حكايات الامتحانات

امتحان الرياضة كويس بس عايز اكثر من ساعتين

الحمد لله الحمد لله الحمد لله

ربنا ستر و عدت الرياضه بسلام

كنت مرعووبه منها بس الحمد لله خلاص

بجد اه طبعا مهم المذاكرة و لازم الواحد يكون مذاكر وواخد بالاسباب

بس بجد الامتحان دة بيتحل بتوفيق ربنا

بجد اهم حاجة نتوكل على ربنا و هو هيرزقنا من حيث لا نحتسب

بس مننساش

((اعقلها و توكل ))

الحمد لله

و ربنا يوفقنا جميعا و تعدى كل المواد كويس و نجيب كلنا امتياز ان شاء الله الترم دة

و ادعولى اذاكر الادارة كويس


و ربنا يوفقنا كلنا


سلاااااااااام عليييييييييكم و رحمه الله و بركاته

السلام عليكم ... فكرة حلوة جدا وربنا يكرمنا كلنا في الإمتحانات إن شاء الله ... نبتدي بالرياضة بتاعة النهاردة ... أحلى حاجة في الإمتحان ده إنه مافيهوش إثباتات والدكتور كان مقلقنا طول السنة منها ... أوحش حاجة إني قضيت وقت كتير في السؤال التالت وما إتبقاش وقت كفاية للسؤال الرابع بس دي غلطتي كالعادة إني باخد الأسئلة الأولى في وقت كتير وبيجي على حساب باقي الأسئلة ... ربنا يستر ع الإدارة

فعلا احسن حاجة ان مكنش فيه اثباتات
انا اول ما شفت الامتحان منغيرها تفائلت

و بالنسه لموضوع طول الامتحان
فانا كنت اتعلمت حاجة من د محمد وحيد اقلهالنا فى سنه اولى

قالنا نقسم الوقت على عدد الدرجات

يعنى حسب الامتحان دة كان المفروض كل سؤال نص ساعه

و دة اللى عملته النهاردة ان لما جت واحدة و نص سبت السؤال التالت و روحت على الرابع

بس الحمد لله اتبقى كام دقيقه فى الاخر كملت فيهم التالت و اخر رقم كتبته بعد ما قلت للمراقبه ممكن اكتب رقم واحد بس
و كتبته الحمد لله و كملت الامتحان

بس بجد الفكرة دى حلوة عشان الواحد اهم حاجة فى الامتحان يحاول يلم درجات على قد ما يقدر

فيا ريت كلنا نعمل كدة دايما

و ربنا يوفقنا جميعا ان شاء الله


سلاااااااااااام علييييييكم ورحمة الله و بركاته

جزاكي الله خيرا عن الطريقة ديه .. بجد طريقة حلوة جدا وإن شاء الله هحاول أطبقها من الإمتحان الجاي .. وكان فيه طريقة كدة مش فاكر أنا اللي إفتكستها ولا سمعتها من حد .. وهي إن الواحد بعد المذاكرة يمسك الإمتحانات بتاعت قبل كدة ويمسك الموبايل .. ويبدأ يحل إمتحان ويشغل في نفس الوقت الاستوب واتش .. ويشوف هيخلص بعد قد إيه .. ويحاول يدرب نفسه إنه يخلص في وقت الإمتحان

فعلا طريقه حلوة ربنا يكرمك
وانا بنفذها علطول فى المواد العملى
و كان الامتحان بياخد من ساعتين و تلت عشان كدة كنت مرعوبه

بس الحمد لله ربنا سترالنهاردة

سلاااااام علييييييييكم و رحمة الله و بركاته

السلام عليكم ورحمه الله وبركاته

بالنسبه لي الامتحاااااااااااااااااان
كان كويس بالذات البسيطه عشان الوقت كان مرتاح
بس ربنا يسامحا واحده قاعده
انهارت في الامتحان خلتيني
مش مركزه واعصابي باظت
والتركيز راح
يلا الحمد الله
والسؤال الراااااابع ابدعت فيه
طبعا بسبب الوقت وبعد ما خلاص هقفل الجدول
اكتشفت اني عملت نصف سنوي يعني مش ضربت في 2

فطبعا
العمليه باظت اكتر

فربنا يستر بجد في السؤال الرابع
والباقي
يارب



وفكرة الموضوع لذيذة انا كنت هنزلها بس بعد ما امتحن الرياضه بس
بعد الامتحان ال3 متر ده
تراجعت لاحوال صحيه
يلا الحمد الله علي كل شئ
الحمد الله ملئ السموات والارض وما بينهما وملئ كل شيئ وسع يارب

السلام عليكم ورحمة الله وبركاته على رأى محمود احلى حاجة انى مفيش اثبات فى الامتحان الحمد دلله انها عدت على خير

يا حينى يا بنتى ههههه
كل دة عشان سبتك لوحدك

احنا عندنا كانوا هيتخانقوا قبل الامتحان مع المراقبه بس ربنا ستر و هديوا
بس انا من حكايات متحان الرياضيات عندى
انى كنت بنام احلم بالدفعات و الارقام قدامى
لدرجه انى اول ما صحيت كنت بتوضا وكنت نايمه على نفسى
و مصرة انى كدة وضوئى غلط عشان ملحقتش احسب القيمه الحاليه للناحيه اليمين حاجة ذى كدة
و بجد حالتى كانت صعبه خاااالص
ذى السنه اللى فاتت يوم امتحان محاسبه الشركات حلمت انى عمود فى جدول و عماله اطرح و اجمع من نفسى

بجد الامتحانات بتبهدلنى
و كفايه انى ببقي كتابتى على الكمبيوتر بالشمال غالبا عشان ايدى اليمين بتتدمر

الحمد لله

و ادعولى جاااامد بقى

سلاااااااااااام عليييييكم و رحمة الله و بركاته

السلام عليكم ورحمه الله وبركاته

انا اعترض علي الراي ده لان الاثبتات كويسه وسهلة جدا
وعلي الاقل طامنه
متلا 2 درجه مضمونه
من غير غلط ان شاء الله
بس الحمد الله علي كل شيء

السلام عليكم

انا بلا فخر عكيت شويا فالفائده البسيطه

الحمد لله

ربنا يستر فالامتحانات الجايه

اما بالنسبه للاثبات انا بصراحه كنت حسا ان الدكتور مش هيجيب اثبات

لانوا قال فاخر محاضره ان الامتحان هيبقا زى السنين الى فاتت

زالامتحانات بتعتوا كلها مفهاش ولا اثبات

عشان كدا مفكرتش اذاكرهم


ربنا معاكوا

وادعولى عشان انا مليش نفس اذاكر خالص

انا جيت فى السؤال الاول فى المركبة وكل القوانين اتمسحت من دماغى قمت سايب السؤال ده ودخلت فى اللى بعديه الحمد لله افتكرت فيه القوانين وخلصته ورجعت للسؤال اللى قبليه الساعة2الا ربع طبعا من سرعتى فى الحل عملت ارقام غلط فى الجدول بس الحمد لله على كل شيء

انا برضه مكنتش فاكرة القانون بيبقى ك مضروبه و لا مجموعه على 1+ع

بعدين قلتها على انها مجموعه فحسيت انى مسمعتش الكلمه دى قبل كدة فضربتها

و اساسا المسئله التالته دى انا كان اول مرة اشوف ذيها
و اتخضيت منها بس قلت هبدا احل لغايه ما اقف
و لقيت ك 3 وع فى المعادله قلت مجهولين اذاى و كنت هتخانق
لكن لما لقيت ع فرحت اوى

و اساسا مكنتش اعرف ان جمله الاهلاكات بتساوى الاصل بس اعدت افكر شويه و اجيب قوانين مختلفه لغايه ما وصلتلها بتوفيق ربنا

الحمد لله

و الله السؤال التالت دة انا حليته ببركه دعاء الوالدين هههه


الحمد لله


سلااااااااام علييييييكم و رحمه الله و بركاته

سوري ما اخدش باللي من ردك اللي فوق
بس ماعلينا
علي التهيس في الامتحان انا ماما بتصحني قبل الفجر عشان اراجع وعماله اقولها انا بحسب قيمه مش جمله

تقولي جمله ايه اقولها جمله الامتحاان
وبلاش الكلام الباقي عشان اخرته كلانت كباية مايه ساقعه علي دماغي

يلا الحمد الله

وعلي القانون ونسيانها زي ماقولتي بس انا
دخلت المركبه في البسيطه وكانت فرح كان ناقصك يابنتي
قعدت ساكته شويه قبل الفرح قصدي
الاجابه عشان اركز

يلا هي ماده وراحت وعقبال اللي جاي يارب


والاداااااارة ربنا يستر انا تقريبا يعتبر اول مرة ازاكرها
ادعيليييييييييييييييييييييييييي

السلام عليكم انا بقا والحمد لله كان يوم عمرى ما شوفت ولا هشوف ذي اليوم دة تانى اصلاانا تهت وبعد ما دخلت اللجنة فى العيوطى المراقبة قالت لى انتى مش هنا روحى مبنى السكاشن و روحت مبنى السكاشن واقعدت ادور فى الجان مش لقية اسمى ولا رقمى و بعدين طلعت فى العيوطى بس بعد كتير واخد ت الورقة واعدت احل وانا مش عارفة بعمل اية بس عموما الحمد لله على كل شىء وانا والحمد لله عكت شوية هنا وشوية هنا واما بالنسبة للا ثبات فانا افضلة عشان بيلم درجات كتير دة انا تعبت فية جدا............. وانا شايفة ان احسن سوال هو الاخير لانى كنت عاملة حسابى علية وربنا يكرمنا جميعا ويستر فى الادارة وان شاء الله خير وانا بالرغم من اى شيء فانا شعارى "لاياس مع الحياة ولا حياة مع الياس"

احلى شعار يا نسمه
بس غريبه ان انتى مش فى مبنى السكاشن

تقريبا لجنتى هى اخر لجنه فيه لانها كانت فووووق
و اول ما طلعت لقيت كل الدور ولاد لما حسيت ان مفيش بنات بتمتحن النهاردة لغايه ما لقيت لجنتى حمدت ربنا

الحمد لله

بالنسبه للادارة يا جماعه

اولا ادعولى عشان مش طايقه اذاكرها

و غير كدة

اى حد مش عارف يجاوب اذاى يبص على طريقه الحل فى التطبيقات عشان يبقى عارف شكل الاجابه اللى الدكتور عايزها

و هى اسئله كويسه اوى اللى فى التطبيقات اللى محلوله دى
و شامله اغلبيه المنهج

اغلبية مش كل عشان محدش يقولى ندى بتطلع اشاعات
و الاسئله بتوع المحاضرات برضه مش شامله كل

انا بقول عشان ملاقينيش بضرب بعد الامحتحان و لا بتحدف من اخر دورفى السكاشن و يقولوا عليا انتحرت و لا حاجة

انا مليش دعوه بالادارة و لا اعرف امتحانها منظره ايه و لا بحبها اساسا (الادارة العامه بس مش كل المواد الاداريه )


معلش اصل انا سمعت كام كلمه اليومين اللى فاتوا تعبولى اعصابى
ناس متهيالهم انى انا بنت دكتور عادل و لا حاجة و معايا الامتحان و مفيش ذىى فى المادة و ضايقنى كلامهم بجد غير ان الدكتور بعتلى قالى بلاش تقولى حكايه ال60 سؤال دى عشان محدش يعتمد عليهم و كلام كدة

المهم ادعولى


سلااااااااااام عليييييكم ورحمة الله و بركاته

ربنا يوفك الجميع

انهرضا وبلا فخرج

بدعت ابداع غير عادى فلاداره

قعد يقلنا هجيب فقر

ومش هجيب وطن ومواطنه ورششد


عمل العكس


يلا الحمد لله


بس المستوا العام كويس



باستثناء بعض الاسئله الغلسه



الى الفت فيها طبعا


لان اخلاقى متسمحليش اسيب سؤال فاضى



الحمد لله ربنا يستر فالى جى

انا مكلمتش معاكو على امتحان الرياضه عشان بصراحه ماكنتش عايزه افتكر العك اللى عكيته فى القوانين والغباء اللى نزل عليا معرفش منين
لكن النهارده اكتشفت انى موهبه فى التأليف . الحمد لله التأليف دة بينفع والله بس الحمد لله الامتحان يعتبر كويس
وعقبال الماده اللى بعدها واللى بعد بعدها وان شاء الله ربنا يسهل فى اللى جاى

يعنى هتالفى قصص ولااية وانا على العموم حليت كويس والا معرفوش بالفة على طول ذى دودو من مكتشف موهبة ولا حاجة واحسن حليت فية التميز البركة فى اسئلة الجروب ونشكرهم على معلوماتهم

صحيح انا كنت عايزه اشكرك يا ندى على ال60 بتوعك مش علشان الامتحان حتى لومجاش منهم ولا سؤال ولكن يكفى انك فكرتى فى اللى حواليكى وحاولتى تساعديهم ومش بس انتى ده كل الناس اللى كانت بتبعت عن اسئله التميز وربنا يكرمهم كلهم
وان شاء الله يا ندى لما النت يرجع بالسلامه عايزاكى تقوليلى
بينى وبينك كده وانا مش هاقول لحد
هو انتى صحيح مش بنت الدكتور ........؟ ها ها ها

وانتى بنت مين يا دكتورة...............

السلام عليكم ورحمه الله وبركاته:

اول حاجه الحمد لله الرياضه عدت على خير وان الحاجات المرعبه الى فى الماده ما جتش ومع ان الاثباتات سهله بس الدكتور قال خسارة فيهم الهدايا ..
هو عيب الامتحان انه طويله شويه وكان عايز تركيز فى أسئله الفايده المركبه لكن الفايده البيسطه كويس

اما بقى بالنسبه لاسئله الادارة مش عارفه هى صعبه ولا سهله بس هو امتحان مركز جدااااااااااااااا والسؤال الواحد فيه مليون نقطه والكتابه فيه بصفحه او اكتر لكن الحمد لله هو كمان عدى بسلام مع ان لا الفقر ولا اى حاجه من الحاجات ده كلها جات

ربنا معانا بقى فى الباقى وربنا يستر ويكرمنا كلنا ويوفقنا كلنا بأذن الله

ربنا يسهلها ويفقنا جميعا