أيه هى خطتك فى الخمس سنين القادمة ؟

ربنا يكرمنا كلنا ويوفقنا

وبالنسبة للدقن . ممكن كل واحد يربى دقنه عشان ممكن اى حد يحتاجه فى اقرب وقت او اقرب فرصة او اقرب اجازة , و ده مسالة نصيب

بس اشمعني حكاية الدقن دي؟؟


طيب انا مش عايز الدقن


هأربي بدل دقني شوية خرفان احسن

عالاقل الواحد هيستفاد منهم في الساقعة دي بعد شوية

اه يا ريت يا ياسو تبقى تبعتلى خروفين
احسن انا قربت ابقى مجمدة :980-98:

وبعدين الدقن دى تمويه علشان اللى انت رايح تخطبها متعرفكش فتوافق
على العموم انت برضه ممكن تعمل تمويه بالخرفان

اه يا مها يا ريت تفهمينى ايه حكاية الدقن دى
ايه الحكمة منها ههههه

مش كان فيه مسرحية بتاعت محمد نجم ( تقريبا اسمه كده )
كان بيقول فيها هركب دقن واروح اقابل ابوها

تمويه علشان ابوها يوافق ههههههههههه

اها اخيييرا فهمت هههههه

ربنا يخليكى ليه يا موها ياللى بتفهمى الناس اللى عندهم زهايمر ههههه

انا بحلم اني اطلع ببكالريوس بتقدير كويس واكون خلصت كورسات انجليزي وشوية كمبيوتر كدة ان شاء الله

على فكرة يا جماعة ركزوا على الانجليزي والكنبيوتر عشان دخلت قبل كدة ملتقى توظي اللي عند تجارة انجلش

كل الشركات طلبت انجليزي وكمبيوتر مع التقدير

ربنا يوفقنا كلنااااااااا يا رب

اهى هى دى مشكلتى فى الحياه
مبطيقش الانجليزى ليه معرفش

هو الكلمات عادى لكن الجرامر دة بحب احله بالبركه ههههه و حالتى مستعصيه فيه و بكرهه جدااااااااا

مش عارفه ايه عقدتى دى
جايز من مدرسين الانجليزى كرهونى فيه
مع انى كنت بحب جدا المدرس بتاع تالته ثانوى و كنت بذاكر انجليزى فى السنه دى بس فى حياتى تقريبا
وحليت الامتحان كويس و ادونى فيه 17 باين فزعلت و كرهت الانجليزى تانى

اما الكمبيوتر متهيالى هيبقى سهل ان شاء الله لانى بحبه
و اهه نبقى نشوف الموضوع بتاع دكتور حنفى دة

مع ان مش طايقه اشتغل فى المحاسبه حاليا
بس الله اعلم الخير فين


عموما حاسه انى مش هعرف اشتغل حاجة و حاسه انى عايزة افضل طالبه على طول هههه
(بس دة غلط عشان لازم استفيد من اللى اتعلمه يا اما يبقى مالوش لازمة و يبقى علم لا ينفع )

بس عالعموم بقول اعمل اللى عليا فى المرحله بتاعت الكليه دى

و لما اتخرج ان شاء الله ربنا يوفقنى للى فيه الخير
بس اكون ساعتها ان شاء الله جاهزة لاى حاجة
و ممكن اكتشف ان الحياه سهله و انى اعرف اعمل حاجات كتير

بس دايما الواحد لما يكون ميعرفش حاجة بيتهياله انها صعبه و بعدين لما يدخل فيها بيكتشف انها حلوة و سهله

و يا رب كلنا نشد حيلنا فى المذاكرة و الكورسات و التدريب كمااان ولو فى اى حته

ان شاء الله


سلاااااااااام عليكم و رحمة الله و بركاته

اكيد الخرفان هتنفع

يمكن اكتر من الكمبيوتر والانجليش

اهوه الواحد الحمد لله يعرف في الاتنين نوعا ما كويس

هل يا تري ده اداله شعور بالدفئ؟؟

ولا حتي ربع جنيه زيادة؟؟


وبالنسبة للدقن فدي بيتهيألي موضة بطلت

دلوقتي اكيد في ظل بعض التفاهات بتاعة اليومين دول

ممكن اللي يتقدم ، يبقي عامل شعره زي في فيلم مرجان واعلانات قناة دريم ( انا مسمي القصة دي ، " رأس الزعافة " )


يروح كده شاب محترم وعامل شعره رأس الزعافة

هههههههههههههه


بالنسبة للانجليزي يا ندي

فدي لغة هايفة كتير

انا طول عمري بحب الانجليزي

من اولي حضانة

بس عمري ما ذاكرته

وفي تانية ثانوي ذاكرته من الساعة 1 صباحا ليلة الامتحان لحد 4 الا ثلث قبل الفجر

والحمد لله جيبت 20.5 الحمد لله

وفي تالتة ذاكرته علشان ارفع المجموع

وكنت بذاكره علي مدار السنة وجيبت 20 بس

نفس قصة العربي

تانية 26 وثالثة 25

المهم

الانجليزي حلو جدا جدا

والحمد لله لما كنت في الكورس اللي تبع الجامعة الامريكية الشهرين اللي فاتوا دول

ومن غير ما اذاكر والله اي حاجة تقريبا غير بصة سريعة قبل الامتحان

جيبت جيد جدا

ورغم كل ده واني حسيت اني استفادتي مش قوية في الكورس ده

لكن سبحان الله بقيت اتابع كتير من الافلام الاجنبي دلوقتي واسمع كويس وافهم واترجم بسرعة

وظن ان دي اكبر استفادة

فياريت يا ندي ويا كل واحد عايز يظبط نفسه في الانجليش

ياخد كورسات فيه

وعندكم مكتبات مبارك

انا باخد في اللي في المعادي اخر شارع النصر

وفيه واحدة تانية قريبة من الجامعة

وبجد هتستفادوا

وما فيش وقت هيضيع ان شاء الله

وربنا يكرمنا


وربنا يكرمك يا جوهري وتحقق اللي تتمناه

وكل الناس برضه

فعلا احسن حاجة الكورساااات في الانجليزي لأن معاه الواحد بيحس انه بيتعلم الانجليزي من اول وجديد .. وبيبقى متعة شرايط الواحد بيسمعها واساتذة اللي بيدوا الكورسات دي على مستوى عالي وبيشرحوا بشكل كويس

ده اللي عرفته اما خت كورسات اللي عملتها مكتبة البحر الأعظم والجامعة الأمريكية نفس التعاون اللي تعاونته مكتبة مبارك مع الجامعة الأمريكية



وبجد ياريت كل الناس تحاول تجتهد في الكورسات على ماتقدر في الفترة الباقية في الجامعة عشان فيه ناس كتييييير جدا نادمانة على انها ضيعت الوقت اللي كانت فيه في الدراسة وما خدتش فيه كورسات تنفعها بعد التخرج


وربنا يكرمك انت كمان يا هشام ويكرم كل الناس

انا ممكن اسمع فيلم منغير ترجمه و افهم اغلبه
لكن مشكلتى ذى ما قلت الجرررامر

يعنى مشكلتى انى انا اللى اتكلم مش اسمع

و الكورسات المشكله انى فى الدراسه يا دوب بذاكر بالعافيه
و فى الاجازة ببقى مش هنااااااااااااااا
و كمان كورسات مكتبه مبارك فاكرة ان كان مواعيدها غبيه بيعملوها باين فى اخر شهر فى الاجازة بس حاجة ذى كدة
دة حسب اللى فاكراه لما جيت اخد كورس فى سنه اولى

ياااه المكتبه وحشتنى اوى ..دة انا كنت بروحهها كل يومين زمان

مش عارفه ايه علاقة الموضوع دة بالكورسات بس افتكرته هههه

على العموم لازم احاول الحق نفسى السنه دى فعلا ان شاء الله

انا كمان كنت عايزة يبقى معايا التويفل عشان نفسى اعمل ماجيستير ان شاء الله ودة من شروطها حسب اللى اعرفه

و الكمبيوتر انا قدمت فى ال اى سى دى ال اللى كان معمول فى الجامعه و هاخده فى شهر مارس ان شاء الله

ادعولى بقى

و خلونا دلوقتى فى التقدير

مبدأى ان الكورسات هتتعوض
اما الكلية و تقديرها مش هيتعوض تانى

يا رب يا كريم

ههههههههههههههههه

بالنسبة للتقدير بالنسبة لي فراح والحمد لله

بس كل اللي محتاجه جيد علي الكورسات اللي لمتها وبلمها

وكله خير ان شاء الله

اه صحيح

ده من ضمن الخطة الخمسية اللي شغالة الحمد لله

ليه قدامك لسه فرصه ان شاء الله
اللى فات قد اللى جاى ان شاء الله
يعنى ممكن تعوض كل حاجة
لو سنيتين مقبول عليهم سنتين جيد جدا مثلا ان شاء الله تبقى التقدير العام جيد و دة يعتبر تقدير كويس

ربنا معانا كلنا و نتخرج بتقديرات حلوة و السنسن الجايه كلنا نجيب امتياز

ادعوا بس و ربنا كريم

يا رب

بس كل ما افتكر دكتور الاكاونت

لما قال انا معجزة كلية تجارة القاهرة

ونفص في كل التيرمات 40 درجة بس

وانا في التيرم الاول بس نقصت 60 درجة

قولت انا كمان معجزة كلية تجارة

بس بالعكس

ههههههههههههههههههههههه

الغريبة ان مجموع كل سنة بيبقي تبيكال اللي قبلها

لما بجد من كتر حبي للصدف كرهتها

لا ان شاء الله الترمات الجايه متنقصش

انا نقصت الاربعين كلهم فى اولى برضه

فعلا الراجل دة معجزة ههههه

بس الله يسامحه هو او دكتور اسامه اللى نقصنى فيهم 10

يلا بقى

الحمد لله

ربنا يكرمهم و ميظلموش حد تانى و يوفقنا كلنا


سلااااااااااام علييييكم و رحمة الله و بركاته

ايه ده وانا كمان نقصت فى الاكونت 10 درجات

كده تبقى بصرة ههههههههه

هههه يا بصراتك يا دودو

ان شاء الله نبقى بصرة فى حاجات جامدة بعد كدة و نعمل المستحيل و نبقى بصرة 20 فى الاحصاء ان شاء الله يا حبيبتى

يه يعنى
امتحان د محمد وحيد ممكن يتحل فى 10 دقايق طبعا
مش كدة ههههههه ؟؟

انا كمان نقصت 10


هو تقريبا الورق ولع منهم ، فقالو المساواة في الظلم عدل


والحمد لله كلنا اتعدلنا ، بس علي القبلة تقريبا

يللا ربنا يسامحهم


وامتحان الاحصاء يتحل في 10 دقايق بالطبع

بعد قضاء 3/4 المدة في التيرم التاني

يا دوب الـ10 دقايق هتكون تخليص اجراءات بس


مش عارف ليه في امتحانات الرياضة عموما بفتكر فيلم خلي الدماغ صاحي والمشهد بتاع امتحان الثانوية العامة


المهم نركز في المذاكرة

والخطة الخمسية بتاعت الامتحان والمذاكرة ان شاء الله

ييييييي بطلوا كلام عن الافلام
نسيتها خلاص

مع ان خلى الدماغ صاحى دة شفته كتير

بس هى فعلا الرياضه عايزة دمااااااااااااااااااااغ


يا رب دماغنا تتظبط

سلاااااااام علييييكم و رحمة الله و بركاته

بالنسبه للرياضه هى مش عيزه الدماغ تتظبط هى عيزا محمد ويحد ميظبطناش

وبالنبه للانجليزى انا باخد كرسات من سنه اولى بصراحه اكتر حاجه استفدها واعلى حاجه بعيدا عن استفاده اللغه ان الكورسات كسرت الحاجز النفسى للانجليزى يعنى الواحد كان بيخاف من الانجليزى وبيحس انه صعب ومش هينفع فيه مهما حصل ولكن اللى حصل العكس الكورس عود الواحد عليه وحسسه انه حاجة سهلة خالص

والكوسات الانجليزى بصراحه مفيدة جدا على المستوى الشخصى او فى العمل والتوظيف

يا جماعة انتم بتخافوا ليه بس من الانجليزي؟؟


دي لغة ، يعني لازم تبرمج مخك علي انها اداة اتصال


محتاجة ممارسة مش فهم

وكمان الواحد بيتعامل باللغة وبيعبر بيها عن اللي جواه وعن نفسه ، مش هو اللي بيبقي محتاج يعبر عنها


لذلك الانجليزي لا هو صعب ولا هو محتاج مذاكرة

ولا انتم رأيكم ايه؟؟

فعلا يا اتش

مش محتاج مذاكرة جامدة

محتاج استماع وممارسة اكتر

بس الجرامر هو اللي عايز مذاكرة


وده اللي اتاكدت منه امبارح في أول حصة في الكورس


المس اللي كانت بتدينا امبارح خلتنا كلنا نتعرف على بعض بالانجليزي .. وبعدين كل واحد يقدم اللي اتعرف عليه

كلنا حسينا بعد الموضوع ده ان الانجليزي سهل جداااااااا

مش محتاج غير الممارسة وتطبيق اللي احنا اتعلمناه بس

فعلا كلامكوا صح و الممارسه للانجليزى هى اللى بتخلي عندنا طلاقه فيه

و حاجة حلوة اوى ان فى الكورس تخليكوا تتكلموا مع بعض

بس للاسف انا مشكلتى ف الموضوع ده الخجل

خجل و بالانجليزى بحس ان مفيش فايده ههههه

حتى مرة واحده شفتها هنا كانت مش عارفه بكستانيه تقريبا و بتكلمنى انجليزى
كنت فاهمه كلامها و عارفه ارد عليها بايه و خصوصا ان هى ذىى مش متمكنه اوى من الانجلش
لكن للاسف مكنتش عارفه ارد عليها خالص بسبب انى مكسوفه ارد عليها اساسا حتى بالعربى


ادعولى ربنا يرزقنى بالثقه فى النفس زيادة شويه و انا متهيالى الانجليزى هيبقى سهل خالثثث

سلام عليكم و رحمة الله و بركاته

مممممممممممممممممممم


ممكن نتكلم مع بعض بالانجليش هنا في الساحة المخصصة


وبرضه بالنسبة للثقة بالنفس

الحكاية كلها ارادة فيه ارادة فيها حل وبسهولة


وانا بقي من ضمن خطتي اني احسن قدرتي عالاتصال مع الاخرين