مالية عامة اخر مادة ان شاء الله هييييييييييه

السلام عليكم و رحمة الله و بركاته
اشيكوا يا ولاد
ايه اخباركوا بعد مرور 4 امتحااناااااااااااااااات

يلا عدوا و خلاص الحمد لله

و احنا عملنا اللى علينا و الباقى على الله سبحانه و تعالى

المهم دلوقتى

قدامنا 3 ايام و النهاردة كمان

عايزين نحاول نستحمل و نصبر

و لو لقينا حد بيلعب نخليه يروح يذاكر و نشجع بعض
عشان لازم نصبر ال3 ايام دول
عشان نذاكر المادة كويس ان شاء الله و ناخد الاجازة و احنا مبسوطين و مرتاحين ان شاء الله

و ادعولى ربنا يقوينى و اعرف اذاكر لحسن الواحد حالته اتدهورت من الامتحانات دى

ياه بجد الصورة دى معبرة جدا

ان شاء الله المادة الخامسة نخرج منها كدة
و فى الاجازة نعمل كدة :hhhhhhhhhhhh:



و يوم النتيجة برضه نكون كدة

يا رب
اكرمنا و وفقنا




سلاااااااااااام عليييكم و رحمة الله و بركاته

الحمد لله كما ينبغى لجلال وجهه و عظيم سلطانه

اللهم صلى و سلم و بارك على سيدنا محمد و على اله و صحبه و كل من تبعه

امين إن شاء الله

انا عامل كده قبل المذاكره و بعد الامتحان
اكيد هكون وده الطبيعى

لا ان شاء الله هتبقى كويس وتقدر تذاكر كويس وتحل كمان كويس
علشان تبقى الاجازة سعيدة عليك وكمان النتيجة ان شاء الله وعلينا كلنا باذن الله تعالى

يا رب نحل كويس فى اخر مادة دى

ههههههههههههههه
امين يارب
انا حاسه ان الكلام عليا ههههههههههه


طب بصي انا هلعب لغايت واحده لان النت لسه جاي امبارح

وبعدين هذاكر :326.147:
وانا كنت كده في امتحانات اللي فاتت
ده في تكاليف عشان اصدق اللي حصل
وده في تمويل عشان مش لحقت اكمل الموازنه الحمد الله

وده التامين بقي كان كويس الحمد الله
اما بقي



الاحصاء خرجت كده :hhhhhhhhhhhh:

ده حتي في اللجنه كنت كده

ولما قال حد عايز يخرج في نص الوقت :hhhhhhhhhhhh:



يلا الحمد الله علي كل شيء



يلا خير ان شاء الله وربنا معانا كلناااا ياااااااااااارب



وان شاء الله الماليه نخرج كده

يارب وانا الحمد لله بجهز للاجازه من امبارح
و خلاص هروح سفارى فى صحراء الفيوم و هتفرج على الماتش فى الصحراء
الماتش بتاع يوم 30 لكن يوم 22 هتفرج عليه فى البيت

:326.147: :326.147: :326.147: :326.147:

الحقونى يا جماعه بجد انا مش عارفه اتصرف ازاى فى الماده ديه فاضل يوم واحد بس وانا مش عارفه احفظ ولا سؤال بجد مش عارفه حاولت كتير مره امسك الرسومات مفيش فايده بطلخبط اقول امسك جزء عبدالله السؤال الواحد 3 صفحات :326.147: ومش عارفه اتصرف خالص كل اللى بعمله انى بعيط زى ده بالضبط:326.147:
حد يقولى اعمل ايه

ايه يامرمر ياجميل كل ده زعل
مفيش حاجه تستاهل دمعه واحده من عيونك الحلوين دول
ابدئى بس براحه وسمى الله وانتى ان شاء الله هتحفظى كويس
وراجعى عليهم اكتر من مره
ده شى طبيعى انك تحسى انك مش فاكره حاجه بس ان شاء الله هتحفظى وهتجاوبى
كويس يامرمر وبلاش العياط ده كله

انا عايزة اعرف الامتحان حيجى واحد ل ا ب ج
عشان عندنا فى أ فى 22 سؤال
و ب عندهم 16 سؤال بس

سؤال جامد جدا يا ايمان


انا لسه جايلي تليفون من مجموعة أ اتقالي فيه ان الامتحان واحد


بس انا مش عارف صح ولا غلط


وانتي يا مروة


شدي حيلك

افهمي

اعملي زيي


خديها فهم وركزي وشيلي من دمغك حكاية انك مش عارفة تحظفي

لأنك كده مهيأة لمخك الجو اللي هيساعده انه ما يحفظش فعلا

وبعدين المخ هيدي ده مبرر لنفسه انه ما يعملش كده


يللا كبري دماغك وشدي حيلك

وصدقيني احلي وقت للمذاكرة بيبقي قبل ما تنامي ليلة الامتحان

والمذاكرة قبل النوم عموما

بيبقي المخ مردد اخر كلام قاله

لدرجة انه ممكن يحلم بيه او لما تصحي تلاقي نفسك صاحية علي ترديده

وتلاقي نفسك طول اليوم ماشية تقولي الكلام ده

وربنا يكرمك

ويكرمنا

ايه يا هشام ليلة الامتحان ايه ؟؟؟؟؟؟؟؟
هو بكره الامتحان ولا ايه
بقولكم ايه انا مش عايزة رعب هى مش ناقصة

وبصى يا مروة احفظى العناوين الرئيسية فى النظرى بس وتحتها اكتبى اللى تفهميه باسلوبك
بس اهم حاجة العناوين الدكتور قال كده

يا بنتي انا بقولها تذاكر كه دلوقتي

وتركز ليلة الامتحان

ههههههههههههههههه


طيب الامتحان كان امبارح



يللا نشد حيلنا بقي علشان نكون حلينا كويس

ممكن اعرف منهج كل دكتور ايه و تقسيم الدرجات

جزء د\ ناهد
فى الكتاب
الباب الاول ( دور القطاع العام فى تحقيق الرفاهيه الاقتصادية )

فى التطبيقات
الاسئلة من 3 ل 11 (1 ، 2 ملغيين )

جزء د\ عبد الله
فى الكتاب
الباب الثالث ( الايرادات العامة )
الباب ارابع ( الموازنة العامة والسياسات المالية )
الباب التانى ( النفقات العامة )ملغى

فى التطبيقات
باقى الاسئلة لغاية الاخر
(12 ، 13 ، 14 ، 15 ، 16 ، 27 ، 28 ) ملغيين

وكل جزء فى الامتحان عليه 10 درجات ده المفروض
بس احتمل جزء د\ عبد الله يجى اكبر بس مش اكيد الله اعلم

تسلم ايدك يا مها

بجد الواحد بيتطمن


بس سؤال

مش الدكتورة قالت ان الواحد ممكن يرسم وبس؟؟

يعني مش لازم شرح الرسم

؟؟

يا ريت تفيدوني وتفيدوا كل اللي بيسألوا زيي

انا كنت سمعت الكلام ده منها اول محاضرة بس خايف لأكون مهيس ولا حاجة

وربنا يكرمنا

بس مادة بنت مادة

مش عارف الناس ديه بتجيب الكلام ده منين

انا حسيت انى حمار فى اى مادة كنت ذاكرتها قبل كده

ربنا يستر

الاخير ربه كريم

الامتحان بيكون نص صفحة

ويتحل فى 20 صفحة

حاجة تجنن

ربنا يكرم

ان شاء الله خير
محدش يقلق ان شاء الله هيبقى امتحان جميل وكلنا هنحل كويس
حتى انت يا هشام :lol:

وبالنسبة للرسومات
فالدكتورة قالت ان لو الرسمة صح والشرح غلط هتاخد الدرجة كاملة
لكن لو العكس يبقى مش هتاخد حاجة خالص

بس ماقالتش اننا منكتبش خالص
يعنى برضه المفروض انك لو فاهم الرسمة تقدر تشرحها حتى لو بسيط كده يعنى

انا بدأت اهوه ومسكت المحاضرات ولاقيتها جامدة


اصلي ابتداء من الصفحة 7 في الملزمة انا مش فاهم حاجة في الرسومات

وانا طبعا مش بحفظ

لكن كله فهم

فلازم افهم روحت مطلع المحاضرات وبتعرف عليه وفهمتها ولقيتها حلوة خالص وتخلص بالكتير في ساعتين دلع او اكتر شوية وبرضه مع الدلع

وان شاء الله اخلص دي وامسك الملزمة

وربنا يستر

جائنا البيان التالي الرسمه بتاعت الاحتتكار والمنافسه الغير كامله
رخمه جداجدااااااااااااااجداااااااااااا


مشعارفه حفظها خالص ربنا يستر وادعولي
ربنا يوفقنا في الماده دي

اه فعلا انا برضه مش فهماها ومش عارفة احفظها هى ورسمة كده فى السؤال 11

واخر 3 اسئلة فى التطبيقات رخمة جدا وقررت انى اعتبرهم ملغيين
ومش هحفظهم لان اصلا الدكتور مشرحهمش فى المحاضرات

يلا ربنا يستر ويسهل انشاء الله ونحل كويس بكرة كلنا ان شاء الله

ربنا يبشركم

انا تقريبا عملت زيك يا مها
اخر تلاته فعلا رخمين قوي هتعمد علي الرغي من عندي وربنا يستر

وباقي عل الامتحان الان تقريبا تسع ساعات ونص ولسه مش عارفه احفظ ربنا يستر
شكلها مش فيها نوم النهارده كده


خير ان شاء الله