حكايات الامتحانات ( الجزء التالت )

مش قادرة اكتب حاجة

سلام عليكم







(( كل واحد يدخل يقولنا عمل ايه فى الامتحان و يطمننا
و لو حصله اى مغامرات فيه او قبله يحكيهالنا ))

يلا ايام وبتعدى زى الحقنة الوحشة الا بتوجع برضوا.........
حسيب الله ونعم الوكيل...................
بس الحمد لله على كل شىء
وربنا يكرمنا جميعا بالنجاح والتفوق

لا عادى اصل فى تانيه نزلت موضوع بالاسم دة و الترم اللى فات برضه كان مغامرات و هذا بتاع الترم دة

بس كنت حاسه انى مش قادرة اكتب و حالتى صعبه فقلت مشكلة بقى الموضوع حتى يبقى ليه مشاركة نونو(يعنى صغيرة ) مرة فى حياتى المهم انتوا تدخلوا نتطمن على بعض عملنا اايه

انا الحمد لله عملت كويس

بس مش شاايفه قدامى تقريبا من التعب

الحمد لله

لما افوق كدة ان شاء الله ابقى ادخل المنتدى تانى

المهم عملتوا ايه

و معلش يابسبوسة انى ذهبت و لم اعد
اصل كشكولى افتكرت انى ناسياه و ملقتهوش (ادعولى الاقيه بكرة ) و لقتنى جنب المترو و كنت متدمرة ذى ما شفتينى فروحت بقى

ههههههههههه

مش فاهم طيب انا اكتب ايه دلوقت

حلو قوى الموضوع دا يا ندودا

انا انهرضا وكالعاده لانوا اول يوم فلامتحانات لازم يحصلى حاجه

والحمد لله نسيت المحفظه ومكنش معايا اى حاجه تثبت شخصيتى

وربنا يستر بقا ومنسهاش تانى

هههههههههههه يا حيني يا بينتي

انا نسيت كشكول السكاشن اللى فيه 4 مواد يعنى

يا رب يكون موجود بكرة

و الامتحان بقى

الحمد لله هو كان كالعادة طبععا طويل بس فى اطول منه يعنى
و ايدى خلاص كانت مش قادرة تكتب تعبت من كتر الكتابه
و ربنا يسهل و الدكتور يكون تصحيحه حلو و يفوت لو فى حاجة صغنتوته ناقصه

انتوا عملتوا ايه ؟؟

الامتحان كان كويس الحمد لله

الحمد لله بس في الأخر كروت وكان الخط وحششششششششششششششش خالص

ندى كتب:

لا عادى اصل فى تانيه نزلت موضوع بالاسم دة و الترم اللى فات برضه كان مغامرات و هذا بتاع الترم دة

بس كنت حاسه انى مش قادرة اكتب و حالتى صعبه فقلت مشكلة بقى الموضوع حتى يبقى ليه مشاركة نونو(يعنى صغيرة ) مرة فى حياتى المهم انتوا تدخلوا نتطمن على بعض عملنا اايه

انا الحمد لله عملت كويس

بس مش شاايفه قدامى تقريبا من التعب

الحمد لله

لما افوق كدة ان شاء الله ابقى ادخل المنتدى تانى

المهم عملتوا ايه

و معلش يابسبوسة انى ذهبت و لم اعد
اصل كشكولى افتكرت انى ناسياه و ملقتهوش (ادعولى الاقيه بكرة ) و لقتنى جنب المترو و كنت متدمرة ذى ما شفتينى فروحت بقى

ولايهمك يا قمر
وبعدين انشاء الله هتعودى.............
عودى يا بلية
وان شاء الله تلاقى الكشكول يا حبيبتى ماتقلقيش

يا رب
ادعيلى

و مبروك حل الامتحان كويس الحمد لله عقبال باقى الامتحان
و معلش طبيعى الخط يكون وحش مع هذه الامتحانات المطوله

انا برضه كروتله حتة عيوب اللامركزيه و المركزيه كتبتله انها كل واحدة بتاعت التانيه بس بالعكس و مقعدتش اشقلب بقى

يا ترى دى كروتة ؟؟
اصل الكتاب بحد ذاته كان مكتوب فيه كدة

انا خايفه اكون طولت فى حاجات برضه
و الشخابيط

جيت على المسأله الهايفه فى الموضوع و مش فاكراها

دماغى ركبت شمال انى لا يمكن هفتكر معدل دوران المخزون
و اعدت افتكر فى التمويل و معدل ترك العمل من الموارد البشريه و حاجات كتير و اجيب مفهوم معدل الدوران (كل دة فى دماغى )

و فى الاخر اعدت افتكر فى القانون بس كنت جالى شلل فى السؤال الللى المفروض انه عبيط

انا حسيت ان مراقبة المدرج بصالي علي طول خصوصا النص التاني من الامتحان


واول ما خلصت روحت باصصلها وقايم

يا دوب لميت الحاجة وسلمت الورقة

راحت قايلة كله يجمع الورق

مع اني كان فاضل بتاع 5 دقايق او اكتر شوية صغيرة


يللا الواحد مرهق جدا

ونيل الدنيا في الامتحان ده

بس ان شاء الله يعدي

ده بجد؟؟



يا نهااااااااااااااااااااار


انا من قبل ما تبتدي الامتحانات بكام يوم


ولقيت كروان عمال بصفر طول اليوم وخصوصا كل ما اقعد اذاكر


لما حسيت ان انا هنادي ، وان المذاكرة هي الوبا


هنادي راحت في الوبا

دعاء الكروان

شكرا ربنا يكرمك و يا رب يكون استفدتوا منه

و الرسمة انا كنت فاكراها الحمد لله بس مكنتش فاكرة محتوياتها اوى يعنى المخرجات بالذات مكنتش فاكراها كويس

و حلوة اوى حكاية دعاء الكروان دى ضحكتنى جامد ربنا يكرمك

و انا بقى حصلتلى حاجة خضتنى

انا قاعدة من ساعة مااستلمنا الورقه طبعا مشغوله فيها و كنت داخله متاخرة لانى بحب ادخل على الامتحان على طول
و فى اخر نص ساعه كدة البنت اللى قدامى قامت و مشيت و جت المراقبه اعدت بدلها

انا الحمد لله و لا عمرى بغش بس مبحبش حد يقعدلى كدة بس فجأة لقيتها بتقولى ايه دة ؟؟
و لقيت على الدسك مكتوب عليه كلام و فيه كلمة مخزون وحاجات كدة

قلتلها مش عارفه و الله مش تبعى يمكن من اللجنة اللى قبلى و اعدت احل فراحت سابتنى الحمد لله

بس كنت اتخضيت بجد

أمتحاناتي بعد 10 أيام

أكيد كتير بالنسبالي بس مفيد ليا

أدعولي جامد

أول أمتحان ليا عربي ( هو سهل على العموم )

الحمد لله

دة هى المذاكرة تنفع منغير دعاء

اقتباس :

أمتحاناتي بعد 10 أيام

أكيد كتير بالنسبالي بس مفيد ليا

أدعولي جامد

أول أمتحان ليا عربي ( هو سهل على العموم )

الحمد لله

ربنا معاك
ابدأ فيه من دلوقتى

هو سهل بس فيه فروع كتير فبيحتاج وقت

و ربنا معاك و تشرف كوميرس 2009 فى الثانويه العامة

إن شاء الله

واتمنى أني أجيب المجموع اللي نفسي فيه

يا رب تكوني ابليتم حسنا في الامتحان
احنا امتحانا برضه كان طويل و في سؤال واحد خد 4 صفحات
يعني حاجه عظيمه

و ارخم حاجه في الامتحان ان الدكتوره تقريبا دخلت تصحح حاجه غلط في الامتحان فالناس فرحت بقي قالوا يمكن حاجه تساعد
قامت قايله صححوا كلمه لخدمه خلوها الخدمه يعني كانت ناقصه ا
يعني كانت حاجه بيوتقول