أيه هى خطتك فى الخمس سنين القادمة ؟

يا رب

اقتباس :

بس للاسف انا مشكلتى ف الموضوع ده الخجل

ده برضه من الحاجات اللى استفادتها من الكورسات

وبجد فدنى الموضوع ده جامد وخصوصا وانا بتدرب

مره وانا بتدرب جه مدير كندى يسالنا على حاجه و فضلنا نتكلم انجليزى شويه طبعا هو حس انى مبفهمش اى حاجه لا انجليزى ولا عربى بس اهم حاجه انى اتكلمت وفى مجال العمل يعنى معنديش اى فرصه اغلط وده احد واهم مزايا كورسات الانجليش

ما شاء الله

ربنا يوفقكوا كلكوا وانا كمان و يكرمنا كلنا

سلااااام عليييكم و رحمة الله و بركاته

هههههههههههههههههههههههههههههههههههه
يااااااااااااه يا ورد

انا بحسب الخجل بتاعك قدام الاولاد بس مثلا
انما حتى البنات بتتكسفى تتكلمى معاهم

وحتى ولو باكستانيه
انت مشكلتك بقت دوليه يا ورد مش ع الصعيد المحلى فقط

ياورد الخجل حلو بس مش للدرجه دى

فكرى شويه
وشوفى ايه اللى كان هيحصل يعنى لو كنت كلمتيها
ايه؟
مفيش ....صح؟

ههههه هو اكيد مش هيحصل حاجة بس هو طبع فيه

ربنا يهدينى

بس بحاول يعنى شويه و الحمد لله بلعب مع ولاد جارتنا السوريه حاليا و بقوا بيحبونى اوىالحمد لله
مع انى كنت بتكسف حتى من الاطفال هههه

و كمان بقيت اعرف اتكلم مع البنات اللى من سنى و ليه اصحاب كتير

شفتوا التطور هههه

لا لا
مش ممكن
ايه التطور الفظييييييييييييييع ده بتتكلمى مع البنات اللى من سنك!!!!

انا كده اخاف عليكى من الحسد

كويس انك عامله المعوزتين توقيع والا كنت اتحسدتى ومبقتيش تتكلمى حتى مع اخواتك


بس على فكره

انا من فتره قريبه مكنتش بتكلم مع والدى خالص...تصورى
لحد قريب لو بالصدفه حب ييجى يتفرج عليا وانا بلعب كوره
انا كنت ببدل مع اى حد عشان اخرج وملعبش قدامه

ومش عارف ليه؟؟؟ بس غيرت الموضوع ده دلوقتى الحمد لله




اما عن خطتى فى الخمس سنين اللى هو اساس الموضوع الجميل ده.
ده ان كان ليا عمر
انا عايز اخلص الجامعه بتقدير عام جيد (حلو قوى) والحمد لله ماشى كويس.
والى جانب كده يكون معايا كورس كمبيوتر (وده حصل) واخدت شهاده بتقدير امتياز الحمد لله
واخلص كورس الانجليزى واستفاد منه فعليا يعنى ميكونش مجرد شهاده.


الى جانب انى عايز اخرج بصداقات حقيقيه بعد الجامعه
والحمد لله انا عندى شله زى العسل
الاولا : فعلا زى اخواتى وبيحبونى وبحبهم جدا ومع بعض فى الحلوه والمره
وارتباطنا مش مجرد لاننا زمايل
لا احنا دايما مع بعض داخل الجامعه وخارجها وزيارات ومواقف ما بينا
طلعتلى اربعه فعلا اخواتى بجد

اما الزميلات: فهما اخواتنا البنات والتعامل ما بينا فى حدود الاحترام بحيث اننا بنعتبرهم زى اخواتنا وبنحافظ عليهم. وده بيكون من طريقه معاملتنا معاهم وطريقه الكلام
والمنظر العام.

ثالثا : نفسى اشتغل فى المكان اللى انا عايزه وان شاء الله يحصل
واقدر من خلاله احقق زاتى واقف على رجلى وابنى نفسى
واكون اهل لانى ارتبط بأنسانه مناسبه ومتدينه وأكون اسره سعيده

رابعا: نفسى ارد ولو جزء من افضال اهلى عليا واكون حاجه يفخروا بيها.

خامسا: نفسى اعمل اى حاجه متميزه عبقريه بطوليه حاجه كده افخر بيها

سادسا : واللى احسن من ده كله نفسى اموت شهيد.

الله
اخر حلم تحفه
يا رب ارزقنا بيها كلنا

و يا رب تحقق كل احلامك و تجيب امتياز فى الكليه ذى ما جبتها فى الكورس

اقتباس :

لا لا
مش ممكن
ايه التطور الفظييييييييييييييع ده بتتكلمى مع البنات اللى من سنك!!!!

انا كده اخاف عليكى من الحسد

كويس انك عامله المعوذتين توقيع والا كنت اتحسدتى ومبقتيش تتكلمى حتى مع اخواتك

ههههه لا الحمد لله برغى مع اخواتى ووجعالهم دماغهم الحمد لله

بس فى غلطة مطبعيه المعوذتين بالذال مش الزين

اقتباس :

بس على فكره

انا من فتره قريبه مكنتش بتكلم مع والدى خالص...تصورى
لحد قريب لو بالصدفه حب ييجى يتفرج عليا وانا بلعب كوره
انا كنت ببدل مع اى حد عشان اخرج وملعبش قدامه

ومش عارف ليه؟؟؟ بس غيرت الموضوع ده دلوقتى الحمد لله

انا برضه بتكسف من بابا شوية بس دلوقتى احسن الحمد لله

سلااااااام عليييييكم و رحمة الله و بركاته

فيه حاجة يا جماعة سمعتها حبيت اقولها لكم

انا جربتها لاقيتها مفيدة جدا بالنسبة لي وان شاء تستفيدوا منها انتوا كمان


لو عايز تعمل أي حاجة صح محتاج 3 حاجات:

معرفة , مهارة , حافز


معرفة: فانت محتاج تتعلم الحاجة دي أو تقرا عنها أو تعرف عنها أي معلومات .. وفي كلمة لإبراهيم الفقي بتقول ((المعرفة قوة)) .. كونك عندك معرفة فانت عندك قوة تستخدمها أما تطبق المعرفة دي


مهارة: عشان يبقى عندك المهارة محتاج تطبق اللي انت اتعلمتوا .. كتييير وفي كلمة في التنمية البشرية بتقول (( التكرار أساس المهارات )) فلو عايز مهارتك تزيد في اي حاجة ... إعملها كتيير

حافز : عشان تتعلم حاجة أو تطبق محتاج لحافز .. لو لاقيت نفسك مش عايز تعمل الحاجة دي يبقى انت ماعندكش حافز ليها .. فلو عايز تحمس نفسك انك تعمل حاجة حاول تطلع حوافز للحاجة دي .. وكل ما طلعت حوافز كتيير هتلاقي نفسك متحمس أكتر .. ولو لاقيت حماسك قل فكر نفسك بالحوافز دي


لو حاولتوا تجربوا الكلام ده على أي حاجة عايزين تعملوها صح .. إن شاء الله الكلام ده ممكن يساعدكوا

بس طبعاً في حاجة كويسة ترضي ربنا .. أوك؟


عشان نرتقي ونحسن من مستوانا .. واما احنا نكون كويسين البلد هتبقى احسن ان شاء الله

جمييييل جداااااااا ربنا يكرمك

تحفه بجد الكلام دة و انا اعتقد ان مشكلتى غالبا بتكون فى المهارة

وفعلا لما بجرب اعمل الحاجة كتير بتبتدى تبقى عادة فيه
و مش عايزة بس اقول المثال اللى عندى فى حاجة طبقتها عشان محدش يقولى لا لسه فيكى الطبع القديم
بس انا متاكدة انه مبقاش فيه الحمد لله

و دة كان طبع قديم عندى ايام الطفوله و جايز بيكون عند كل الاطفال و الحمد لله بممارسه الشىء الكويس عرفت اغير الصفه


بس المشكله فى اكتساب مهارة اى حاجة بتبقى من الخوف من عمل الحاجة دى لاول مرة

يا رب اكرمنا ووفقنا

ايه يا جوهرى الكلام الحلو ده

وركز يا جوهرى فى الكلام اللى بتقوله

وربنا يكرمك