حكايات الامتحانات

ايه ده

النت يفصل كام يوم ارجع الاقى كل دة

بالنسبه لامتحان الادارة

مش عارفه

هو انا مش راضيه اوى عن اللى حليته

حاسه انى الفت شويه بالذات خايفه اوى من سؤال التميز

لانى عملت عبط جامد

ربنا يستر

بس اللى مخلينى مش قلقانه انى بجد تعبت فى المادة دى اوى

ربنا يستر

و خايفه من القانون عشان طووووووووووووووووله

ادعولى اخلصه
لانى تهورت و بذاكر من الكتاب


ادعولى جامد


و ربنا يوفقنا جميعا

ربنا معاكي يا نيدووووو


وعقبال ما اذاكربقي عشان انا كده بلعب في الوقت اللي ضاع من زمان
يلا ربنا يستر

نيدو

شايفانى كوباية لبن و لا ايه يا بنتى ههههههه

ادعوللللللى


و محدش يعرف الفرق بين السندات و حصص التاسيس ايه

الفرق بين السندات وحصص التأسيس

اولا : بالنسبه للسندات:
*لا تعطى الحق لصاحبها ان يتدخل فى شئون الادارة
*له الحق فى فوائد سنويه حتى ولو حققت الشركه خسائر
*له الحق فى استرداد قيمه السند كامل فى نهايه مده القرض
*لا يشترك صاحب السند فى فائض التصفيه.

ثانيا بالنسبه لحصص التأسيس:
*لاتعطى لأصحابها الحق فى الاشتراك فى ادارة الشركه
*تعطى الحق لصحابها فى الحصول على نسبه من ارباح الشركه
*ليس لحصه التأسيس اى قيمه اسميه
*لا تدخل فى تكوين رأس مال لانها لا تقابل تقديم حصه عينيه او نقديه للشركه
*لا يشترك فى اقتسام فائض التصفيه
*لا تتوفر لدى صاحب الحصه نيه المشاركه.


وكل منهما يقبل التداول بالطرق التجاريه ( التظهير والمناوله والقيد)


بالتوفيق ان شاء الله للجميع

ميرسى اوى اوى اوى يا ديدو ربنا يكرمك و يجازيكى كل خير و تجيبى امتياز و احنا كمان

بجد مش عارفه اشكرك اذاى


سلاااااااااااااااام علييييييييكم و رحمة الله و بركاته

ادعولى

اخيرا و بعد طول كتاب (ذى طول غياب كدة )
خلصنا من القانون اللى تعبنى و جابلى جنون

بجد كان مادة طويله اوى بس الامتحان كان قصير اوى

كنت مصرة ااعد الساعتين لولا ان كان المراقب كان قرب يدعى عليا خلاص فققررت اخرج قبل المعاد بحوالى 10 دقايق

حليت الاول السؤال التانى و التالت بعدين لما لقيت فى وقت بعد ما راجعت عشر مرات حليت السؤال الاول

بس الحمد لله الامتحان كان سهل و كويس الحمد لله
هو بس مكنتش فاكرة شروط الامتياز ايه كلها
بس الفت شويه ربنا يستر و يطلع صح

بس الحمد لله بجد فرحانه اوى انى خلصت من القانون و الرياضه و الادارة

عقبال باقى المواد ما تعدى على خير باذن الله

و ادعولى

سلااااااااااااااااااام علييييييكم و رحمة الله و بركاته

هو مفيش حد امتحن غيرى النهاردة و لا ايه ؟؟
بس انتوا هتذاكروا سيلز بس و لا معاها محاسبه

سلام عليكم و رحمة الله و بركاته

سلام عليكم و رحمة الله و بركاته

الامتحان كان مستواه حلو بالذات الاول والتاني الحمد الله

الحمد لله الامتحان كان سهل

لكن الؤال بتاع المصادر دا بلا تعليق

السلام عليكم ورحمه الله وبركاته:
ازيكو جميعا الامتحان كان ميه ميه والله انا بموت فى الدكتور ده ربنا يطولنا فى عمرة ويكرمه يا رب ويطعمه ما يحرمه وما يسرق له شبشب من على باب جامع ابدا

انا عن نفسى ها ذاكر الاول سيلز واتأكد منه قوى وبعد كده الايام التانيه همسك المحاسبه واخر يوم خالص ها راجع على الماده تانى ان شاء الله ربنا معانا كلنا يا جماعها

يلا القانون عد خلاص وعقبال الباقى ربنا يوفقنا جميعا لا تنسونى فى الدعاء

الحمد لله

بس ديدو هو انتى متهيالك ان فاضل كام يوم عالامتحان

دة هما كلهم 4

بصراحه انا هديها سيلز لانى بحب ادى كل حاجة حقها

و انا برضه كنت بحب دكتور على قاسم اوى مع ان ناس كتير مبتحبوش
بس انا بحب اى دكتور بيشرح بذمه و ضمير و احس انه طيب

و بحب كل الدكاترة عموما

و ربنا يوفقنا كلنا

سلاااااااااام علييييييييييكم و رحمة الله و بركاته

يا ندى انتى بسم الله ماشاء الله قلتى قبل كده انك مخلصا الجزء بتاع المحاسبه

لكن يا بنتى فى ناس بسم الله ما شاء الله عليها زى كده طبعا معرفش اى حاجه فى النظرى بس الحمد لله تمام فى العملى فلازم افتح طبعا النظرى الايام ده عشان ما فيش وقت يكفى المحاسبه كلها دول جزئين


اما دلوقتى فأعتقد انى مش ها خلص السيلز ابدا
لانه منهج جديد خالص
دى كل الى كان قايل عليه ملغى موجود فى التطبيقات وقايل عليه مهم

عمتا ربنا يستر وشدو حيلكو جميعا ولا يأس مع السيلز ولا سيلز مع اليأس

ايه اخبار السيلس


انا مش عرفه حاسه انها سهله وصعبه في نفس الوقت

وعماله ادلع ادعولي انتو بس

السلام عليكم و رحمة الله و بركاته

انا متنرفزة اوى من امتحان النهاردة

انا و الله ذاكرت المنهج كله

لكن للاسف فى الاخر ركزت على اللى الدكتور قال عليه بس

فطبعا الباقى بقى شبه منسى

و فى االاخر يجيبه

لا بجد انا متضايقه من الدكتور

لو مكنش قالنا حاجة كان زماننا زاكرنا المنهج كله و خلصنا

لكن كدة هو لخبطنا

لا و كل حاجة يقول السؤال دة جه خلاص فى الامتحاون و ادور عليه فى الورقه مش موجود

و حاجات يقولنا للتخلفات و الاقيها فى وشى

مبكرهش حاجة قد ان حد يضحك عليا
كل اللى غايظنى انه ضحك علينا و خلانا نركز على حاجات معينه

بس يلا ربنا يسامحه دكتورنا و بنحبه برضه

و عالعموم انا يعنى حليت كويس

بس كان نفسى فى احسن من كدة

بس الحمد لله و الشكر لله

و ربنا يسهل فى المحاسبه بقى

و متهيالى نبدا بجزء د احمد احسن عشان صغير و كمان عشان هو اللى المفروض الجزء الاو ل اساسا

و ربنا معانا كلنا


سلااااام علييييييييييييكم و رحمة الله و بركاته

السلام عليكم ورحمة الله وبركاته
انا كمان متضايق من اللى عملو الدكتور فينا
واكتر حاجة منرفزانى انى كنت عامل حسابى على انى اجيب من 18 ال 20 فى المادة ده وفى سؤال الدكتور حلف بالطلاق انى هو هايجيبه ومجابوش ياترى هايفتكر الحلفان ده؟؟؟بس الحمدلله على كل شيء طبعا
والمفروض الواحد يشيل السيلز من دماغه علشان يركز فى المحاسبة ويعوض فيها
الحمد لله
السلام عليكم ورحمة الله وبركاته

السلام عليكم ورحمة الله وباركته الحمد لله والا بيقتنع من جواة ان ربنا هديلة حقة عمرة ما هيزعل يلا عدت خيرة فى غيرها

لا تعليق

عندك حق يا ياسمينا هو فعلا لا تعليق بجد انا مش عارفة اقول اية علي الامتحان
الخيرة فيما اختراة الله
والحمد لله علي كل شيء

الحمد لله
ان شاء الله خير

و ان شاء الله يكون المحاسبه مسك الختام ان شاء الله


عايزين لو اى حد عنده سؤال فى المحاسبه يبقى يكتبه هنا يمكن نفيد بعض

ان شاء الله

و جزاكم الله كل خير



يا رب اكرمنا كلنا يا رب و نجيب اعلى درجات

السلام عليكم ورحمه الله وبركاته:

بالنسبه لامتحان السيلز ده انا مش هدعى على الدكتور عشان يا حرام هو زمانه خلاص مات اصلا من الدعا عليه من بقيت المدرج فحرام ادعى عليه انا كمان والله هيصعب عليا
بس افتكرت جمله عمرى ما هنساها ابدا قالها المعيد بتاع التسويق قال ( الدكتور الطيب والهادى خاف منه والدكتور الشرير ابو صوت عالى اطمن له )
لكن افتكرت ان ممكن القاعده يبقى ليها شواذ بس للاسف يلااااااااااا حصل خير والحمد لله على كل شئ اولا واخرا

قلبك طيب يا ديدو
وانا اصلا الامتحان ده دخلتوا وانا متأخره ربع ساعه ولقيت النور قاطع فى العيوطى فاليوم كان باين من اوله وكمان وانا بحل كانت اجاباتى متكرره فى اسئله كتير لدرجه انى لما كنت انساها كنت بدور على اللى كتبته قبل كده وانقله ده طبعا غير اللى انا سبته والحمد لله على كل شىء.
وانا هاعمل ذى بسبوسه (حسبى الله ونعمه الوكيل فى الراجل صاحب العماره )

اخيييييييييييييييييييييييييييييييييييييييييرا خلصت الامتحانات
خلصت المحاسبه و السيلز و القانون و الادارة و الرياضيات
خلصت سنه تانيه اللى حصل فيها حاجات و حاجات
خلاص هتترحل لصندوق الذكريات
خلاص هنلعب و ننام منغير لا سكاشن و لا محاضرات
خلاص مفيش لا هم و لا مسؤوليات
بس لازم بقى نستغل الايام و الساعات
و نعمل اللى يرضى ربنا من طاعه و عبادات
و نعمل خير و ونزور قرايب و نساعد مساعدات
و نتدرب شويه عالشغل و ناخدلنا شوية كورسات
و عليهم شوية نت و مسلسلات
بس المهم فى كل دة اخلاص النيه لله فى كل لحظه من اللحظات









معلش كان نازل عليا السجع (مش دة سجع برضه ؟؟؟)
المهم الامتحان كان حلو بس لخبطت حاجة بسيطة
الحمد لله
بس يعتبر كويس لانى كنت مقصرة شويه فى مذاكرة قبل الامتحان
بس الحمد لله عدا على خير

و عقبال ما تكون النتيجه حلوة لينا كلنا

امين يا رب

سلااااااااااااااااام علييييييييييييكم و رحمة الله و بركاته

السلام عليكم : كل سنة وانتم طيبين ودائما كويسين وبالاجازة مبسوطين والامتحان بصراحة كان كويس والحمد لله وارمى وراء ظهرك وعيش وابداء الاجازة

و انتى طيبه يا بسبوسه