استوديو النجوم مع نجمتنا عاشقة تراب القدس 19

السلام عليكم ورمحمة الله وبركات


يلا فوفا خلاص ختى برائه


وهنجيب الضحيه الجديده


يلا شجعوا معايا BASBOSA

استعدى للسائله

اذيك يا بسبوسة
منورة استوديو النجوم
دى بقى اسئلتى :
مين هى يسبوسة ( اتكلمى عن نفسك)
واية رائيك فى نفسك ؟
اية الحلم اللى بتتمنية وانتى متاكدة وعلى يقين انة مش هايتحقق ؟
اية مبدائك فى الحياة؟
اية احلى يوم فى حياتك واصعب يوم فى حياتك ؟
مين اكتر حد بيفهمك ؟
مين اكتر حد بتحسى انك فاهماة اوى ؟
لما بتكونى متضايقة مين اكتر حد بتفكرى فية ؟
اية الحاجة اللى خايفة من انها تتحقق وهى لسة ماتحققتش ؟؟؟؟ ( فاهمة حاجة ؟؟)
كفاية عليكى كدة دلوقتى
وهاجيلك تانى
سلااااااام

السلام عليكم
منورة يا بسبووووووسه

وانا مش جبت اسئله المرة دي
ب لي عودة
بالاسئله كلها بتاعتي


ومنورة لتاني مرة يا قمر

السلام عليكم
باشكركم على تشجيعكم ليا
ماشى يا ياسمينا
اية الحلم
الا نفسك ما يتحققش؟ التخرج
ما هى احسن فترة فى حياتك ؟ والله كل فترة وليها حلوة مختلفة بس 2 ثانوى وايام الجامعة احلى فترات وايام الطفولة كانت حلوة كلها لعب وشقوة
وماهو
احسن يوم فى سنة تانية؟18_3
اية رايك فى نفسك ؟اية السؤال الصعب دة
بس الحمد لله ان بحس انى شخصية كويسة اجتماعية وعارفة ربنا كويس اوى
ماهى اوحش صفة فيكى "القلق زيادة عن اللزوم "





واحلى صفة؟ مش عارفة




ماهو الافضل بالنسبة لكى الهروب من
الواقع الى عالم الخيال ولا العكس ؟ الافضل العكس لان نهاية طريق الهروب من الخيال الاصطدام بالواقع فانا افضل ان اعيش الخيال والاحلام بس من خلال الواقع




مين اكتر شخصية اثرت فيكى فى الفترة
الاخيرة؟ اصحابى مها ودودو




هل تحبين التفكير على طول ولا
تسبيها كدة ذي ما تيجى تيجى؟ بحب افكر بس مش طول الوقت كدة لما يكون فى حاجة بتاخد وقتها فى التفكير بفكر



ما هو رايك
فى الحياة ؟والله الحياة حلوة بس نفهمها صح ونعيشها صح وبساطة





وماهى حكمتك فى الحياة ؟ "لاياس مع الحياة ولاحياة مع الياس"
"اذا ارادت ان تضحك فانظر حولك وابتسم"
ومين
اكتر حد جرحك فى حياتك ؟والله واحدة صحبتى كدة زمان بس الحمد لله عدت
وماهو اصعب قرار ؟قرار الاختيار وتحديد المصير
وخصوصا لما يكون القرار دة انا وحدى صاحبة القرار
وما هى اصعب لحظة فى حياتك
؟لحظات الفراق والبعد والموت
مانا تشعرين عندما تسمعى كلمات الموت ’الوفاء’الحب,والجنة ؟
الموت بالرهبة
الوفاء بالامل
الحب بالحنان
الجنة بالفرح




اية اكتر
مادة كنتى بتحبيها ؟الانجليزى والتاريخ فى ثانوى




اية اكتر مادة مكنتيش بتحبيها؟ الجغرافيا والرياضة




اية احلى مواقف الطفولة؟هفكر اقولك



اية رايك الطفولة احسن ولا دلوقتى
ولااية؟الطفولة جميلة جدا وكلها براءة وفرح ولعب وشقوة كدة والواحد مكنش بيفكر فى اي حاجة خالص ولا المستقبل ولا بكرة بس دلوقتى بردو كويس ان الواحد بيعتمد على نفسة كدة

والله يا فوفا انتى اللى منورة المنتدى
منورة استوديو النجوم
دى بقى اسئلتى :
مين هى بسبوسة ( اتكلمى عن نفسك)والله يا فوفا دة سؤال صعب اوى ان الواحد يتكلم عن نفسه بصى ياستى انا طالبة فى كلية التجارة بالسنة الثالثة الفرقة ج
وهوايتى الطبيخ والكورشية والاختراعات وبحب اسمع موسيقى
وبحب الحياة والطبيعة والاخلاص والبراءة والطيبة والثقة بالنفس والتفاءل والبساطة والوفاء............
وبكرهة الكدب والقسوة والغرور والغموض ....
واحلامى
احقق نفسى ولو بابسط ما يكون
واكون اسرة واعيش مع زوج صالح ويكون عندى اولاد صالحين وربنا يكرمنا
اية الحلم اللى بتتمنية وانتى متاكدة وعلى يقين انة مش هايتحقق ؟انى اطير بين السحاب بجد بس مش هيحصل بس بجد نفسي
وان نعيش فى دنيا من غير غش وكدب ومشاكل وزحمة
يا الله طالما عايشين لازم نحلم حتى لو مش هتحصل

اية احلى يوم فى حياتك واصعب يوم فى حياتك؟ احلى يوم يوم لما عملت العمرة
واصعب يوم والله يوم ما سمعت النتيجة السنة دى والحمد لله
مين اكتر حد بيفهمك ؟ اصحابى التلاتة بيفهمونى مين غير ما اتكلم
مين اكتر حد بتحسى انك فاهماة اوى ؟اصحابى التلاتة واخويا وبنت عمتى
لما بتكونى متضايقة مين اكتر حد بتفكرى فية ؟اصحابى التلاتة
اية الحاجة اللى خايفة من انها تتحقق وهى لسة ماتحققتش ؟؟؟؟ ( فاهمة حاجة ؟؟)احلامى وانا نايمة الوحشة
كفاية عليكى كدة دلوقتى
وهاجيلك تانى
سلااااااام

يا حبيبتى يا بسبوسه
هما حطوكى على كرسى الاعتراف
خفوا عليها شويه انتوا معنكوش اخوات بنات


على العموم انا هاسألك يا بسبوستى سؤال بس تجاوبينى عليه بصراحه

ايه اكتر حاجه بتضايقك فيا ؟ او ايه الصفه اللى فيا ونفسك اغيرها ؟

يا دودو انا بحبك وبموت فيكى زي ما انتى كدة "كلك على بعضك حلو"
نفسي بس تبطلى الحساسية زيادة عن اللزوم
وبضايق اوى من مواعيدك والروقان اللى بتدخلى عليا بيه

بسبوستىىىىىىىىىىى

نورتى الاستوديو

و هتفضلى منوراه لبعد العيد ان شاء الله يا حبيبتى

عشان ادخل براحتى و اسالك كتييييييييييييييييييييييييييير



بس سؤالين كدة فى رمضان على الماشى

و بعد رمضان هوريكىىىىىىى ان شاء الله


1- ايه الحاجات اللى بتحبى انها تكون فى اى شخص تعرفيه

2 ايه الحاجات اللى بتكرهى انها تكون فى اى شخص تعرفيه

3- انا بحس ان فيكى شوية غموض
ايه السر ورا الغموض دة

4 مين اهم 13 شخص بالنسبالك ؟؟
كفايه كدة عليكى




اه

زوغتى من محاضرة التمويل ليييييييييييييييه ؟؟؟؟؟؟؟ ههههه


سلاااااااام علييييييييكم و رحمة الله و بركاته

المنتدى منور بيكى يا نودى
1- ايه الحاجات اللى بتحبى انها تكون فى اى شخص تعرفيه ؟ الطيبة والاخلاص والصدق والشخصية المتميزة والجدعنة وخفة الدم والصبر والجراة

2 ايه الحاجات اللى بتكرهى انها تكون فى اى شخص تعرفيه ؟ التعقيد والجبن والهيافة والصمت والقسوة والعين الوحشة والدم التقيل والكبائة والشخصية الضعيفة والغرور والغموض بشكل كبير والنطوائية

3- انا بحس ان فيكى شوية غموض
ايه السر ورا الغموض دة ؟ اول مرة حد يقولى كدة غموض ازاى؟؟؟؟
ممكن يا نودى عشان انتى متعرفيش شخصيتى كويس
يا ريت تقولى فى اية بالضبط
4_مين اهم 13 شخص بالنسبالك ؟؟
كفايه كدة عليكى هدى _مها_نرمين_ سارة بنت عمتى
ماما _اخويا احمد _عمتو_
هفكر ابقى اقولك
وامتى هتفرجوا عنى ان شاء الله

تعملى ايه .................
* لو انت فى مكان شيك بنك مثلا ولابسة لبس شيك الطقم اللى على الحبل مثلا ولقيتى صرصار ماشى على الارض ؟؟؟؟؟؟؟؟؟؟؟؟؟؟؟؟؟ :lol:
* لو واحد جه قالك عايزك فى موضوع ؟؟؟؟؟؟؟؟؟؟؟؟؟؟

هههه طب تكمله لسؤال مها . تعملى ايه لو واحد قالك عايز اتكلم معاكى على انفراد ؟؟

طب لو واحد قالك انا معجب بيكى ؟

حبيتى كام مرة ههههه (انتى عارفه كنت هموت و اسالهولك)

اتحبيتى كام مرة

كفايه اسئله بايخه


نبتدى بقى فى الاسئله الرخمه ههههه


ما شاء الله انتى و هدى من حضانه و انتوا اصحاب
اذاى عرفتوا تفضلوا متمسكين ببعض لغايت دلوقتى

ما شاء الله عليكوووووا


------

ايه اكتر حاجة مزعلاكى فى سنه تالته و اكتر حاجة مفرحاكى


----

فى ناس كتير بتقول ان السنه دى رخمه
انتى ايه رايك
عموما سواء بالنسبه لمواد او المدرج او اى حاجة


----

بتحبى العيوطى الفاضى اللى دمة تقيل و مبتشوفيش فيه حد دة ؟؟

----

مين اكتر دكتور عجبك السنه دى

----

ايه اكتر فترة بتحبيها فى اليوم

---

بصراحه و منغير مجامله

ممكن تصفينى . -1بما انك تعرفينى
-2 و توصفينى لو انتى متعرفينيش و بس بتشوفينى فى المدرج كنتى قلتى عليا ايه ؟؟

عشان خاطرى قوليلى منغير ما تجاملينى



و كفايه عليكى كدة دلوقتى يا قمر

سلاااام علييكم و رحمة الله و بركاته

اهلا يا نودى منورة اوىىىىىىىى


تكمله لسؤال مها . تعملى ايه لو واحد قالك عايز اتكلم معاكى على انفراد ؟؟
هقولوا اوكية بس لازم مها وهدى معيا اجبارى
طب لو واحد قالك انا معجب بيكى ؟
هقولوا خلينا اخوات
هقولوا روح
هههههههههههههه
بجد على حسب الموقف


حبيتى كام مرة ههههه (انتى عارفه كنت هموت و اسالهولك) ولا مرة

اتحبيتى كام مرة
بتعرفى تعدى لغاية كام
ههههههههههههههه
يعنى كام مرة كدة

كفايه اسئله بايخه


نبتدى بقى فى الاسئله الرخمه ههههه


ما شاء الله انتى و هدى من حضانه و انتوا اصحاب
اذاى عرفتوا تفضلوا متمسكين ببعض لغايت دلوقتى

ما شاء الله عليكوووووا


------

ايه اكتر حاجة مزعلاكى فى سنه تالته و اكتر حاجة مفرحاكى

مزعلانى
ان احنا مرة واحدة كدة كبرنا وبقنا فى سنة تالتة
ومشاكل كدة مع دكتور رجعت تانى بس يلا مش مهم
واللى مفرحنى اكيد مفيش احسن من الصحبة الحلوة
----

فى ناس كتير بتقول ان السنه دى رخمه
انتى ايه رايك
عموما سواء بالنسبه لمواد او المدرج او اى حاجة
بالنسبة للمواد يعنى شوية
والمدرج لالالالالالالالالالالالا
ان شاء الله تبقى سنة حلوة

----

بتحبى العيوطى الفاضى اللى دمة تقيل و مبتشوفيش فيه حد دة ؟؟

بصراحة انا بحب العيوطى عشان الكربسة اللى فى المدرجات التانية
بس انا عموما بحب كل المدرجات لان كل واحد اكيد فية ذكرة حلوة فى يوم
----

مين اكتر دكتور عجبك السنه دى
د\محمد وحيد
----

ايه اكتر فترة بتحبيها فى اليوم
وقت بعد الفجر
---

بصراحه و منغير مجامله

ممكن تصفينى . -1بما انك تعرفينى
-2 و توصفينى لو انتى متعرفينيش و بس بتشوفينى فى المدرج كنتى قلتى عليا ايه ؟؟

عشان خاطرى قوليلى منغير ما تجاملينى
بصى يا ستى بصراحة
المميزات:عسولة جدا وطيبة ومتدينة الحمد لله ورقيقة وشخصية قوية ومتفاهمة وقوية وصريحة وواضحة واجتماعية وجذابة وحساسة بسسسسس
يلا العيوب:
حساسة اوىىىىىىىى ودى تحتها 100 خط لان زى ماهو ميزة فيكى عيب
عصبيةشوية
ولما بتحطى موضوع فى دماغك ما بتسبهوش غير لما بتجيبى اخرة

وبس عموما كلك على بعضك حلو.........................

اجاباتك ذكية جداا و جميله جدا

و انا ذيك بموت فى الوقت بتاع بعد الفجر اوىىىى


بس بجد كنت هموت من الضحك

انا شخصيه قويه

ربنا يكرمك يا بنتى و اكون عند حسن ظنننننننك

و اجتماعيه
مش عارفه جايز عشان صفه جديدة عليا لانى كنت انطوائيه فبحس انى مش كدة

و الحساسيه . مش عارفه تقصدى بيها ايه

انا بخاف ان الناس تزعل منى .. بس انا بجد مبزعلش من حد بحبه ابدااااااا


ممكن ازعل بسرعه

لكن بتصالح فى ثوانى بعدها

بس بجد ميرسى على انك قولتيلى بصراحه يا حبيبتى يا قمر انتى

بس نسيتى تقوليلى رايك فيه لو انا متعرفينيش

و شوية اسءله كمان


ايه اسماء دلعك كللللها

و ايه اكتر اسماء بتحبيها منهم

و ايه اكتر مواضيع بتحبيها هنا و اكتر اقسام

و ايه اوحش حاجة فى المنتدى

و احلى حاجة

و تفتكرى نعمل فيه ايه عشان يبقى احسن

يا عينى يابسوسه



حرام عليكو انتوا معندكوش اخوات بنات هههههههه

هههههههه اااااااااااااه هههه

بس انتوا اخواتى فهطلع كل اللى عندى عليكوا


ما تساليها شوية يا هدهد

اية يا نودى كفاية ارحمونى وخلى دودو فى حالها
وبعدين والله انتى فعلا شخصية قوية واجتماعية بس انتى مش حاسة بنفسك
بجد
ايه اسماء دلعك كللللها بسبوسة ،سمسمة،نسومة ،عبد الناصر ،عاصفة

و ايه اكتر اسماء بتحبيها منهم بسبوسة،سمسمة

و ايه اكتر مواضيع بتحبيها هنا و اكتر اقسام
المواضيع الدينية
افكار ياسمين وانتى وهوبة الجديدة وخصوصا ياسمين بصراحة
موضوعات الشاعرة ميرو
الموضوعات اللى بتناقش المشاكل المهمة
بالنسبة للاقسام
القسم الدينى
كلام بنات
لعب




و ايه اوحش حاجة فى المنتدى هفكر واقولك


و احلى حاجة انة بيجمع المجموعة بشكل جديد مش موجود اساسا فى كليتنا

و تفتكرى نعمل فيه ايه عشان يبقى احسن
هفكر
اوكية
سلام وهابقى افكر اقولك

ماشى يا قمر

بس ايه عبد الناصر !!!! و عاصفه (بالعكس انتى رقيقه اوى )

و مستنية تفكرى و تقولى

بس برضه مصرة على شخصية قويه

طب ايه مثلا حسسك بكدة

يعنى انا متهيالى باين عليا انى مش كدة و ذى العيال و كل حاجة اعيط و لو دكتور سالنى مبعرفش اجاوب و لو اى حد معرفهوش كلمنى بتلخبط خالص

الشخصيه لوية شىء جميل جدا

بس هو الفكرة انى متهيالى انى مش كدة خاااااااااااااااااااالص

سلاااام عليييكم و رحمة الله و بركاته

بكدا تكون فتره الاشغال الشاقه


خلصت لبسبوسه

استمتعنا بالفره الى قعتى فيها ياقمر

ويارب منورا المنتدى ديما

ونستقبل ضيف جديد معانا فاستوديو النجوم


كلنا نرحب بيه


مها( SMILE)


استعدى للاسئله ياقمر

ايةدة موهة حبيبة قلبى
براحة عليها شويةلحسن احنا عايزنها
ربنا معاكى ياقمر
مش بقولك منورة
ههههههههههههه
يلا سؤال كدة صغير
اية احلى حاجة فى الدنيا واية اوحش حاجة فيها؟

نورك يا قمر

اية احلى حاجة فى الدنيا واية اوحش حاجة فيها؟

احلى حاجة الراحة واحش حاجة الجرح

الحمد لله بداية مطمئنة وسهلة

هههههههه دة عشان بسبوسه طيبه بس

لكن احنا لسه موجوديييييييين

حضرى الاسئله يا بت يا ياسمينه

دة احنا هنريجووكى يا مهموهه ها ها ها هااااااااا


( مها تصدقى حصلت حاجة خوفتنى دلوقتى
شكلك انتى السبب هههه

الوش المرعب اللى حطتهولك فوق دة لقيته بقى اتنين و عمال يبصلى و يخوفنى ههههههه))

المهم نبدا اسئله بقى

حاجة خفيفه كدة فى الاول


ايه اكتر حاجة نفسك فيها دلوقتى

ايه الل بتحبيه فى الجامعه

ايه اللى مش بتحبيه فيها

ايه اكتر الوان بتحبيها

ايه اكتر صفات بتحبيها

نفسك تشتغلى ايه

ولادك عايزة تسميهم ايه

و فين ام عمر مش شايفينها يعنى هههههه (( يلا يا هدهد تعالى اسالى صاحبتك ))

يلا

سلاااااااام علييييييكم و رحمة الله و بركاته