أيه هى خطتك فى الخمس سنين القادمة ؟

يا ريت كل واحد يقولنا خطته اللى بيهدف ليها فى الخمس سناوت القادمة إن شاء الله فى مختلف مجالات حياته ؟

طب ابدأ انت وقلنا يا ياسر

إن شاء الله اخلص الكلية على خير , احاول اجتهد فى كورسات وتدريب فى الاجازة , وبعد التخرج إن شاء الله اسعى لوظيفة فى دماغى ربنا يكرمنى ويناولهالى
وبعد ما استقر إن شاء الله فى الشغل ادور على بنت الحلال واركب دقن واروح لابوها بس الاول إن شاء الله يكون معايا شقة وشبكة

ونفسى اعمل حاجة كبيرة مع رسالة واكمل مشروع الصدقة الجارية ومشروعات تانية كتيرة

يا رب ان شاء الله
خطتك حلوة اوى
وبالذات لما تركب دقن

ربنا يكرمك ويوفقك فى خطتك ان شاء الله

ماتتهربيش من السوال يا هدى

على فكرة الموضوع مش بيتكلم عن خطتى انا بس

لست انا من تتهرب

يعنى كده ان شاء الله اخد البكاليريوس

وبعدين اشتغل شغلانه مناسبه وربنا يوفقنى فيها

ربنا يوفقك
بس ده مش خطة

اصلى طول عمرى بكره الاداره والتخطيط والكلام المعقد ده

فبسبها كده واهى الدنيا ماشيه ويا عالم بكره فيه ايه

وذى ما تيجى تيجى

طب اوعى يا هدى تتخرجى بركاوى وتشتغلى بركاوى وتتجوزى بركاوى برضه

انا ان شاء الله

ناوي اكبر شغلي علي اد ما اقدر وافتح مجالات تانية وادخل فيها

اه كله صغير

بس هيكون بذرة لحاجات كبيرة ان شاء الله


وبعدين ان شاء الله اتخرج

واكون ظبطت حاجات كده في النص قبل ما اتخرج وبعد ما اكون بدأت اكبر شغلي

وان شاء الله بعد ما اكون قادر ماديا علي الزواج بالطريقة اللي انا شايفها صح ومريحة

علي طول هأستلف الذقن من ياسر واروح علي طول

وفي اسرع وقت اكون متزوج

وابدأ اركزفي شغلي تاني بصورة اكبر

و لو انجزت كل ده في الخمس سنين زي ما انا راسم

فان شاء الله بجانب الشغل والكلام ده كله هأتجه لاتجاهات تانية ان شاء الله انا راسمها في دماغي

بس خاصة بالخمس سنين التانية اللي بعد الاولانية


يللا كفاية كده عليكم

والسلام عليكم

تفكيرك عملى و مقنع يا هشام

بس الخوف للدقن يتاخر عندى شوية وتعنس انت

هههههههههههههه
ربنا يوفقكم يا اولادى
بجد افكركم حلوة وربنا يكرمكم فيها

ههههه ايه جكاية الدقن دى

انا الخمس سنين الجايه يعنى لغايت ما يكون عندى 24 سنه ان شاء الله

ممممممم خطط كتير اوى

عايزة اجيب تقدير عالى على قد ما اقدر فى السنتين دول

و ربنا يوفقنى و ابقى فى مكان بعد التخرج اقدر اخدم بيه بلدى و المسلمين و اقدملهم حاجة كبيييييييييرة

يعنى نفسى يكون ليه لازمة فى الحياه

و لو حصل خلال الخمس سنين دى ان شاء الله و بقى عندى الواد ابنى حبيبى اللى مخططاله جامد دة هركز شغلى كله عليه عشان اطلعه بطل الابطال ان شاء الله

و عيزة اجمع دفعتى كلللها و نفضل متجمعين على طوووووووووووول على الخير و متواصلين حتى بعد التخرج

و يفضل المنتدى دة مجمع مجموعتنا كلها ان شاء الله

و عايزة اعمل حاجات كتييييييييرة اوى اوى اوىىىىىىى

يا رب

سلااااااااااااااام علييكم و رحمة الله و بركاته

حلوة اوي حكاية اولادي دي


حسستني اني مش في 3/g لا بقيت في 3/k.g

ربنا يوفقك يا ماما

ههههههههههههههههههه

ويوفقك يا ندي

بس ليه التشاؤم ده يا ياسر

الدقن لازم الواحد يستلفها في اسرع وقت ممكن


دي اهم من الشغل والخطة كلها

اهم حاجة في المباراة الهدف الاول والمبكر

ولا ايه؟؟

بس المشكلة علشان تجيب الجون

لازم تشتغل وتحضر للهدف ولا ايه؟؟

وخصوصا لو عايز تستريح في طول حياتك ، اقصد في باقي وقت الماتش

لازم تكون حاطط الخطة الصح

عندك كل بديل لأي مشكلة في الماتش

عامل حساب الوقت ( كل ثانية في حياتك )

مهيأ للتغلب علي اي قرار ممكن يكون في غير صالحك من الحكم ( اي شئ مخبيه لنا القدر )

عندك رصيد من اللياقة والمرونة اللي تكفيك انك تكمل باقي الماتش من غير ازمات ولا اصابات ( سواء صحة او مال او اي شئ يعيشك مستريح )


وتكون عامل حسابك انك مش هتاخد اي كارت لا اصفر ولا احمر ( اي كارثة لا قدر الله )

علشان ما يأثرش كل الكلام ده علي ماتشك ( ما يأثرش علي حياتك )

علشان لما الحكم يصفر في نهاية الماتش ( تاخد كارت احمر من القدر وتفارق الحياة )

تحس انك سيبت وراك تعليق من الناس علي ادائك الكويس ( علم ينتفع به وعمل صالح و سيرة حسنة )

وسيبت وراك لاعيبة صالحين ( الابناء والاحفاد )

وان مساعدك في الماتش كان بيحبك وبيموت فيك ( المدام )


ولا ايش؟؟


المهم تفكر صح وتشغل مخك صح

يللا الحمد لله علي كل شئ

انا الحمد لله بتدرب كويس ومعدلات الليلقة بتزيد والفرقة إن شاء الله راجعة وبقوة للمنافسة

اصل انت عارف البطولة ده ماينفعش ياخدها غير بطل واحد وبس

هوالواحد صحيح ممكن ياخد 4 بطولات بس نركز دلوقتى فى الدورى , هواللى هيفتح الطريق للكاس والسوبر وكاس العالم

بس المشكلة الاساسية بتبقى فى الاتحاد الدولى ولجنة الحكام عشان معندهمش غيرها

فى النوع ده من المسابقات انت اللى بتسلم الميدالية الدهب وبقيت الطقم للفرقة

وطبعا لازم يسالوا عنك قبل ما تدخل المنافسة على البطولة , ولو وافقوا يداخلوك بيتهم قصدى البطولة .لازم تجيب جونين فى فريق السفرة وبعدها تلت اجوان فى قريق الانتريه وتركيب السيراميك بتاع الاجوان على حسابك وتشطيب المدرجات سوبر لوكس

وقبل كل ده لازم تجيب استاد اربع ملاعب وصالة
الاربع ملاعب . ملعب للفريق الاول وملعب للفرق الضيوف وملعب للناشئين إن شاء الله وملعب لالتحاد الدولى ولحنة الحكام

ده ايه الملعب التشطيب سوبر لوكس
خلاص احنا نروح نلعب في بلاط 2

عجبني اوي يا ياسو الماتش ده و انشاء الله نحظي بنصيب من الكاس
و اهم حاجه دلوقتي الخطه الصح و اللياقه تركز عليها اوي لان من غيرها هاتتعب في اول الماتش

و انا معلش يا ياسو هاستبدل الكارت الاحمر بنهايه المباراه علشان تبقي اكتر واقعيه لان كل واحد مكتوبله اجله
و انشاء الله ربنا يوفقنا كلنا في اللي بنعمله و يشرح صدرنا لذلك

اه نسيت الخطه

انا حاليا راسم لنفسي شويه حاجات معينه في دماغي خلال السنتين بتوع الجامعه دول
و يا رب اقدر احققها كلها
اما بعد كده بقي ربنا يوفقني في وظيفه محترمه بفكر فبها و ربنا يكرم و يرزقني بنت الحلال
و اقدر اكون مستعد اني افتح بيت و ربنا يرزقني بالذريه الصالحه اللي انا شايف انها اهم حاجه في حياه الواحد

ههههههههههههه
يادى الدقن دى

بس هو الكلام قلب على ابو تريكة ولا ايه ؟

على العموم ربنا يحققلكم كل اهدافكم
وتبقى الكورة الاولى فى الجون علشان افرح فيكم

ده سرى الكبير و الصغير اووووووووى

هههههههههههههههه

والله انت عسل يا ياسر


وربنا يوفقك يا محمد ونشوفك علي قائمة المحترفين


ويكرمك يا مها

ويوفقك يا فامبير