شكل السؤال فى الامتحان (على ما اعتقد ) :-
- وضح بالرسم فقط دورة تحميل تكلفة المواد المستخدمة من الصنف ( ..... ) بحيث تنتهى الى تحديد تكلفة المواد المباشرة المستخدمة فى كل امر تشغيل وتكلفة المواد غير المباشرة بتباع طريقة ( .... ) لتسعير الكميات المنصرفة من المخازن .
- او تصوير حساب الصنف (...) فى دفتر استاذ المخزون باتباع طريقة (...) وتصوير ملخص تكاليف المواد المباشرة لامر التشغيل (...) .
الحل تقريبا للسؤالين بيبقى واحد
ازاى ترسم او تحل ؟ :-
الرسومات اللى حطاها ندى مش مترتبين
اول رسمة دى النصف الشمال من الوجه الاول
والرسمة التانية دى النصف اليمين من الوجه التانى
والتالتة دى النصف الشمال من الوجه التانى
والرابعة دى النصف اليمين من الوجه الاول
يعنى الرسمتين اللى فى الاول والاخر دول مع بعض ( طريقة ما يرد اولا يصرف اولا )
والرسمتين الللى فى النص دول مع بعض ( طريقة ما يرد اخيرا يصرف اولا )
الفرق بين الطريقتين :-
الطريقة الاولى ( ما يرد اولا يصرف اولا )
فى حالة صرف الوحدات بيتم الصرف من الوحدات الموجودة الاول فى المخرن ( المتسجلة الاول فى الرصيد )
الطريقة التانية ( ما يرد اخيرا يصرف اولا )
فى حالة صرف الوحدات بيتم الصرف من الوحدات الموجودة فى الاخر فى المخزن ( المتسجلة اخر حاجة فى الرصيد )
الرسمة فى الطريقتين بتكون واحدة
اول حاجة
هترسم جدول اسمه ح/ الصنف رقم (...) بدفتر استاذ المخزون ( باتباع طريق ..... )
وهتقسمه ل (5) خانات
1- التاريخ ( هتكتب فيه تاريخ العملية )
2- البيان ( هتكتب فيه بيان العملية )
3- الوارد
وبيتقسم ل :-
كمية ( بتحط عدد الوحدات اللى فى العملية )
سعر الوحدة ( بيدهولك فى المسألة )
التكلفة ( عدد الوحدات مضروبة فى سعر الوحدة )
لو فى تكلفة نقل بضيفها على تكاليف الوحدات الا لو هو ذكر فى المسألة عكس ده
4- المنصرف ( بيتقسم بنفس الطريقة اللى فاتت )
5- الرصيد ( بيتقسم برضه )
هتسجل العمليات واحدة واحدة
- اى وحدات بيتم استلامها او ارتجاعها بسجلها فى الوارد وبتزود الرصيد
- واى وحدات بيتم صرفها بسجلها فى المنصرف وبتنقص الرصيد ( متنساش تركز فى الطريقة المستخدمة )
- اى طلبيات او اتفاقيات او تحويلات لا تسجل ( بس بحط تاريخها وبيانها فقط )
- العجز ممكن يكون ( مسموح به \ غير مسموح به ) وبيتسجل كله ده وده
- العجز فى الرصيد لو بالزيادة بيتسجل فى الوارد
- لو بالنقص بيتسجل فى المنصرف ( وده لى بيجى اكتر فى الاسئلة )
تانى حاجة
هتحلل اذون الصرف والتحويل ومحاضر الجرد الى :-
1- اذون صرف وارتجاع وتحويل مواد مباشرة :-
هترسم فيها جدول اسمه ملخص تكاليف مواد مباشرة فى امر النتاج رقم (...)
هتقسمه ل (4) خانات
1- التاريخ
2- البيان
3- مواد منصرفة او محولة للامر ( هتكتب المواد اللى اتصرفت او اتحولت للامر ده بس )
وبيتقسم ( كمية \ تكلفة )
4- مواد مرتجعة او محولة من الامر (هتكتب المواد اللى ارتجعت او اتحولت من الامر ده )
وبيتقسم برضه زى اللى فات
وبعد كده هتجمع المواد المرتجعة وتطرحها من المنصرفة علشان تتطلع ( تكلفة المواد المستخدمة للامر )
وبعد كده هتاخد تكلفة المواد المستخدمة للامر وتسجلها فى قائمة التكاليف الصناعية لامر الانتاج رقم (...)
هتسجلها تحت بند تكاليف مواد مباشرة
وهتعمل نفس القصة اللى فاتت لكل امر انتاج عندك فى المسألة
2- محاضر الجرد :-
هترسم فيها جدول اسمه قائمة جرد بتاريخ ..... ( هتحط التاريخ اللى تمت فيه عملية الجرد )
هتقسمه ل(9) خانات
1- رقم بطاقة الجرد
2- بيان الصنف ( بتكتب فيه رقم الصنف اللى فى المسألة )
3- رقم الصنف
4- الوحدة
5- سعر الوحدة ( سعر وحدات العجز )
6- كمية رصيد فعلى ( الكمية اللى تواجدت فعلا عند الجرد )
7- كمية رصيد دفترى ( اخر كمية كانت مكتوبة فى الرصيد قبل عملية الجرد )
8- الفرق بالزيادة
بيتقسم ل:-
كمية ( عدد وحدات العجز )
قيمة ( تكلفة وحدات العجز)
9- الفرق بالنقص ( بيتقسم برضه بنفس الطريقة )
* لما بسجل العجز بسجل الكمية كلها (المسموح به \ غير المسموح به )
والعجز غير المسموح به بعتبره خسارة وارحله ل ح / الارباح والخسائر
3- اذون صرف وارتجاع وتحويل مواد غير مباشرة :-
هترسم فيها جدول اسمه سجل تحميل تكاليف المواد غير المابشرة على مراكز التكاليف
هتقسمه ل(7) خانات
1- تاريخ
2- بيان
3- مراكز الانتاج ( هتسجل فيها العجز المسموح به بس )
4- مراكز خدمات فنية ( هتسجل فيه الوحدات اللى صرفت لمركز الصيانة )
5- مراكز خدمات تسويقية
6- مراكز ادارية وتمويلية
7- مراكز راسمالية 
ان شاء الله خير 
