محاضرات د- وائل قرطام (بحوث تسويق ) ..

السلام عليكم

ممكن اعرف الدكتور وائل خلص الاتنين اللي فات ولا هايخلص الخميس اللي جي
ومعروف تاني لو سمحتم
هو المعيد هايدخل تاني ولا لأ


جزاكم الله خيراااااااااااااااااااااااااااااااااا

منورانا يا نونة يا رب اشوفك معانا دايما

دكتور وائل جاى الخميس الساعه 8 ان شاء الله

و د محمد عمرو قال انه جاى برضه بس مش عارفة امتى لان د محمدى هياخدنا طول بقيت اليوم المفروض

ويا ريت تيجي الخميس يا قمر و اتعرف عليكي فى اخر يوم بقى ان شاء الله

ربنا يخليكي يا نودي
وانا كمان احب اتعرف عليكي وان شاء الله هاسأل عليكي اكييييييييييييييييد انت معروفه بالشغل الجامد دهاصلي للاسف ماكنتش بنزل المحاضرات كتير السنه دي
وربنا يجعله في ميزان حسناتك ويوفقنا في الايام الجميله اللي جايه

ربنا يخليكي يا نونا و هستناكى ان شاء الله

ندى كتب:

منورانا يا نونة يا رب اشوفك معانا دايما

دكتور وائل جاى الخميس الساعه 8 ان شاء الله

و د محمد عمرو قال انه جاى برضه بس مش عارفة امتى لان د محمدى هياخدنا طول بقيت اليوم المفروض

هو اللي أنا عرفته من واحد راح يوم الثلاثاء دكتور محمدي قال إنه هيدخلنا الساعة 1 الضهر تقريبا
وطبعاً دكتور وائل هيدخل الساعة 8 ويخلص 10 إن شاء الله
يعني غالباً كدة هيكون سكشن دكتور محمد عمرو من 10 مش عارف لحد 1 ولا إيه بقى؟
والله أعلم
يعني يوم جَمَلي برضه
ربنا يسهل إن شاء الله

اهلا بيكي يا رورا

محمد عمرو شرح مسألة عملى لوحده ..دكتور وائل سابهاله

و شرح تانى التحويل من صياغه ادارية لبحثية و مش فاكرة ايه تانى

دكتور وائل كمل المنهج ..


حاسة انى هتضرب على الاجابة اللى ملهاش لازمة دى

معلش بجدد يوم الخميس كنت تعبانة و مش مركزة و وصلت متاخرة

فيا ريت لو حد غيري يرد يا جماعه

معلش اسفة اوووووووى يا رانيا

يا جماعة ايه الاربع مسائل اللي الدكتور قال عليهم وارقامهم ايه في (التطبيقات \الكتاب)
جزاكم الله خيرا

بصى

دكتور وائل اخر حاجة وقف عندها الايجابيات و السلبيات الشائعه فى قوايم الاستقصاء

و قال الامتحان :

5 او 6 اسئلة عليهم 18 درجة و درجتين هدية بشرط وجود حل

الاسئلة :
1- تحويل صياغه ادارية لبحثية
2- سؤال من عن اجراء تجربة فى بحوث التسويق على مجموعه واحدة او مجموعتين

3- سؤال على العينات ..حدوتة و نحدد منها :

حجم العينة المناسب
العينة احتمالية و لا لا
و لو احتمالية انهى نوع فيهم و لو لا انهى نوع فيهم

4- مسألة على تحليل الانحدار ( شرحهها محمد عمرو )

-----------------------

و متقلقيش يا جميل انتى لو ذاكرتى بس ال35 صفحة بتوع التطبيقات ( بس طبع اهما محتاجين فهم المادة قبلها لانهم حالات عملية )

هتقدرى تحلى حوالى 80% من الامتحان بييجى منهم بالنص تقريبا

معلش رديت مع حضرتك ..بس الحمد لله كانت الاجابة للسؤال اللى حضرتك محتاجه

يا رب اكون افادتك ان شاء الله و هما دول كلهم فى التطبيقات و سؤال الانحدار فى الكتاب فى الفصل السابع

جزاكي الله خيرا

انتى جوبتى عليا لما كتبتى تفصيل الاسئلة الى هتيجى فى الامتحان بس لو ممكن تقوليلى بقيت الدكاترة قالوا اية عن الامتحانات وجزاكى الله كل خير وانا اسفة انى بتعبك كدة معايا وربنا يوفقنا جميعا ان شاء الله فى الامتحانات

و لا يهمك ي قمر

د - هشام ..هيجيب امتحان على نفس نمط (مش زى ) امتحانه بتاع 2006 ان شاء الله ..بس طبعا احنا منهجنا فيه كتاب زيادة

و هما برضه كانوا واخدين كتاب زيادة علشان كدة الدكتور كان حاططلهم اختيارى لكن احنا مش هيبقى فى اختيارى غالبا

--------------------

د- امل ..امتحان من المحاضرات + الابحاث نذكر منها امثلة بعد كل سؤال

يعني السؤال هييجي نصه يتجاوب من المحاضرة على نص تانى نحله بمثال من الابحاث

-------------------------------

بقيت الدكاترة امتحاناتهم واحدة و مش بتتغير .زى السنين اللى فاتت يعني

ان شاء الله

و ربنا يوفقنا جمييييييييعاااااااااااااااااااا

بصى هو اخر حاجة مساله الانحدار و دى فى الفصل السابع بس مش عارفة احنا واخدينه كله و لا لا

لسه مقارنتش لكتاب و المحاضة فى الجزئية دى

و ادعيييييلى جامد يا جوجو لحسن مرعوبة

ربنا يكرمك علي كلامك اللي يفرح ده والله


الحمد لله


يا رب باقي الناس تدخل وتشوف علشان تفرح