حكايات الامتحانات -5-

سلام عليكم و رحمة الله و بركاته

ازيكوا يا جماعه

كل سنة و انتوا طيبييين

الموضوع بتاع كل ترم ..حكايات الامتحانات

عشان نتطمن على بعض و نحكى عملنا ايه فى الامتحانات و كمان نحكى مغامتراتنا قبل المتحانات و جواها و بعدها ..

كل وواحد بقى يقولنا عمل ايه و يطمننا عليه و لو ليه اي مغامرات تضحك كدة يحكيهالنا عشان نتسلى شوية ايام الامتحانات


و سلااااااااام عليكم و رحمة الله و بركاته

اناا النهاردة الحمد لله الى حد ما كويس
فى شوية حاجات قلقانه منها بس ان شاء الله خير

و ربنا يوفقنا بقى المرة الجاية و يبقى كللله تمام

دعوااااااااااتكووووا

و كلكوا ادخلوا قولوا بقى عملتوا ايه فى امتحاناتكوا

الحمد لله كان امتحان كويس

يعنى فى حاجات كده مش عارف كنا مختلفين فيها فى المقاييس شويه بس الامتحان عموما حلو

عقبال السياسات كده ان شاء الله

كونت قلقانة بس الحمد لله الامتحان كان كويس

الحمد لله على كل حال وفى كل وقت

الحمد لله الامتحان كان كويس بس فى بعض النقاط يعنى الحمد الله
الى جانبى قبل الامتحان كانت عاوزة مسطرة وقلت معلش يمكن نسيتها كلنا بننسى وبعدين بارية علشان القلم الرصاص مش مبرى قلتلها هو فى اية الظاهر انها نسيت انها ريحة امتحان وانا طبعا مكنش معاية لانى معاية قلم سنون قلتلها خذى سن اكتبى بية بس الحمد الله لقت بارية قبل ما الامتحان يبدا

the traveller كتب:

الحمد لله كان امتحان كويس

يعنى فى حاجات كده مش عارف كنا مختلفين فيها فى المقاييس شويه بس الامتحان عموما حلو

عقبال السياسات كده ان شاء الله

يا رب يعدوا كللهم على خيير
و ى المقاييس كانت عاملة قلق فعلا.. بس انا كان عندى القلق دة من كذا يوم بنتنقش انا و اصحابى و لسه برضه القلق مستمر ..ربنا يستر النتيجة تكون فى صالحنا كلنا
بس انا كمان اول سؤالين قلقونى ..ربنا يستر و نكون كلنا حلينا اجابات صح

شادية كتب:

كونت قلقانة بس الحمد لله الامتحان كان كويس

الحمد لله يا شوشو

انتى كنتى فين يا بنتى النهاردة ..روحتى بسرعه و لا ايه

محمود محمد فريد كتب:

الحمد لله على كل حال وفى كل وقت

الحمد لله كما ينبغي لجلال وجهه و عظيم سلطانه

دنيا كتب:

الحمد لله الامتحان كان كويس بس فى بعض النقاط يعنى الحمد الله
الى جانبى قبل الامتحان كانت عاوزة مسطرة وقلت معلش يمكن نسيتها كلنا بننسى وبعدين بارية علشان القلم الرصاص مش مبرى قلتلها هو فى اية الظاهر انها نسيت انها ريحة امتحان وانا طبعا مكنش معاية لانى معاية قلم سنون قلتلها خذى سن اكتبى بية بس الحمد الله لقت بارية قبل ما الامتحان يبدا

الحمد لله يا نونا و ربنا معاكى فى اللى جاى
و ابقى هاتى للى جنبك ادوات بقى
عايزة اتطمن على اصحابى المحاسبين ..يا رب يكونوا عملوا كويس.. كان نفسي اشوف ولاء و بوبة اوى اوى


و انا بقى اول مرة امتحنن جنب واحدة صاحبتى .. بس كمان مش اى صاحبة ..صاحبة جميلة و عسولة و كانت وحشاااااانى اوى و فداء لو دخلت هنا هتتغاظ جدا اننا كنا قاعدين سوا

مهموهتى حبيبتى ..ربنا يكرمها و يبارك فيها ..و نعم الممتحنين هادية و جميلة و ما فيش و لا دوشة و لا قلق ..ربنا يبارك فيها يا رب

و ربنا يوفقنا كلنااااااااااا

شدوا حيلكوا بقى كلكوا..عايزين نتبع استيراتيجية هجومية مع المواد كلها نهجم عليها و نستحوذ على كل حتة فيها نخليها متسجلة جوة عقولنا .. بس اوعوا حد يعمل تكامل مع اللى قدامه ووراه و حواليه فى اللجنة

و سلااااااااام علييييييكم و رحمة الله و بركاته

اللهم لك الحمد كما ينبغي لجلال وجهك وعظيم سلطانك

الامتحان كان حلو الحمد لله انهاردة
وكمان لاقيت اسمي فى اللجنة عكس التيرم الاول
لانى كنت خايفة جدا اللغبطة دى تحصل التانى , بس الحمد لله

وعقبال باقي الامتحانات يـــــارب

خير الحمد لله وعقبال باقي الأمتحانات

ندى كتب:

.. بس اوعوا حد يعمل تكامل مع اللى قدامه ووراه و حواليه فى اللجنة

آه عجبتني أوي الحكاية دي .. أكيد فيه ناس كدة .. لكن الحمد لله نرجو الله ألا نكون منهم
ربنا يوفقنا ويحصلنا التفاف ودعم من مدد المعلومات اللي نفتكرها إن شاء الله
وفعلاً الاستراتيجية الهجومية هي خير وسيلة في هذا الموقف
ربنا يكرمني وأكون في خلية النجوم وابعد عننا خلية علامات الاستفهام علشان منحتارش في الإجابة
لو البقرة الحلوب هتفيدنا بمعلومات في الامتحان كويس بس يارب م يشمت فينا خلية الكلاب

------------

مش فاكر أوي حاجة مميزة حصلت النهاردة معايا بخصوص الامتحان

يمكن أفتكر بعد شوية أو أي حاجة حصلت مميزة يعني

بس يارب تكون حاجات كلها كويسة إن شاء الله وتفرح

ممكن المميز في إمتحان النهارضه إن الولد اللي قاعد بيني انا وصاحبي كان بيغش للأسف من واحد جنبه والمراقب مش عارف مش واخد باله ولا عامل نفسه مش واخد باله الله أعلم بس الموضوع زاد عن حده شويه لأنه يمليه الكلام يعني بيقوله الحروف بتاعت الكلمة الإنجليزي وصوتهم علي فالمراقب قام جه وقالهم اسكتوا ومينفعش كده فقاله الإمتحان صعب أوي قام المراقب رد عليه وقاله What can i do ?
عشان الأمتحان إنجليزي يعني

السلام عليكم ورحمة الله
أخباركم ايه يا جماعة ؟
اتمنى ان يكون قد وفقتم النهارده فى الامتحان
ويكون كله حل كويس
خبر عاجل
بالنسبه للناس اللى قلقانة من التعليم
د/وائل ده prince وأنا خبرة معاه من سنة ثانية من أيام sales
وأنا انشاء الله متفائل خير
على الرغم من العك اللى عكيته فى السؤال الخامس ده
فى رعاية الله
السلام عليكم ورحمة الله

يااه اخيرا انا كنت مستنياكوا تنزلوا الموضوع ده علشان احس ان فى حد بيشاركنى الامتحانات

ربنا يوفقنا جميعا ويعدى الامتحانات علينا بخيرر

اقتباس :

فداء لو دخلت هنا هتتغاظ جدا اننا كنا قاعدين سوا

هتصدقى لو قولتك سجلت دخولى مخصوص علشان اتخانق معاكى

وانا اللى طول الليل ادعيلك وانتى بتغيظينى

ماشى يا ندى ماشى



والله ياجماعه لو عايزين حاجه مميزه فانا يوم الامتحان عندى بيبقى مميز من اوله لاخره

يعنى ممكن اتكلم من هنا للسنه الجايه وكلها حاجات تهيس وهبل وهتفطسوا ضحك والله عليا

صاحيه الصبح بقول لماما هو انا لازم اروح الامتحان انا واحده صحتى ما بتجيش على الامتحانات

وانا بنتك مش صحتى اهم برضه ولا اييه ؟؟

ان هى تقول اقعدى وماتروحيش علشان ادخل اكمل نوم ماقالتهاش للافس

((يا عينى نايمه الساعه 5ونص الصبح وصاحيه الساعه 8 ))



ده غير التهيس وانا فى العربيه وانا جوه اللجنه وبعد اللجنه واللى سمعته فى العربيه من الولاد اللى قدامنا

واحد ماسك كتاب وواحد قاعد جمبه بيقوله هو ده دكتور مين قاله ده دكتور اشرف حسبى الله ونعم الوكيل

فالتانى بيقوله اسمه اشرف ايه يعنى قاله اشرف حسبى الله ونعم الوكيل

هو اسمه كده معروف باسمه وراه حسبى الله ونعم الوكيل

عارف انا انهارده كل اللى يجى يسلم عليا قبل اى حاجه

اقوله حسبى الله ونعم الوكيل الاول وبعدين اسلم عليه

ما ده الطبيعى يا بنى

وانا بصراحه ماقدرتش امسك نفسى وصحباتى من الضحك على الكلام ده

يلا كفايه كده عليكم نلقاكم بعد الفاصل الماده الجايه ان شاء الله

Mohamed Magdy كتب:

بيقوله الحروف بتاعت الكلمة الإنجليزي وصوتهم علي فالمراقب قام جه وقالهم اسكتوا ومينفعش كده فقاله الإمتحان صعب أوي قام المراقب رد عليه وقاله What can i do ?
عشان الأمتحان إنجليزي يعني

ههههههههه ... جامدة أوي .. أنا بحب أهزر جداً مع المراقبين .. لكن الصراحة الامتحان مسابسش فرصة لحد النهاردة
بس برضه إيه البجاحة دي ؟ يعني بيغش والتاني سايبه ؟ .. أنا لو بغش ميجيليش نفس أهزر

فداءً لتراب القدس كتب:

فالتانى بيقوله اسمه اشرف ايه يعنى قاله اشرف حسبى الله ونعم الوكيل

هو اسمه كده معروف باسمه وراه حسبى الله ونعم الوكيل

أشرف حسبي الله ونعم الوكيل .. خد بالك بقى يا بروف
ربنا م يورينا حد نقول عليه كدة أبداً وميوعدكوش بخد زيه تاني

ربنا يوفق الجميع

heba كتب:

اللهم لك الحمد كما ينبغي لجلال وجهك وعظيم سلطانك

الامتحان كان حلو الحمد لله انهاردة
وكمان لاقيت اسمي فى اللجنة عكس التيرم الاول
لانى كنت خايفة جدا اللغبطة دى تحصل التانى , بس الحمد لله

وعقبال باقي الامتحانات يـــــارب

ربنا معاكى يا بوبة

Mohamed Magdy كتب:

خير الحمد لله وعقبال باقي الأمتحانات

Mohamed Adel كتب:

الحمد لله أهو أول امتحان عدي علي خير هو صحيح طويل و مش سهل أوي من وجهة نظري يعني بس هو كان كويس و متوقع و حلو بصراحة أنا بحب الامتحانات اللي تكون في السهل الممتنع المهم التصحيح و ربنا يكرمنا

عندك حق فى كل كلمة و ربنا يكرمنا و نعدى على خيير

hanzala كتب:

ندى كتب:

.. بس اوعوا حد يعمل تكامل مع اللى قدامه ووراه و حواليه فى اللجنة

آه عجبتني أوي الحكاية دي .. أكيد فيه ناس كدة .. لكن الحمد لله نرجو الله ألا نكون منهم
ربنا يوفقنا ويحصلنا التفاف ودعم من مدد المعلومات اللي نفتكرها إن شاء الله
وفعلاً الاستراتيجية الهجومية هي خير وسيلة في هذا الموقف
ربنا يكرمني وأكون في خلية النجوم وابعد عننا خلية علامات الاستفهام علشان منحتارش في الإجابة
لو البقرة الحلوب هتفيدنا بمعلومات في الامتحان كويس بس يارب م يشمت فينا خلية الكلاب

حلوة اوى اوى ما شاء الله..بجد ضحكتنى جدا ..ربنا يكرمك

Mohamed Magdy كتب:

ممكن المميز في إمتحان النهارضه إن الولد اللي قاعد بيني انا وصاحبي كان بيغش للأسف من واحد جنبه والمراقب مش عارف مش واخد باله ولا عامل نفسه مش واخد باله الله أعلم بس الموضوع زاد عن حده شويه لأنه يمليه الكلام يعني بيقوله الحروف بتاعت الكلمة الإنجليزي وصوتهم علي فالمراقب قام جه وقالهم اسكتوا ومينفعش كده فقاله الإمتحان صعب أوي قام المراقب رد عليه وقاله What can i do ?
عشان الأمتحان إنجليزي يعني

جايز برضه

the traveller كتب:

الحمد لله,,عموما دكتور وائل هيدينا درجتين هديه ان شاء الله

ايوة و الله اولاحد حاطط فيهم امل برضه ..خير خير ان شاء الله ..ربنا يكرمنا بس و نشوف النتيجة تفرررح كدة

ahmed samir كتب:

السلام عليكم ورحمة الله
أخباركم ايه يا جماعة ؟
اتمنى ان يكون قد وفقتم النهارده فى الامتحان
ويكون كله حل كويس
خبر عاجل
بالنسبه للناس اللى قلقانة من التعليم
د/وائل ده prince وأنا خبرة معاه من سنة ثانية من أيام sales
وأنا ان شاء الله متفائل خير
على الرغم من العك اللى عكيته فى السؤال الخامس ده
فى رعاية الله
السلام عليكم ورحمة الله

و عليكم السلام و رحمة الله و بركاته

و ربنا يكرمك انك طمنتنا على تصحيحه و ربنا يوفقنا كلنااااااا معاه و مع باقى الدكاترة

شدوا حيييييلكوا يا كوميرساويين ..عايزين نبقى اجمد دفعه فى كلللللل حاجة و اهمهم تفوقنا

منورة يا دودو المووووضوع

و انا اقدر اغيظك برضه ..دة انتى حبيبتى ..واول ما خلصنا الامتحان جبنا في سيرتك و دعينالك

ربنا يخليكى يا نودى وما يحرمنى منك ولا من مها ابدااا

محدش يعرف أخبار عن فريندس ؟؟
يارب يكون نزل الامتحان بقى مش زي طول السنة مش بيحضر المحاضرات
يارب يكون حل كويس و خلص .. يمكن لسة في الورقة التالتة ؟!

والناس الباقية فين؟ أكيد ناييمين زي المقتولين .. يلا ربنا يرحمهم بقى

يارب يكون الجميع حل كويس إن شاء الله على اختلاف المِلل .. قصدي الفِرَق

فريندس بخير الحمد لله وكنت فرحان اني شفته النهارضه هو وكل الناس الحلوه وكمان وليد ده كان ليه لقاء خاص بقى
-------------------------------------------------------
وحلوه أشرف حسبي الله ونعم الوكيل دي هههههههههههههههه
ده انا ههريك يا بروف لما أشوفك قدام اللي عملته فيا النهارضه ههههههههههههههه
انا لما روحت كنت حاطط انا الماج في النيش كده وفيه الورقه ومظبطه يعني واول ما شفته افتكرتك كلامك ههههههه ادعيله بقى دلوقتي عشان ربنا يقومه بالسلامه اتهرى ضرب وشتيمه هههه بهدله بهدله يعني

حكايات الامتحان ياااه وحشني اوي الموضوع ده

الحمد لله النهارده كان يوم مش بطال
بس السيستم دي ماده بيوتيفل

و كل المجموعات خارجه مبسوطه الا مجموعه ج تقريبا في خلل عندنا و لا حاجه ( افرحوا بقي يا بتوع د و ب )

بس الحمد لله اننا كلنا ادينا اداء مشرف النهارده ..و نشد حيلنا بقي في الي جاي ان شاء الله

فى الوااااااااااااااقع

الامتحان كان حلو و كل حاجة

بس ما شاء الله لجنة رغاية رغىىىىىىىىىىىىىى

و ان شاء الله الامتحانات كلها تبقى حلوة و سهلة و تعدى على خير

لو اعدت جنب مها اختك هتحس ان اللجنة هادية .. ربنا يكرمها يا رب و يوفقهها فى كل الامتحانات ..
حاول تبعد عن الناس اللى شكلهم غشاشين عشان بيكونوا رغايين

ازاي حاول تبعد ؟