مغامرااااااااات مع الامتحانات

السلام عليكم و رحمة اله و بركاته


يلا يا جماعه كل واحد يدخل يحكلنا عمل ايه فى الامتاحانات و قبلها و اى مغامرات ليه مع الامتحانات او فى ايامها

او حتى لو حلم حلم من بتوع الامتاحانات يحكيهولنا



يعنى الموضوع ده لعب كدة و هزار و ضحك و اطمئنان على بعض فى وسط دوشة الامتحانات


بس طبعا خلوا بالكوا من هزاركوا (هو الوش دة بيعبر عن ايه بالظبط ؟؟؟؟؟؟؟؟؟؟)
و اوعوا تعطلوا نفسكواا

و ربنا معانا كلناااااااااااااااا


اددوعلى




يلا كفاية كدة

سلاااااااااام عليييكم و رحمة الله و بركاته

وعليكم السلام ورحمة الله وبركاته
ربنا معاكى يا حبيبتى ويوفقك يا رب


بالنسبة للامتحانات امممممممم
عادى
مش عرفة ليه مش حاسة ان انا بمتحن
خير ان شاء الله
والحمد لله

ههههه طب كويس يا موها عشان متبقيش قلقانه و خايفه و بتترعشى و الحاجات الغريبه اللى بتحصل لناس اعرفها دى هههه
بس برضه لازم شوية قلق بس طبيعى من اللى بيدى حافز للعمل

ان من مغامراتى اللى بتحصل كل يوم انى بنام و انا بذاكر الصبح بعد ما اخويا الكبير ما يروح الشغل و اخويا الصغير بيكون فى الامتاحن او نايم فببقى لوحدى فبروح فى النوم و انا قاعده

بس اللى مضحكنى انى النهاردة حلمت حلم طويييل و انا نايمه كدة
مش فاكرة دلوقتى الااحداث بس لما صحيت كنت فاكره انى حلمت حلم كبير مع انى نمت 10 دقايق مثلا

انا سمعت ان الحلم بيكون فعلا مدته قصيرة اوى مع ان بيحصل فيه حاجات كتييرة ممكن توصل لسنين

سبحان الله

سلاااااااام علييييكم و رحمة الله و بركاته

ادعوللى
و ادعولى ابقى مفوقه و ابطل انام على نفسى و لما اظبط 3 منبهات اصحى عليهم
دة انا مرة كنت ظابطه 3 منبهات و قلت لواحده صاحبتى تصحينى
لقتها 33 ميزد كول منها غير انها كانت بتتصل على البيت كمان هههه و مصحتش الا لما اخويا جه و صحانى

احلى حاجه فى الامتحانات القاعات و النظام الجديد و كل حاجه

انا اللي بجد عندي حالة قلق فظيييييييييع



قلق عمري ما جالي في حياتي


مع اني مش حاسس بامتحانات ولا بقوم من قدام التلفزيون ولا الكمبيوتر ده طول ما انا في البيت

لكن طول اليوم برة البيت


وممكن اقفل ساعة مذاكرة بس


مع ذلك قبل امتحان التمويل جالي قلق مالوووووووووووش اي حل


لدرجة اني قلقت علي نفسي من قلقي وكتر قلقي

فالعملية باظت جدا

لدرجة اني كنت بعمل حاجات ما يتخيلهاش عقل


بس المشكلة انا مش عارف انا قلقان علشان الامتحانات ولا علشان حاجات تانية ولا ايه

انا بجد حيران وكل اللي قريبين مني حيرانين اكتر مني فيا

عمرهم ما شافوني في الحالة دي

بس رغم القلق مش ببطل ضحك


فعلا التيرم ده عمري ما هأنسي امتحاناته ابدا بسبب قلقي والتيرم كله كان تصرفاتي فيه غريبة جدا


----------------------

علي فكرة يا ندي

انا سمعت ان مدة الحلم في النوم لا تتجاوز 5 او 6 ثواني

مع اني اغلب احلامي بتبقي لا تتجاوز 30 - 90 يوم

علشان بتبقي مسلسلات واحيانا بتوصل لـ 3 اجزاء

هههههههههههههههههه


كفاية رغي دلوقتي هنا

ههههههههه مغامرات الامتحان ده انا عندى مغامرات
اولا انا كنت فى السريرعشان انام من الساعه 11 منمتش لحد الساعه 3
ثانيا الحلم الجميل اللى حلمته حلمت ان انا قاعده فى الامتحان ومش عارفه احل حاجه واغمى عليا
وده فعلا جزء منه حصل لانى فعلا تعبت فى الامتحان ومكنتش عارفه احل حاجات كتير
ثالثا
القلق والتوتر اللى بيبقى قبل الامتحان كان منظرى عمرى ما امتحنت قبل كده وولاء صاحبتى قعدت تقولى مروة اهدى ايه اللى انتى عملاه ده

بس التوتر والقلق ده مشكلتى مع الامتحان
هو ده كان يومى مع التمويل
يا رب يكرمنا فى التصحيح ويوفقنا فى الامتحانات اللى جايه

اذيك يا ميروووو وحشانى جدا جدا جدا

معلش يا بنتى القلق دة شىء طبيعى

مش عارفه اذاى ناس فوقيكى مستغربين انهم بيقلقوا

دة سمه اساسيه فى ايام الامتحانات القلق

بس لازم تذاكر اكتر من ساعه


اذاى ساعه بس

مش عارفه استوعبها

ربنا معانا كلنااااا

و انا برضه ذيك يا ميرو مش بعرف انام يوم الامتحان كويس

بس النهاردة عوضت جاااااامد
نمت حوالى 11 ساعه هههه

ادعولى ابدا جد فى التكاليف بقى ان شاء الله


سلااااااااام علييييييييكم و رحمة الله و بركاته

انا خلصت من اول باب في التكاليف الحمد لله

في حوالي نص ساعة

وده كان مجمل مذاكرة امبارح


بعد نوم استمر قرابة الـ13 ساعة

وانتي يا مروة


الف سلامة عليكي

وصدقيني خلاص ما فيش قلق ، لأنه نتيجته سلبية


انا عرفت انا كنت قلقان من ايه

موضوع كده بعيد تقريبا عن الامتحانات

لأنه من الطبيعي اني نادر اني اقلق من الامتحانات ( يا ناس ياللي فوقيا هههههههههه )


لا بجد يا جماعة بعيدا عن منظري ساعة الامتحان الاول والقلق اللي كنت فيه

بس برضه العملية مش محتاجة قلق

لأن القلق بيصيب الانسان بالشلش في التفكير والحركة

لو قلقت قبل الامتحان لا هتذاكر ولا هتحفظ ولا هتفهم

ولو قلقت في الامتحان مش هتحل ولا هتفكر ولا هتنجز وتبقي سريع


يبقي ليه القلق؟؟

لا مش قلق مرضى
قلق طبيعى

حد خد فيلوسوفى هنا ؟؟

فى نوع من القلق بيديك حافز انك تشتغل و تنجز
لكن فى قلق هو اللى يجبلك توتر فى تفكيرك و متتعرفش تركز بسببه ده قلق مرضى

كان معكم ندى كارت
ذى ديكرات كدة

و لا خليها بنت رشد احسن ذى ابن رشد عشان مسلم


سلااااااااام عليييكم رحمة الله و بركاته

حلوة حكاية ندي كارت دي


لو كده تبقي نـــ ديكارت


------------

طبعا لازم الواحد يقلق علشان يبقي طبيعي

بس لما تكون حاجة تستحق القلق

وبالنسبة للقلق اللي بيبقي علي اغلب الناس بيبقي قلق مرضي

لأن لا يمكن التوتر علي وشهم ده يبقي توتر طبيعي


ولا ايش؟؟

وفين الحكاوي والمغامرات بتاعت الامتحانات برضه؟؟

SMILE كتب:

yaso كتب:

انا خلصت من اول باب في التكاليف الحمد لله
الحمد لله

في حوالي نص ساعة
الحمد لله على كل شىء


انا عرفت انا كنت قلقان من ايه
من ايييييييييييييييه ؟؟؟؟؟؟؟؟؟؟؟

موضوع كده بعيد تقريبا عن الامتحانات
اااااااااااااااااااااااااه

لأن القلق بيصيب الانسان بالشلش في التفكير والحركة

لو قلقت قبل الامتحان لا هتذاكر ولا هتحفظ ولا هتفهم

ولو قلقت في الامتحان مش هتحل ولا هتفكر ولا هتنجز وتبقي سريع

يبقي ليه القلق؟؟
فعلا كده

:hhhhhhhhhhhh: :hhhhhhhhhhhh:

وااااااء

انا لسه محلتش و لا تمرييييييييييين فى حياتى فى التكاليف

ادعولى احل بقى

يا رب

الحال من بعضه

ربنا يستر بجد

ربنا معاكم
وان شاء الله هتلحقوا تحلوا كل حاجة
لسة النهاردة كلة
ده انتم ممكن تحلوا كل الامتحانات اللى فاتت النهاردة
بس توكلوا على الله

يا رب نجحنا كلنا

احنا دايما متوكلين علي الله ان شاء الله

ربنا يستر

اغرب حاجه عملتها في الامتحانات السنه دي اني جالس علي النت قبل الامتحان بساعة

ولا كاني عندي امتحان الساعه 12م


ارحمنااااااااااااا يا رب

ووفقناااااااا يا رب

انا الحمد لله مليش مغامرات مع الامتحانات لحد دلوقتى


امتحان التمويل نسيت اثبات الشخصيه

دى الطقوس بتعتى لازم اول امتحان يحصل فى حاجه

وامتحان التكاليف الحمد لله جه كويس عكس متوقعت تماما يارب كل الامتحانات

تبقا كويسا ان شاء الله

لا ان شاء الله كله كويس

بس الاحصاء هيكون طووووووووووووويييييييييل جدا


ربنا يستر

يا مامى
متفكرونيش بالاحصاء دى بحس انها عفريت الليل بطوله

بجد مرعوبه منها مع انى بحس انى لو كنت عندى دم و ذاكرتها من اول السنه كان زمانى حبتها و لقتها سهله

يا رب استر

بفكر اذاكر بكرة احصاء و بعدين ادخل على التامين من بعده ان شاء الله

لانى بجد ضايعه فى الاحصاء

ربنا يستر


ادعولى جامد يا جماعه

و انا ككل سنه فى امتحاانات المواد اللى فيها ارقام
بنام و اصحى على الارقام و الجداول

فى اولى حلمت انى عمود فى جدول
فى تانيه كنت بحسب الدفعات لايدى اليمين و ايدى الشمال (مش عارفه اذاى بس هو طنت صاحية من النوم و نايمه على نفسى فحسبتها ههههه )
و فى تالته بقى سبحان الله كنت حاسه ان الخريطه دى جايه
فكانت برضه مسيطرة عليا اثناء فترة ما ببقى لسه صاحيه من النوم و نايمه على نفسى بس مش فاكرة عملت بيها ايه بالظبط السنه دى


حد فهم حاجة

ادعولى بقى جامد عشان مرعوبة و ادعولى انا و اخواتى ربنا يساعدنا و الفترة اللى احنا لوحدنا فيها دى تعدى على خير بقى

يا رب

سلاااااااااام عليكم و رحمة الله و بركاته

امين

ميرسى يا موها .. بس عادى يعنى يا بنتى تبقى عمود فى جدول و تضربى القيم اللى على يمينك فيكى و تطلعى الناتج تحطى على شمالك هههههه

ابقوا فكرونى بالموضوع ده يا جماعه ان شاء الله لما اجى اختار القسم
انى كل لما اذاكر يومين بس حاجة فيها ارقام بتبهدل
يعنى متهيالى منفعش اشتغب محاسبة و الا هتنقل بعد اسبوع شغل لمستشفى المجانين ههههه

مش عارفه فيها ايه يعنى لما كانوا يكملولنا الاربع سنين ذى بعض و نفضل مجموعه واحده

لزمتها ايه التفرقه دى

انا مش طايقه ادخل ادارة مع انى حباها
و نفسى ادخل محاسبه مع انى بتعب منها



يا رب وفقنا للخير

يا حبيبتى اختارى القسم اللى تلاقى نفسك فيه

ومفيش مشاكل ابقى تعالى احضرى معانا شويه

واحنا نيجى نحضر معاكى شويتيين

اما انا بكره حاجه اسمها ادارة معرفش يا اختى بتحبيها على ايه ؟

ههههههه مش كلها بحبها
بس بموت فى التسويق
مع انى متهيالى منفعش اشتغل فيه عملى ابدا ههههه

ساعات بحس انى مش هعرف اشتغل اى حاجة فى الحياه

بصى انا الحمد لله شاطرة فى المحاسبه و بحبها
بس بتجننى بجد مجرد ما اذاكرها شوية

فمابالك بقى لو طول حيااتى فيها

بصى عندى حل حلو اوى ليكى

بس تدفعى كام ؟ ههههههه

ايه رأيك تدخلى محاسبه وبعدين تاخدى سنه بعدها تدرسى فيه الادارة ذى ماانتى عايزة

ومش بعيد تلاقى د/ خيرى هو اللى يديهالك هههههههه