مغامرااااااااات مع الامتحانات

يااااااااااااااااااااه


اوكش دي جايبها من زمان


ان شاء الله هأنزلكم ورقة بالمصطلحات الياسوهية


خدوا دول عالماشي


توشيبا - كريازي - باركيه


ان شاء الله هأبقي اتحدث باللغة الياسوهية بعد اتمامها


----------------

وربنا يكرمك يا ندي ويا مها

وانا في الا نتظار

وعقبال ما تظبطوا الامور هأكون خلصت الملزمة

بس بجد المادة هايفة اوي

والملزمة مخوفاني لأنها جايباها صغيرة جدا

بس المادة لم قعدت اذاكرها

لقيت نفسي بحفظ بسرعة عناوينها

والكلام اللي في شرحها سهل انه يتألف ويترغي فيه

بس المشكلة ان المنهج طالع صغير جدا في الملزمة

وده اللي قالقني

وربنا معاكم ومعانا كلنا

وربنا يستر

اناعارفه توشيبا و كريازى

لكن ايه باركيه دى شيوعى ههههه

انا النهاردة لقيت حاجة غريبه اوى

مش غريبه خالص و لا حاجة
بس معرفش ليه خلتنى انشكحت الحمد لله

ابن عمى فى اولى تجارة
كان بيتكلم انه مش فاهم حاجة فى التسويات الجرديه و لا اساسا كان يعرف اسمها ايه
فانا افتكرت انى كنت ملخصه كل اللى بنعمله فيها فى ورقه واحده
جيت اشوفها عشان انقلهاله (مش هديهاله طبعا دى ذكريات )
تخيلوا لقيت ايه فيها































ها تخيلتوا

























لا لا












هقولكوا و خلاص ههههه

حاجة ملهاش اى لازمة بس كل اللى ضحكنى انى لقتها مكتوبه بتاريخ النهاردة بس من سنتين



شفتوا الحاجة الفظيعه اللى لقتها

اكتشاف خطير


انا حاسه انكوا هتطردونى من المنتدى دة قريب هههه



و برضه من الحاجات اللى ضحكتنى

انى كنت بذاكر احصاء اول امبارح فكنت بكتب البيانات غير المبوبه

و بعد مكتبت البيانات غير .. نمت
المهمو انا نايمة حلمت حلم صغنن كدة كنت بقول فيه على حاجة انها حلوة و لا وحشه

روحت فوقت قلت اكمل كتابه لقتنى كتبت البيانات غير الحلوة هههه

اى عبط و خلاص


كان معكم
واحده ربنا يهديها و ترجع تعقل تانى



سلااااااااااام عليكم و رحمة الله و بركاته

هههههههههههههههههههههههه


انا بقي ربنا يلطف بيا

علشان انا مقبل علي ايام ما اظنش انها حلوة خالص

بجد ربنا يستر وافضل متماسك

لا هتبقى حلوة ان شاء الله

ادعى و احنا هندعيلك و هتبقى احلى ايام ان شاء الله

ما شاء الله واحدة مهيسة والتانى مكتئب
يا شماتة طنط ظاظا فيا

على العموم يا نودى اللسعان ده خير ان شاء الله
المهم يكون بفايدة وتكونى مبسوطة

بس انت بجد يا هشام اللى لازم تشوفلك صرفة فى نفسك
بجد كده ما ينفعش خالص
انا متهيألى انت محتاجة تروح للضمان ينزلولك سوفت جديد
واحد كده يكون روش وسعيد
يا اما مفيش غيرى انا بقى اللى هفرحك وانت عارف كل حجاتتى تفرح

ههههههه

انا تقريبا اتنقلى الاكتئاب بتاع ياسو


او يمكن قلة لنوم برضه

حاسه انى جبت جاز ههههههه ايه الكلام اللى انا بقوله دة

ما علينا ما علينا


الواحد لازم يعمل حظر تجول فى المنتدى شوية لنفسه

لحسن بعد كدة مش عارفه التهييس هيوصل لايه
ربنا يستر

بس انا لما بكتئب ممكن اضحك برضه
كنا لسه بنتناقش فى الموضوع دة انا و البت ياسمين بعد ما سبناكى يوم امتحان التيكوتوكتوك

يلا

سلاااااام عليييكم و رحمة الله و بركاته

ادعولى يا نااااااااس

بندعيلك بس شكله جايب نتيجة عكسية

ربنا معاكى يا رب
ويطمن قلبك ويهديكى للى فيه الخير ليكى
وكل دفعتنا والمسلمين اجمعين

هههههههههههههه

حلوة دي يا مها

انا متهيألى انت محتاجة تروح للضمان ينزلولك سوفت جديد

بجد جامدة

انت محتاجة

ههههههههههههههههه

بتفكرني بعوكل

خشي ، هو انا لابسة جيبة

ههههههههههههههههههه

يللا ما علينا

والله يا جماعة انا مش عارف انا فين

فين التفاؤل بتاع زمان

انا بتكلم دايما بمنتهي الاكتئاب دلوقتي

بس انا طول الوقت بضحك

اي حد يبص عليا في اي الوقت يلاقيني مهيس

بس مكتئب لما ببقي لوحدي و دلوقتي يمكن مكتئب علي طول

واجي اذاكر

الاقي ما فيش فايدة

بس بلاقي نفسي الحمد لله حفظت

بس ببقي ما ذاكرتش غير نص ساعة بس

وده اللي بيقللقني

ازاي نص ساعة وازاي ذاكرت

ده غير ظروف غريبة

ومع ذلك انا علي طول بضحك

ومش مكتئب زي ما انتم فاكرين

بس هي فترة كده

والامور هتبقي كويسة ان شاء الله

انا مش عارف اللي بيحصل دلوقتي ده من ايه؟

يا تري سوء حظ ولا غباء من الاخرين؟؟؟ ( ههههههههههههههه فيلم غبي منه فيه )


يا اما مفيش غيرى انا بقى اللى هفرحك وانت عارف كل حجاتتى تفرح

ربنا يستر من الحاجات دي ههههههههههههههه

انا كفاية عليا اللي فيا

ههههههههههههههه

ربنا يكرمك يا مها وتبسطي كل الناس دايما

وربنا يخليكي يا ندي ويوفقك وتهيسي علي طول ، سوء وانتي فرحانة ولا متضايقة

انا عن نفسي شايف ان اعظم حاجة دلوقتي في الايام دي

هي التهييس


يللا دعوة عامة للتهيس

التهييس للجميع

تحت رعاية السيدة الفاضلة .................

ههههههههههههههههههه

:hhhhhhhhhhhh:


جامدة حكاية يأسو دي


هههههههههههههههههه

يا بنتي انا متفائل والله

عادي ان شاء الله

علي فكرة

فيه مسلسل اسمه حالة حرجة او حالات حرجة

المهم بيجي علي اوه تي في

جامد مووووووووووووووووووووووووووووووووت

لسه خلصان حالا

ابقوا اتفرجوا عليه

بيجي علي الساعة 2 تقريبا

يللا

انا متفائل اهوه ، اعملكم ايه علشان تصدوقوا اني متفائل

على فكرة مسلسل حالات حرجة ده مش كوميدى خالص وميدلش على تفائل خالص

وبعدين انت بدل ما تقول للناس اسهروا ذاكروا بتقولهم اسهروا اتفرجوا على المسلسل العربى
يا فرحتى

خلاص مصدقينك هههه

بس انا مبحبش التهييس
انا لازم ابقى رخمة
و دمى تقيل
و الناس بتخاف منى

عو

هههه

ادعولى بقى

سلاااااااام علييكم و رحمة الله و بركاته

عليا الطلاق بندعيلك

ههههههههههههههه

وبعدين بالعكس يا مها

المسلسل فيها كوميديا راقية وجامدة جدا جدا

انا مت من الضحك


وبعدين انا ما بنصحش حد انه يذاكر

لأن اللي بياكل علي ضرسه بينفع نفسه

لكن انا اللي بعمله اني بأغير مود اللي مش عارف يذاكر واخليه يذاكر

وده الحمد لله اكتر حاجة بحبها فيا وقت الامتحانات

وعلي فكرة

علشان انا اتفرجت علي المسلسل

قريت حوالي 20 صفحة في الكتاب

واتبسطت جدا

وان شاء الله مش هنام النهاردة الا لما اكون قريت قدهم واكتر كمان

غير اني خلصت النظري تقريبا في الملزمة ما عدا المقارنات

وعلي فكرة بسبب اني ضحكت كمان

الكتاب عجبني

وقريت ، رغم اني عندي صداع ولما بقرأ بأنام علي نفسي


علاوة علي اني تفائلت جدا للامتحان

وعايز اقول حاجة

انا دايما بنصح الناس تتفرج علي اي شئ كوميدي اوي او حزن اوي ساعة الامتحانات

بحيث ان الحاجات دي تحرك المشاعر وتــدي للانسان دافع انه يعمل اللي الواحد عايزه


يعني مثلا

انا نفسي كل الناس تتفرج علي فيلم حليم

قمة الحزن والبكاء

بس في الاخر بتخرجي منه مبسوطة جدا وعندك دافع وتقولي انا لازم هأوصل لهدفي

واحقق حلمي

ده انا قليلة جدا بالنسبة لناس تانية كتير عندهم دافع وارادة قوية




صح ولا انا غلطان ؟؟


يللا بقي

انا حبيت الكتاب جدا

وندمان اني ما قريتهوش من اول السنة

يا ريت يبقي فيه وقت اقعد اقرأه حتي ولو في الاجازة

اسلوبه عاجبني جدا في الجزء اللي قريته

يلل الحمد لله

على العموم انا متفرجتش على المسلسل
انت ادرى

وكويس انك حبيت الكتاب يلا شد حيلك
عقبال ما تحب باقى المواد كده بورقها ومحاضراتها

هههههههههههه

حلوة حكاية بورقها ومحاضراتها دي


ههههههههههههههههه

كويس اوى
الحمد لله

ايوة كدة التجاريين اهما حيوية و عزم و همه

بس المسلسل دة بتاع مين
متهيالى متفرجتش على التلفزيون من ايام ما كنت فى السعوديه

اصل النت طول ما هو موجود انا معرفش اى اختراع تانى

المسلسل بتاع يوسف فوزي حبيب قلبي وعمرو واكد ومحمود عبد الغني وعزت ابو عوف واحمد راتب اللي دوره تحفة وبشري وراندا البحيري وممثل اما سوري او لبناني بس جامد وكمان ممثلين جامدين جدا تانين بس مش حافظ اساميهم


والمسلسل بتدور احداثه في مستشفي تتقي الحالات وتعالج المرضي وبيحصل في نفس الوقت حاجات وحالا اجتماعية وانسانية جامدة

بالاضافة للكوميديا الجامدة الموقفية الراقية


بجد مسلسل شديد

وفكرته اشد

شبه المسلسلات الاجنبية كده


المهم خلينا في العزم والقوة يا كومارسوية

ااااااه لحظات حرجة
لا ما انا عارفاه كنت بتفرج عليه
ده كان السنه اللى فاتت بييجى على دبى اتنين و تلات

اه لذيذ فعلا
و اخويا بيقولى انه تقليد لمسلسل اجنبى بس نسيت اسمه
اصلى مسمعتش اجنبى من زماااااااان

انا فعلا كان عندى زهايمر الفترة اللى فاتت
بالذات فى الجزء بتاع الذاكرة الفنيه
حتى اسالوا مها هههههه

المهم النهاردة الامتحان
كان مش لطيف اوى
بس يعنى
الحمد لله
يعتبر كويس

يا رب يكون خير و يكون صح

و ربنا معانا فى بقيت الامتحانات

و شدوا حيلكوا مع حصحص
انا كنت بقول عليها صاصا
بس اما قلت لاخويا كدة راح قالى لا الاحصاء حصحص

قلت هو برضه فاهم الموضوع اكتر

يلا

ربنا معانا كلنا

توكلنا على الله

بسم الله الرحمن الرحيم و به نستعين و عليه نتوكل

يا رب اكرمان ووفقنا






سلاااااااااااااااااام عليييييكم و رحمة الله و بركاته

الاحصاء دي ينطبق عليها

جالك الموت يا تارك الصلاة


وفعلا ربنا يستر


الحمد لله الامتحان النهاردة كان جميييييييييييييييييييييييييييل ولذيذ ورخم كده


هههههههههههههههههه


بجد السؤال التاني كان تبت وخصوصا رقم اتنين شويتين


يللا الحمد لله

اتوقع من 15 لفوق ان شاء الله


ونقول يا رب


اما الاحصاء


فهأحاول الم فيها اي درجات علي اد ما اقدر


بس لما افضالها

ومشكلتي اني للأسف ما بذاكرش يوم ما برجع من الامتحان


يللا الحمد لله


شدوا حيلكم

وعلي فكرة دكتور محمد وحيد كان نجم الجامعة النهاردة


الكل عمال يجيب في سيرته والخوف من امتحانه


الا صحيح

اخدتم بالكم من خ ع اللي في ورقة الاسئلة؟؟


اصلنا قعدنا نحاول نترجم معناها

بس في الضيع كل الكلام اللي قولناه

طب الحمد لله ان الزهايمر كان فى الذاكرة الفنية بس هههههههههه

بس الحمد لله التامين كان كويس

بس انا زعلانه على التخلف اللى نزل عليا ونسيت ( اربع ) الانحراف

انتى فهامانى طبعا يا ندى ويا مها هههههههه

بس الحمد لله الامتحان كان حلو وربنا معانا كلنا ان شاء الله فى الامتحانات

ويبعد عننا الزهايمر

هههههههههه
طبعا يا قمر

ههههههه شكل الشعب المصرى كله قالهالك يا دودو ههههه

ما انا برضه كنت ناسيه اول عنصر من عناصر الخطر اسمه قيمه و لا درجة الخسارة ههههه
و بعد ما كتبت قيمة مليون مرة اعدت اشطبهاله

و اللى ضحكنى ان نسمه كانت بتحكيلى على انها بتتريق على ولد كان بيغشها على انه شكله مش عارف اى حاجة هههههه

كان شكلى وححححش

بس شفتوا يا بناتيت
بعد ما سبتكوا و انا مروحه لقيت مصطفى اخويا اللى بيتصل يشتمنى بيتصل يطمن عليا
مصدقتش نفسى و كنت هعمل فرح فى المترو
و جبتله شكولاته
و ماشيه منشكحه بقى

اول ما ادخل البيت الاقيه بيقولى معلش اصل تيته جت هنا و قالتلى اتصل بيكى

يا خسارة الشكولاته هههههه

اخواتى دول مش معبرنى خالص
و التانى اتصل بيه ميسالنيش حتى عملتى ايه
يلا يمكن كان مشغول

انا زعلانه منهم

بس يلا بقى مش مشكله
بحبهم برضه
مع انهم بيشغلوا التلفزيون و افلام بموت فيها و مش بعرف اذاكر منهم كمان

بس بقولكوا هو ينفع الواحد يذاكر احصاء وهو بيتفرج على فيلم حب البنات هههه
عل اساس ان حنان ترك كانت معيدة احصاء فى الفيلم يعنى ههههه




يلا
ادعولى

سلااااااااااام عليييكم و رحمة الله و بركاته