقق ذاتى واكون فى الصورة اللى بابا كان عايز يشوفنى عليها
ايه اكتر حاجه حصلت فى الاجازه حصلتلك وحاسه انها اثرت فيكى اوى؟
الاجازة دى ماحصلش فيها حاجة كبيرة ممكن تاثر فيا غير انى بس ارتحت من السنة اللى فاتت واخدت فترة نقاهة انا فعلا كنت محتجاها بعد كل المشاكل اللى كانت فى السنة اللى فاتت وبقيت حاسة انى متحمسة اوى للدراسة

ايه الموقف اللى حصلك حسيتى فيه انك بتتصرفى كانك شخصيه تانيه؟
كنت زعلانة من ناس اصحابى ولما واجهتهم انفعلت عليهم جدا لدرجة انى حسيت وكلة حس انى واحدة تانية

امتى بتحسى انك فى المكان والزمان الصح؟

لما بروح ازور بابا اللة يرحمة

وميرسى يا مرمر على اسالتك

NADA كتب:

اذيك يا فوفو
اذيك انتى يا نودى

امتى تحسى براحة البال
لما بصلى كل الفروض وكمان لما بحس ان ماما راضية عنى

نفسك تغمضى عينك و تفتحيها تلاقى ايه
الاقى بابا قاعد معانا زى زمان

سؤال سالتيهولى و مجاوبتوش مع انى قلت هجاوبه و يا ريت تسامحينى انى مجاوبتش عليه

لو معاكى الفانوس السحرى و هيحققلك ان شاء الله 3 امانى ايه هما ؟؟
1 ) اروح انا وماما واخواتى نحج
2 ) مكتب محاسبة مثلا او مكتب استيراد وتصدير علشانى انا واخويا
3 ) ساندويتش بسطرمة


ايه الحاجات اللى لو معملتيهاش ضميرك يانبك و تزعلى من نفسك

لا حاجات كتير مثلا لو حد زعل منى وماصالحتهوش او لو حد فهمنى غلط ومافهمتهوش قصدى
عموما اى حاجة تاْثر على علاقتى بالناس لو ماصلحتاهاش ضميرى يانببنى جدا واكون زعلانة من نفسى جدا جدا
اة وكمان لو سافرت بلدى عند قرايبى ونسيت ازور حد من قرايبى حتى لو كانت قرابة بعيدة
ميرسى يا نودى على اسالتك الحلوة خالص

منورة يا فوفا
طيب تختارى اية
السفر ولا الاستقرار
تعيش فى المدينة ولا الريف
تاكلى فى البيت ولا برة
تخرجى مع اصحابك ولا العائلة
تحبى الجامعة ولا ثانوى ولا اعدادى
تشتغلى ولا تعوضى فى البيت
تحبى السهر ولا تصحى بدرى
تحبى العزلة ولا اللمة
تحبى الشروق ولا الغروب
بتحبى البحر ولاالنيل
واخيرا سلام

BASBOSA كتب:

منورة يا فوفا
ميرسى يا بسبوسة دة نورك

طيب تختارى اية
السفر ولا الاستقرار
الاستقرار بس عموما السفر مع الناس اللى بحبهم استقرار فى حد ذاتة
تعيش فى المدينة ولا الريف
المدينة لكن بحب ازور الريف
تاكلى فى البيت ولا برة
برة
تخرجى مع اصحابك ولا العائلة
اصحابى
تحبى الجامعة ولا ثانوى ولا اعدادى
الجامعة بس عموما كل فترة وليها حلاوتها
تشتغلى ولا تعوضى فى البيت
اشتغل يااااااااارب
تحبى السهر ولا تصحى بدرى
نفسى اصحى بدرى

تحبى العزلة ولا اللمة
اللمة بس العزلة فى بعض الاحيان
تحبى الشروق ولا الغروب
الشروق لانى احيانا كتير الغروب بيجيبلى حالة من الحزن والكئابة غريبة اوى

بتحبى البحر ولاالنيل
البحر بحبة اوى

واخيرا سلام

سلام عليكم ورحمة اللة وبركاتة

السلامك عليكم ازيك يا فوفا
ايه اخبارتك
الحمد الله لحقتك قبل ما تقومي يلا بقي جاوبي

لو مرة كنت ماشيه في الشارع ولقيتي جردل ميه وقع فوق دماغك تعملي ايه

لو كنتي راحيه لمكان ولقيت مش معاكي فلوس كفايه تعملي ايه بس ده بعد ما وصلتي

لو ركبتي المترو التذكرة ضاعت منك وانتي نازله تعملي ايه

لو خيرتي بين اتنين صاحبتك او اختك في خروجه هتعملي ايه

لو حسيتي انك خايفه من حاجه هتواجهيها ولالا

لو لقيتي صاحبتك بتبعد هتسيبيها

لو خيرتي بين الكذب والخيانه تختاري ايه

لو خيرتي بين الضحك والابتسامه تختاري ايه

لو روحتي مكتبه مبارك وكان في فيلم جديد وسي دي معلومات تختاري ايه

لو اتفرجتي علي اخبار بتتاثري بيها

لو جيه حد وانتقدك هتعملي ايه

لو في وحده مش بتحببيها ولا قيتيها بتقرب منك هتعمل ايه

لو صحيتي لقيتي نفسك في تانويه عامه بدايه تانيه ايه اول حاجه هتتفكري فيها

لو صحيتي لقيتي نفسك خلصت تجارة ايه اول حاجه هتندمي عليها

نبدا باسئله امتي بقي

%%%%%%%%%%%%%%%%%%%%%%%%%

امتي قولتي اخر مرة يا ريت

امتي قولتي اخر مرة عندك حق

امتي قولتي اخر مرة اسفه

امتي قولتي اخر مرة استحاله تاني

امتي قولتي اخر مرة انسي خلاص

امتي قولتي اخر مرة مش هعمل كه تاني

امتي تكوني انانيه

امتي تكوني مبسوطه

امتي تكوني زعلانه

امتي تستفزي اللي قدامك ؟؟؟؟L

امتي تكوني عايزة تقتلي اللي قدامك

امتي تكرهي اللي قدامك

امتي تبعدي عن أي حد

امتي تقولي قرار نهائي بدون مناقشه

نبدا باسئله هل

%%%%%%%%%%%%%%%%%%%%%

هل كنتي يوما الاولي علي الفصل

هل سافرتي يوما خارج مصر

هل تعتبرين الاشراف ميزة او عيب

هل حققتي حلمك

هل وصلتي لهدفك

هل النت اساسي عندك

هل الحضور مهم محاضرات يعني

هل النتيجه فيها ظلم

هل ضايقتي حد قبل كده لدرجه انه زعل منك جامد

خلاص كفايه كده واكمل الكرسي الجاي ان شاء الله

هههههه حرام عليكى يا بوبه

كلللللللل دة

لا كفايه كدة عليكى يا فوفه بلاش حد يسال تانى ههههه

ادعولى

سلااااااام علييييكم و رحمة الله و بركاته