الى دفعتي ..2009

ما انا عارفة انه قريب

بس يرضيكوا يعني اول اجتماع تعملوه من غيري

طب و مين يكتبلكوا الاجتماع و يبيضه و تصوروه منه (بهزر طبعا)

معلش و الله انا مسافرة ان شاء الله اول شهر يوليه ..فاقترحت نخليه اخر سبت من كل شهر

و هى الدفعه موحشتكوش و لا ايه

بس هو كدة اغلبيه اللى ردوا موافقين الحمد لله ..
و الى مش عاجبهم المعاد معلش ياجماعه خلوكوا مع راي الاغلبيه

---------------------

اذا يوم السبت ان شاء الله فى الجامعه الساعه 11 عند........(ما ننقى حتة ضلة شوية ..ايه رايكوا عند العيوطى حتى فى اماكن يتقعد فيها و الجو بيبقى معقول شوية عشان حر الصيف )



هو دلوقتى فاضل 5 ايام ان شاء الله

سهل اوى اوى نوصل فيهم للدفعه بس مهم نعرف كل الناس من دلوقتى

فممكن نبدا نعلن عن الموضوع النهاردة بليل ..يحيث بس نكون اتاكدنا من المكان المناسب

(و عايزين نشوف ابتكارات فن و ادارة الاعلان )


و قولوا بقى مين اللى هينظم الاجتماع و نحطله برنامج عشان عايزين نجذب الناس للاجتماع من اول واحد

خلاصة المشاركة عشان طويلة و نبقى منظمين

1- ايه احسن مكان فى الجامعه ( ساحة تجارة - قدام ا و ب - عند المكان اللى فى الشارع اللى عند العيوطي )

2- مين هيشارك فى التنظيم و التخطيط لبرنامج الاجتماع

Im In
إن شاء الله .. موجود في الاجتماع ... اللي هو أرجح يكون عند أ ،ب علشان فيه مكان مستقل .. لكن عند العيوطي شارع ومفتوح الأركان مش هنعرف نسيطر على الكلام
ممكن يكون بيديلين على حسب العدد إن شاء الله أو خلال التصويت بعد كدة

لكن حكاية التنظيم .. مش عارف .. أنا معنديش مانع .. بس يكون فيه تعاون كويس .. بس أنا غالباً مشغول من هنا ليوم الأربعاء مش عارف بقى هقدر أتابع من اللي هيكونوا في التنظيم ولا لأ .. لأن أكيد مش شخص واحد بس
لكن غالباً أنا معنديش مانع إن شاء الله

طيب تمام

ميين تانى ؟؟؟؟؟؟؟

هوه فيه ايه

ده اجتماع مين ولا بتاع ايه

ياريت نفهم وتوضيح ؟

ده ياسيدى تجمع صغنطط كده لرابعه اداره ولرابعه محاسبه بشكل دورى
to keep in touch

احتمال معلش اول اجتماع ماقدرش اجى ربنا يستر

ان شاء الله هفكر فى حاجه مفيده كده نعملها وياريت لو حد عنده اى فكره يسمعنا صوته

اه

بس انا حاسس انه لبتوع ادارة اكتر ومحدش قلنا اى حاجة

ياريت نتكلم بشكل موسع اكتر من كده

لا ابدا هو صدفه بس اللى ردوا من ادارة

انا قلت من الاول الى دفعتي اللى عشت معاها احلى سنين (ادارة سنة واحدة بس ..هى صحيح من احلاهم بس دة ميمنعش ان احلى سنين عشناها فى مجموعتنا فى اولى و تانية و تالته )

فطبعا لكل دفعتنا حبيبتنا
..دة ادارة و محاسبة بيكملوا بعض

ممممممممممممممممممم



والله الواحد مش عارف يقول ايه



اصل الاتفاق كان هيبقي الاجتماع في رحلة


بقي في الجامعة واتحدد الميعاد كمان

مممممممممممممممم

كلنا اسرة واحدة ...امة واحدة ...مجموعة واحدة.... دفعة واحدة
انا حسة انة نشيد وطنى
يارب يكون الاجتماع جميل وجامد وان شاء الله نيجى كلنا باذن الله

طبعا تنوري يا نونا


انتي من الناس اللي المفروض تأثر في دفعتها هي كمان زيينا وتحمل الراية بعدنا ان شاء الله


ربنا يعينك

عند المكوجي اه


بس انتي كوميرساوية ، يعني لازم تكوني من الناس اللي بتغير في الكون كله حواليها


ولا ايه يا نونا؟


اوعي تكوني فاكرة نفسك نونا


لا كل كوميرس كبار ههههههههههههههههههههه بجد لازم تعرفي انك عندك طاقة ممكن تغيري بيها العالم كله

ما تستقليش نفسك


قولي هأقدر وهتقدري

وعلي فكرة مش مجرد كلام ، بس خدي أمثلة من الواقع

الكلام ده بيفكرنى باعلان بيبسى

على اساس انها حامله لواء كوميرس فى الحرم الجامعى

طب استنوا عشان متلخبطش

دلوقتى حنا محددناش مكان معين ..انا عايزة الحق اكلم الناس و ابعتلهم ان شاء الله عشان يعرفوا قبلها بفترة

المشكلة انى حاسة ان حتة ا و ب (اللى ليها صوتين ) دى مش هيخلونا نقعد عشان مبيحبوش زحمة قصاد المبنى الرئيسي و دايما يطردونا من الوقفة هناك

لو ممكن ارجوكوا تقولوا مكان محدد مينفعش كدة مش هنلحق

هحاول اخد الاصوات من المستقصى منهم مباشرة ً بقى و خلاص ما دام محدش رد عليا هنا (هقلب على بحوث)

لازم المكان يكون متحدد خلال ساعتين ان شاء الله عشان الناس تلحق تعرف و يببقى قصادنا 4 ايام نعرف فيهم الناس
----------------------------
الرحلة :مفيش مانع ال2 ..بس ممكن ناس كتير صعب تيجي
نونا : هو الاجتماع فعلا لخريجي دفعه 2009 ..بس انتى تنورينا يا جميل طبعا
ندى : اللى هى انا ..انا حلمت اننا عملنا اجتماع او كان سكشن و بندور عليه..مش عارفة اهه كانت الدفعه سوا و خلاص
حققولى حلمى بقى

جارى استقصاء الناس عن المكان المناسب من الاماكن اللى تم اقتراحها ان شاء الله

احنا اهم حاجة تكون منطقة هادية وضلة بس الاهم يكون فيها مقاعد واعتقد انسب مكان ياندى كدة يبقى المكان اللى عند العيوطى كويس جدا كلة مقاعد ونبقى كلنا قاعدين عشان محدش يزهق من الوقوف
واوصوات الموافقة عن العيوطى من ناحيتى انا يعتبر 10 اصوات صحابنا كلهم ويمكن اكتر
شوفى بقا باقى الدفعة رايها اية ؟
واية موضوع الرحلة دة انا مش عارفاه
عموما حلمك هيتحقق ان شاء الله يانودى يوم السبت

وانا موافق على العيوطى

ياريت كده على النهارده بليل يبقى المكان والزمان متحددين بشكل نهائى عشان ابلغ باقى الناس

ولو انى بشوفهم كل يوم تقريبا

هيييه الحمد لله معايا 10 اصوات مرة واحدة ..احمدك يا رب

و مين الى مصوت

احلى بنات ..ربنا يكرمكوا يا رب و يبارك فيكوا بجد وحشتونىىى اوى

و الرحله دى ان شاء الله تبقى قريب و نروحهها برضه سوا

the traveller كتب:

وانا موافق على العيوطى

ياريت كده على النهارده بليل يبقى المكان والزمان متحددين بشكل نهائى عشان ابلغ باقى الناس

ولو انى بشوفهم كل يوم تقريبا

معلش رديت فى نفس الوقت

تماام اوى ..الموافقات بدات تكتر على العيوطي

هو عموما قبل بليل انا كنت عايزة نبدا من الظهر نكون محددين كل حاجة

هى 11 اللى انت اقترحتها حلو اوى

و يبقى لغايت الظهر و نروح نصلى بعده و اللى عايز بقى يقعد مع اصحابه براحته بعد كدة

حاول تبلغ اكتر عدد بقى

ربنا يخليكى يانودى يارب وانتى والله وحشتينا اووووووى
لا ومش اى 10 اصوات دول 10 اصوات مهمين جداااااا
وان شاء الله الرحلة نروحها كلنا سوا
المهم رحلتنا احنا نروحها بقا
حاولى تجمعى اصوات كتير استنى لحد بليل يكون معظم دفعتنا تكون دخلت كلها عالمنتدى
وعلى فكرة يانودى على جروب ادارة محدش يعرف موضوع الاجتماع ابقى عرفيهم بردو

انا ببعتلهم يا بنتى ب س رخامه الفيس بوك انك متعرفيش تبعتي للجروب الا لو كنتي مشرفة عليه ..هما عموما مشتركين فى جروب كوميرس فو انا بعتت له

بصراحة مش هينفع انتظار اكتر من كدة لازم نلحق نبعت للناس

و محدش بيرد حتى الان و عموما المكان مش هيفرق اوى و ممكن نغيره الاجتماعات الجاية ان شاء الله

فدلوقتى هعلن بقى و خلاص ان شاء الله

عشان بجد نلحق نوصل للناس كلها و تعمل حسابها انها جاية و نخطط للتنظيم ان شاء الله

طب كدة كويس .. أنا على العموم معنديش أي مانع على العيوطي
إن شاء الله خير وكله يتظبط